川川辣辣

營業中

休息中

作為中國的四大菜系之一, 川菜麻、辣、鮮、香的風味, 確是令人垂涎三尺。這間主打川菜的茶餐廳位於天水圍T-Town, 環境清潔, 菜式有很多選擇。招牌酸菜魚 大大碗好有份量, 魚肉嫩滑鮮甜, 少少辣湯底酸香惹味, 酸菜的酸味與魚肉的鲜味互相配合, 加上辣椒和香料, 形成令人開胃的酸爽口感。蔥油雞半隻雞肉鮮嫩香滑, 蔥粒和醬汁適度的鹹甜調味, 蔥油的香氣與雞肉結 合, 帶來濃郁的香味, 讓雞肉表面 有一層油潤感, 吃起來甜香順滑,口感相當豐富。 菠蘿生炒骨 排骨肉質鮮嫩, 充滿油香, 配以甜酸的菠蘿, 加上爽脆甜椒, 相當開胃。

上星期放早班，和久違的Sikky相約天水圍一聚，連同嘉嘉都一起去，估不到小朋友都食到川菜，利害。我們去了一間免加一的餐廳，就是川川辣辣。餐廳在商場裡面，環境乾淨舒服，上菜速度都頗快，各款特色川菜可以叫，大中小辣隨意改，滿足不同客人的味蕾辣度需求。水煮魚$188一大盤鮮紅色的辣油湯底，未食先興奮。魚片嫩滑可口，切到薄薄的，沒有一根魚骨，食得很盡興。裡面的芽菜、雜菇、紅薯粉份量亦相當多。光是一盤水煮魚，已經食得好飽。辣中帶麻，食完會有回辣感，正宗風味。重慶口水雞$78雞件肉質滑溜溜的，連皮食都不感肥膩。辣度滿意，食完會想追加的一款菜式。糍粑$38外層微微的硬脆口感，裡面帶有軟糯特色，黑糖風味，頓感滋味。菠蘿梳打水$24 冰涼爽快，小朋友至愛。飲到不停口。招牌紅豆冰$24 超級多紅豆，眼看都有半杯紅豆，份量超足，很有誠意，超級抵飲。白飯$10

新界都有不少川菜館，今晚同事帶我在他家附近吃麻辣。去到發現環境開揚，裝修新派，冷氣剛好，坐的位置蠻舒適的。涼拌萵筍絲記得從前往內地吃飯都必須點上，一上桌有麻油香，加上蒜蓉粒，吃上口時不會很油，碧綠的賣相，口感脆身，清新精緻。招牌酸菜魚好大的一鍋，先來一口酸菜，爽脆甜酸也不俗，開了不少胃口。魚肉滑溜，出手闊綽，份量大方，又無骨。整鍋加了麻椒乾辣椒🌶️芝麻萵筍菇菌芽菜寬粉等配料，吃起來格外刺激。川川辣辣香鍋香鍋舖滿大量乾辣椒，紅噹噹的上枱，材料主要有豬大腸香蔥芹菜魷魚椰菜花蝦仁蒜蓉芝麻豬腩肉和午餐肉等，一碟有齊多樣食物，可以滿足大家喜好。入味之餘又較上一道辣，口味濃卻不油膩。食後感：今次叫的幾樣餸賣相亦好，完全不輸內地呢！

