川館 (大王東街)

營業中

休息中

今日天氣凍返想食啲辣嘢暖下身，刺激下，呢間係灣仔比較隱蔽嘅川菜館，感覺幾唔錯，係Bakehouse附近。《老壇酸菜魚》$238由於我哋兩個人所以嗌咗個細分，同埋辣度方面我哋揀咗小辣，呢個酸菜魚比較近似香港人口味，個人好鐘意，夠酸，魚片又滑又爽脆，分量好多，無論係酸菜薯粉同埋其他配料都比好多，如果下次有機會再食一定會大大份，因為啲魚好食到唔夠食🤣《樂山辣子雞》$138好耐冇食過辣子雞，呢度嘅辣子雞炸得啱啱好，唔會好乾，食落都仲有肉汁，而且辣度啱啱好，份量亦都好足，少少麻，好過癮好開胃。《麻辣菇菌牛柳粒》$178川菜館唔係成日有麻辣牛柳粒食，呢個牛柳粒做得幾出色，首先入味，如果送飯真係一流，牛柳粒好林，一啲都唔韌，同菇菌mix埋仲有菇香，好好味。 總括嚟講試咗幾個菜式味道都十分不錯，如果經開灣仔呢一頭靜靜地食餐飯呢間都係個唔錯嘅選擇。

新開既川菜小館，午市套餐包一碟前菜，當日係酸辣木耳，主食以外有一個白飯或者一碗油麵，價錢定位平民化，難怪長期滿座🤨▪️ 酸菜魚（7.5/10）💲78 (午市套餐)魚片係偏向爽口嗰種脆鯇，食落幸運地又無骨🐟仲會有掛汁既寬粉、菇菌、芽菜等，整體份量都真係算多🍲個湯有唔少酸菜，酸度足夠，其實小辣已經頗辣，不過就並非麻，同埋可以揀少油既😎▪️ 醉雞（6/10）💲68 (午市套餐)醉雞就失色得多，睇相都應該見到，雞皮唔夠爽滑，肉質亦都比較乾韌同鞋口😬🔎 整體評分（7/10）

今日收工之後去咗灣仔大王東街嘅呢間川館 餐廳簡直係漆黑之中嘅螢火蟲 營業時間去到好夜 環境闊落就算入面有幾檯客人都食緊 烤魚都唔會 好大煙 抽風系統唔錯我哋都唔執輸叫咗個蒜香烤魚 另加鴨血 土豆片 粉條 烤魚外皮先炸過 就算點煮都唔會爛曬 魚肉非常嫩滑用咗鉗魚去做 更加少骨鴨血份量都幾多 同埋舖豆一齊索曬湯底嘅味道超級野味 粉條煙煙韌韌 又滑捋捋蒜泥白肉 外型好靚 蒜泥白肉嘅豬腩片肥瘦適中 一啲都唔知肥 入面仲每嚿都包咗青瓜條十分有心思 上面嘅醬汁唔太辣蒜香味一流 仲甜甜地更加可以減低油膩感

我好鐘意食辣野經過發現灣仔新開川菜餐廳意想不到咁高水準！前菜 #尖椒皮蛋好易整 但調味要剛剛好就難通常會過鹹或太過辛辣但依碟食到辣味之餘唔會蓋哂皮蛋本身嘅味道#茶樹菇爆炒豬頸肉豬頸肉偏肥 肉質極嫩而且份量足茶樹菇炒得入味但又唔乾身#臭豆腐辣子雞 十分惹味係當日嘅推介菜式欣賞大廚諗到加入臭豆腐 同辣子雞好夾炸得整香脆 食唔停口仲夏夜之夢賣相非常靚 連冰塊都係紫色碟豆花對身體好有益 可一試整體黎講食物無論 賣相 味道都高分價錢合理 份量絕對飽肚真心推介比鐘意嚐辛辣朋友

近排唔知點解想食多啲唔同既菜式西餐已經少食好多 於是揀咗間川菜睇餐牌有烤魚 酸菜魚 水煮魚等等 都岩我口味‼️-🎏麻辣青花椒烤魚✨ 💰$318好難係烤魚同酸菜魚之間做取捨 2樣都想食🥲不過自知食酸菜魚多過烤魚 就揀咗後者一上枱未開爐已經聞到烤魚既香味😻有好多配料 豆卜蓮藕金菇芽菜 ((豆卜吸味真喺一流)) 魚肉都偏嫩滑 成條魚有兩隻手掌咁長雖然叫咗小辣 但青花花椒愈煮越食愈辣如果唔趕時間可以滾耐少少 等啲魚肉更入味-🎏酸菜肥腸✨✨ 💰$88無食到酸菜魚就由酸菜肥腸補數不得不讚酸菜真喺好出色🤫酸得黎帶點甜點 如果加碗飯 可以2碗thanks另外酸菜完全解到肥腸既肥膩 唔怕食到好漏-🎏北川涼粉 💰$58味道十分討好 亦都好香唔係普通辣椒+醋嘅味道 開胃一流🤤🤤-🎏清炒萵荀 💰$78份量多到喊出黎 好清甜美中不足就係多咗少少油🤏🏿

