川味雞烤魚大王 (大河道)

營業中

休息中

今日同朋友去荃灣食烤魚打邊爐，出左荃灣站經天橋直行大約７-8分鐘就到，都好方便！餐廳門口招牌係霓虹燈管整成，好搶眼易認😄 今次我地叫左兩個小食，烤魚同加左幾個火鍋料😋涼拌蒿荀 涼拌土豆絲✨兩款都叫左小辣，口感爽脆，酸辣做到岩岩好， 加上酸酸辣辣十分開胃，食唔停口😆剁椒海鱸魚✨魚我地揀左中辣，上到枱香噴噴，亦估唔到都幾大條，海鱸魚本身冇乜骨，魚肉結實口感嫩滑一ｄ都唔腥，而辣度都岩岩好唔會太辣，大大啖咁食滿足，而鍋入面仲有薯仔等等其他配料，索晒d湯好惹味👍🏼佢地既火鍋料都係性價比高，生菜好新鮮，生食都好甜，食左咁多肉食d菜感覺冇咁油膩。雪花肥牛如豬腩片肉味濃，肉同油脂分佈比例平均，要試👍🏼👍🏼👍🏼

自從生完V小妹就無再食過烤魚😞因為烤魚俾我印象就好似要辣先好味！對於一個無辣不歡嘅我黎講🌶️今日終於對烤魚有另一睇法！😍😍原來唔辣嘅烤魚仲好味，因為唔會俾辣味掩蓋咗魚味，俾到驚喜我呀！- 𝗪𝗛𝗔𝗧 𝗪𝗘 𝗢𝗥𝗗𝗘𝗥 - (3大1小)•酸菜烤魽魚•完全俾到驚喜我！無諗過唔辣嘅烤魚都可以咁好味😋魚肉鮮嫩，加上酸菜同芽菜令魚味更出！而且我地叫嘅係魽魚，非常大條，仲啖啖肉，非常啱V小妹食！•火鍋配料 - 生菜｜薯粉｜冬瓜｜肥牛•主要叫左一堆索湯汁嘅配料，因為個湯底用黎打邊爐好惹味！尤其個薯粉😍•串燒 - 花枝丸｜川烤脆豆卜•呢個係為V小妹而叫😂佢見到人地食串燒就即刻話要食！初初我都以為會有少少辣，點知原來唔辣，仲好香脆惹味，個豆卜食到「卜卜」聲#mamim #v小妹 #hongkong #hk #香港 #香港好去處 #香港特色 #成長日記 #親子 #親子日常 #子供 #親バカ部 #こども #女の子 #成長記録 #育児 #4歳 #香港美食 #香港遊 #荃灣 #荃灣美食 #烤魚

川味雞烤魚大王（大河道）是一家位於荃灣的川菜餐廳，專門提供正宗重慶美食和火鍋。餐廳地址是荃灣大河道91號天保大廈地下F1號舖，距離港鐵荃灣站A1出口步行約8分鐘。餐廳以香麻辣烤魚和藥膳雞煲聞名，所有香料均由重慶直送，確保了地道的味道。餐廳還提供多種特色小菜，如招牌口水雞、重慶麻辣雞煲等。//魽魚（特大）$288用魽魚（特大）來製作。這種魚肉質細嫩. 無骨。烤魚的外皮經過烤制後變得酥脆金黃。而內部的魚肉則保持細嫩多汁。越滾越入味。散發出濃郁的香氣，讓人食指大動。泡椒烤魚有酸辣的口感。泡椒的酸味和辣味能夠很好地滲透到魚肉中，使得每一口都充滿了刺激的味道。這種口味特別適合喜歡重口味的朋友。//鮮蝦水餃每一口咬下去都能感受到內餡的多汁和鮮美，特別是蝦仁的彈牙口感。//魚蛋魚蛋的口感非常彈牙，咬下去有一種Q彈的感覺。新鮮魚肉製作，帶有自然的鮮甜味。//新鮮豬潤口感非常嫩滑，入口即化。爽脆不會老柴。//娃娃菜$33新鮮清甜。吃起來脆嫩爽口，比大白菜更加細膩.//聖瓜聖瓜帶有自然的鮮甜味，清新怡人

