巴西燒烤餐廳 (已結業)

是夜本來想幫襯寧記, 不過因為沒有坐位而改去近近地的巴西燒烤, 怎料便出事了巴西燒烤, 很久沒去過了, 今次重臨, 只感覺是差差差~第一地方差, 一踏入門口一刻, 已感覺地板是痴笠笠的, 提起雙腳也有難度, 點解地板那麼痴笠笠都不去拖拖地~~第二地方差, 食物差, 所有食物不覺得是燒烤出來, 感覺是焗熟或洽熟, 再放在燒烤叉上, 如果是燒沒理由一點焦焦的地方也沒有, 點解我會咁講, 係因為以前幫襯不是這樣的(可能有7, 8年前了, 係唔係轉左手?) 而且種類很多, 不會像今晚, 只有粟米, 腸類(3種), 菠蘿, 豬脾用, 粟米出左兩, 三轉添, 燒牛肉見過一次, 還沒埋到我們的台便沒有了, 再問一問已說今晚不會再有燒牛肉, 真係有冇攪錯, 我都唔知自己今晚食過D咩燒烤,數一數手指都不夠5樣, 每樣只係一round, 熱盤一般, 沒什麼特色或有大驚喜~~第三地方差, 我還沒說埋單, 一個類似經理級的拎張單過來叫我們埋單, 便走開了, 跟住我驚佢比錯人,再叫返佢過來問清楚, 這個人說因時間差不多夠了, 所以要埋單先~~ 夠鍾埋單我覺得好正常, 但都應該要講聲吧, 一張單隊埋黎, 咩都冇

早幾年食過都唔差，諗住再試下啦！我哋係食消夜時段，每位＄６８。一入去明明有好多卡位都唔比我，又話有人ＢＯＯＫ咗！Ｄ侍應態度好差，好悔氣咁攞Ｄ巴西燒問你要唔要！又無表情，問佢嘢又唔答！Ｄ嘢食又夠難食！我自問要求唔高，但係都要食到先得架！件豬扒硬到無辦法咬得開！冷氣勁凍，好似想趕你走咁！個日係星期日，食到一半有半個場都係吉嘅！我唔明佢點解安排唔到卡位比我囉！終於明白點解執剩呢一間！我以後唔會再去！

筆者早前曾與朋友吃過這間巴西燒烤，只覺食物的品質只可算是一般，談不上叫好味，加上筆者是9:30後入席，表示是最後一ROUND，所以魚生，青口的東西都是沒有的。可是筆者認為若要吃這些東西，相信其他地方會有更好的選擇。故此，筆者只是抱著「抵食」自助去的。可能好多人會認為自助餐若食物素質談不上好，食來何用呢?但筆者認為這間巴西燒烤之所以值得一去是因為如下其一) :食物的款式( 甜品，熱食，凍食)都算多。(其二) :餐廳的一個特色是有專人把燒好的食物走到你前面問你要不要，再切給你。(其三) :場中有註場的結他手，在你吃東西之餘都能好好享受一下，放鬆心情吃東西。(還能點歌噢~，筆者可見到有外籍人士點了「NOBODY」。)以上三點都是本人覺得其比較吸引之處~大家若都與筆者當時抱著「抵食」的心態的話，不妨一試!!

尋晚(14-5-2010 Fri)放工後同男友出尖沙咀食飯,原本想同佢去Initial,點知真係要book枱兼full o左,我o地唯有搵過第二間食,忽然好想食燒牛肉之類o既o野,男友就話不如巴西燒烤,其實我同佢未認識前同N年前都食過,o個次我同朋友食時好爆,要坐o係近正門o既房裡面,攪到要行好遠至攞到o野食同人地有o既我o地冇慘況.不過男友講過好多次想再o黎食,今次就順佢意啦.呢晚7:00pm場$128.00一位加一,限食兩個鐘,冇問題啦.時間尚早唔多人,男友呢頭去攞o野食,o個頭有個男仔拎串燒羊肉o黎,我就要o左兩件先.我食到羊羶味,男友話食唔出.其他o既有:幾好味o既有:吉列雞翼,估唔到咁都整,雖然凍o左但皮仍脆,雞肉仍嫩.千島汁焗蠔南瓜忌廉湯,南瓜味濃.田螺,青口同蝦都好新鮮,唔錯,可以encore.黑椒腸,比起辣肉腸冇咁辣,香香地咁啦.粟米腸,裡面有粟粒,有口感.燒粟米,好有牛油香.鼓油雞,估唔到呢個好味喎.燒秋刀魚燒菠蘿,男友好記得有呢樣o野,話要必食.點知o岩o岩講起,個男仔就拎出o黎,我o地有得食返,暖暖地o既菠蘿係幾好食.可以o既有:焗青口辣肉腸,呢個勁辣,我食o左一

