巴西燒烤餐廳 (已結業)

上個星期五難得約左班舊同學食飯,因為太多人又太遲訂位, 度度都full晒,上次食過呢間都ok,所以再黎,但係實在今我太失望,我深信我以得都唔會再黎!!!我地果日八點十分度到,我地係俾多d錢入果隻,唔係九點半後平d果種!!但係我地到九點半,足足坐左個幾鐘,只係食左兩隻雞翼+一條排骨+一件粟米,跟住要等到九點半佢先再出野食。我地起等既時候都已經同佢地講過三次佢地冇野俾我地食,即使係我地每人俾廿蚊一杯果d橙汁都冇人添,但係都冇人理我地。到左十點十,佢即刻拎張單黎叫我地俾錢,非常之準時,我真係未見過一間餐廳咁準時囉。我地同果個人投訴話我地俾多d錢,但係冇野食,要等果d九點半入場既人入黎,我地先可以有野食,果條友仲話睇你地d食物都唔錯,食得唔少咁呀,但係我地係等左個幾鐘先有野食,佢就話可能你地d朋友遲黎,d烤肉"派"晒先冇,仲問我地有冇同佢地既職員講,等佢地安排,我好似係黎俾錢食野,但係佢講到我地好似冇俾錢,等佢"派"既咁,我係有同佢地講過,但係佢地冇人理過我地囉!!!!我同班friends都好不滿,完全睇唔到點解我地要俾多d錢早d入去等野食囉,我有生之年都唔會再入去食野囉!!!真係好不知所謂!

本人星期日第1次去食啦,一坐落已經見到唔多野食架啦,得d香蕉呀,蘋果,橙,湯........總之好垃圾既野啦,又無人理我地水又無人(針),坐左10分鐘到啦,有人囉住一串串d野食,不過行唔夠3張台就無哂啦,已經好能嬲,到下轉行到我地張台啦,咁佢問我地要幾多件牛排,我問7件(因為我地有7個人)但個仕應好唔like我要7件,我咪問佢囉我地7個人要7件好正常喎,佢唔出聲黑口黑面走,之後好少行埋黎問我地要唔要野,又無碟比人換,比錢食野仲要等佢行埋黎d有野食如果唔係淨係得d垃圾食,依間咁既野遲早收當,大家唔想食到一肚氣就千萬唔好去依間食啦,樂道o個間會好d~

夜晚特價吃係最抵。沙律好多款，好開心。其他即燒食物幾好，但熱盤o既o野有怪味。好似好騷咁。甜品完全唔得，隻隻一樣味，又係奇怪的味。現場有live band。檯與檯之間好近，唔掂。服務一般，都唔係話好似其他食家經驗到的咁差。

今日去完食set lunch，首先覺得食物的味道太淡，另外磨菇有一種生的味道，雞肉亦未完全熟透。叫餐飲，等了超過半小時還沒到，追單之後，侍應生再幫我們落order，可是等了又等，還是沒上。再一次追單，侍應回頭再幫我們落單，如是者重覆了三次。侍應指原因為「今日人客太多，所以會較為混亂」。等到餐飲上了，我們又發現我們點的「凍奶茶」變成了「凍咖啡」，要求更換，可是後來再上的凍奶茶混合了咖啡味，估計是用之前的裝咖啡的杯子來裝奶茶。我們曾向侍應要求見經理以反映意見，可是直到我們離開時，經理依然沒有出現過。

講真去得食巴西燒烤,都唔會對佢地既食物有咩要求,只係方便成班friend,一齊食飯吹水,所以食物就唔講啦.... 一早book 左9:00, 去到成間餐廳都無咩人,所以即刻有位,因為我地有朋友生日,有成18-19人,即刻有位都算唔錯,以前食樂道o個間,都會見到有7-8個後生仔,渣住支叉問你食唔食,仲應該有3個外籍人仕(巴西人??)彈住結他比你聽,好有feel.....原來黎到尖東呢間,你絕對唔會再有呢d咁有feel既野,成晚我只見到一個男仔(成個埸只有一個)渣住叉問你,問你o個時又極無禮貌,成晚又無人渣結他唱歌,我有friend生日,吹完蠟燭,叫經理(係經理唔係侍應)囉個蛋糕去切但唔肯都算,叫佢比d碟我地分蛋糕,佢竟然都唔肯,話d碟o係出面你地自己去囉,咁既服務態度都有,下次都好難再幫親\ . /p.s 仲有一樣野要補充, 食左成晚,只係試過一次有人收碟,10人一,上至少堆左40-50隻碟都無人理,要出去叫幾次先捨得有人收,可惡!

