巷仔見麵館 (將軍澳廣場)

營業中

休息中

落雨，唔想離開屋苑，近近地搵間餐廳食個晚飯🍽️見<巷仔見> 唔洗等位，餐牌介紹又幾岩食，一於試下　🤗當晚揀咗二人餐：主菜2️⃣選1️⃣有海南雞🐔半隻或都蒸魚🐟 + 煲仔飯 + 糖水🍡或飲品🍹兩份頭盤揀左無骨海南雞：🐓無骨幾滑，跟左三款醬及花生同酸菜，OK 啦，配菜幾好味之後揀左櫻花🌸蝦臘味煲仔飯： 有櫻花蝦，臘腸幾好味，少少芋頭，飯有飯焦，不過份量太小 叫左一杯凍OT & 一份豆花 凍OT 🍹正常野，豆花就十分麻麻，唔滑又唔夠糖水，下次要試其他先 味道係好食嘅，不過份量唔夠，個飯大個D就好喇，又或者加番份油菜🥬🥬

見到唔使排隊同想食吓車仔麵先入嚟試吓，但叫普通可樂上錯zero，第二次都係上錯，最後終於上啱，朋友叫車仔麵冇標明係辣，上到嚟先見到有辣油，完全食唔到辣嘅朋友覺得唔係幾好，佢哋就辣到跳舞啦，但正常食到辣嘅都接受到，如果寫返係有辣或者可以選擇走辣嘅話會比較好，我叫個芝士豬排飯，豬冇豬味，飯底乾得嚟唔香，難食過大○○嗰啲集團嘅好多，我哋問有冇得叫冰嗰陣態度極差，整體體驗唔好，所以一定唔會幫襯第二次🙏🏼

已經咩年代,重係西口西面,排隊用呼喝嘅,吾係一個半個,全部員工啞嘅吾講吾該錯單冇吾好意思,上嘢上錯照拎走,地方細吾係問題但不停叫你借過,嘢又吾好食,面係硬嘅,比左兩次機會,以後絕不幫襯

上菜超級慢，一個炒飯要等30分鐘。服務態度差，一餐飯期間，個女侍應叫我調位叫咗兩次，非常滋擾。炒飯水汪汪，飯又一嚿嚿，不過勝在櫻花蝦料係足。另外，之前食過煲仔飯，莫講話冇咗煲仔飯嘅靈魂——飯焦，煲飯喺最熱騰騰嘅狀態下，居然一啲都唔香。應該唔會再食。

今日落雨，唔知去邊度食飯，唔想揼濕就嚟咗將軍澳商場。因為好多餐廳都要排隊，見到呢間唔使，就行咗入去。嗌咗咖喱豬扒，清湯牛腩麵，炸雞扒沙律同埋雲吞麻辣米線。食物質素差劣。咖喱豬扒飯：佢聲稱係厚切豬扒，但係非常薄，咖喱汁正常，好普通清湯牛腩麵，牛腩都OK，但係麵非常硬，唔夠腍炸雞扒沙律：炸雞扒正常，沙律細碗，而且沙律汁成Pat白色嘢，仲有啲罐頭生果，唔係好有食慾雲吞麻辣米線，雖然雲吞好多，但係湯底同米線冇誠意，湯底仲淡過水，有啲求其。總括嚟講，呢間餐廳非常普通，唔建議去。

當晚揀咗「二人餐自由選」：主菜二選一 巷仔無骨海南雞（半隻）（$168），因為唔食臘腸，煲仔飯選了 鳳爪排骨煲仔飯，最後再揀兩個巷仔經典糖水或飲品。巷仔無骨海南雞（半隻）（$168）：都算有d雞味，一般滑，不過不失啦。雖然話半隻，份量其實唔算好多。鳳爪排骨煲仔飯：排骨好滑、有飯焦香。當晚煲仔飯豉油比得唔夠，要再問攞。當晚煲底飯焦燶咗，可能大火咗。最後揀咗一個薑湯番薯糖水（熱）：正常番薯糖水味，冇乜薑味。本來想食椰汁咋喳，七點左右已經賣晒，阿姐話當晚只預10碗。下次想食要再早啲去。薑湯三色芋圓（熱）：芋圓都幾煙靭，但係得幾粒比較少，當飲薑糖水都OK。套餐質素算係咁，可以接受。

完全冇誠意，啲嘢食好敷衍了事叫咗凍飲少冰但伯咗成個冰山間嘢俾人感覺係唔想做咖哩飯啲汁係分開煮，豬扒又係，聲稱厚切大薄到好似一張紙咁樣，總之就係完全唔吸引，連咁簡單嘅咖哩飯都做到咁，其他嘢可想而知🙄

最近經常在將軍澳出現，所以在努力發掘那邊有什麼好吃的。巷仔見麵館 的二人餐非常吸引，價錢也不貴的喔。晚市時間滿座會需要等位，大約等5分鐘左右吧。👫🏻二人餐包括了一款主菜 + 一款煲仔飯 + 兩款糖水/冷熱飲品。我們選了 酥皮焗花膠雲吞雞 (HKD 159)酥脆的西式酥皮配中式菜不減邪惡的程度 (笑) 湯的味道都幾濃郁。有半隻肉質嫩滑的雞和很大塊的花膠，另外還有雲吞。煲仔飯則選了 鳳爪排骨煲仔飯。會有少少的飯焦，不過飯吃落會是偏濕潤，不是很乾那種。鳳爪和排骨都入味，但鳳爪和酒樓平常吃到的相差甚遠。甜品本來想點手工豆腐花，但可惜沒有了。最後點了薑湯三色芋圓，吃完很暖胃，芋圓亦很煙韌。+HKD 8 點黑糖珍珠奶茶，幾大杯。是港式奶茶來，珍珠不夠彈牙。

