平記咖啡冰室

營業中

休息中

食早餐. 叫左番茄滑牛通.牛肉好滑真係鮮牛! Good!通粉都ok. 湯底唔太濃反而岩岩好.多士好厚不過牛油唔溶.蛋都ok滑.茶走一般!成個早餐可以比70分.

31-12-2009唔知點解, 心情麻麻的日子總會到紅磡漫無目的周街行, 呢日就係其中一日. 返屋企前想飲杯奶茶, 嚟到 7B 巴士站附近的呢度. 叫了「下午茶餐」, 有牛油厚多士及熱奶茶 ($17).先嚟奶茶, 色水好「茶」, 飲落幾滑口, 茶味奶味約 7:3, 不過又帶點澀口的 "aftertaste", 唔太喜歡.厚多士就幾好睇但幾唔好食 -- 烘得唔夠, 食落唔得鬆脆, 又唔夠熱溶唔到 d 牛油 「食油」的滑潺潺感覺實在唔啱我, 唯有自行「刮」走一點, 食得都幾 mung. 呢度叫自己做「冰室」, 不過唔係我呢 d 老餅喜歡的 (舊式) 冰室類型, 可幸衛生不錯.放低 $17, 心情仍然麻麻, 下次還是坐真正的老冰室吧.2009 年對我而言實在太衰了, 希望來年一切都會好一點吧.

今日放工經開呢到, 見佢開業左一排但又冇幫襯過, 結果入去試, 等左好耐位, 因為啲人喺到吹水多, 食飽又唔願走果啲! 結果我地要叫外賣, 我地等左差唔多20分鐘有多先有得攞, 仲要係走入去搵個侍應問有未呀, 佢答我仲欠片火腿, 真係激到冇氣呀, 真係工作效果非常非常之慢!!!我地叫左個常餐(炸豬扒, 火腿, 蛋, 蕃茄米線+多士一件), 火腿煙肉飯, 凍檸茶常餐 - 好普通既一碗米線加左啲蕃茄落去變左做蕃茄湯底, 再加啲火腿同炒蛋, 呢個餐最好食莫過於件多士啦, 仲有炸豬扒都唔差既火腿煙肉飯 - 真係麻麻地囉, 咁簡單既飯都搞成咁...不願置評

第一次新開張不久,試了炸魚柳早餐及凍檸檬茶,塊魚柳炸到又油,個皮又淋'patpat'。已經諗住唔會再幫襯,再睇食評見咁多'good，又再比次机會佢。點了紫菜墨魚餅蕃茄米線,凍咖啡,另一個餐腸蕃茄麵,凍檸茶。嗰塊紫菜墨魚餅超鹹,吃了一件己經放棄,個蕃茄湯底都偏鹹,米線就正常啦！餐腸麵應該都唔會難食掛，點知個麵淥到淋patpat,塊餐肉好似未煎過白焯咁。同中環嗰間比仲差好遠好遠。最後D伙記好似唔原做咁,叫落單明明行過你身邊都要等陣等到唔知去左邊。black口black面咁以後唔會再幫襯lu。

一星期的開始, 一定要找間好餐廳食早餐. 睇過OPENRICE D 食評, 平記好似幾好.....當然要試一試.9:30AM 到達, 等咗一陣先有位...我叫咗 蕃茄鮮牛肉湯麵早餐.先送到是腸+炒蛋+牛油多士. 多士外脆內軟. 炒蛋就有D老和多油. 之後...主菜到了.....蕃茄鮮牛肉麵....湯底幾濃. 蕃茄都很多. 真是一個驚喜. 鮮牛肉還可以. 個麵都做得OK...不是太SOFT.用這個PRICE 可以食到有質素的蕃茄麵....那就不用去中環了!!!!!!!