一間完全唔得嘅所謂巴西燒烤!!!! 經理 - 唔識變通。食物 - 有熱爐啲嘢食都係凍嘅，巴西燒烤都係又少，仲有好多嘢食都好似放隔咗唔知幾多日咁。環境 - 一入到去有陣味。價錢 - $118 + 10% 服務費；我覺得$48 都比多佢，10% 服務費? 算拉，比佢。我同媽咪仲有舅母一齊喺嗰到大約20分鐘。我與經理嘅對話:-我: 我想問點解啲食物一啲都唔熱嘅?經理: 我地已經將個熱爐開到最大，佢唔熱我都冇辦法。我: 咁我想問有咩辦法我可以有熱嘢食呀?經理: 唔好意思，我幫唔到你。我: 咁你啲食物唔熱你叫我點食呀?經理: 唔好意思，真係冇辦法。我: 經理我都係做飲食，我唔理你收幾多錢，你都唔應該比啲凍嘅熱盤比客食囉。熱盤係熱食家嘛係咪? 假如你同我講你會幫我丁丁佢,我反而仲會開心啲。經理: 小姐既然你都係做飲食，你都好清楚丁反熱個味道係唔同。我: 經理，我都知，但係你啲嘢食好似隔咗夜,丁唔丁都係咁家拉!經理: (冇聲出)我: 咁我又想問你,如果你係我，我應該繼續比錢食凍嘅熱盤定係有其他選擇?跟住係點，我相信大家都心中有數.....各人口味都唔同，有人覺得冇所謂，曾經係

I am from Brazil (Sao Paulo, capital) and I can really tell you that this is the worst Brazilian restaurant I have ever been to.Not to mention that nobody there is from Brazil. They are all HK Chinese who do not know jack about Brazilian cuisine!!!I was impressed that nobody was from Brazil. Usually at least they will have someone from Brazil to check the quality of the food, but it was not the case of this restaurant.They put some honey on the meat, which is horrible. I have never seen this bac

同朋友去o左依間諗全試一下,食$68 宵夜時段o既buffet.人流方面唔多,平日應該唔洗BOOK位去到都應該有位坐.但係食物方面真係冇咩好食,雖然間餐廳係叫做巴西燒烤, 除左間唔中有個廚師走埋黎問你要唔要燒好o既野食外,基本上出面D 野食同巴西燒烤冇關係而且唔係太多野好食,雞翼,茄子果D OK其他就真係.............有D 甜品好難食,建議攞小小先.另外,飲野方面真係唔係幾著數, $20 橙汁任飲果汁先生, $25 beer 任飲 仲有紅酒同汽水但係講真,又要食野,又要飲野,飲得幾多杯?Overall, $68 算係差唔多,唔好咁多要求

