巴西燒烤餐廳 (已結業)

今天和友人到尖咀的巴西燒食宵夜時段在外出的廣告是寫星期六是由晚上九點到夜晚一點，原價58，因為周末加10蚊另加一，那時我們在10時許到餐廳去到坐定就搵野食，未有燒烤肉都食d熟食頂住出面的熟食或甜品場已經乜都無咁諗住佢地會fill返啦﹗等到11點都無直至11:30送出黎的燒烤肉會到我地台的都係得粟米、菠蘿、雞翼和金沙骨各一次又無熟食又無燒烤肉問佢加唔加返d熟食，佢又話會加會加。但成個食場就好似垃圾堆咁只剩返一d半爛的甜品、用熱爐溫住的冷飯菜汁、一堆公仔麵住的冷面和雪糕一直話會出會出，d餸一直都無加過d燒烤肉就送去俾晒d晚市食完快埋單的人我地幾張台食宵夜的就乜都無得食嘈左好耐，到11點9先有兩塊豬頸肉，仲要係分四張台囉真係要講句「我地食左，下一台無得食」真係越食越"meng"，勁想唔俾錢就走咁大個人未試過食自助餐係唔飽的﹗最後我地幾台迫佢係咪都要送d野黎俾我地先送d菠蘿、(生)雞翼和(燶)金沙骨，和埋老到嘔的牛肉成兩個鐘都係斟過一次水咁大把囉到最後我地已經想反台了佢地送野來的人又無禮貌，臨近12點我地已經唔想留在呢度佢送野食黎我地話唔要了，佢就話送埋呢次無的了喎真係嬲到我地錢都唔想俾到12

樂道那間已結業,三人打的三人行過來之前還在半島中心買生日禮物給友人間野勁屈機,呢度都係觀其三文魚刺身已心驚膽跳躺於亂葬崗上奄奄一息兼出晒水無論冷盤如沙律凍肉,熱盤如炒飯焗蠔:全都硬硬的而燒烤肉類大多則受鬆肉粉強烈施暴甜品吃得過算是黑森林蛋糕與桂花啫喱糕後者......貪佢淡而無味少出事最心寒的是鹹味巧克力慕絲呈小正方狀..........大家認住佢其他甜品吃後總有些毛骨悚然究竟與那些廉價奶油是否有關?雞扒與牛尾(熱盤)相比其他食物屬不錯水準起碼兩者只給化學物輕輕非禮過而後者更有兩款味道選擇,且炆得入味晚市一位九十八加一結他孖寶整晚在附近彈彈唱唱,好不熱鬧侍應雖木口木面,但服務方面尚算勤快友情原來如此的脆弱

依個價錢黎講算係唔錯架啦,生蠔都有得食~雖然唔係話有好多野食簡,但耐唔耐有個waiter(/廚師?)拎d啱啱燒好ge野食埋枱分d比你咁~都幾開心 好多肉呀~~~!

差左好多!!!幾年前去過都覺得ok既但前晚9:30pm同男朋友去食尖東果間巴西燒烤,宵夜$58一位,另收加一本身一早book左位,9:30pm入到去有卡位都唔比~too bad!d野好難食...尤其係出面果d熱盤,拎完一次都無再出去拎,d野好唔新鮮,又凍,勁難食...負責拎住烤物果D人,有d食物我要但我男朋友話唔要,佢就走左去!!有d就幾有禮貌既...最好食都係隻燒雞翼,因為夠熱,其他攞左返黎都無食!雖然收$58一位,但都唔好比d垃圾人食丫~埋單百幾蚊...早知去食韓洋苑好過~以後都唔會再去喇!

難得一次請客(朋友生日)想要帶朋友去食d平時冇食開既特別野記得上年食過既巴西燒烤唔錯(唔係呢間,另一間尖咀分店..不過已經結業)就唯有到呢間食店員安排我地坐冇咁多人既另一面結果就係有新推出既燒烤通常都傳唔到黎我地呢邊次次黎親既都係火腿...雞脾菇...加上有d野食好多都好難咬開出去拎野食仲慘...d野一睇就令人唔多開胃睇得出佢地整得好求其,外表求其,食落仲難食係得d甜品見得下人三文魚唔靚就預左,呢間都唔係專食日式野我朋友就話d飯有d"叔"跟住諗住去個班cake檔口叫個阿姐整件班cake試下點知佢成日都行開左有時明明見住我行去個檔口前等都可以直行直過有次我經過果度仲聽到佢好粗聲粗氣問個客人要咩味真係唔知佢本身聲大定係唔好老脾特別在果度有2個外國人會彈結他同唱歌俾你聽有時仲可以點歌,佢地都好nice不過食物方面真係完全唔掂我完全唔知自己係有食過咩好食既野落肚好後悔,早知去食米線好過

無謂多講.呢啲餐廳萬聖節去就得, 夠嚇人.