之前同朋友去咗天水圍嘅川川辣辣，經濟又實惠😋🌶️## 金沙蝦球 ($108)首先上場嘅係金沙蝦球，外表金黃酥脆，蝦球用新鮮大蝦製作，咬落去彈牙得嚟仲有濃郁嘅金沙味，香氣四溢。每一口都能感受到蝦肉嘅鮮甜，配合金沙醬嘅鹹香，真係好過癮！🦐✨瑞士汁雞翼 ($40)跟住嚟個瑞士汁雞翼，雞翼炸得外脆內嫩，皮薄肉厚，淋上特製嘅瑞士汁，味道香滑，帶有微微嘅甜味，令人一口接一口。這道菜的調味非常均衡，既不會過於油膩，又能夠帶出雞肉的鮮味，簡直係開胃之選！🍗😍糍粑 ($38)甜品方面，糍粑真係唔可以錯過！外皮煎得金黃香脆，裡面嘅糯米餡料軟糯綿密，咬落去有種Q彈嘅口感，搭配上撒嘅黃豆粉，香氣四溢，甜而不膩，令人回味無窮。🍡🤤酸菜爆炒肥腸 ($88)最驚喜嘅係酸菜爆炒肥腸，肥腸經過精心處理，口感爽脆，完全冇腥味，配合酸菜嘅開胃酸香，兩者相得益彰，令人胃口大開！這道菜嘅辣度適中，配合酸菜的酸味，真係一個完美嘅搭配！😋🥬鴨屎香烏龍茶 ($28)飲品方面，我揀咗鴨屎香烏龍茶，茶香濃郁，清香回甘，飲落去非常解渴，特別適合搭配辣味菜式，讓人覺得清新又舒爽！🍵👌馬拉蓋炒通菜 ($68)最後嚟個馬拉蓋炒通菜，通菜炒得剛剛好

天氣稍微冷了一點點，就讓人很想吃惹味的川菜！剛好又來到天水圍這個街坊商場T town，就決定了來吃這間川川辣辣，餐廳提供了各式各樣的川菜、小炒等等！另外，餐廳光線充足，環境整潔舒適～招牌酸菜魚(小)💰HK$188魚片份量多，魚肉肉質嫩滑得來又沒有魚骨 ！湯底的酸味和辣味亦恰到好處，底層還有多款不同的配菜，有萵筍、芽菜、菇類和薯粉等等，口感十足～避風塘大蝦💰HK$108避風塘大蝦有鑊氣，蝦肉爽口彈牙，香辣惹味的調味料亦讓大蝦的鮮味更加突出～麻婆豆腐💰HK$68豆腐口感嫩滑，豬肉碎亦釋放出一種鮮甜的肉香味，味道麻麻辣辣的，非常之好下飯～白飯💰HK$10吃了這麼多惹味的菜式，白飯當然是不可缺少的～可樂💰HK$16所以說，在天水圍想找一家環境舒適，價錢又合理的川菜館，川川辣辣真是一個很不錯的選擇呢👍🏻～

今日一人之境去天水圍晚餐！係t town 行黎行去，最後決定食呢間川川辣辣叫左酸菜魚配飯！果然同鋪頭名一樣真係辣辣，不過本人唔算食得好辣，所以第一時間都夾起d 辣椒先😂魚係滑，同埋個湯辣得黎係好香！呢個份量啱晒一個人食！

天水圍T town新開了一家川菜 裝修新淨企理 價錢合理 晚市都不收加一服務費 實屬難得招牌酸菜魚做法正宗 湯底鮮香麻辣 很下飯 魚片鮮嫩沒刺 小孩老人家都能安心食用 酸菜爽脆開胃 本人不怎麼喜歡酸菜 但這裡的酸菜不會醃得過咸過酸 就算不太喜歡吃酸菜的也不會覺得難以下嚥裡面還有很多配料 比如金針菇 萵荀 紅薯粉 沒飯癮的話不用點飯也完全夠吃 另外我們點了川川辣辣香鍋 裡面有午餐肉 肥腸 蝦 五花肉 椰菜花 魷魚 非常豐富 選擇困難症的朋友點這個就對了吃辣又怎能少了冷飲 這裡有兩款不同茶底的檸檬茶 一款配鴨屎香烏龍茶 另一款配茉莉雪芽綠茶 前者茶味更突出 後者淡雅而帶花香 兩款都很好喝