琴晚我同個fd 食9點鐘 buffect 既... 果到d野極之難食.... 大家樂同快餐店都好過呢間,,飲左淡紅湯,一淡飲落去....有陣燒焦味-.- 之後講左比個服務員知,,過左陣佢行埋來,話唔好意思,個湯可能係窿左 =.= .....(唉.......窿左...仲比D客人飲..出餐時kitchen d人唔會試下先既-.- )之後試過好多野..都好唔惦.....煮d食物既人,係唔用心去煮.d野食極難食, 連燒出來既雞腿,等所有既野,唔似真係用燒烤甘燒出來,我同我個fd 都食得出,d野係煮熟左之後放系支叉到,再行出去比d客人甘.呢間野同維園果間既食物品質相差太大啦. 平時維園燒既食物好有燒烤味道,系果間坐到2個幾鐘先走..而呢間我地坐左1個鐘就埋左單...呢間同維園果間真係差好多...而後去巴西燒烤餐廳都唔會去呢間.. ,連 埋單條數都唔值.d野又小,又唔好食,,100幾蚊 1位埋單.我去食個大家樂晚餐...好過.....................呢間野\./ 見意去巴西燒烤餐廳去維園果間,唔好去 尖沙咀呢間.維園果間好過佢多多陪,,, 我去果邊食過唔小次.~真係好好味

三月尾個fan想去巴西燒烤去唔到，失望到發皮氣，上兩個周未我打電話約他，噤啱他們已經在尖東巴西燒烤開餐。我問：好唔好食？開多台有無位？fan：...後悔！沒想像中好！電話旁邊另一個：.....食到發皮四！fan: 嘢食都幾咸，無乜款式，你地幾個去第二度食會著數 d聽到班fan的反應我沒去冒險，不過我未食過所以無得評

這裡是我童年回憶之一…還是小朋友的時侯，媽耐不耐都會帶我來這，或者你會覺得味道不夠好，又或是選擇不夠多，但你有沒有看過buffet的氣氛如此懷舊，如此親切﹖那兩個常常在給我們彈奏的uncle，我細細個去果陣已經見到佢地既存在，誼家大個女了，亦都無咁多機會同家人特登出去食飯…偶爾有次係尖沙咀與dearest諗唔到有咩好食，而松屋又無得walkin既時侯，我決定左再次享受返兒時滋味。同以前一樣，沒有變，依然懷舊親切。出面既野食，未必質素好好，一般啦，熱盤是可取的，冷盤的海鮮也夠凍，沙津那些可以更好，甜品也不差，雖然沒有酒店的那些好，無論環境還是味道，但，價廉物美，夫復何求﹖如果要跟酒店比較，實在是吹毛求疵，或者換句話說，「無野拎野黎講」…最focus on的當然是那些耐唔耐就會有d哥哥仔拎出來的美食熱辣辣的，有肉有瓜有果，選擇多，有飽肚的有味美的，本人最推介燒菠蘿…真係必食之選，而芝士腸都係超正！　真係有ｄ芝士"必"出黎架…(經過dearest一切條芝士腸，然後ｄ汁必到落我個碟度．．過程極為不雅omg) 味道是十分不錯的！ 各位男伴請小心唔好切到d芝士汁0必到去女伴既碟度其他亦是不錯

好耐冇食巴西燒烤, 食過兩次但未黎過尖東呢間, 7點幾已經到左, 但人好少, 出野食既速度好慢, 而且冇咩食...出面buffet d野食亦都麻麻地, 我都唔敢食佢即煮d粉麵, 有d丸&菜, 果煲湯好似一直都冇滾住, 你要先幫你煲番起, d油king晒上面, 見到都唔開胃冷盤如三文魚、螺係好新鮮, d蠔就奀左少少, 甜品就得需糕比較ok後黎人多左, d野食先出得快左同多d款色, 燒烤出黎d野食好好多, 芝士腸熱辣辣, d芝士必晒出黎, 好正！牛肋骨、雞脾、羊仔脾、黑椒腸都好好食, 燒翠肉瓜淨係食到d調味辣辣地, 而且又切得大舊wor...除左燒魷魚其他野都可以, 好似食緊rubber咁, 仲有陣怪味, 可能唔夠新鮮相比之前去過, 感覺大不如前, 以前好多野食, 氣氛好好WAITER係不斷攞食物出黎問客人要唔要, 總之好多野食, 而且又有隊BAND唱歌, 今次可能真係人太少, 感覺麻麻

