巴辣仔烤魚雞煲 (加連威老道) (已結業)

雞煲香港好多地方都有得食，又有烤魚又有雞煲係香港好少有，呢間位於尖沙咀加連威老道既巴辣仔烤魚雞煲就有晒兩種。如果多朋友仔一齊食，烤魚同雞煲都可以叫齊晒，好似我咁得兩個人食，就揀一樣就夠，烤魚少見就㨂左烤魚。魚都有三種：深海大班、原條江團魚、凌波魚，成日聽屋企人講食海魚先好，就試下佢個深海大班。條魚出到黎好大條☺️，熱辣辣，啖啖肉岩晒鍾意食野既朋友，配埋酸辣味，味道一流，不過叫左bb辣，都有啲辣，記得食唔到辣就唔好叫辣。另外，可以再啲配料加入去食，類似雞煲食法，所以似打邊爐咁。

今日去左朋友之前介紹間高質烤魚雞煲店，入到去睇餐牌選擇困難症上身，雞煲都有咁多款，又想食烤魚又想食雞煲，最後揀左雞煲再加D 火鍋配料出面有醬料bar，仲有少量生果可以拎，不過食雞煲呢D 濃味野都唔洗再加調味料啦❣️巴辣鮮雞煲 (走辣）滿滿既芫茜鋪面，仲有D 洋蔥、蒜頭係入面，吸哂D 精華好正好入味。2 個人叫左半隻雞咁就可以再食其他野啦，雞又香又嫩滑，份量都唔少，唔辣既雞煲就夠哂原汁原味❣️雙拼餃好彈性可以自己揀要邊兩款餃，揀左鮮蝦雲吞同韭菜豬肉餃，賣相唔錯，雲吞略嫌D 肉咸左少少❣️手切安格斯肥牛呢碟牛好有睇頭，望落就知正野，好有牛味，份量唔少，令人回味，果然係一分錢一分貨❣️炸紫菜響鈴打邊爐點可以無響鈴呀，呢款仲要有紫菜捲住，更加特別，邪惡野係寧捨好味❣️萵荀條平時唔知點煮好，打邊爐就最鍾意食，有益健康之選❣️薯粉薯粉滾完夾落好易斷，食落又無咩問題唔會好淋好爛

烤魚 酸菜魚 一向都my favourite 烤魚真係好耐未食過啦🐟🐟🐟 今日👫👫行完尖沙咀 搵間烤魚醫肚 巴辣仔本時都成日經過 今次真係可以試下上到去地方都幾大幾乾正 空氣唔會話好焗 雖然係打邊爐 酸菜魚 都環境Ok 有個免費生果枱 有西瓜🍉蕃茄仔🍅哈密瓜🍈 都係解辣既生果 店鋪真細心我地2個人揀左酸菜味小辣江團魚烤魚🐟 $358 包左4個配菜 江團魚多數都用黎做烤魚或水煮魚 肉質有口感 唔會因煮既時間太長 已溶曬😋😋 萵荀片 豆卜 鮮腐竹 雞肶菇 4個配茶分別放係4個魚 我揀既配菜都係十分吸湯 萵荀片要快食 浸太耐 會無左脆脆既口感 另外加叫左特級牛丸 牛丸充滿牛味 而且爽口彈牙 十分推薦👍小吃：泡椒雞腳 呢個比較辣 但好開胃麻辣豬肚絲 麻辣程度合我心意 豬肚絲都切都好幼細食辣野點少得大大杯🍹 雪燕桂圓綠茶 巴辣仔提供幾款既特色健康飲品 解下熱氣😁😁