以前去過維園泳池旁嘅巴西燒烤，貪佢有露天位，景觀開揚。今次揀尖沙咀尖東廣場，皆因有親友生日，就番大家，而且，大家對食無乜太高要求，諗住平平哋就揀巴西燒烤！晚市buffet，百鬆Ｄ蚊，叫做樣樣食物都有，有中西湯、沙律、壽司、魚生、冷盤、熱盤、炒粉飯麵、糖水、甜品，多款燒烤扒纇及蔬果，算係咁啦。唔好期望Ｄ食物質素好好，但有Ｄ都唔差，仲唔錯添！Ｄ燒烤扒纇及蔬果都唔錯，尤其烤菠蘿、雞脾菇、豬仔骨同粟米腸，Ｄ扒都ＯＫ啦，但無乜驚喜。沙律就一般般，沙律吧Ｄ沙律菜麻麻地新鮮，反而食預製嘅沙律仲好。壽司、魚生、冷盤都係麻麻地，只係人有佢又有咁，可以唔食。熱盤、炒粉飯麵都有幾款幾好，例如焗蠔、咖喱魚柳、炒伊麵同荷葉飯。糖水、甜品雖然好多選擇，擺滿咗係正中間張buffet枱度，但質素就好街坊，同酒店級就差一大截，叫做好Ｄ嘅有美國芝士餅同藍梅慕絲蛋糕。因有親友生日，搵咗佢個結他手哩伴奏唱生日歌，今次又幾好喎，又唱英文，又唱中文，搞得個氣氛唔錯。衰就衰在限時食兩個鐘，雖然食咗兩個鐘，佢都無趕我哋走，不過，見外面門口有人等，我哋又食飽晒，都係坐多一陣！

唔錯啦,,,我下晝去d野食相比樂道多又好食,,差在出面無碟拎lo

一直以來要聽到好多有關巴西燒烤的劣評, 但今次終於一試, 又唔係真係咁差啫, 只係價錢可以平番少少咁啫.係buffet枱攞的食物種類都唔少, 當中比較好少少的有薯仔沙律, 炸薯角; 最估唔到的是有三文魚, 而且都唔係話"好唔新鮮"lor, 而且有焗蠔.甜品方面, 有一個芝麻moose的唔錯, 有幾香的芝麻味,香蕉蛋糕也不錯, 燉蛋都好味; 黑森林就太多cream la, 同埋食到一個係鹹的chocolate moose lor, my god~~ 最愛的是雪糕, 曲奇同chocolate好好味, 食o左n咁多, 重要mix & match埋滑滑的豆腐花, 超正, 因為佢個豆花本身唔係好夠甜, 之後一凍一熱, 我食o左幾碗.佢親自派的燒烤食物有好多, 記得好食的有T-骨, 豬頸肉, 菠蘿, 粟米, 金沙骨. 而且冇出現過唔派比我地的情況, 初時係好驚會miss o左, 但其實佢地係每人有自己行場的route ga, 一定會行到你o個枱, 而且之後我地直情係夠哂, 佢派比我地都唔要la, haha.同埋個唱歌的人好gag ga, service都唔錯ar, 我地話有個fd o黎緊, 佢冇要

1) 服務態度差, 叫伙記, 叫極都唔理人.2) 叫左一渣可樂, 一半冰一半唔知係可樂定係水, 完全冇可樂味, 一渣只可倒兩柸半(重係柸仔細細)3)等半個鐘先拿一串, 得一兩快的牛肉或雞腿, d肉咬到牙都nut, 毫無味道. 4)出去拿d 三文魚, 沙律等.. .. 一D都唔新鮮, 果兩三個熱盤就好似豬漱咁, 唔係人食既!!!雖然好平, 但可加价, 做返香港人的精神, 做到最好!!!我對此餐廳非常失望, 一定唔會再幫襯了!!備註: 我食完回家, 煮了一個出X丁麵, 相比下, 我諗我個都有95分.

