影片
更多
2019-05-26
610 瀏覽
幫襯咗呢間米線都有成6、7年，初初幫襯，覺得佢地嘅豬扒同單骨雞翼都真係相當不錯，keep 住一個月都有幫襯3、4次。但近年越嚟越少幫襯，食物水準下降係主因，而家啲豬扒，唔鬆化，乾爭爭。雞翼亦一樣，炸到好似樹枝咁。另一原因，就係職員態度差得很，眼見繁忙時間，亦都無以前咁多人，不過睇嚟店主亦都唔志在，因為佢地嘅態度無改善過，只有每況愈下。今日晏晝經過，見有啲肚餓，諗住幫襯。我緊接一對情侶入鋪頭坐低，對情侶落完單，我亦緊接落單，我叫咗個手撕雞米線（無食豬扒同雞翼好耐，因為唔好食）。等咗一陣，對情侶已經有嘢食，我繼續等，眼見廚房出咗兩碗外賣，我都未有嘢食繼續等，等成20分鐘。過多陣，對情侶食完埋單走，我忍唔住出聲問個男職員，要等幾耐，男職員淨係答我，「無咁快㗎，即叫即炸㗎嘛」，跟住佢行去廚房，拎左碗雞翼米線俾我（响我等嘅期間，有個女仔入嚟叫咗碗雞翼米線），我話我唔係叫雞翼米線，跟住個男職員先走入廚房整，由落單到有得食，足足等咗超過30分鐘，當時仲要係得2個客。客人追單，睇到唔睇就用指責嘅態度話個客，澳牛都唔會啦。香港唔同日本，我無期望過店鋪會學到人地嘅服務態度，但作為顧客，亦無需要貼錢買難受，
今日晏晝經過，見有啲肚餓，諗住幫襯。我緊接一對情侶入鋪頭坐低，對情侶落完單，我亦緊接落單，我叫咗個手撕雞米線（無食豬扒同雞翼好耐，因為唔好食）。等咗一陣，對情侶已經有嘢食，我繼續等，眼見廚房出咗兩碗外賣，我都未有嘢食繼續等，等成20分鐘。過多陣，對情侶食完埋單走，我忍唔住出聲問個男職員，要等幾耐，男職員淨係答我，「無咁快㗎，即叫即炸㗎嘛」，跟住佢行去廚房，拎左碗雞翼米線俾我（响我等嘅期間，有個女仔入嚟叫咗碗雞翼米線），我話我唔係叫雞翼米線，跟住個男職員先走入廚房整，由落單到有得食，足足等咗超過30分鐘，當時仲要係得2個客。客人追單，睇到唔睇就用指責嘅態度話個客，澳牛都唔會啦。
香港唔同日本，我無期望過店鋪會學到人地嘅服務態度，但作為顧客，亦無需要貼錢買難受，基本禮貌，互相尊重已經可以。今日嘅情況，令我下定決心唔再去。
張貼