昨天晚上同朋友嚟左呢度食buffet,其實好耐之前都去過樂道果間,呢間就第一次嚟食.餐廳都幾大的,7:30左右去到,冇咩人.食物種類唔多,選擇亦較少,有些沙律,三文魚,鮮響螺,鮮青口,壽司,餐湯,熱食有一些菜,雞,頭腐,焗蠔,茄子,抄飯,麵等等......甜品有啫喱,一些慕絲蛋糕,cake,等等.....還有雪糕,pancake,水果等.....其實呢度最hard sell的係燒烤,每過一陣就有仕應會拿住一大串燒好的肉或菜每枱問你要唔要,我們食左雞全亦,豬頸肉,羊,牛,烤菠蘿,翠肉瓜,茄子,粟米等淨係坐係位度唔使行出去都可食到好多烤野,熱辣辣都好好味的,烤菠蘿好甜,粟米,翠玉瓜,茄子都好味,雞全亦都好好味,羊,牛等味道都ok,但豬頸肉好肥,可能太大舊的關係吧.只係烤野比較吸引及味道好,出面的則好一般,又不算好熱,飲品要加錢才有,只係飲水.朋友話以前嚟過有歌聽,不過昨晚就冇,不知是否要假日才有呢?呢度9:30後有宵夜食的,但唔知點解9:00左右突然有好多人嚟左.場面突然好熱鬧.

相比起幾年前，水準真係大跌啊！食物選擇少得連相也沒心機拍了。食物味道一般，值得一提的是燒雞翼，嫩滑多汁，記住要試啊！侍應走到你面前切的燒物選擇大約如下：燒排骨燒豬頸肉燒牛仔骨燒燒雞翼燒翠玉瓜燒茄子燒蕃薯燒菠蘿燒辣肉腸燒芝士腸相片都是在自助餐區取的@$128+10%

趁聖誕節前去食BUFFET..貪佢夠平..不過平既就係咁既質素架喇BUFFET得好少選擇飲品要加錢..最好食既係燒出黎個D有牛肉(冇想像中咁好食..),雞翼(最好食),雞腎(好韌)仲有羊脾,豬肋骨,雞脾,粟米等等 羅宋湯係比較好少少,幾足料最嬲既係D凍海鮮得好少,仲要係有沙,唔好食甜品方面..有好多蛋糕揀本身成個出,不過就冇切件,要用匙更"不",有點不美觀服務方面..好似冇乜員工擺到成台碟都冇人收叫杯熱水都要等好耐整體黎講..想食平既BUFFET可以一試..

看了最近幾次都是劣評，其實不太想去～可是又一同事生日，再三討論之後，還是只有餐廳合心水～於是，我們一共十人訂了位進駐巴西燒烤餐廳～我們當晚訂了七時半，可是到場時人數不齊～而自助餐是以入座起計２小時，我們看仍有不少吉位就決定稍後才入座～正式入座時大概八時半，大伙已經餓到不行～放下東西拋棄了其中一位同事就立即該去拿食物～先談談凍食方面，出奇地類別也挺多的～凍食有三文魚、翡翠螺、青口、木瓜沙律以，還有２至３款，不過我不愛所以就自動忽略了～三文魚出奇地好食，另外我就只碰了木瓜沙律～很鮮很甜～真的不錯～而熟食方面，有廚師即席煮麵！有牛丸、魚蛋跟餃子以及青菜作配料～有羊肉煲、辣翡翠螺、炸豆腐、炸雞翼、炒麵、荷葉飯．．．ｅｔｃ～另外還有２款湯～因為食物太多，我只吃了羊肉煲、辣翡翠螺、炸豆腐～羊肉煲非常好味是清湯來煮很清甜有羊味；辣翡翠螺，同事說很辣，對我就剛好啦～因為我比較愛吃辣，我一口氣吃了十多粒！炸豆腐，出奇地好味，味道有點鹽，外皮又夠脆，我連吃了三件呢～然後重點來就是服務生的串燒食物～吃了：－燒排骨無味的燒豬頸肉感覺還好燒牛仔骨太肥了，又不夠肉．．．燒牛肉好味都不得了，我是已經飽了之後仍然要再