暫時喺香港食過最鍾意嘅烤魚店～～～今晚收工約咗好朋友去食烤魚飲啤酒 暢談一番 星期四夜晚七點嚟到 已經馬上要全場爆滿 好彩我哋有book位～～～佢哋嘅餐牌有雞煲有烤魚 最後我哋就揀咗$388嘅深海大斑 大斑係用貴價嘅沙巴龍躉 而且仲可以免費揀四個配菜 所以其實價錢唔算貴（尤其係你見到條魚有幾大之後）😁～～～沙巴龍躉外皮有經炸過 就算係蒜汁度滾完 都帶微微脆感 魚肉鮮嫩非常 大大條但完全無魚鱗 而且魚肉厚身又無乜骨🐟～～～本來想食完之後加湯打邊爐 但係由於魚好大條 最後已經太飽食唔落打邊爐 而四個配菜方面 我地就揀選咗萵筍片 青瓜 鮮腐竹 蓮藕 四款配菜同烤魚都好夾 我地揀嘅蒜香烤魚嘅汁裡面有大量蒜蓉 芫荽 同大洋蔥 令配菜變得蒜香濃濃又帶有芫荽嘅獨特清新香氣 非常滋味 如果唔中意蒜蓉的話 仲可以揀酸菜 泡椒 蕃茄或鮮青椒 等等嘅口味 😁 另外亦提提大家 一定一定要叫啤酒🍺 因為呢個烤魚同啤酒真心十級夾～～～小食方面 就推介大家試下 即炸腐皮蝦卷 同埋涼拌豬手 前者香脆彈牙 配搭泰式辣醬 真心熱氣都會忍唔住食晒佢 裏面仲有青豆同埋粟米粒 幾有咬口 而涼拌豬手就冰冰凍凍 膠原感滿滿 辣辣地

最近成日都掛住烤魚🤪朋友推介左tst有間烤魚都幾出色~所以就約埋朋友一齊去試~選左條深海大班$388🐟香辣味小辣🌶️(另仲有其他口味~酸菜味、泡椒味、蕃茄味、蒜香味、鮮青椒味)下次要試鮮青椒寧波魚再加左配菜大荳芽、娃娃菜、蓮偶同雞脾菇~可以吸晒d辣汁🌶️🌶️爽🥳🥳原條🐟🐟上台好大條見到都開心😝仲追加左肥牛🥓朋友仲叫左杯啤酒🍺呢度仲有自助醬料bar ~如果重口味的朋友可以再加醬料😆

計返上嚟已經好耐冇食過烤魚啦，最近聽朋友推介話呢間烤魚同雞煲都幾好食，原來餐廳都有幾間分店，今次就去咗尖沙咀食烤魚，環境都幾闊落舒適，今次我哋係平日晚上時間嚟，都keep住有人嚟，可見餐廳人氣滿分_原條烤魚（江團魚）$358烤魚有六款口味選擇，今次同朋友就揀咗酸菜味（中辣）另外烤魚能夠配上四款自選配料，大部份都係一啲吸味嘅配料，包括蘿蔔、娃娃菜、腐竹、薯仔等等，烤魚非常惹味，江團魚有事先炸過，食落去啖啖肉唔算話太多骨另外餐廳亦有多款火鍋配料選擇，我哋都叫咗幾款試吓雙拼餃 $68今次我哋就揀咗韭菜豬肉餃同魚皮餃，兩款口味都唔錯，小編特別喜愛韭菜豬肉餃，餡料充足，非常滿足水魷 $42原來份量都唔少，食落去爽口彈牙，配上酸菜湯好惹味，另外我哋都叫埋薯粉一齊食，薯粉配上惹味湯底真係冇得輸㗎_餐廳亦有多款飲品選擇，除咗普通汽水之外其中一個特點係見到佢哋嘅凍檸茶非常大杯，價錢都係30幾蚊，下次有機會再同朋友嚟試吓

星期日夜晚，在尖咀行完街，心血來潮好想食雞煲，於是在openrice揾下附近有邊度可以食，揾到這間巴辣仔。餐廳有兩層，主要食客都坐上上層，設計見得出花過心思，吊燈都係魚造型，而且牆上都畫左唔少魚圖案。其實這裏烤魚都出名，但今日想食雞煲，唯有下次先試烤魚。雞煲有得揀半隻和一隻，我們揀了一隻巴辣鮮雞煲。份量都幾多。同場有不少內地人來吃，估得出味道應該都不錯。侍應會幫我們將雞煲炒起，等一就食得。果然無令人失望，成個煲好多香料，好香，雞份量都好多，最重要係個醬汁好惹味，我一口氣差不多把半隻食左。今次我們點了少辣，下次可挑戰高一級，同場的飲品大大杯，但因為唔想飲糖水，所以無點。只係出去自助吧拎左啲生果食。呢間一定會再encore!!!