1. 小弟很愛食牛，很多時都食到D又老又乾的牛肉，實在氣憤! 平記的鮮牛唔老，無渣。一個字 "掂"! 2. 茶餐廳有即磨咖啡真少見，上桌前再灑上朱古力粉，有誠意加分!3. 蜜糖番茄幾有創意，叫了兩個，四個人食，味道清甜，但奇怪我地係店外Meun睇到有蜜糖番茄，但店內Meun竟然找不到，要問伙計才話有得賣? 超奇怪!讚完都有彈，卡位全部有問題，小弟5呎9，中等身型，但坐卡位發覺張餐桌好矮，差少少就頂腳! 另外，人客一多發覺D伙記做唔切。

紅磡蕪湖街的街尾,一向都給人感覺很老化的地方,但近排,一連氣開了三間新的食店. 今天的lunch time,我便首次光顧這一間,外觀較為時尚新潮的咖啡冰室.今天,我和母親大人在中午時光顧,我order了這一間招牌"番茄湯底",揀選了'墨魚餅番茄湯底米線". 他的番茄湯底真的給我很新鮮很鮮甜的感覺,番茄也是很多的. 我也食過其他食店的番茄湯底米線,也像一碗味精湯,這一間真的食得出不是味精粉.而且墨魚餅很厚身,一碗米線也很有口感. 不錯不錯.母親大人也order了一個,雞扒香腸併薯菜. 不過不失啦,雞扒炸得很脆,很香口.不過,有一個失望的地方,就是今天我order了一杯熱杏霜,可惜很淡味,很水. 杏霜粉太少了,水也太多,不過都無所謂啦,食物好味就足夠了.

見到這間餐廳已有一段日子, 上個星期日終於有機會試一試啦~~~入內仔細一看, 裝修都幾特別, 有別於一般傳統的茶餐廳, 較新潮~當日我們去到已經差不多12點, 理論上應沒有早餐供應, 但老闆娘見我們好想食早餐, 她好好人, 說還可order早餐, 於是我們order了蕃茄鮮牛肉公仔面, 有旦又有腸仔, 還有多士. 旦炒得好滑, 多士是厚切的, 製作很認真, 真難得!最驚喜的是蕃茄乎鮮牛肉公仔面..... 見到隔鄰o的蕃茄公仔面, 整碗面都是鋪滿鮮蕃茄, 所以我特意叫侍應不要加一丁的味粉. 果真好好味, 面湯好像自家製的蕃茄湯, 好濃的蕃茄味, 面都好煙韌, 正呀~~~~~~~~~出乎意料的"好"呀~~~二十幾蚊一個餐, 真係物超所值呀~~~~~心思思想再去呢!

本來睇左食評, 想去紅茶館試一個平價buffet, 不過我地未行到去, 就被坐無虛席的平記吸引著, 好幸運地, 我同囝囝岩岩搭到檯, 唔駛等位喇.囝囝叫左一個魚柳早餐 + 凍朱古力, 睇相就知相當唔錯, 多士夠熱, 魚柳醃得好好味, 雖然係冰鮮魚, 不過都好有水準了, 再配上香滑的炒蛋及兩片火腿, 賣相食味都好正呢我就叫左一份腿蛋三文治 + 凍檸檬茶, 基本上都冇咩失手, 麵包夠新鮮, 鬆鬆軟軟的, 加上滑蛋及火腿片, 呢d係港式茶餐廳令人百吃不厭的魅力.

冰室 - 在孩提時代一聽到呢兩個字, 都會開開心心地挽著媽媽的手, 鬧著快些去吃紅豆冰的地方. 今日又俾我經過一間冰室, 反正閒來無事, 不如入去食個菠蘿油, 飲杯檸檬茶, 打發半個小時吧.菠蘿油 - 有點溫溫的, 可惜包包的面太脆了, 鬆一點更好.檸檬茶 - 茶餐廳的水準, 夠新鮮的檸檬就不會苦澀, 呢次都沒有令我失望丫!

