巷仔冰室 (已結業)

雖然呢間餐廳位置唔多就腳，又喺街巿隔離，唔多討好，但卻好受街坊同附近上班族歡迎，平日黎食lunch最好1點前到，雖已經要排隊但算較少人啦。Lunch set送餐湯，羅宋湯幾夠濃味，雖有用茄膏但又幾多蔬菜料同埋唔會水稀稀咁。熱好立克幾濃味，唔需要落糖都夠味。咖哩海鮮蛋包飯$55: 蛋層係幾薄既，裡面嘅飯係調過味去煮，幾濕潤唔乾，都有唔少海鮮粒粒，無雪味，其實本身個飯都夠味，不過又可以加咖哩汁食更惹味，咖哩汁唔偏甜，幾濃香，仲配少少沙律補充纖維。美式雜扒燒肉汁$58: 呢個朋友食嘅，有豬仔脾、豬扒、腸仔、火腿，試左少少，煎得幾香，肉唔粗糙但又唔係落鬆肉粉果隻，有口感又有真實味道。總括係幾扺食嘅，嘢食又有質素，上菜有效率，怪唔之得咁多人幫襯啦！

幾個星期前同朋友食開晏就飯黎咗福來邨覓食🤤 見到哩間冰室既裝修同格局都唔錯 又係出面睇餐牌見野食算豐富 所以就試下🙋🏻🙋🏻‍♂️餐牌製作得幾精美 圖文並茂 算係好清晰咁顯示左有咩主菜👍🏻 同朋友都好快決定到要食咩同飲咩😬 午餐會跟是日既餐湯 可以係紅湯或白湯🍵 仲配熱飲 凍飲就加3蚊🍹簡咗飲忌廉湯😗 濃濃既奶油香 配搭些磨菇粒成件事都好吸引👍🏻 比預期中好飲🤣我簡咗 蘇格蘭鮮三文魚 蜆肉忌廉汁天使麵👆🏻 賣相同擺盤都唔錯 味道比預期出色🤔 天使麵幼身得黎幾彈牙 三文魚略咸 忌廉汁濃密 蜆肉有少許鮮味 份量對照價錢 我認為係合理 成個麵比我一種滿足感💕 係值得推介📌 算係屋邨既出色冰室😬

今日放假去荃灣搵朋友食飯，朋友講左好耐既一間冰室，今日就帶我去試下，冰室原來係香車街街市附近，叫巷仔冰室，但唔係巷仔🤣一去到見到門口都企左一堆人，可能咁岩又係午餐時段，都要等一陣，眼見門口裝修都好有型，等左一陣就有位，坐位都幾寬敞，都多卡位，店內裝修簡單兼有情調！坐底睇餐牌，眼都突埋，朋友話你冇睇錯，我暗喜，我同朋友點左雜扒配薯菜，豬柳蛋包飯，羅宋湯，即磨咖啡唔知係咪中午關係，上菜都幾快，賣相相當吸引，熱辣辣上枱，雜扒餐都幾有誠意，有雞扒，豬仔扒，火煺配薯菜，都係$58 我朋友果個蛋包飯，賣相仲靚，仲好鬼好食！！最後驚喜埋單既時間，仲冇加一大件又抵食兼好食既午餐

周末一家人出去試下最近荃灣新開既冰室-巷仔冰室。黑松露野菌意大利飯：賣相幾好。野菌主要有冬菇，蘑菇，雞脾菇等...而呢碟入面既蘑菇可能煮時最後先加落去，莖有點半生不熟，溫度欠奉。忌廉味道有點兒過，因而覆蓋左黑松露既味道，總體味道略濃。值得一讚係飯既軟硬度，帶出意大利飯應有既口感。7分公司三文治：賣相唔錯，可惜雞肉用上餸頭餸尾，附上雞皮，雞蛋略熟；唯以配搭搭救補分。6分英式全日早餐：賣相一般。煙肉過曬喉，乾乾地，硬硬地；炒蛋亦略熟，以黑松露彌補其過火既味道，可記一功。其餘配料一如概往，不過不失。5分美式什扒：賣相一般，主菜有火腿、香腸、雞扒同豬仔脾（牛扒需另加$10）。上碟溫度略嫌不足，味道其實同茶記無異。4分