早幾個禮拜, 夜晚同班朋友去食飯, 我地食9點半o既宵夜時段。本來拎o左7位o既籌, 後來有朋友加入, 我地要求知客幫我地加多一位, 等o左幾分鐘, 因為有好多人入晒去坐都未到我地, 仲以為佢冇位比我地添~ 好彩佢地都安排到一張幾舒服o既檯比我地! 第一次去食, 有好多野都唔知道~ 食物o既款式都幾多, 好多選擇。其間有o的服務生會o係廚房拎o的剛烤好o既食物出來問我地要唔要, 咁樣都幾方便, 唔駛咩都出去拎。o係我印象中, 蟹子冷麵﹑同o的有大廚即場泡製o既意粉幾好食! 仲有好多dessert, 有好多款Moss Cake, 雪糕有紅豆﹑綠茶﹑咖啡﹑香芋﹑石板街... 正!! 臨走o既時候, 有個朋友好想食大樹波蘿, 就向侍應要求, 佢地真係拎o左o的波蘿黎, 好體貼o既服務!

星期日食lunch, 食物味道OK但燒烤不多, 樣樣都不夠分服務超差, 野食要拎住自己個碟收左你個碟, 問佢佢竟然話"係出面, 你自己"跟住一聲不響, 頭也不回當然最後係無到黎啦大佬呀, 你D燒烤送埋, 但係叫個客自己出去碟食,這是什麼Serivce得兩三個待應仲要成日係度吹水

我上次同男友食９：３０宵夜場＄５８一位加３５蚊我地２個飲紅酒，　講真食物一般啦，　不過以甘既價錢差唔多啦！同男友一齊食，　所以開開心心甘過左一晚！

每次食巴西燒烤都係成班人唸住傾下計、食下野,唔會對佢地既食物有好大期望~不過當中都有兩樣野係必食推介,就係燒雞翼同燒鴨腎~ 燒雞翼有D蜜糖味且好滑,必食!而燒鴨腎就要睇下好唔好彩,因為有時會過硬,不過都好入味架~

個個侍應生態度都極為惡劣，反手切野食險飛刀，兼命令客人自己攞夾夾，除啤酒少女態度較為nice外，其他侍應對我地就好似殺父仇人咁！負責燒烤野食果個侍應生o拿住d野食走過黎:『喂..要唔要食xxx呀?』-.- "喂..?" 好熟呀依家?係咪請問兩隻字都唔識講呀!!我地total 20個人，初初黎左16個人，張枱都已經逼逼地，想叫個侍應加多張二人枱都ee鵝鵝又乜又七...最後等我地黎齊晒d人..個經理(?)咪又係加俾我地..不過野食都ok o既..但係就算再想食都唔會黎返呢間law..

我已經去過幾次覺得款式都可以,味道都唔錯!!但我最唔滿意就係次次去到樣樣食品完全一模一樣,令我覺得好鬼悶,好在有D食物唔會食得厭我,如果唔係我就一早唔去幫襯啦!!!間中轉吓D款式都好...連燒烤都是一樣!!!!

$58 ge自助餐~ 咁ge價錢有唔錯ge野食~ 都幾好ar~雖然d蛋糕麻麻~ 款係多~ but 味就好一志~ 但d雪糕好正~沙律吧都幾多款and好味~咸點方面~ bard款唔算多~ but 不時有bbq人拿住d新款野食到座位~ 已經搭夠~ 至於味道都幾好~最緊要係整體包埋service and 環境都gd~ 通常平野就連d service 都差一大截ma~d waiter 都算係咁la~ 我o個台多多要求~ 都仍然唔錯po~

太商業無水準﹗肉質差。今晚同朋友2人去食。吾駛等位。價錢108+10%服務費---另想任飲加16蚊(不過之前要決定飲咩---佢地有可樂同橙汁同啤酒----因為是refill所以只可任飲同類飲品。大堂自助餐形式食物種類吾多。燒烤肉類係要等職員自己行到你面前先有。燒牛仔骨肉質差。金沙骨差過美心同大家樂。雞翼還可以。最差最差係羊脾。無肉汁似香口膠又無肉味。香腸一般。可以話無咩驚喜。最好食係燒翠玉瓜。雞脾茹太甜。燒秋刀魚都可以接受。不過如果約左朋友又吾想去大酒店食。呢度都係幾好選擇。

六點幾入到去, 都有幾檯人食, 一行3人坐了卡位, 環境幾好, 食物特別推介芝士腸, 火腿, 羊脾, 甜品好味, 特別係冰條, 回味再回味, 坐了大約個幾鐘頭,野食暫時沒有重覆, d waiter service好nice, 其中一個waiter好攪笑, 拎羊脾叫羊脾脾.....整體黎講好好, 又有人唱歌, 環境唔算太嘈.....會再去

成廿幾人gathering...所以去左呢間。服務員好nice，d食物一般啦，大家都唔係為左食。d燒菠蘿唔錯，好甜!不時有燒烤野行埋黎，d cake好一般，不過咁既價錢食燒烤，差唔多啦~