巴打麻辣燙 (已結業)

依間野一入到去就係自己夾吾同既串串 有菜啊丸啊果啲 好似打邊爐咁 只不過吾同既食物串起左咁解而且你就要拎個托盤裝住啲串串 跟著就簡想食既麵 有油麵 河粉 米粉 薯粉果啲都幾多下架 同埋有吾同既辣度比你簡咁我自己好似夾左幾多下 有紅腸 鴨胸 牛栢葉 腸 菜 丸等等 加埋就好似60幾 可能自己夾太多同埋我自己吾知點計 自己吾知就亂夾結果太多 同埋一到放飯時間超多中學生 要食要趁早 BTW野食係吾錯 薯粉幾好食 份量足夠 但係好辣啊 自問自己好食得辣 但係佢啲辣道超足 我叫左中辣就已經好辣好麻 但最後都係食唒既

今日放假去咗元朗行街，晚餐未諗到就諗住睇下openrice有咩選擇，見到呢間巴打麻辣燙就決定試下。由於可能我去嘅時間都差不多2045左右所以見舖入面得一枱客人。而一入到店門口店員就上前介紹返店入面野食嘅價格，每樣餸係$8，而粉麵每樣係$12，自己就覺得價錢都算合理，然後店員就俾咗一個透明嘅盤俾我揀野食。選擇方面都算多嘅，但可能食嘅時間太晏，每款嘅數量較少。而我就揀左生菜，花枝丸，雞胸肉，煙鴨胸，牛柏葉同埋粉絲。因為店員話湯底會偏辣，就算走辣都會有少少辣，所以就要咗走辣。湯底味道方面真係會有少少辣，而餸同麵味道都算唔錯。

去完爭鮮食野唔夠飽，於是轉場穩野食，行過見到有麻辣燙食，於是行入去試下，點知伏到😬😬每款餸8蚊，主食就12蚊，有D小食/嘢飲每款12蚊起，都幾多款餸選擇，不過每款都係得三四樣，好似賣剩咗甘，但係8點左右都唔擺D新嘅嘢入去，心諗你係唔係做生意架??不過真心好肚餓，唔理嗱照揀，真係太肚餓嗱，揀咗米線+金菇+萵筍+豬紅+西洋菜+微辣上到黎飲一口湯已經聞到一陣好臭既豬臭味，唔洗諗一係個湯底一係遷係D豬紅，一咬落去係豬紅，之後即刻吐出來，然後個D萵筍食到有酸味，係唔新鮮??之後食多兩啖粉就無再食到，1d都唔辣行番出黎見到佢叫人頂咗佢間嘢，不過就算係甘都應該對得住客人

食物一串串放好係雪櫃俾客人自由選擇😍配料$8一串🍢粉麵就$12一份，款式頗多😍特式丸類有龍蝦沙律丸，配上麻辣湯冇得頂！推介！今次食左同麻辣湯最配既闊薯粉😋😋薯粉煙韌又入味！必選！

口淡淡想食下刺激野，就試下屋企附近既「巴打麻辣燙」叫左個微辣粗薯粉，麻辣味超香，又唔會太油，超。惹。味。粗薯粉超有咬口，煙煙韌韌，正👍🏻👍🏻另外再叫左麻辣青瓜，都係超惹味，除左辣味外仲有埋香醋，酸酸辣辣好開胃👍🏻👍🏻

元朗只此一間的麻辣燙Lunch time 真係要同附近啲中學生競賽先食到皆因入面既枱吾多，環境吾大，可容納的人為數幾桌而已。霸好位之後，佢會拎定餐具比你。之後就可以去點餐，揀野食喇！食物種類多。$8 一串。蔬菜有: 娃娃菜，生菜，西蘭花，萵笋，勝瓜，豆腐，冬菇。。。。。。肉類有: 乜丸都有，雞腿串，牛串，牛柏葉，紅腸，雞翼尖。。。。。。麵都有得揀，乜麵都有。可揀辣同不辣，不辣都已經有少少辣。真係多到數吾曬，但總會有野岩你食。反而係想食既野太多推薦既有:豆腐串萵笋雞腿肉串另外有其他小食可點，仲有野飲。點好，比埋錢，就坽個號碼，翻埋位等嚕。上菜！