呢間 屋苑商場內的 川菜小館也能做到 百菜百味. 毛血旺、酸菜魚都好正Encore 辣子雞丁lu椒鹽鮮魷 正常發揮乾扁肥腸 夠乾身油香濃烈辣子雞丁 尋寶咁好好玩蔥油雞 牆裂推介小菜只幾拾圓起、覺得性價比十分高了人均消費只$150内、唔貴的#川川辣辣 頌富 T-Town

#川川辣辣 餐廳位於天town 二樓，由輕鐵站步行3分鐘左右就到，餐廳環境闊落，平日晚上七點都八成滿。眼見唔少街坊幫襯。招牌酸菜魚（例）$188酸菜魚除了魚片同酸菜，仲有薯粉、金菇、芽菜等配料。湯底夠濃郁，可選辣度，口感順口。且魚片相當肥美鮮嫩，並冇任何絲骨，酸菜亦爽脆。令人食慾大開。份量足夠二人分享。蟲草花蒸滑雞（半隻）$118製作需時大約半小時，蟲草、杞子味道鮮甜，份量有半隻雞左右，肉質唔鞋口，有香濃藥膳味道！食完身體暖笠笠，又無味精，感覺好養身❤️招牌紅豆冰 $24紅豆綿蜜香甜，椰汁味醇香，甜度適中，解辣一流！白飯 $10整體食物質素，價錢，份量，服務態度，水準十足！難怪有唔少街坊幫襯。

天水圍 T-Town嘅川川辣辣，見門面光鮮店內都幾整潔，就決定入去試下試過先發現餐點味道唔錯，而且亦有唔辣嘅菜式可以選擇，值得一試👍🏻🐟招牌酸菜魚(大) $288大大盤酸菜魚，視覺效果好震撼😍盤上鋪滿辣椒蔥花，菊花花瓣尤為搶眼，賣相一流魚肉處理得十分細心徹底，食落完全無骨魚片帶點魚皮，食落口感更加爽口彈牙😋整體味道酸酸辣辣，間中食到花瓣又會有陣陣花香甜味🌼除左份量十足嘅魚片肉之外，薯粉、酸菜、荳芽、萵荀等配料都相當好味🐮孜然牛肉 $88啱啱炒好就上菜，孜然香味撲鼻而來，聞到已經覺得相當吸引🤤牛肉孜然味濃郁，味道不會太咸肉質幾軟嫰唔硬，厚度大小適中，份量令人滿意洋蔥芹菜等配料亦相當出色，在孜然味中帶點微甜，伴飯一流🍚十分滿足而好味嘅一餐❤️

之前已經食過一次，覺得整體都唔錯所以決定二訪。一開始落單，侍應明顯唔熟手過程唔係好順利。落完單亦冇主動提供碗碟，要開聲問先識攞，感覺服務一般。我哋叫咗半隻蔥油雞，係上次食過覺得幾好而今次再嗌。結果佢哋拎出呢碟幾舊仔雞，我地問上菜嗰位男侍應，確認呢度係半隻雞？男侍應拎返碟雞返轉頭問，然後幾個侍應以及廚房內，成班人都話係呀係半隻。真係當啲食客係傻仔未出街食過飯。之後負責收銀嗰位唔知係咪女店長就走埋黎睇一睇碟雞，就話可能搞錯咗就收咗佢話幫我地睇睇。跟住再同佢啲員工傾完之後就返黎話係佢同事賣錯枱搞錯咗。其實賣錯枱呢個解釋係唔成立，因為你成間舖啲樓面連廚房望住嗰幾舊雞仔擘大眼講大話，堅持話係半隻。最後換返所謂半隻雞出黎，明顯都唔係一隻雞斬出黎，係左砌右砌嘅。但起碼都攞返隻大碟出黎堆返咁上下份量。儘管該女店長多次道歉，但對餐廳印象已非常差。企圖欺騙食客，搏人唔出聲。差👎🏻

