影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
觀塘東廣場開左新店啦🌶️川婆婆ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝⸝♡川婆婆🌶️又開咗新店係觀塘東廣場除咗佢哋招牌嘅人氣川菜系列之外❤️🔥今次見到佢哋推出咗特色雞湯系列🐔🧡花膠雞湯米線$68花膠都大大塊 口感都夠滑✨白切雞都比得多 而且啲雞都幾入味！食落帶點鹹香味道 雞湯都幾濃郁～另外仲有加入紅棗、杞子 非常養生❣️💛藥膳黃酒雞米線$62呢碗除咗有濃郁嘅雞湯之外 仲加咗少少黃酒飲落有少少酒香 同樣都有好多件雞呢碗仲額外加咗兩個餸🫶🏻包仔豆腐($8)食落夠滑 雪花牛頸脊($18)粉嫩牛味濃🐮我揀左寬薯粉 食落Q彈有嚼口 勁飽肚✨🩶涼拌皮蛋皮蛋晶凝通透 加上芝麻、蔥、花生仲有麻辣味十足嘅秘製辣油 好惹味🌶️仲有得自選辣度 我就淨係揀左BB辣姐👅⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚📍川婆婆（東廣場分店）觀塘東廣場1樓109號
繼續閱讀
觀塘係8:30pm 其實都無咩餐廳選擇，行經川婆婆，見到網上評語唔差，決定一試叫左招牌酸菜魚+ 幼薯粉。 本身擔心會唔會薯粉就咁烚落去之後會無味… 所以猶豫咗好耐叫飯定係叫薯粉好，最後決定一試薯粉😂叫左微辣，湯底味道濃，與配菜同薯粉都好夠味，識落唔似烚完就咁倒落去個湯底嘅感覺，值得讚魚夠滑，無骨，唔會hea你得幾舊，絕對係有誠意另外驚喜嘅係冇諗過有咁多配菜… 有海帶，百頁（？） 加埋成碗野份量好多。$75 左右（酸菜魚，另外加飯或者粉要再加$5） 算係幾抵食！
繼續閱讀
天氣涼咗，就應該食下湯麵暖下啦☺️今次去川婆婆度食<酸菜魚米線>💓都幾大碗，差D食唔哂🫠湯底可以選辣度😊唔食得選BB辣都🆗魚肉幾新鮮，好嫩好爽口，無骨，而且份量都唔少😍仲可以加芫荽同炸蒜頭碎，好開胃😌😌
繼續閱讀
東廣場好多嘢食，之前只係識地下嗰層食，原來上一層都有好幾間餐廳呢間川婆婆好多人幫襯，見有好辱無食嘅酸菜魚，一於試試🥢招牌酸菜魚 $68酸菜魚都幾多，質地爽口，唔算好辣幾惹味，另外仲有大荳芽、海帶絲、豆皮、寛粉、娃娃菜，好豐富自己另加咗響玲、生根，吸晒酸菜魚湯好好食😋🥢招牌牛肉粉揀咗牛爽腩、牛肚、牛丸、加埋豬腸，簡單好食，燜得入味粉麵都有得揀，一定啱食🚩川婆婆 (觀塘廣場) (觀塘) @chuan_po_po 📍觀塘開源道68號觀塘廣場地下G24-G25號舖
繼續閱讀
今日晏晝一個人搵食，想食熱辣辣嘅面，我諗起川婆婆湯底唔錯，所以行咗去觀塘廣場搵食，嗌咗酸菜魚寬麵，非常大碗，湯底冇得叫走辣，唯有叫少少辣，不過都係有啲辣，不過還可以。魚肉嫩滑爽口，幾新鮮，份量仲好多，其他材料配有大豆芽、娃娃菜、海帶絲、紅薯寬粉、豆皮，最後都食唔晒。食物係唔錯，但係服務就一般，飲品上面都唔細心。飲品只有凍飲提供，如果飲水，要買支裝水。正值身體唔舒服，唔適合飲凍嘢，既冇熱飲選擇，亦都冇水提供，唯有食完之後出去自己買啦。
繼續閱讀
您可能會有興趣的...