巴巴站

營業中

休息中

平時好少黎荃灣咁遠 好耐之前睇yellopenrice介紹呢間良心小店就好想食 明明之前聽人講要排隊 點知星期六lunch唔洗等位 希望大家多多懲罰啊🥺第一次食butter chicken 聽講係番茄底既橙咖喱 食落好開胃 冇傳統咖喱咁辣 啱晒怕辣既我😝 叫左monster size加左$15 雖然都唔係好多😂😂不過又有naan又有油酥餅一次滿足哂三個願望！個人鐘意油酥餅多啲🤤點咖喱超夾！雞都嫩如果可以多多幾舊就好啦😝不過平民價錢食到咁高質素既咖喱 杜生真係冇介紹錯😎

其實我真係好好鍾意食印度野！自從屋企附近間印度野執左之後我就無再係香港食過印度野咁啱杜生介紹過呢間就去試但黃店都要講既😟杯奶茶好重香料但好甜好似便利店買既阿薩姆紅茶...Butter chicken同咖哩應該好香既但佢地加咗蕃茄啲香味唔夠羊架落咗南乳 糟蹋咗隻羊薄餅都係好好食呢間見到好多人都話好好食對佢地期望真係好高但真心失望咗見到咁多人都讚佢...可能下次要去番重慶大廈食會正宗啲但呢間我真係唔會再encore😢

係荃灣搵間黃店食個午餐，想食d唔係成日食既野，第一時間諗起巴巴站～好耐冇幫襯，裝修都唔同左！去到好彩唔使等！揀左咖喱餐：印度傳統香燒雞腿$55個餐跟埋飯、油酥餅，正！雞腿燒得好好！肉質都仲滑！酥餅配佢呢個咖喱食，真係冇得輸！龍眼水(走冰)普通，呢個價錢唔能夠要求咁多😗整體來講：性價比依然高！環境感覺上比以前好坐，下次經過荃灣想食咖哩都一定會再黎！臨走哥哥比左張好搞笑既卡我😆IG : f.nbreak

一般💛店大多以cafe,日式餐廳為主,但今次竟然係荃灣搵到間小店係以印度菜🇮🇳為主,仲要好地道同高質,以下係我今次試左嘅野：.素聞呢間係同區都幾有名氣,所以晚市6點一開就去,之後去到7點已經坐滿😳(因為位子不多)($85)呢個好推介👍🏻燒得好惹味亦都有印度香草嘅風味,雞唔會燒到太乾身,咬落去入面雞肉仲好有肉汁,配上yogurt sauce非常夾,作為配搭,當然要配返枝🍺($38),原產地印度,飲落口感偏苦,少少似青島啤🤣唔飲酒嘅朋友不妨試下🥭($33)呢個係去食印度野必叫～酸酸甜甜加上可以解辣,呢度嘅mango lassi味道唔算好濃郁,啱哂飲唔慣太甜嘅朋友最欣賞呢間餐廳嘅係佢地嘅Curry Menu! 另有好多種以唔同材料烹調嘅咖哩,每款辣度都唔同,作為p牌仔嘅我揀左最唔辣嘅白咖哩,好特別嘅腰果底,而食落都真係有甜甜地嘅腰果味,羊亦都炆得好腍,食咖哩一定要叫埋naan/roti ($22)好酥脆,表面亦保持微脆感,點咖哩食一流👍🏻係一間幾高質嘅印度小店💛係米線林立嘅荃灣路德圍黎講可謂別樹一幟,價錢亦相當平民,人均消費只須$100-200,亦都有唔同嘅set lunch/ dinner

裡面位置不多，建議早點去排隊，因為我地6:30禮拜六食排到差不多8:00先有得食，上菜速度比較慢😖不過係值得一試的印度菜，我唔夠膽話係正宗，但起碼人生應該試一次咁大把啦～其實中午去食比較低食！咖哩方面有幾款不同咖哩例如辣椒咖哩、綠咖哩、招牌咖哩等而每個咖哩可以選擇牛、羊、雞的配角，主要個咖哩汁好濃好夾個飯，食多幾碗都得😍如果你係食羊肉就正啦～如您係咖喱🍛既fans就會好喜歡💕我會再光顧印度菜！

