影片
以上資料只供參考, 請與餐廳確認詳情
-
網上訂座服務暫停
今晚同朋友去了這間位於大鴻輝(荃灣)中心12樓全層嘅常滿百家菜食飯，這裡最大賣點，除了有任食火鍋外，還有另一個選擇，就係任食小菜，在無限時任點任食，在點菜紙上嘅幾十款小菜及點心放題，對於平時喜歡食開火鍋任食嘅朋友又多了個新選擇，落單後店員即按人數上了彈牙爽口嘅蠔皇扣鲍魚及口感滑潤及濃郁的奶香嘅蒸雙皮奶一份本身喜歡食點心，佢嘅選擇亦十分大路，有大大隻又彈牙嘅蝦餃皇、同樣份量十足嘅鮮蝦蒸燒賣，多點幾次就已經返了本，而其他點心同樣出色，炸雲吞、咸水角、蘿蔔絲酥餅、芋絲炸春卷，亦十分香口，所有點心落單先蒸，夠晒新鮮！而今晚除了點心外就係任點任食小菜，今次點了外脆內軟酸甜醒胃嘅菠蘿咕嚕肉、樟茶鴨皮脆肉腍，肉質色澤亦較深，香氣濃郁、獲氣十足嘅京蔥爆牛肉，入口牛肉嫩滑京蔥爽脆，帶有甜香和鹹香、粟米魚柳，魚柳炸到外脆內軟，再淋上粟米粒芡汁，非常開胃、京式賽螃蟹入口鮮嫩爽滑，碟碟分量都唔算大，但要樣樣食就真係未必得，人多想試多啲就冇問題，如果人少少，都係重點選擇，以上菜式都係口味不錯嘅選擇！店內亦有個熟食小區，都係酒樓內常見食物，落單前亦可取小吃，而這裡還有任飲汽水啤酒，最愛就係佢嘅樽裝汽水！十分傳統！整晚感覺食物質素絕對滿意，上菜速度快，點心即點即蒸，所以時間會耐少少，但絕不走單！一個價錢絕對超值！
繼續閱讀
收工打算同個朋友飲夜茶， 朋友有間好嘢推介， 佢話又有得食點心又可以打埋邊爐，仲要好抵食， 任飲任食冇限時。呢到好中式茶樓feel，咁夜都咁多食客，都坐滿咗8/9成。乜嘢都係自助嘅，坐低即刻調返個醬料先，呢啲都係基本嘢，重點係佢有桶自製豆腐花，仲有黃糖可以自己落，豆香十足，好滑。火鍋配料主要都喺自助區 自提自取，有部分可以用紙落單，選擇都幾多，除咗一般嘅丸類/蔬菜之外，我覺得佢嘅牛舌/海蝦/魚頭，都很新鮮值得一食。選擇真係包羅萬有，一定要留肚，食多啲，冇限時嘅火鍋點心放題，回本冇難度。海蝦還是活的，好生猛。不得不提呢到嘅點心，全部即點即蒸，蝦餃/燒賣勁出色，餡料真材實料，好巨型。炸饅頭都係即叫即炸 入口嘅時候熱辣辣，配埋煉奶係最佳配搭。飲品竟然有一支支嘅玻璃樽汽水提供， 好耐都未飲過玻璃樽嘅汽水，好夠氣，凍冰冰，好爽。 啤酒都係無限量供應，任飲的。甜品方面有自家製糕點及啫哩，仲有一杯杯唔同口味嘅雪糕提供。
繼續閱讀
常滿百家菜📍荃灣眾安街55號大鴻輝(荃灣)中心12樓一大班朋友聚會之選，茶樓氣氛熱熱鬧鬧，有無限時點心火鍋放題，入座就送羊腩煲一大鍋，份量超足！最驚喜係每晚8點後自助區會仲有片皮鴨拎🤤點心任食劃紙點完一籠籠熱辣辣上枱，連小籠包都有😋啲點心好高質，全部大大件好抵食，味道一啲都唔遜色，食到好飽😋點咗個雞煲，食完可以加湯打邊爐！自助區有各種小食、菜、麵、飲品、甜品，連啤酒！樽裝汽水同維他奶有feel！
繼續閱讀
同事上個月食過，今日翻尋味荃灣大鴻輝中心嘅常滿百家菜，作為好同事一於奉陪，酒樓晚市主要分小菜放題及火鍋放題，我地揀咗火鍋放題。雙冬羊腩煲香港人除咗全年都鍾意打邊爐，喺呢到全年都食到羊腩煲，火鍋湯底可選擇羊腩煲，羊腩煲足料質素好，食完羊腩加湯進入火鍋環節。火鍋配料選擇多，除肥牛外更有牛展牛脷、海生蝦、脆肉鯇、手打墨魚滑及一般火鍋配料都應有盡有。點心放題放題提供近廿款點心即叫即製保證新鮮，點心絕不馬虎，大部分都係酒樓必點嘅熱門點心，蝦餃燒賣小籠包、排骨鳳爪、牛肉球、鹹水角、炸雲吞、春卷，平時叫一碟都廿幾三十蚊，呢到可以任食，重點必食巨型蝦餃啖啖蝦仁超級正。自助區有多款熟食，鹽水鴨、豬腳薑、椒鹽豬排、碗仔翅、糖水，重點推介炸雞翼，炸得超香脆，不斷推出，銷量冠軍，大約八點會有即開片皮鴨，老細仲親自操刀，熱辣辣加青瓜及鴨醬一定要食。甜品雪糕選擇都好多，更有馬豆糕、桂花糕、芒果布丁等自家製甜品，飲品有啤酒、玻璃樽裝汽水、樽裝維他奶，坊間少有出售呢到都飲到。呢到任飲任食無限時，食物選擇超多質素好，重點係連加一每人只係二百三十六個半，真係約朋友飲飲食食傾談嘅好地方。
繼續閱讀
之前就食過佢地既任食火鍋 質素幾好今次見到有小菜點心任食 當然要去食下喇❤️🔥爆抵優惠每位送蠔皇鮑魚+雙皮奶蠔皇鮑魚淋滑入味 雙皮奶奶香濃郁 好滑溜💫翻新後光猛乾淨 坐得舒服唔逼夾啱晒一大班人慢慢吹水食飯👇必食清單👇 🦞海鮮類▪️豉汁蒸魚雲 - 魚雲滑溜無腥味 豉汁超香 ▪️清炒蝦仁 - 蝦肉爽脆彈牙 簡單鮮味 ▪️炒斑球 - 斑塊厚肉嫩滑 鑊氣十足 🍖經典小菜▪️菠蘿咕嚕肉 - 外脆內軟 酸甜汁開胃 ▪️京式賽螃蟹 - 蛋白嫩滑 蟹味十足 ▪️金銀蛋時蔬 - 皮蛋鹹蛋+生菜 湯底鮮甜 🥟點心▪️蝦餃皮薄餡靚 燒賣肉汁爆棚 小籠包一啖爆湯 仲有蒜香排骨 脆口咸水角 🍧甜品&飲品▪️選擇多 有雪糕、椰汁糕、桂花糕 、海底椰等▪️每位加$12 汽水啤酒任飲選擇多又抵食 翻新後環境加分 大胃王必試 ‼️
繼續閱讀