今日去了尖沙咀，我們去了食"巴辣仔"這一家出名食烤魚！但我們今次不是來食烤魚，而是來食滋補藥膳雞煲！之前朋友去食過！話藥膳雞煲湯底濃郁！我們點了一個藥膳雞煲1隻牛肩肉1份蟹子蝦滑1份一上煲，嗯好香濃的藥膳和酒香！雞好新鮮！店員好細心幫忙！教我們一次過把雞入鍋，滾了之後關火，焗10分鐘！可以開食！雞肉好香好滑！有雞味！👍🏻👍🏻👍🏻🤤牛肩肉1份牛肉香濃嫩滑！肉味香濃！蟹子蝦滑1份🤣😂一開始來到仲意為來錯！分量好足！滿滿的蟹子！好爽口彈牙！#每人會收介醬$15除左有醬仲有生果可以食！

朋友介紹尖沙咀巴辣仔好食，今日啱啱好來到尖沙咀唸著可以試下，呢間餐廳幾大，卡座舒適，佢有一人烤魚飯好便，花鱸魚$98，有香辣味、酸菜味、番茄味，我啲叫佐香辣味中辣，烤魚上檯就聞到香味，魚皮炸得微脆，魚身處理乾淨冇魚鱗，魚肉鮮美肥嫩，加埋辣辣嘅，讓人欲罷不能。四川冒菜套餐叫佐丸子冒菜$42，好大一碗：牛丸、貢丸、芝士丸、墨魚丸、脆皮腸、芽菜、包心菜、金菇、豆腐皮，仲有米線，份量十足，中辣，食得好過癮！即炸腐皮蝦卷$48，Q彈嫩滑。呢次食辣食得好滿足，會再來幫襯啲！

前排同朋友講太耐無食烤魚，就即興search下附近有咩地方食到烤魚，發現了這間幾高質的烤魚餐廳！餐廳有2層，位子都頗多的，但位與位之間都好夠空間，坐得舒服。點過烤魚後，可以到外邊配製調味料，還有新鮮水果- 番茄仔、蜜瓜和西瓜！（原來這些水果都可以解辣）原條深海大班（沙巴龍躉）是炸了外皮，內裡半熟狀態上的，口感好之餘保留了魚肉的嫩滑質感，配小麻辣非常出色，還可以加4款配菜落個烤魚到，其實只是吃烤魚都已經好🈵️足！（雖然當日朋友和我都點多了個黑豚肉卷和鳳城水餃）魚除大大條外，肉質鮮嫩彈牙，好新鮮！再加上微微的麻辣味，更能帶出魚肉的鮮甜，只是吃魚都非常🈵️足了☺️☺️烤魚盤內除自己點的4款配菜外，還有好多配料，eg薑、洋蔥等，非常惹味。而且4款配菜的份量都好足，大大份幾抵食！吃過烤魚後，店員會加湯，就可以打邊邊，黑豚肉卷肉質彈口，麻辣湯底更能帶出肉的甜味。另外鳳城水餃皮薄之餘用上大大隻鮮蝦，味道+口感都好讚！另外值得一提的是，$36的大大杯桃膠洛神花綠茶的確非常大杯！好貼心的顧及客人打邊爐需要大量飲品的需要，又絕不取巧下次要再來吃烤魚🤩

成日都掛住探魚🐟無得北上唯有系香港搵好野食啦👩‍🍳-一入到去餐廳，員工服務態度好好講解比我地聽唔同魚既口感-揀咗深海大班（香辣味）每款烤魚附送四款自選配菜揀咗薯仔、豆卜、萵筍、腐竹萵筍同豆卜必食呀！萵筍同辣火鍋簡直係絕配！大家要趁熱食，唔係就會融曬😭豆卜都好入味😚-重點！有雞子！🤩而且好！大！粒！每粒都充滿花雕酒既味道-另外仲叫左豬肉都好嫩滑，好味😋芋絲必嗌呀！吸收曬湯底既精華紫菜響鈴紫菜味較為特出，同友人都鐘意普通版多d😛-一開頭以為會唔夠食，但份量好足，條魚都好大條想食烤魚既大家唔好等啦

今晚同朋友去食巴辣仔烤魚雞煲，由於時間尚早，唔需要等位，我地被安排坐樓上既位置，店內坐位唔多，如果大家去食都建議訂位穩陣。 上到樓已經聞到濃厚既香辣味道，侍應隨即拿著碗筷在我地面前用滾水淥，幾衛生，仲提我地可以係出面自助區取醬料同埋生果食。 我地今次既目標係食魚，因為雞煲都成日食，叫左原條江團魚$358，要左bb 香辣，每款烤魚都可自選4️⃣款配菜，咁就揀左金菇，豆卜，蓮藕同埋腐竹。魚上枱，侍應主動幫忙拆開條魚，提示要食較薄身個邊先，條魚有經油炸過，不易變鬆散，魚肉肥美且嫩滑伴隨香辣既味道，辣得好過癮，而且骨唔多 ，算啖啖肉，我揀既配菜都好吸味，幾好食。 另外再散叫了鮮滑牛肉 $88，又幾滑喎，都有牛味，份量都算多，朋友話食極都仲有😂 鮮蝦雲吞 $58，都有8粒一碟，味道普通，偏咸 芬達 $12 醬料費 $15/位