💛#支持良心餐廳💰中東烤餅卷$70 (+芒果乳酪$16)💰牛油雞咖喱飯 ~$6x(Weekday lunch set會抵啲）個卷偏薄身 好彩冇浸到淋哂但食過kale嘅wrap其他都會不自覺地比下去咗😕幾鍾意佢啲醬汁甜甜地咁 雞肉係真係啖啖肉🥰如果多多幾舊會仲開心同個卷入面唔會好似齋啡咁空氣入面夾咗好多菜 蕃茄 洋蔥個咖喱飯咖喱唔算話好辣 但係真係會有浸辣薑味 但整體黎講幾惹味 不過個飯就林左啲個印度薄餅呢就偏乾身啲 正面啲諗係冇咁油~杯嘢飲本身以為佢係甜甜地但真係原來飲落去係似乳酪 酸嗰隻 同埋好似飲到有少少芝士味😂係咪crossover左芝士奶蓋？

好耐之前聽朋友介紹呢間咖哩小店正宗又抵食，每次都要排隊等好耐先有得食。是日放假路經，終於有機會一試。可能由於平日15：30關係，顧客唔多，唔駛等就直入菜單一望都唔知揀邊款咖哩，就揀傳統果款咖哩set lunch咖哩款式花多眼亂有唔少套餐小吃選擇午餐本身賣相望落唔算非常吸引，牛肉望落有d少，最初都以為唔係好夠食，但一食果咖哩就好有意外驚喜，牛肉好冧好入味。我本身唔食辣但呢個傳統咖喱屬中辣級別我都食到，配飯又配naan，非常開胃，結果食晒份量都岩岩好。下次一定再約家人朋友試其他咖哩、kebab同埋小吃！

都算半個荃灣人，喺路德圍食過野咁多次都冇留意呢間印度餐廳。經杜生加持之後好想食，終於抽到時間出黎試吓。點左個set A 2人份，Samosa 外面酥脆，裡面嘅薯仔餡料幾有份量，咖哩層次豐富，想清新d可以點埋隔離個乳酪醬，好食。呢個胡椒脆餅好令人失望，係好脆好胡椒，但你睇吓塊餅上面d油多得好離譜，唔知佢係趕收工，定食材唔夠又要賣，d青瓜洋蔥蕃茄少得可憐。個雞kebab 菜仲多過肉，沙律醬又少🙄 完黃咖哩雞＋酥餅+飯，個咖哩係好食嘅，但得嗰兩三舊雞。個酥餅唔酥脆，幾令人失望。有d趕住走冇影到個甜品，同埋唔記得影餐飲🤣 所以唔評。味道唔差但煮得求其，係咪而家上左神枱就揸流攤先？🤦‍♀️

係8月的高溫下，我地本身想食個韓國水冷麵消暑，可惜太多人，零秒放棄後，係路德圍兜左個圈，結果揀左間印度餐廳都係始料未及😂後黎發現係黃店更加開心，支持小店！！！我地叫左個咖喱SET，有咖喱，白飯，酥餅同沙律，份量好足～酥餅香而脆，如果可以脆多一兩層就100分。白飯係印度餐廳常用的米，偏長身，印度菜白飯會煮得偏乾，有少少椰香味。沙律係西生菜加少少青瓜番茄同比較水同淡口的沙律醬，幾解膩。依個餐我地叫左傳統咖喱（芝士），有輕微辣味，咖喱味雖然濃，但係唔會過鹹/重口。芝士係一個個好似腐乳的立方體，本身無咩味，口感有點似煎豆腐，連汁食好夾。青咖喱有別於平常係泰國餐廳食偏甜的味道，唔辣，雖然菠菜味唔係好出，但係單食同點餅/包都好好食。依個蒜香包，蒜味唔重，非常軟熟，加上上面油左一層油，令到佢更加香同濕潤。後來我地仲叫左杯芒果乳酪同印度奶茶，不過無影相。芒果乳酪有D似平時食嘅芒果乳酪飲品的微糖版，整體偏淡，有少少greek yougurt 的味。印度奶茶係比我所認知的淡，原版的有超濃（濃到接受到的）的肉桂味，依款淡D反而飲到茶味。唔鍾意肉桂完全唔使試😄