今晚在天水圍用膳, 食吓家常菜。餐廳位於T - town, 地方闊落環境清潔, 提供中西式餐飲, 套餐和川菜小炒, 選擇都幾多。招牌酸菜魚 用料新鮮, 食材幾豐富, 份量十足。魚肉鮮美的味道經過烹製後更加鮮嫩多汁, 酸菜是招牌酸菜魚的主要調味材料, 使整道菜更加清爽開胃。加上蒿筍, 大豆芽菜和爽滑嘅寬粉, 配以蒜末, 薑末和花椒等調料, 增加風味和層次感。傳統回鍋肉 這道菜鑊氣十足, 回鍋肉經過煎炒後, 散發出濃郁的香氣, 豆瓣醬和辣椒的香味尤其突出, 豬肉片香脆肥美, 唔會有油膩感, 青椒, 椰菜大蒜等爽脆香口, 花椒的麻味使得回鍋肉更具風味。咸魚蒸肉餅 即叫即做, 蒸肉餅好滑溜, 實肉咸魚鹹中帶香, 魚肉好有質感, 咸魚能夠提升豬肉的鮮味 , 同時散發出獨特的香氣, 鹹度適中, 肉餅口感嫩滑多汁, 送飯一流。

間唔中都會好想試下唔同舖頭嘅川菜刺激吓味蕾，本身以呢間川川辣辣開喺商場裡面，價錢一定會好貴，但係見到晚市餐牌設有一人晚餐，而且價錢都好合理，於是就同朋友一人叫一個餐開心share下～惹味水煮牛(一人份)💰HK$99賣相睇落去好紅好似好辣，但食落口係微辣！牛肉係用咗鮮牛肉，牛肉軟嫩多汁，可惜嘅係肉嘅份量比較少～口水雞(一人份)💰HK$89雞皮爽滑，雞肉肉質有咬口！另外雞件面頭鋪滿咗充豐富調味料嘅口水汁，味道微辣帶有麻香，令人垂涎欲滴，用埋啲口水汁來撈飯都好正～

某天想在家附近揾間好吃既川菜，朋友介紹這間餐廳的出品不錯，地點便捷，坐輕鐵到頌富站步行5分鐘內就到。餐廳位置直上扶手電梯就到達，外在裝飾及燈光採用現代化設計，光猛明亮。作為打卡點亦非常合適。餐廳內在環境令人感到舒適，設計很入時雅致，座位設計非常闊落，周圍環境大體乾淨衛生，令人身處在高級餐廳用膳的既視感。我和另一半很快就決定吃什麼，作為川菜愛好友，水煮系列一定要點。這道水煮肥腸味道真的好捧，大腸煮得很入味辣度十足，口感柔軟。廚師處理技術很好，大腸有好好清潔沒有污糟的內容物，既保留了大腸的味道，肉塊切得比較大，喜歡啖啖肉的我地一口接一口，爽! 泡椒田雞很有鑊氣味，田雞的肉質非常滑，辣度十足，田雞份量很多有鮮味，隨手起碼夾起10多塊。配菜的茼萵片口感爽爽脆脆，非常下飯。尖椒皮蛋這道菜有驚喜，皮蛋種類選擇高質，皮蛋黃呈現流心狀態，入口即溶，蛋香十足。點綴的尖椒配紅油香香辣辣令人回味。野山椒土豆絲主打香口入味，馬鈴薯處理的技術不錯，切件比較粗留有一定口感，爽爽脆脆非常滋味。菜餚調味合適，山椒麻麻的口味愈吃愈過癮。金杯香水檸檬鴨屎香烏龍茶茶底很獨特，茶香、甜度合適。另一半挑了金杯香水檸檬茉莉雪芽綠

係呢間食超過20次 第一次係因為服務員態度好差而要寫第一個食評 叫咗酸菜魚少啲辣 但佢仲要比小辣我佢話佢哋嘅系統係咁 得小中大辣 叫少啲辣就直接幫我落小辣之前食咗超過20次 有個好好嘅姨姨店員都係會幫我走辣 打電話同佢哋建議問題 女店員仲要勁串敷衍了事 唔覺得自己有問題因為咁樣都真係好影響下一次會唔會再去食。。