荃灣香車街一向是食店卧虎藏龍之地，最近新開了一間不大起眼的西餐廳，每天午飯時間都見人龍，那天我們三人一行去試試，當天我們約等了15分鐘，在入坐前要先點餐，我們三人不約而同都要了牛扒，因為只是48元，不防一試，牛扒可配飯、意粉和薯菜，剛巧我們各要一樣，餐湯有紅白選擇，我要了紅湯，他們要了白湯。紅湯有很濃的牛肉味，正！牛扒林且有肉味，不錯，！薯菜OK！試了一些意粉，意粉加了茄汁，可能落得太多，大甜，破壞了配牛扒和黑椒汁的味。最後還有咖啡茶，埋單每人位48無加一

平日香車街一帶出沒均是中年以上人士，巷仔冰室的出現令香車街增添了一點人氣和生氣。這讓我感到有點意外。平日巷仔冰室lunchtime時段排龍的，要預留點時間排隊。見平日人氣那麼旺盛，應該質素不錯吧忌廉湯:餐湯忌廉不濃，反而有好濃的胡椒味，過份的調味，失望而且口感不滑。美國西冷牛扒（8oz）配黑椒汁跟意粉：西冷牛扒牛味夠，個人而言較喜歡原汁原味，配上黑椒汁反而蓋過了牛味。原以為意粉會是配上點牛扒的黑椒汁，原來是蕃茄醬，令意粉味道不會孤寡，但醬汁有少許油膩，怕膩及不喜歡濃味的人未必適合。切開後的牛扒：全熟，因此有點鞋口，過韌，肉質不夠嫩士多啤梨奶昔：奶味比士多啤梨重，如士多啤梨重一點會較好蘇格蘭三文魚、蜆肉忌廉汁天使麵：忌廉汁不夠creamy，而且醬汁過多，變成了忌廉湯似的。天使麵比市面吃的粗。

這間西餐廳係福來邨附近，同事話平靚正，所以相約來試下，公司行過來要15分鐘，12pm多些已經勁多人，餐廳好細，所以好快滿座。餐廳門外有塊好大的餐牌，好多圖片，好吸引我們七個人，要分開坐，等左20分鐘先有位，終於可以坐低，真的好細，有些裝修的。牛尾羅宋場，賣相好濃郁，味道真的好濃，好足料，有甘笋，紹菜，西芹，仲有牛尾，好好味，夠熱！白汁龍俐柳意粉，好大份，龍俐有一大塊，意粉好多，白汁另上。龍俐煎到金黃色，好味，唔腥的，仲有少少沙律菜，意粉都彈身的，同事也食唔晒！溫泉蛋卡邦尼意粉，好香呀。好吸引，將溫泉蛋撈埋意粉一齊食，好好味，好香煙肉味，好多汁，份量不少，同事話好好味，有水準的呀！！我的端士汁牛肉意粉，好多牛肉，夠淋身，入味又好味，有些紹菜。個汁不會好咸，我食晒西冷牛扒，份量不少，煎得好靚，入味夠淋身，又香，好味，沙律菜，薯角也好食的呀！咖喱汁蛋包飯，個蛋好靚，夠晒香滑，加咖喱汁一齊食，好好味的呀不用加一好抵食

人手須多，職員工作混亂，入座安排疏忽。豬扒味道OK但牛扒就比較一般。焗意粉太濕。西歺廳竟然不足歺湯，但所點的食物份量都OK可是食物不夠熱。價錢與食物水準不太成正比。出菜速度還可。一般般歺室。