星期日下晝去雞地搵嘢食, 入咗想試好耐嘅”巴打”！完全自選，餸，粉麵都任揀，餸8蚊，粉麵12蚊！第一次食嗌得較保守，小辣算，6餸一粉，外賣分湯加2蚊，total 62！粉麵黎講都算貴，不過勝在新鮮！味道方面，有d不如預期，小辣唔辣，相信大部分人都接受到，但湯唔夠濃，辣都只係浮係面，餸無吸到湯汁味，應該係清水煮or豬骨湯煮？食落係比較健康嘅麻辣嘢，想食辣但又唔太中意太重口味嘅朋友應該會中意！但對小編黎講，麻辣都唔太夠，差咗小小！抵贊嘅係大大件豆卜串，好食又抵食，如果可以吸埋d湯汁更加正！總括黎講，可以一試，粉麵多選擇，一定搵到自己中意果隻！但咁嘅價位，應該可以再好d！ Btw, 會入去嘅一個主要原因係因為門口banner寫下午茶，但原來無睇清楚，佢有寫星期六日公眾假期係無！suggest 店家星期六日公眾假期就收番埋，防止誤會啦！

今日吾駛返工， 下午在元朗逛吓順便食吓下午茶！在雞地一帶有好多不同食店， 茶餐廳、泰式食品、澳門食品、燒烤。。。， 跟住見到一間麻辣燙， 對👀即時😍🤣入到去見到一個大凍櫃， 服務員姐姐即時禮貌遞上一個大盤+一隻夾， 告知可先揀食物與粉類！ 櫃內一串串的食品任擇， 豆品類選擇眾多、 亦有丸類餃類、網肚、鹵水蛋做到方塊形、蔬菜都有近十款， 選擇都算多！ 最基本4菜1粉， 但選擇眾多閒閒哋都揀到6-8款啦🤪雖然我愛吃辣， 但在未試過的店都會保守一點，辣度只選中辣！ 而服務員姐姐亦說明吾夠辣可再加辣，這就更好了👍食物送上來見到碗大大， 外形幾吸引； 但望見湯的顏色就擔心了🙈 原來所揀選的辣度， 是湯底外另加麻辣汁的份量多寡去控制， 而所選的食物並不是經辣湯煮過， 這就有點點失望了😞不過進食時， 雖然不是預期的麻辣燙燙口， 但湯頭本身很濃骨湯味， 而我所選的豆品類、蔬菜類全都新鮮，入口都美味😋 另外點了2份小吃：麻辣脆木耳、即炸魚片頭！ 木耳雖然算爽口，但麻辣味又係吾夠， 得醋酸味🙊； 魚片頭就熱辣辣炸出， 配上泰式醬汁味道不錯👍總結： 每款食物份量不算多、麻辣度未到辣的境界、不要期望食到重口麻

9/10..是咁的，相信對大多數香港人，麵材都係數一數二嘅最常食品，譚仔一年中都唔知食過幾多次。來到2018嘅尾升，我要為我今年最喜歡嘅麵舖寫加個大like😋👍🏻.這間位於元朗的巴打麻辣湯，單睇外表都未必會入去食。門面比較modern 同埋個餐廳名有點麻甩😅初時睇個名我就想像到有個巴打擔主支煙向廚房嘅畫面😂但係入面都係d 好友善嘅靚姐黎嘅！餐廳係自助式，有個大雪櫃，睇啱咩就拎咩，份量自己控制，款式都好多。超like!麵都有好多款選擇，亦都是我最like 這間餐廳的原因。其實我食左好多次都唔知這個麵是什麼名，大約是厚河粉🤔食落十分chewy 口感💯💯💯拎完食材就俾啊姐煮，可選擇辣度。本人覺得小辣都夠啦。味度💯冇得頂！行過記得試下啦！