今晚我叫左外賣一碗紫菜墨魚丸麵，返到屋企發現只得墨魚丸及麵而沒有紫菜，不是第一次，很久之前嘗試買同樣食品都係唔見咗紫菜，今次再買也是一樣，真係非常之有問題。仲要係飲食集團，連最基本都做唔好，大家要小心，我諗每次都要看清楚才取走，如果唔係隨時又唔見咗啲咩，攪到我以後都唔會再去這間餐廳。

幾個月前食過都算正正常常，切開入又有牛奶爆出黎，味道都算唔錯。即使是外賣有影響，味道同流心效果依然係度今日中午放飯走去買外賣，公司舖頭行去路程約5min左右，都算幾快到。我叫完外賣係「巷仔見」前口大概15min左右就有得拎，快！跟住拿拿聲返去即刻食 返到去一打開個外賣盒，塊多士算正常，只係面頭美祿有d痴埋一舊，用刀一切，聽到水卡一聲，面頭d美祿 又乾又硬 痴埋一舊 膠刀都切唔開，繼續切入面又乾 又冇流心 一滴牛奶都冇圖片中 入面面包乾到一個點 ，盒底連少少汁都冇，說好的流心呢？ 我去茶記食個普通西多都有楓糖漿比我呀 大佬 我臨走前都有問個店員 有冇煉奶or糖漿 佢仲要同我講落左好夠多架啦，哇 真係想講粗口 係咪玩我， 杯紅豆冰唔洗點講 除左換左個迷你杯 飲兩啖就飲哂 哂氣另外叫左個麻辣鮮蝦雲吞大腸米線 0麻辣 得酸菜味 完 呢間越黎越垃圾 唔會再食

第一次寫食評就要俾個負評之前已經試過一次係到食個聞落好似火燭味既煲仔飯當時職員態度都唔係好好今日諗住俾多次機會佢就試咗海南雞飯同馬拉盞牛肉煲29分落單 唔使35分就到海南雞飯隻例牌雞不過不失 但個湯就完全係雲吞麵湯底 完全唔值66蚊然後 等咗半個鐘都唔見個牛肉煲淨係見廚房係咁出個蜆煲你諗住問職員點啦 同行屋企人個飯都食完喇個牛肉煲都未見影個職員就答你 炒野係耐d我話你地淨係出個蜆煲 目測都出咗起碼8個佢話 個d唔使炒丫麻然後幫我吹個廚房出餐到個牛肉煲終於上喇隔離枱都一齊上個牛肉煲原來唔係炒得耐 係要等埋另一枱先上到嘢隔離枱遲我張枱20分鐘入黎只係等咗10分鐘都無就開餐不得了職員個句 個d唔使炒丫麻多謝哂無第三次永久black list

今天，我都行仔見吃下午茶。我點了炸雞、薯條和紅豆冰，首先，紅豆冰十分好喝，尤其是紅豆冰裏的紅豆。然後，薯條既熱又脆。最後，炸雞的外皮十分香脆，雞肉十分嫩滑。然而，薯條份量太少，食物也要等很久才到。總結，這間餐廳真是不過不失啊！ 閃電

下午茶時間，西多士+奶茶一向係我嘅首選，入黎呢間餐廳試下新嘢😋✦ 漏奶西多士 $28西多士+流心煉奶+阿華田粉，簡直係極邪惡😈食得多傳統西多，轉下新口味都唔錯，下午茶黎講簡單好食+$8 升級特飲 仙草奶茶🧋港式奶茶茶底+粒粒仙草，茶底夠濃好飲👍🏻

香港嘅茶餐廳文化，令到香港越來越多茶餐廳/冰室等等！所以賣相越來越重要！這間好多將軍澳街坊都會幫襯過的茶餐廳，CP值很高！如果你喜歡手機食先可以一試！而食物質素都係正常發揮！唯獨餐廳侍應不夠人手，要等好耐才會有人理你！扣左小小分！

嚟到將軍澳廣場食茶餐廳，巷仔見麵館應該係新開，裝修幾有設計，不過啲嘢食麻麻哋😕炸霸王雞扒蛋餐 $48佢係炸雞扒加豉油煎蛋飯，個人認為煎雞扒搭豉油煎蛋正啲，炸雞扒有啲Heavy🥸 雞扒size係幾大塊，肉質都幾滑，個皮唔係好但係都唔係薄，幾脆口蔥油雞扒撈公仔麵 $45撈公仔麵味道偏甜，個人幾喜歡個味道，不過份量好少，上菜嗰陣嚇一嚇，食兩啖就見底😂 煎雞扒肉質麻麻哋，有啲嚡，整體一般😗味道: 6/10環境: 8/10服務: 7/10人均: $40-60#myfoodiefoodie #myfoodiefoodie將軍澳#hkfoodie #hkfoodieblogger #hkfoodierecommendation #香港美食指南 #香港美食日記 #香港美食分享 #香港美食推薦 ，不過價錢平，不過價錢平