一黎到巴辣仔環境唔錯，一黎就叫左原條烤魚，選擇了一條江團魚既酸菜味，食唔到辣既朋友可以跟我一樣揀BB辣，原條已經覺得好大條，魚肉夠入味夠香又唔會太辣岩岩好，重要係唔多細既魚骨，可以大大啖魚肉。眾多配料之中仲可以選擇多四樣餸去配搭條魚一齊食，任君選擇，金菇同薯仔等等都夠哂入味，我就喜歡配埋白飯食夠滋味。除此之外，仲可以加餸，叫咗美國肥牛卷同廣島豪，肥牛口感夠爽又唔會老。一碟有八隻大大隻既新鮮生豪，淥係魚香味既湯底，真係夠補身同！另外仲有大大杯野飲，真係大杯到成塊面咁大，真係好抵飲。雪燕桂花綠茶，養生得來又有口感！仲可以選擇不同甜度，另外桃膠桂花紅茶，桃膠夠滑桂花又香，飲每一啖都覺得好有意思！

已經一段日子無食過烤魚 今日心思思 就去左尖沙咀巴辣仔食烤魚🤩 呢到有2層 每張枱都好大 又有卡位👍🏻 scan qr code就可以落單 除左烤魚 仲有雞煲可以揀架 好多選擇🤤我地泥到當然食烤魚啦 呢到有3款魚可以揀 分別係凌波魚 江團魚同深海大班 我地揀左最貴既深海大班 其實係沙巴龍躉 魚肉比較彈牙 大條有魚味🐟🐟 口味方面都有6個選擇 我地就決定食酸菜味 辣度可以自由選擇 我哋只係揀咗BB 辣🌶 仲可以免費加4款配菜 我地加左豆卜 薯仔 蓮藕 雞脾菇👅 上菜時魚超大條😍 上面舖滿酸菜 湯底偏鹹少少 不過就好惹味 沙巴龍躉經炸過 外皮仲脆脆地 但係魚肉仲好滑好彈牙👍🏻 4款配菜入味到不得了 完全唔使點醬油😀見到雜丸拼盤有齊10粒丸好抵食所以我哋都叫左 全部都係高質素丸 貢丸最彈牙最好食😛 另外我哋仲試咗一個小食 麻辣豬耳 份量都幾多 豬耳薄切 爽脆夠味👍🏻飲品方面真係一個好大既驚喜😆 我哋揀咗大大杯凍檸茶同大大杯桃膠桂圓紅茶 味道真係大杯到嚇死人😂😂 比一品雞煲既大大杯更加大杯 特別要讚佢哋大大杯桃膠桂圓紅茶 就算標準甜度都唔會好甜 一邊有超多紅棗 杞子 桂圓同桃膠 又好飲又抵飲

除咗雞煲同打邊爐之外，烤魚都係一個唔錯嘅選擇！以前係大陸有食過，原來香港都開始有得食，今次試吓依間巴辣仔😋-烤魚有兩種選擇，原條江團魚$358同深海大班$388，我地揀咗江團魚，都好大條，魚肉幾滑，有彈性，重點係無骨，食落超方便！餐廳有自助bar，可以自己整醬料同食水果。酸菜魚嘅配料揀咗雞脾菇、蘿蔔、萵荀片等等，會連埋酸菜魚一齊上同煮，好入味。🐟-個湯底加埋啲酸菜好開胃，食唔停口。另外亦都有叫到肥牛卷、蟹籽墨魚滑、炸紫菜響鈴，食材都好新鮮。飲品都好出色，有好多選擇，仲要勁大杯，唔洗驚唔夠飲。瘦編就揀咗雪燕洛神花紅茶，味道唔錯，好養生，飲完無咁熱氣～☕️-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 巴辣仔烤魚雞煲 (加連威老道) (尖沙咀)📍 尖沙咀加連威老道58-60號幸福大廈地下及1樓