朋友介紹的印度小店，約左幾個月終於約齊腳去食啦😌😌印式串燒羊架（4件） $210即叫即燒 ，上枱仲熱辣辣，羊味香料配合得好好味😋印度傳統香燒雞Tandoori Chicken（4件） $98印式香料好惹味，雞肉嫩滑唔嚡橙咖哩-魚 $85 配原味烤餅 $22蕃茄底既橙咖哩魚好好食，配原味烤餅食到唔停口土耳其烤雞烤餅卷 $75材料分佈平均，每舊都食到內餡沙嗲-豬牛雞（6串）$72比起串燒沙嗲汁更吸引，點到唔夠要追加一碟沙嗲汁😂海鮮簿餅 $98魷魚、蝦、魚加芝士，就咁食又得，點咖哩食都得環境 & 服務店內細細間有9-10張2人枱，可以跟住不同人數組合。門口有2張吧台椅，等位個時可以坐下。社交距離有不足，不過唔算好迫。店內冷氣通風不錯，店內坐滿人都唔會焗促。入店前會先量體溫，員工有禮貌細心。再幫襯指數 😋😋😋😋😋下次想試下其他口味的咖哩，仲有牛油雞同炸洋蔥配印度啤酒

呢間小店人氣非常高，試過晚市18:00,外面已經要排一條人龍...今晚21:30，一個人直入唔洗等有啲確幸。佢個咖喱好正宗，配埋nan 👍👍👍....另外佢果個芝士焗薯同様出色。大滿足

The food was so amazing omg I cannot get enough of it. Everything is absolutely amazing, food was so good and service was good. Definitely would come back and eat it again!!! It’s just so good! The traditional curry is on point and the chicken tikka was delicious

經過荃灣，諗起附近有一間之前被介紹過的印度菜，咁就去試試啦。當日係公眾期假，加上午餐時間，大概等咗半個鐘先可以入座，不過店家好有心咁門口有提供免費的黑糖黃薑茶，大熱天時可以補給一下。一坐低我就已經諗好食Butter Chicken，幾乎我去所有印度餐廳都會叫；而我建議大家可以諗定食乜先，因為實在有太多款咖喱選擇，真係有排揀架!一份咖哩可以單點，或者選擇轉set但就會細份少少。等咗一陣就有得食啦，set會有白飯、油酥餅、沙律，睇落簡單但份量其實都唔少食完已經好飽。沙律新鮮，已經有dressing調味，好開胃；咖喱無論跟飯或者油酥餅都好好味，濃濃的蕃茄底味，雞肉份量多之餘又頗嫩滑；如果配合油酥餅的話仲會有陣陣的牛油香。不過公眾假期，無set lunch就比較貴另收加一，平日食性價比就高好多啦!

兩點來到巴巴站，仍然滿座，幸好我只有一個人，立刻就能入座。店內環境比較狹窄，只能坐10餘人，桌與桌之間沒有太大空間。午餐有幾種選擇，點了一個咖喱牛肉，配的是油酥餅，我選了加大monster size，因為很久之前吃過一次標準版，覺得咖喱太少，最後這個決定果然是正確的。咖喱只有微辣，牛肉有五六塊左右，份量不算少。有些帶脂肪的部位比較軟，有一兩塊全肉的就比較韌。香料味和辣味我覺得可以更重，蔬菜也可以更多。油酥餅很香，也夠鬆軟，可以要求把飯轉為油酥餅，所以我有兩塊油酥餅。加大後會再送兩塊nann，相較之下個人較喜歡油酥餅。餐飲選了龍眼水，雖然細杯，但龍眼竟然有五顆！而且不會過甜，算幾好飲。埋單$65 ，抵食。

今日來到荃灣踩場，細佬一早已經定好食咖哩，兩人一早就來到免排隊。十分多的配搭選擇。怕唔食得辣，叫了白咖哩羊（套餐），味道唔錯，唔辣，油酥餅好香，羊肉夠淋。細佬叫的黃咖哩魚（套餐），微辣，唔食得辣都接受到，魚正常。胡椒脆餅脆口，味道一般，零食類。後加的雜菜咖哩角，新鮮熱辣，比較齋，味道還可。下次會叫番黃咖哩，有一點點辣才似咖哩，想挑戰辣可以選擇其他咖哩，套餐咖哩份量會少左，但會多左油酥餅，飯和沙律，要有所取捨。價錢中等，份量一般，服務細心，有機會會再番食咖哩和其他小食。