呢間開係香車街街市既巷仔其實係之前係路德圍既心意Lunch time時間好多排隊既人,極有可能要等半個鐘,不過唔知佢lunch可唔可以打去訂位,如果得就建意大家打定去先啦🙈好啦都講野食,小妹太趕時間啦,冇影到相嘛可以同大家講趕唔好意思小妹同朋友分叫左牛扒飯同焗豬扒飯,兩個都係$48跟餐包餐湯其實真係幾抵食牛扒超大塊,切起上黎都淋身,飯都好多,份量黎講一定夠飽而焗豬扒飯其實都算足料而且豬扒已經切開左一塊塊方便客人食$48黎講呢兩個餐都算係咁,已經唔錯,性價比又高不過大家去食飯個時可能要受一受啲侍應氣,小妹叫餐到侍應拎餐過黎個時,大部分侍應都黑面對待,去到送湯黎個時仲離譜,就咁拍一聲勁大力擺低個湯我同朋友都明白做餐飲業係好辛苦,所以落單個時都唔該前唔該後,我地無話要你服務得好好,至少唔好一下將碗湯拍一下咁擺落黎呀,另到我同朋友對呢間餐廳扣左唔少分總結,巷仔冰室啲野食係將好食既,而且價錢親民,性價比高,但排隊時間略長建議先打去餐廳問下有冇得留位,另外服務態度有待改善

香車街街市對車媽媽來說是童年最美好的回憶👪，記得每逢假日附近都會擺滿充滿人情味的小販，賣著日常用品，有衣服鞋襪，亦有近年少之又少的美食檔，最記得那雞蛋仔薄餅哥哥，叮叮糖叔叔仲有自皮薄爆餡的糯米糍姨姨，到現在也令車媽媽很是回味。時移世易近年附近人口老化了無生氣，經常返外家的我除了去街市江記尋回童年味道外已甚少到那頭覓食，不過近日在曹公坊開了間不知它可否為這兒添上生氣呢？看著門口的午餐牌很像十分吸引，那便入去試試看吧！吃午餐的那天臨近聖誕節🎅🎄看見餐廳有聖誕大餐供應，最高價的飛驒和牛漢堡塔都係賣$198，又有餐湯仲有火雞，還有甜品以及飲品都好抵食喎。入到餐廳裏面裝修跟街外的風格折然不同，西餐廳一貫的裝潢唔算太突出， 座位比較貼近不算坐得十分舒適！車爸爸，車公公，婆婆三位牛魔王揀咗{美國精選西冷牛扒8安士配黑椒汁}$48🐂，有餐湯仲有配飯🍚，意粉🍝或者薯菜🍠🌿，這價錢真係好無敵喇。而我這個就好想食飯喎！見到呢個{鮮茄焗豬扒飯}$48，即刻好肚餓呀！而飲茶我就揀咗呢個凍果茶，帶香香嘅莓味小小甜度味道不俗，忘了影低車爸爸的熱奶茶質素幾唔錯呢！既香且滑唯一係

荃湾食牛扒,更係心意啦!价錢平,平均質素唔錯,但環境就冇乜得要求!但今次去,重門深鎖!心知不妙!原來喬遷啫!搬咗去曹公坊!即香車街!雖然地区就麻麻,但裝修比心意好幾班!可能新嘅原因!今次等咗好耐!足45分鐘!餐牌变靚咗但价錢依舊!我們一家人三份肉眼扒五成熟,扒嘅質素鮮嫩,味道亦唔错!但黑椒汁有的特別!落咗的姜汁!有的怪怪地!唯一要投訴係飲品!咖啡的味道非常麻麻地!又冇拉花!又唔夠奶!唯服務質素進步好多!下次必会再光顧!

開業但連紅紙也未揭就知這小店有幾新，如不是街坊，一定會忽略了在街市旁邊與凍肉店做鄰居的有型餐室。想像不到街市區內會有間精美環境的小餐室，套餐價錢實惠之外，食品也吸引。是偶然發現的新店，今日是午後光顧，選了下午餐熱狗餐，8吋熱狗加檸水，雖然飲品只是檸檬加水，奉上的水滿有鮮切檸檬香味，等了一會，出爐熱狗來到：普通茶餐價，有似模似樣的視覺享受，等不及待的吃一口，焗爐的熱力還尚在，芝士加芥末像一片厚皮，夾著香腸麵包，很美味午市套餐跟下午茶餐價錢相若，如果餓一點吃個午餐還比茶餐划算呢給小店一個食評，希望店家的精神能延續平靚正的品質和服務，或將會變成我其中一個飯堂呢加油吧