巧手製作

營業中

休息中

點心時間！我很喜歡蜜汁叉燒包! 有時候都會在自己在家做，搓好麵糰，發酵完，包好後再蒸便可。自家製，就是新鮮。小女出品的，賣點是溫情。可惜，廚房被搗亂、食材亦犧牲了， 家裏的人不想我在鬧著玩，就教我直接去購買一些自家製的點心。我試了幾間家人和朋友介紹的點心專門店，發現巧手製作的性價比最高。叉燒包甜滋滋的內餡、雪白而鬆軟的叉燒包子皮，是新鮮的、熱騰騰的。捧在手心，感到十足的貼心溫暖。另外，巧手的香煎包亦是我喜歡的點心。香煎韭菜包，香口而不油膩的韭菜，份量多而且綠油油，看到這個顏色， 會令你心情輕鬆平和。粵式點心可以帶給大家的，豈止於飽足😊

我今日經過巧手製作突然諗起想食返件糯米卷，所以就用咗$6.5買咗佢嘅糯米卷，佢個糯米卷一啲都唔好味，唔夠野味，糯米𥚃面只有幾粒小花生，同一D碎肉鬆，完全冇糯米既香味，不過$6.5一件糯米卷，你都唔好諗住會有好多材料。不過最差嘅最另人失望嘅係佢D糯米唔夠實，咬落去好鬆散，唔似食緊糯米，完全冇煙韌嘅口感。相對地，唐記個糯米卷好味得多，雖然佢件糯米卷都大份，不過唔好味嘅野，整幾大件都冇用。所以$6.5都唔抵食！😢

小西灣愈來愈多美食地方，想吃什麼都有不同選擇，今日同屋企人行街時候發現一間點心蒸飯專門店  ，格局有別平常的包點舖頭，我覺得比較高級Ｄ,間店叫巧手製作，個名十分得意呀,亦有人排隊買，本來不愛排隊，我又好想試下這間 ,大約等了3分鐘就到我們，我同屋企人點咗2個點心，分別是牛肉腸同鳳爪排骨飯，我同屋企人覺得好好吃，服務好好,地方整潔又舒適味道:我覺得幾好吃， 重點推介鳳爪排骨飯，十分新鮮， 排骨淋滑彈牙分量足，最重要是有家的味道 。牛肉腸，是手工做的皺皮腸粉，味道亦好好。

朝頭早日日都係食麵包食到厭，所以今日轉左食腸粉，印象中試過佢個叉燒腸唔錯，有好多燒叉同蔥花，甘今次就試埋個齋腸，睇下係咪一樣甘正先。 原來可以加$3加配料（雞蛋或冬菇粒或韭黃。）好！就試下齋腸+雞蛋腸粉個味道都唔錯，煙煙韌韌，好有米香味，仲熱辣辣，即使隔住個外賣盒都聞到好香嘅腸粉味，真係口水都留埋。今次蔥花都一樣好多，不過雞蛋同蔥花嘅分部就唔係太平均，偏埋曬一邊，所以如果雞蛋份量多返D同平均番D會更好。

呢間中式點心食店係小西灣已經新開左一段日子，總係成日冇機會食到，今日終於都機會一試！餐牌上嘅食物都好吸引，食咩好呢？手工腸粉好似唔錯，腸粉係自家打磨米漿，叉燒腸又係推介，好！就試試佢。整體賣相都唔錯，個外賣盒仲要好靚添！腸粉外貌好吸引，面頭佈滿我最愛嘅蔥花，叉燒亦都唔少。個腸粉確實唔錯，由於係即叫即造，所以係熱辣辣的，而且佢腸粉質感係QQ彈牙，煙煙韌韌的，唔多似我地平時酒樓食開果D腸粉，別有一番風味，唔錯唔錯，👍🏻。

樓下新開了這巧手製作，見到這裏有即製手，於是就要試一試。叫腸粉等待的時間較長，因為是即叫即拉的，大概10至15分鐘，價錢有$19到$23不等。腸粉質素不錯，夠滑，口感煙韌，但是裏面的配料叉燒難食，鬆散出來，一點也不粘着腸粉。另外還叫了一份燒賣，燒賣點心完全是食不出肉的味道🤦🏻‍♀️

買咗叉燒腸粉+牛肉夾包，腸粉即叫即整。整個製作需時8-10分鐘。叉燒腸皮厚薄都ok,個牛肉夾包都可以。整體都唔錯，不過如果朝早返工趕時間就冇得考慮，因為真係即叫即整😝

之前試食過佢D包,覺得還不錯,呢晚自己食就諗住買個腸粉做晚餐.由於小西真係唔多野食,所以一有感覺正常少少gei餐廳,大家都會抱住希望去試.等左15分鐘,終於拎到翡翠鮮蝦腸+椰菜木耳豬肉餃視覺上D腸粉份量都幾多,打開都聞到鮮蝦同韭菜gei味道雖然D蝦係ok爽口,可惜腸粉癡埋曬一舊,就算跟刀痕夾都係餡料同腸粉嚴重分離而且油份都幾高,腸粉超厚但唔滑,食到一半已經想放棄至於得3粒咁大把gei 椰菜木耳豬肉餃肉汁都幾豐富,惟獨餡料又係玩支離破碎油膩感都唔低,好彩有D醋中和返,但都唔算正常水平總之食完我係飽,但一D都唔滿足,所以下次幾肚餓,我都唔會再叫,真係好難食呀~~~~