考完試同同組同學仔黎個聚餐先前係大圍食晏試過烤魚覺得唔錯見荃灣都有今次試邊爐叫左半隻花雕醉雞窩$188好香花雕酒味~滾起店員會幫忙落雞件雞件肉質鮮嫩入味~雞脾雞翼雞腳咩都有半隻雞份量都好多~串燒叫左三款：燒牛舌$18~好香孜然味~夠腍羊肉串$18~騷味唔會太重~唔錯五花腩肉$12~夠惹味好邪惡飲品：藍妹$35~同學話食串燒梗係要啤啤佢雪梨海底椰$18~我就飲番d滋潤既潤潤喉另外再叫左黑毛豬肉片$68~油脂分佈幾平均~唔會太肥肉質緊實魚腐$56~有餡食落有層次鮮蝦水餃$68~皮薄爆餡~蝦夠爽口蝦滑$78~蝦滑面頭有蟹籽~蝦滑鮮甜彈牙新鮮雜菜$35~幾新鮮綠油油~3個人食左$6xx，幾抵又可以吹下水店員好nice唔會催我地走上菜快無漏單~

講起川味雞，真係有好有唔好喎！🤔首先講好嘢先，烤鯇魚真係比較少見，佢哋嘅烤新鮮鯇魚真係抵食到爆！💥🐟 啖啖肉冇泥味，兩個人食大邊鯇魚啱啱好，真係過癮！😋👍 不過要留意鯇魚唔係成日都有㗎，最好打去舖頭問清楚先好去，免得白走一趟。📞🙏但係講真，除咗烤魚之外，其他嘢就真係麻麻地啫。😕 啲小食同其他菜式味道一般，仲要價錢偏貴添，份量又唔多，真係食完都唔知食咗咩。🤷‍♂️💸個環境就真係好一般到冇朋友，勉強算係衛生，對環境有要求就唔適合去🧼🙅‍♂️ 飲品都唔平。🥤😑如果你係為咗烤鯇魚而去，咁真係值得一試。🐟👍 但係如果你諗住去食其他嘢，咁就真係要諗清楚先喎！🤔💭總括嚟講，川味雞就係一間專攻烤鯇魚嘅餐廳。🍽️ 去嗰度要抱住食烤魚嘅心態先啱，咁先唔會失望囉！😉👌我自己都係專登去食烤鯇魚嘅，其他嘢就當睇唔到啦！🙈 如果你鍾意烤魚，又唔介意個環境麻麻哋嘅話，咁就可以去試吓囉！🐟🥳 如果想食烤鯇魚記住要打電話問清楚先，免得白走一趟啊！📞😅

天氣最近熱，但無損我夏天打邊爐既想法(香港人最鐘意開住冷氣打邊爐 ༘）決定收工兩姊妹係荃灣食椰子雞川味雞烤魚大王係大河道當眼位置見到menu選擇都多，有雞煲同烤魚 價錢唔算貴走入去坐低覺得好夠冷氣「爽💦 」🔺椰子雞煲 半隻 $188湯底材料幾足，用椰青做湯底打開蓋已經聞到好香椰子味🥥✨仲有好多補血大紅棗、杞子、龍眼肉、椰子片半隻既份量已經好夠兩個女仔食雞件口感嫩滑唔會嚡口可以唔洗點醬汁，食原汁原味都得 個湯清甜無比又重椰味🔺田園雜菜 $35一次過有齊3款菜 娃娃菜生菜同油麥菜可以解膩兼索湯既精華 🔺珊瑚蚌 $88珊瑚蚌好爽口彈牙，口感好好味道甜甜地帶鮮味 🔺芒果沙冰 $26夠哂凍又好重芒果味唔會係死甜，一路打邊爐一路飲爽歪歪✨🔺大大杯凍檸茶 $26大大杯凍檸茶是火鍋好朋友茶底好濃

近排成日去荃灣覓食，一於約下住荃灣嘅 frd 去食嘢 🤓 然後佢就帶咗我去呢間食烤魚同埋打邊爐～🔸酸辣泡淑原條魽魚一上嚟就聞到好香泡椒同孜然粉味 🤩 個 frd 推薦原條魽魚話最少骨，又真係冇咩骨，魚皮烤到好焦香，魚肉好鮮嫩，煲底有蘿蔔、紹菜、豆芽、薯仔同埋酸菜，重點係條魚好大條！叫 BB 辣愈食愈辣好好味 😍🔸黑毛豬肉片一啲都唔韌，仲有好香嘅豬肉味 👍🏻🔸寬薯粉好有咬口，口感煙煙韌韌好Q彈，加埋個酸辣湯底好好食 😋條魚比想像中大條，同埋本身都有唔少配料喺入面，好彩一開始只係叫咗兩樣嘢，如果唔係嘅話一定食唔晒 😂

