影片
以上資料只供參考, 請與餐廳確認詳情
抵食大鑊火氣足，招牌小炒鑊鑊精彩！新蒲崗街坊小炒「常聚小廚」一向以鑊氣足、價錢親民聞名，今次試咗幾款招牌菜，果然名不虛傳！ 椒鹽鮮魷鮮魷炸得外脆內嫩，椒鹽香氣撲鼻，粉漿薄脆唔油膩，咬落去仲保留到魷魚嘅彈牙口感，送啤酒一流！ 咕嚕肉經典甜酸比例恰到好處，外層微脆，肉質鬆化唔黏牙，仲加入新鮮菠蘿同青紅椒，開胃又解膩。 煎馬友魚魚皮煎至金黃香脆，魚肉雪白嫩滑，簡單用少少鹽提鮮已足夠，火候控制得宜，骨唔算多，啖啖肉好滿足。 蒜蓉蒸開邊蝦蝦肉新鮮爽甜，蒜蓉鋪滿蝦身，蒸得剛剛熟，粉絲吸盡蝦汁同蒜香，精華所在！ 啫啫通菜煲上桌時滋滋作響，通菜翠綠爽脆，蝦醬鹹香惹味，仲加入少量豬油渣提香，熱辣辣夠鑊氣。 鹹魚雞粒炒飯必試！飯粒乾身分明，粒粒彈牙，鹹魚香濃但唔會過鹹，雞粒嫩滑，最驚喜係碟底一滴油都冇，證明師傅炒功了得！ 常聚小廚仲提供 二人、三人、四人套餐，平均每人百零蚊就食到飽，性價比極高。街坊生意，份量足又冇花巧，想食地道大排檔風味嘅朋友絕對要試！
繼續閱讀
餐廳老闆同店員都好有人情味食物質素高但價錢好經濟實惠-（下午茶）香煎豬扒 配 田園雜菜沙律 ＋ 紅豆冰 $37紅豆冰唔使加錢，好大杯豬扒薄身但非常大塊，香草味濃，亦唔會太油膩-（下午茶）牛扒煎蛋辛辣麵 ＋ 熱檸茶 $42轉辛辣麵唔使加錢辛辣麵湯味道啱啱好，唔會太鹹
繼續閱讀
成日都講新蒲崗搵食其實唔難，好多選擇但有時花多眼亂，午餐食飯都會諗唔到食咩😂通常我既做法係上外賣平台睇下呢期邊度做優惠🤗咁今次就發現到呢間有優惠☺️$50都唔洗就可以食到啲炒粉麵😂仲要唔洗等太耐，好快有得拎😉😋馬來炒貴刁有驚喜喎😬咁平原來仲有例湯送🤭仲要都幾好飲，幾足料飲完唔會口渴，應該冇咩味精😂呢個貴刁都足料，又有蝦又有叉燒😀有鑊氣之餘仲好夠味🤭舔舔脷指數👉🏻7😋/10😋滿分 可以一試😋
繼續閱讀
今天去咗餐廳叫咗午餐，等了足足20分鐘都無嚟到。仲要每一次催佢都話等1分鐘 過咗咁耐都無得食，食到一肚氣。食物質素都不如理想，叫一個豬膶公仔麵，成個公仔麵都係薑味。不會再來。
繼續閱讀
朝早去冇大把位，但都要強迫食客同人搭枱，如果餐廳full 哂大家搬遷就下都冇所謂，但仲有咁多吉枱嘅情況下，都仲要啲客食得唔舒服，仲用以前欺壓客人嘅心態去做生意，唔怪得你間餐廳真係冇生意。
繼續閱讀
您可能會有興趣的...