媽媽恨食烤魚，今晚帶她去湾仔大王東街新開的川館吃烤魚。店裝飾具中國風，座位寬敞舒適，店服務不錯。店主打川菜火鍋，有各式特色前菜如口水雞，夫妻肺片，小炒，烤魚，水煮魚，酸菜魚，雞煲，香鍋等。我平時去川菜館多選麻辣菜式，但為了遷就媽媽的口味，今次便選少麻少辣的菜。今日不吃招牌口水雞，改吃醉雞。醉雞有水準，雞肉調味佳，酒香濃，雞肉入味，是個美味的前菜。媽媽愛吃螞蟻上樹，粉絲和豬肉粒和芹菜粒炒得香，很夾味，粉絲爽口不油腻，熱食和放涼食同樣可口。主角蒜香烤魚無得彈，大大條烤過的鉗魚肥美鲜甜，肉嫩骨少易食，魚浸在美味的湯汁中一路加熱一路吃，好滋味! 配菜也很豐富，豆卜，蓮藕，金菇，大豆芽，大蒜和炸過的蒜頭都好吃。媽媽大讚好野。雖然好飽，也忍不住吃埋紅糖糍粑。炸好的糍粑洒上黃豆粉，沾些糖醬吃又香又糯又甜，好味道!今餐吃得好滿足，下次再來試其他菜式。隔離枱四個洋人吃酸菜魚和其他麻辣川菜都吃得津津有味。

通關無期，慶幸香港還有正宗風味的川菜讓我一解辣癮辣椒是川菜中不可缺少的作料，紅、暗紅、黑色自然地成為川菜館裝修設計中的元素店內空間蠻寬敞，除了大紅燈籠外，磚牆上還掛有中式戲曲的掛畫可自行以二維碼下單，大部份菜式都可挑選辣度前菜口水雞香料味紛陳，層次豐富，調味恰到好處，麻及辣兼備，鹹甜得宜雞肉肉質軟腍，雞皮爽滑，不會過肥尖椒皮蛋入口是香滑軟嫩的皮蛋香，一下子麻辣後勁整個上衝口味比較重的皮蛋和清香的辣椒配合，輔之以蒜泥，口味鮮香而豐富香鍋麻辣小龍蝦蝦殼酥脆蝦肉Q彈，麻辣鮮香，重口味調味的香料完全吸收於蝦肉內，入口時具豐富的香辣味道，齒留鮮香讓人欲罷不能川館小炒乾煸肥腸煸得香脆，配料紅辣椒和青辣椒也沾了肥腸的香色澤深紅、筋韌辣香、Q彈肥嫩吃起來完全沒有腥味特飲柚子梳打非常清新又不會過甜，解辣一流青島啤酒色澤淺黃，具有清新的酒花香味，苦味適中，口味醇和

📍川館 🥢灣仔大王東街3號大旺樓地下B號舖-----喺泰國返嚟之後腸胃一直麻麻哋，有一段時間冇食川菜，今日終於忍唔住去食返餐久遺嘅酸菜魚。餐廳位於人來人往嘅利東街隔離，人氣頗旺盛，唔少街坊、外國人等等都過黎幫襯，服務員態度亦不錯，用餐環境溫馨舒適。🐟老壇酸菜魚-大$358🐜螞蟻上樹$78🐥口水雞$108酸菜魚湯汁酸味恰到好處，辣度可以自選，小辣已是勁度十足，卻又辣而不嗆。魚肉爽彈，配料味道上佳。薯粉煙煙韌韌、酸菜脆身而不過鹹，自帶少許甜味，加上索汁入味金針菇，高質口水雞辣香惹味，雞件滑溜，配搭香口花生，整體調味不錯。不過同樣係小辣，口水雞嘅辣度就明顯比酸菜魚低。全晚嘅高潮所在，竟係名為螞蟻上樹嘅肉末粉絲。簡簡單單，肉碎、蔥花、醬油等等，沒有任何花巧嘅材料，卻令人一食傾心。粉絲乾爽唔油膩、味道均勻、醬油鹹中帶甜，加上少許肉脂香氣，樸實無華但又令人迷上，會為咗呢個粉絲而回頭再黎。

位於灣仔的四川菜館，各類型的四川菜式都有，包括小菜、飯麵、烤魚、雞煲、麻辣香鍋，還有火鍋，以及傳統的四川甜點。食物質素高，集麻、香、辛、甘、鹹、酸傳統風味，誘發不同層次的辣度，有特色。前菜：口水雞雞肉鮮嫩，連著雞皮，麻麻辣辣，加上花生碎，嘴巴越來越麻痺了。前菜：麻辣豬耳經典的醒胃前菜，紅油麻辣豬耳，嚐得出每一塊豬耳掃上一層薄薄的蜂蜜，帶點花香味，而且辣醬汁加了蒜蓉。酸菜魚：老壇酸菜魚一上枱飄來陣陣麻酸香味，這家餐館採用的魚塊不是一般嫩滑的海鱸魚，而是用脆肉鯇魚，所以口感較挺實、爽彈，不過要小心細骨刺。湯底非常濃稠，有大量酸菜，酸爽又鮮香；其他食材還有金菇、芽菜及寬粉，吸收湯汁精華，更加惹味。蔬菜：酸辣土豆絲土豆絲切成幼絲，跟辣椒爆炒至金黄，還可額外加麻，味道麻酸辣都有，很下飯又爽口的菜式。