琴日老豆生日.出街食飯本來諗住去帝京酒店La Scala 食buffet不過又好似唔係咁抵"因為屋企人又唔係食得之人"係得我一個大食,又識飲識食"又有grandma~~so放棄左..最後去左試下巴西燒烤"都一樣係buffet~ha~仲平好多~ 雖然冇咁豐富'而且想去探究下係咪真係人地講唔係咁好"七點鐘我打電話去book位""bk七點半~(其實可以唔洗bk,通常有位,不過我insurance d)去到,就有兩個人彈結他唱歌"坐低之後...我第一個target就係cheese cake!!兜左半圈,終於搵到""仲要係藍梅芝士cake!!!兩樣都係我favourite,combine埋真係perfect!!個cake仲要係未俾人切過我第一個開佢齋~ha~~~野食方面呢間野值得食既就當然係佢d燒烤喇d waiters會一大串咁抽出黎行到去埋你木台邊問你要唔要"不過佢地就真係冇之前大家講得咁差d service"個個有微微地笑..幾有禮貌必食:豬仔骨,豬頸肉,雞脾姑其他都好普通.唔好食:雞腎,羊肉d熱食都唔錯... 唔會難食囉"好食d既就咖哩龍利柳&炒伊麵"佢d熱食經常refill不過d冷盤就唔

D比燒野你既人∼∼拿住枝大一埋來勁大聲話" 要吾要牛肉"態度勁差∼∼∼自助餐bar果Ｄ比人裝湯∼糖水雪糕果Ｄ碗全部都油淋淋咁∼真係摸到吾敢用∼∼好似就咁過下水無洗咁∼∼地下又係油淋淋∼∼行快Ｄ都Ｐ~~~~~係裝修算好Ｄ∼其他野都無乜野好下次一定吾會再去∼∼

上一次去大約係4年前, 當年覺得好好味所以今日同朋友去再食點知.........時隔四年......食物質素180 度轉變d野好難食, 我已經唔識形容, 總之就係難食碟又爛又dirty整pancake 既banana 係黑色, 仲要放左好耐, 溶到一pat pat 既走之時大約係2115, 有一大班人係門口等入場應該有特價時段吧真係唔明香港人, 真係平就可以? 真係只要平, 就可以難食? 啊..........怪唔得榮壽x 到今日仲可以生存啦.........評分啊.....十分差, 同榮壽x 同一個grade

老實講,我之前都算係呢間野ge fans,以前成日同同樹去食lunch,覺得d野又抵又ok,所以今次亞媽生日亞哥提議食"巴西"我都完全冇反對...點知...原來入左"地獄"...未黎之前睇呢度d comments 已經知佢d service差左好多,去到領教到la!確係:"俾乞兒都唔會俾貼士你"ge感覺!!!0貼士1: 職員態度超差!d人拎住d燒物過黎,略帶呼渴: "要唔要粟米?"wa! manner差,又冇"唔該..."...好似我乞緊食咁law...所以我收晒平時ge禮貌:"唔要!"或者索性唔答!d燒物有d都ok,不過有d...例如金沙骨...sorry...見到都唔想食,硬到咬唔開...見到戴假牙ge媽媽起勢扯...想叫佢唔好食...d海鮮唔新鮮,行埋個魚生船...見到d"灰色"魚生...0貼士2:所有containers,除左碟同杯,都係油!!!wai!大佬!你有冇落洗潔精ga???(擺到明冇用ga!)我都唔明點解d人可以照用law!(包括哥哥同媽媽... -_-")我o個日差d想問個waiter"可唔可以俾我入廚房自己洗??"圖中ge bowls,全部有油ga!!!!!!!!

之前食過兩次，五六年前第一次覺得唔錯喎，兩三年前第二次就覺得差咗好多，唔好味，甜品好難食...第三次，今次有個同事生日，佢地話食巴西燒，本來都唔抱太大期望，點知又OK喎，雖然有D熱葷都幾難食，但攞出嚟果D肉就OK，火腿扒&一隻唔知咩腸好味；凱撒沙律OK，D麵包粒好脆好味；甜品好咗好多，個芝士蛋糕出乎意料地好好味，檸檬批都唔錯，仲有至愛0既豆腐花& cookie'n cream 雪糕，不過一杯杯既布甸個同事話好難食囉...仲有三文魚刺身& 焗蠔不停供應，$98 + 10%咁0既價錢嚟講算幾ok喇...希望下次去唔會又差咗啦...