做完野經過川味雞烤魚店門口🐡被香味帶領下💨走入左小店😂就系咁坐底左食烤魚👅小店格局座位唔多～不過夠乾淨👍🏻呢間烤魚🐟仲🉑以食雞煲🐔🐔🐔今餐試左條特大麻辣魽魚～🐡麻辣魽魚就系呢個麻辣香氣會令人不停流口水🤤今餐試左中辣🌶辣度剛好唔會搶喉～麻香味亦夠足😋魽魚既魚肉夠哂嫩滑🌀無咩細骨剌👍🏻夠哂啖啖肉再追加了蜂巢豆腐同幼薯粉🍲兩樣配菜吸滿湯汁夠哂美味👍🏻另外韭菜餃饀料十足，成粒餃都飽飽滿滿，入口爆汁

用餐時間（7:29pm dinner）前菜叫幾個串燒先串燒蒙古羊肉串$18 香濃羊肉味，一口啖啖肉，啱晒愛羊之人 🐑 五花腩肉$12 薄薄花腩肉燒到好脆，而且油香🐽 川燒豆乾$12 豆乾表面灑上一層辣粉，好惹味涼拌雲耳$32 爽脆雲耳配合靈魂醬汁（香蔥、雲耳、重蒜頭、薑粒、辣油芝麻） 令人回味無窮，勁開胃❣️醬料區乾淨衛生，佢會用膠蓋冚住，真係好少地方會做到咁。重慶麻辣雞煲（半隻）$188用芫荽、大蔥、青椒、洋蔥、紅蔥頭、乾辣椒、花椒、薑起鑊，兩個人雞煲叫半隻雞，個人鍾意佢放大量蔬菜，索晒啲雞煲醬汁，好濃味，雞件算大件靚仔。火鍋配料點少得特級雪花肥牛（細份）$108 花紋好靚，肥瘦適中。自製韭菜餃$58 粒粒飽滿，食材餡料好新鮮，老闆娘話大部份餃子都係自家製👍🏽墨魚滑/ 蝦滑雙拼$82 墨魚同蝦兩種海鮮滑一次過試晒，鮮味無窮。油麥菜$33 好少地方啲蔬菜會洗得咁乾淨，要俾個叻佢。萵筍$42 吸晒湯底嘅味道，同炸魚皮$35 一樣都係食雞煲打邊爐必嗌之選 🥬靚女老闆娘好友善好好傾☺️ 下次會再嚟食飯試埋個魚

打邊爐同工作一樣，四季皆宜，所謂口停手停，唔食好啲就會冇動力做嘢㗎啦荃灣呢間烤魚店，其貌不揚但幾有料平時食烤魚都係揀開海鱸魚，店長話魽魚會冇咁多骨，平時返工都食開豬頭骨，今次就試吓少骨嘅快感果然魽魚魚肉比較滑，骨真係好少，啖啖都食得好爽，如果同事講嘢好似條魚冇乜骨就好喇魚中間仲好好大粒魚卜，勁有嚼口。酸菜湯底非常特別，大胃之母係咁飲，豆腐勁滑溜食烤魚要加料，薯粉係不二之選今次試幼薯粉，索湯滾熟比較快，食盡湯底滋味頭先食一隻魚卜唔夠喉，加多份魚卜，好彈口，好大隻除咗烤魚，呢間嘅串燒都好有水準，而且好平，牛脷都唔使廿蚊，而且好香口好腍五花腩都好大塊，燒到好脆口，又不失肉質飽滿大胃之母嘈住要飲酒，大胃就叫佢忍口，唯有嗌杯益力多沙冰俾佢頂喉，估唔到幾大杯，消暑解渴好唔錯

