幕多

營業中

休息中

Visited this ramen resto in Tsim Sha Tsui, suggested by my friend, for dinner tgt. .We both ordered the Shrimp Soup Noodle. For the noodles type, one can select between ramen and sliced noodles, and I chose Ramen. The broth was simmered with a generous amount of shrimp, creating a rich and flavorful base. Before serving, the waiter poured shrimp oil into the broth, intensifying the taste of the already thick and creamy soup. Each bowl featured three large soy sauce-infused unpeeled shrimps, whic

當日去食飯好彩唔使排太耐，大約等咗三十分鐘左右，等位期間餐廳仲主動派水同酒，感覺好貼心，令等候都冇咁悶蝦湯雖然唔算超濃味，但勝在鮮甜，飲落好舒服，唔會膩。麵條都好掛湯，每一啖都食得出湯底嘅精華。最驚喜係蠔，真係好新鮮、好鮮甜，完全冇腥味，啖啖肉好滿足，令人一試難忘。餐廳環境比較細，坐得唔算特別舒服，不過見到外面咁長隊，食完都唔好意思坐耐。唯一美中不足係收錢方式，原本問咗侍應可以用支付寶，點知最後老闆話只收現金，要我行去櫃員機攞錢。幸好有好心食客即刻借錢俾我用PayMe還返，真係好感動。建議餐廳可以喺門口寫清楚收款方式，方便大家準備定現金。整體嚟講，食物質素高，希望下次可以試埋佢嘅蟶子！

當日嗌咗一個麵加咗帶子（是日精選）Feel到老細真係每一日揀最新鮮嘅食材蝦肉彈牙，新鮮啱啱好熟。佢哋煮錯咗麵俾我，之後免費送返一碗刀削麵（醬油湯底）拉麵同刀削麵都好好食下次經過會繼續支持

Bookmark 咗呢間拉麵店好耐，今日去開尖沙咀就一於過去試下！本身都預咗要排隊，所以去到見到一條長長嘅人龍都唔太驚訝。最令我哋驚喜嘅係排緊隊嘅時候老闆會出嚟親自請我哋飲sake😳仲要倒到勁滿杯，睇得出佢每一位客人都好重視同埋唔會斤斤計較，有酒飲所以我覺得好快就等完位到我哋入去食了🤤醬油蝦濃湯麵 $118餐廳得一款麵，所以出餐都好快，一入到去等一陣就食得，個湯底十分濃郁，而且食之前店員仲會幫我哋淋多一圈嘅蝦油，更突出蝦嘅味道，麵條都煮得彈牙，濃郁嘅蝦湯掛住係拉麵條上面，食極唔停口呀😳😳上面有3隻大蝦，蝦肉彈牙，而且餐廳仲好貼心咁幫我哋剝哂蝦殼，對於我呢啲懶人嚟講，有人幫我剝埋蝦殼係特別好食嘅😝醬油蠔 $38/隻佢啲蠔勁大隻同超肥美，用醬油醃製感覺好fresh，有少少辣辣地但又唔會太勁，好有驚喜🤩.總括嚟講，呢間小店雖然選擇唔多，但係質素非常之高，唔怪得知咁多人排隊啦，一定要encore 再encore😍

尖沙咀嘅幕多專注於一款醬油蝦濃湯麵，可以揀拉麵或者刀削麵，仲有幾款小食可供選擇，包括溏心蛋、蝦、蠔、鮑魚同是日精選小食醬油蝦濃湯麵我叫咗一碗拉麵同一碗刀削麵，每碗麵都有三隻大蝦，湯底好濃郁，入面仲有唔少櫻花蝦，好鮮，令我每啖都感受到海鮮的鮮甜。拉麵的彈性同刀削麵的滑順，兩種口感都非常吸引精選小食我仲叫咗蠔同大蜆（是日精選），蠔有兩隻，肉質鮮甜，搭配湯底更添風味。大蜆就係好鮮嫩多汁同好大隻等位體驗果日落大雨，我哋要等位，但旁邊有張長凳等，職員仲好貼心，拎咗一大支水比我哋，仲有紙巾比我哋抹乾，服務真係幾周到

特別預早一點前到店舖食午餐，拍好前面只有兩枱台客人，等了10分鐘就可以入座，店員10分貼心地派支裝水給排隊的客人，另外亦會預早派點餐紙，讓客人預早食乜好。店內只有幾張枱，枱與枱之間十分狹窄，適合午餐快食快走，不適宜朋友聚會。除了招牌蝦拉麵外，另外點了一個糖心蛋及一隻蠔。蝦湯底非常濃郁，而且食完唔會覺得口渴，咸度剛剛好。店員放上枱時會淋上一圈蝦油，整個湯底都很濃稠，三隻蝦都彈牙，拉麵煙靭有咬口，配上湯底很好味。令人驚喜的是蠔又大隻又鮮甜一點也不腥，可惜溏心蛋稍為過熟有點失色。

#幕多 😋😋😋hmmm this is very famous place food is ok but overall not ok.1) queue up at back lane with dirty water drainage smell for 30mins.....2) they dont serve ice water for ramen, just free bottle water.3) table small4) the door wide open, air con heavily not enuf, just dont come in summer.food.1) ramen is typical one, very normal2) soup is strong shirmp taste.3) topping woth 3 shrimps, very good.overall better than 一幻， env. not good.wont come back. bye.