一向鍾意食辣野嘅我，早就想試下呢間麻辣燙！今日嘅lunch 算比較遲，我黎嘅時候係2:30啦，所以店內唔算多人。呢間餐廳算係裝修得唔錯、坐得又幾舒服下。見到裏邊有一個位放咗好多食材，原來呢度係自助嘅。啲食材一包包一串串咁放好晒，等你可以好似自助餐咁自己揀。選擇都算好多下。菜、肉、丸、內臟、粉面都有，目測都有起碼4-50款。揀好之後攞去比服務員俾錢，同埋講要幾辣。因為我未試過呢間唔知佢會唔會超級辣，所以就叫咗小辣姐。俾咗錢坐低後大約5至10分鐘左右就上菜啦！由於個午餐比較遲，所以非常之肚餓我叫咗六個餸！如果冇咁肚餓嘅可以叫少啲餸架，因為份量都幾足。雖然小辣但係我覺得佢都算幾辣。佢唔算好麻但係個辣係好香嘅，入口好香又唔會有後勁嘅嗰種辣。如果鍾意食辣嘅朋友可以試吓中辣或者大辣應該好刺激下 ：）六個餸$52，價錢來講算係中上啦話晒都叫做有啲裝修坐得舒服，性價比算係OK啦。

午餐又揸車去元朗搵嘢食，之前喺網路平台見到推介依間麻辣燙，就決定去試一試。同樣先介紹交通方面，除咗綠色小巴（雞地 ↔️大棠）之外，我望唔到有咩交通工具嚟到，揸車人士就好方便，門口有好多嘅錶位。入到餐廳俾人一種好簡潔乾淨嘅感覺，同區內其他麻辣燙一樣，你只係需要攞個膠盆，行去雪櫃， 夾起你想食嘅嘢埋去俾錢就得，對於我有食開麻辣燙嘅人嚟講都尚可，但係如果冇食開區內麻辣燙既人，係唔知邊個位既膠盆用得，可以夾既食物亦都無字話你知係咩，當你想知道嘅時候，就必須要問店員咁我好簡單求其咁揀咗個紅薯粉同幾樣食材，之後同佢講小辣，再俾錢，再搵個位坐低就可以等食上到枱我唔相信我眼前依碗係麻辣燙，基本上一啲紅油都冇，只係可以講，可能係新派嘅關係，迎合香港人，小辣就即係唔辣，所以我都要叫佢攞啲辣油俾我，係未加辣油之前，我試咗個湯嘅味，係唔麻既，而未到湯嘅辣油，明顯有花椒係入面，加左兩份既辣油後，碗野終於似麻辣燙，可惜上枱時湯底已經唔算好熱，搞左一輪，湯底剩返微溫，食物都變得唔好食總括黎講，下次黎一定揀大辣，咁就可以湯夠熱既情況下食，湯夠熱又夠辣，相信一定好好食

呢間麻辣燙湯底嘅味道 — 四川口味加入左牛油做湯底，另外仲有蒜蓉芫荽醋(通常我會走酸-呢個湯底唔係好夾酸味），湯底唔錯👍🏻，全部餸同一個價錢＄8份，粉好似$12（我少食粉麵），好易計數，又無最低消（試過夾小小餸都可以），粉同餸款式都好多，而且蔬菜款式多，平時經過會買d菜食，同埋長方形鹵蛋白，好啱我！

咁日約左朋友吃晏行行下見到麻辣燙想吃好耐跟住入去食左入到去款式不多但都OK我叫了小麻辣個湯底非常好味D豆卜好大件Ｄ菜好新鮮我簡了薯粉煮的幾好最好嘅係可以唔辣因為我朋友唔吃辣 服務態度翼很不錯有下次

今晚同個朋友一齊食飯，見到響元朗依間新開無耐嘅麻辣燙，於是辣引起就入去試吓。入到鋪頭店員首先會比一個兜你，右手邊係所有嘅食材，一般嘅係＄7，面類就$12。咁將你所選擇嘅嘢食擺哂落兜就可以比店員結着。你仲可以選擇蒜頭嘅份量，唔同嘅辣度，有冇芫荽，有冇豆角等等。另外佢有啲汽水或者特飲比大家選擇嘅。我覺得佢個湯底都唔錯，小辣適合一般人既口味。可以一試

聽朋友講元朗開咗間好企理嘅麻辣燙～成日係旺角食個啲唔多乾淨～見有新野就同朋友一齊嚟試吓！自選料都只係＄7份～睇自己幾大食決定份量仲要有好多料可以揀～接近有成5、60款～山長水遠嚟到緊係唔會食得少！！今次就揀咗4款料～牛、朼肉、生菜同埋蟲草花 <--每樣7蚊再加埋寬冬粉(超鍾意 ＋ 小見)！<--麵食每樣12蚊性價比算幾高～撞正LunchTime去仲有好多中學生㖭～(都接近有7成座位係學生lol)