川味雞烤魚大王📍荃灣大河道91號天保大廈地下F1號舖早幾日約咗朋友一齊食飯，餐廳雖小但座位唔擁擠，幾適合同朋友一齊聚餐。我同朋友都鍾意食魚，所以叫咗原條魽魚，魚都幾大條，味道揀咗重慶麻辣bb辣，唔會好辣，少少麻幾過癮。魚質滑嫩彈牙，幾好食。另外再嗌咗幾碟嘢淥嚟食。特級雪花肥牛油脂分布平均，幾有肉味。火焰芝心包啲芝士都唔少，幾正。香濃黑松露餃唔錯，黑松露味聞落唔會太強烈，食落幾好食。炸魚皮一大碟，脆卜卜。

川味雞烤魚大王位於荃灣大河道91號地下係荃灣站經天橋直行，大約10分鐘左右有條樓梯或電梯落地下，直到店舖餐廳門牌係霓虹燈管，在黑夜中好搶眼入到店內冷氣夠凍，有梳化位相當寬，每檯都有電磁爐，保持食物溫度老闆娘招呼我們入座後，攞餐紙推薦鉗魚$288可以選麻辣，剁椒烤魚，泡椒烤魚，酸菜＜大中小BB辣＞我選擇左剁椒烤魚揀BB辣辣味輕微更多香辣滋味鉗魚煎到外皮香脆放係湯汁中水煮就食得鉗魚肉質滑，沒有骨可以叫啖啖肉配菜有土豆片，蛙蛙菜土豆片非常粉蛙蛙菜索晒湯底越食越香辣益力多沙冰$26一枝益力多製成真材實料解辣一流

好耐無食烤魚了，食落又幾好味🤤海鱸魚原條 ：海鱸魚會用方形盤盛上，放喺Gas爐上，係魚身仲鋪滿一大堆搶眼紅色嘅辣椒乾、望到都流口水🤤配菜仲有酸菜、芫荽、腐竹、唐芹等，魚骨少肉嫩之選😍餓條魚都係即叫即烤😚😚所以魚肉係好嫩滑而骨又好少😊如果細食既女生可以要半條既魚（有分大邊同細邊）餃子🥟有特別既味道，特地叫左黑松露試下🤩又真係好重黑松露味呢！川味雞烤魚大王 (大河道) 📍荃灣大河道91號天保大廈地下F1號舖

又來荃灣搵食了🥰今次想食烤魚！巴士站在大河道一落，走了幾步，就被這小小店家門外的霓虹燈吸引！當時飢腸轆轆的我們，二話不說就走進去！餐廳：川味雞烤魚大王 (大河道) 📍荃灣大河道91號天保大廈地下F1號舖📞24190007🥢酸菜烤魚（原條魽魚，無辣）$288烤魚上得好快！待烤魚盤滾起來，煎魚香氣的誘惑誰能抵擋得住😍！店家介紹，原條魽魚比海鱸魚更大條、更少骨刺、肉質更滑。貴$20左右，我們當然選擇前者！我們選的是酸菜烤魚，真的好大條！啖啖嫩肉配埋烤香了的魚皮放入口，香脆嫩滑，滿足得頻頻點頭🥰除了烤魚是主角，酸菜、豆腐和蘿蔔在烤魚盤中一起翻滾，風味十足！豆腐還好滑溜呢！雖說很大一盤，我們兩位女生也食到停唔到口！另外，我們還加點了配菜：🥢香脆黑松露餃$78🥢竹笙$58🥢油麥菜$33🥢闊薯粉$30真的來個大滿足！菜葉新鮮脆口，中和油膩感；竹笙又好爽口，可以索滿烤魚湯汁🤤。✨黑松露餃是另一主角！餃肉飽滿，帶著黑松露香，香脆惹味，雖然滿滿一盤，真是好多，但我們兩個人也清光。黑松露餃是這兒小食的特色，一定要點！

川味雞烤魚大王🐟 酸菜烤魚（魽魚）$288這道酸菜烤魚以魽魚為主料，魚肉鮮嫩，烤製得恰到好處。配以酸菜的酸爽清新，每一口都帶來滿滿的享受。酸菜的風味與魚肉完美結合，呈現出一道令人難以忘懷的美味佳餚。這是絕對值得品嚐的招牌菜之一。🍡 貢丸$48雖然貢丸通常是作為配菜，但這份貢丸同樣令人驚艷。貢丸彈牙有嚼勁，味道鮮美。搭配上酸菜烤魚或其他菜品，能夠增添整餐的豐富度和層次感，絕對是一道值得一試的小吃。📍 地址：荃灣大河道91號天保大廈地下F1號舖