過嚟幾次都食唔到，次次條龍都鬼死咁長今日決心4.45就到～ 已經有4枱坐低左終於成功食到。真係好食😋店舖哥哥非常友善，抵讚，亦抵佢生意好！我試刀削麵，男朋友食拉麵～ 再加生蠔、鮑魚個人覺得刀削麵好食，鮑魚大大隻👍

4.7/5⭐️ 蝦湯界天花板🦐 神級蝦湯系列 🍜 招牌蝦湯麵 - 湯底超濃- 配已剝殼大蝦 懶人恩物- 追加海鮮超值，海鮮甜味撞蝦湯絕配 一碗蝦湯見證小店初心，由街坊食堂變成必食名物！

【濃厚順滑。醬油蝦湯麵】這家小店只有一款湯麵、 每天排的人源源不絕，在香港是難得一見。排隊是可以坐在外面的一排長椅，等待時店員有免費送水。店裡空間不大， 約二十幾個座位。 當天約2點前到達，排了30分鐘就安排入座。❈ 醬油蝦漉湯麵 HK$118 ❈ 溏心蛋 HK$15麵條可以選拉麵或刀削麵，蔥可以選多蔥，適中，少蔥或走蔥。溏心蛋是流心的，淡淡的蛋香味。上桌時店員會現場淋上秘制蝦油，增加香氣，儀式感滿滿。湯底濃厚順滑，還加了櫻花蝦，令湯底更豐富。每一口麵也掛滿了很濃郁的湯。3隻蝦不用剝殼可以直接吃，醬油豐富了蝦的香甜，口感彈牙。 註： 只收現金

為咗唔使排好耐，我哋11:40就到餐廳結果排第一位餐廳好好，會每人派一枝水畀埋餐牌我哋畫定每碗麵有三隻蝦上枱時職員會淋上蝦油好香，好濃，好掛汁我哋兩個都覺得拉麵比刀削麵適合鮑魚同蠔都非常大隻好有口感配咗豉油加少少辣椒但因為蝦湯麵好濃味再食呢碟時係有啲淡味時日精選係青口原本冇諗住叫，後尾男朋友話都想試埋估唔到！咁好食！好大隻青口，粒粒啖啖肉同埋，食完蝦湯麵再食佢都仲食到佢嘅鮮味最抵食係呢度可以加麵所以絕對唔使驚唔夠飽

並非浪得虛名的排隊小店大概23個位5pm點開半，530pm到店已經前邊有10幾個人等位了排左大概半小時可以入座最期待係佢啲海鮮🤣餐牌只有一款蝦拉麵蝦食得出係新鮮蝦，仲要剝埋殼連埋條尾俾你我揀咗多蔥啲蔥喺新鮮切爽嘅麵條唔會太腍海鮮到我叫嘅時候候已經冇晒鮑魚好可惜所以我叫咗蠔，蟶子，青口全部海鮮都好新鮮，一啲都冇腥味醬油味剛剛好唔會太鹹明白點解佢會成日都排隊喺外面好少食到呢一種海鮮煮法價錢唔會太貴菜式特別，又有心機值得支持一下

星期六6點開始排 7點幾終於入到座一路排隊既時候 店員會keep住派水同酒好貼心我地叫左蠔同鮑魚餐廳話今日既蠔比較細隻 所以補多隻比我地呢個位再feel到佢地對質素好有要求講下個醬油海鮮先蠔同鮑魚都勁大隻蠔食落好甜好鮮個鮑魚就好彈牙而且每款都係三十幾蚊 都係好抵食好欣賞佢個海鮮 另外拉麵就一般般蝦味唔算濃 湯底味道淡左啲湯底比較似擔擔面 有花生醬既味道而且佢蝦油都偏重花椒面而唔係重蝦味所以有少少失望不過料就都幾足成碗有好多櫻花蝦不過會果湯底要濃啲會更好

閒日6點45分已經見到多人排隊，但等30至45分鐘就可以入座，都接受到，因為蝦濃湯太吸引。天氣開始熱，網上見人講店家提供水，太貼心啦。驚喜位係店家好大方，請大家飲酒（唔飲酒都有水），白桃好香易入口，微微酒味，傾下計飲下野，好快等到位入座，而且近門口都有少量位俾排前方客人坐。餐牌好簡單，小店賣一款醬油蝦濃湯麵，可揀拉麵或刀削麵，可加錢要海鮮，見到其他客人食的蠔同鮑魚超吸引，不過我地太遲，剛好售罄。醬油蝦濃湯麵 $118店員會係客人面前加蝦油，好有儀式感。加左蝦油，湯頭味道會更香，先飲一啖湯，有濃濃蝦味，質感濃調厚身，有櫻花蝦、3隻去殼蝦、蔥。我揀左刀削麵，更掛汁更滑。男友揀拉麵，感覺日式，都掛到湯汁。蝦肉大大隻，鮮味爽彈，蝦味突出。是日精選海鮮 蟶子$38，超大隻，蟶子皇咁，好鮮味好爽脆。當晚已售罄糖心蛋、鮑魚、蠔，下次要早d去。💪最後，如果未飽，店員話可以加替玉（即加麵），不過唔知幾錢，因為我都飽飽地，但男友剛好。

OneNight Camp is a hidden gem that specializes in shrimp ramen, and it truly shines in this area. The broth is rich and flavorful, infused with the essence of fresh shrimp that elevates the entire dish. Each bowl is generously topped with plump, succulent shrimp, perfectly cooked to maintain their tender texture.The noodles are cooked al dente, providing a satisfying chew that complements the savory broth. The attention to detail in presentation adds to the overall experience, making it as visua