正當茫茫然不知道在紅磡找ABC早餐吃之際，忽然想起蕪湖街開了這一間新的茶記....不是說在紅磡很難找西式早餐吃，相反茶記舉目皆是，但真正能吸引小弟進去的確是極少。殯儀區入面已吃過幾間，恕不再重覆了。故此見到一間新的，便很有興趣去吃吃....雖然這裏自稱咖啡冰室，但裝修格局就跟普通茶記並無兩樣。食物選擇也是很"茶記 style"的....例牌一杯茶走到肚，是一個美妙早晨的開始。一如食友們所言，水準很不錯，茶味挺濃，煉奶份量下得剛好，不過份地甜，還是可喝到茶味的。做不做到"掛杯"效果倒是沒有太大所謂，反正好喝便是了....蛋也炒得很滑，將之放上烘厚多士上，便是一份可口的炒蛋多士了包若能再鬆軟一點就更妙了；腸煎得帶點脆口，而且用的是較粗身的貨色，很不俗....麵是下了新鮮蕃茄的，但很可惜不是像勝香園或星座般將蕃茄及麵同煑，只是在原有味精湯底上加上蕃茄，味道自然是差得遠了。但起碼它用的不全是茄膏，誠意可嘉；配料的魚片頭用的是來貨，不甚特別，反而麵淥得頗爽身彈牙，很可口....味道不太差，可以找個機會來吃個午飯或dinner，看看其真章....

正所謂「有人辭官歸故里，有人漏夜趕科場」，話雖金融海嘯但仍有不少新食肆開張，呢間茶餐廳開張不久就試嚟咗個早餐，發覺座位比較逼但尚算乾淨，侍應乃新手仍未熟習。叫咗個茄茸牛肉麵、厚多士、炒旦同奶茶（$20），牛肉好滑但明顯被鬆肉粉招呼過，全無肉味，茄茸雖用新鮮蕃茄但個湯好淡同勝香園差好遠，厚多士同炒旦都係好普通，不過奶茶就幾正，茶味香濃而且好滑，確係出色，估唔到新開張都有咁好水準，同區內老字號不遑多讓。

冰室這個名詞,在香港正是代表著一個夕陽工業,日漸式微,執一間少一間,留下的,已經不再只賣奶茶三文治,連碟頭飯也要兼容,沒有法子,老人家也要與時並進.但已失去昔日冰室應有的味道.有人辭官歸故里,有人漏夜趕科場.在紅磡蕪湖街一棟舊樓地下,有間新冰室開張不久,名字叫做"平記".雖然打正旗號叫冰室,但沒有刻意去營造一些懷舊老香港味道.裝修同一般新茶餐廳差不多.早餐時段也不少客人,店內的早餐只有一款,就是番茄濃湯餐.這個餐包含著炒蛋多士加腸仔,例牌麵食一碗,配料可選牛肉,墨魚柳,等等,除濃湯之外,亦有什菌雞湯可供選擇.當然,少不了一杯飲品.近年在很多新派茶餐廳喝奶茶喝到一肚氣,甚至好些舊式冰室的奶茶也有時價之弊.姑且看看這間新"冰室"又沖出甚麼水準的奶茶來?入口,出奇地好,奶味同茶味配搭均等,味道平衡,帶有回甘.難得新派店也能沖出有水準奶茶,希望不是撞手神之作.本來炒蛋多士實屬平常事,這店的炒蛋又竟然炒得不錯.用到"竟然"兩個字來形容,即是之前吃過好多不濟的炒蛋,吃到今天不再寄予厚望.但此炒蛋,炒得很香滑.除澳洲牛之外,另一處吃到滑炒蛋作早餐的地方,多士也是厚,但牛油不夠香.主食我要個紫菜墨魚柳

十月十七‧晴 來的時候這裡連電話也未裝好的，餐牌項目也不算是很齊備，但人客也不少，至少下午茶時間來到，差不多是坐滿的。 想吃脆皮奶油豬，卻沒貨，就轉了菠蘿油。牛油是厚厚的，但也凍凍的，菠蘿包卻不比牛油熱很多，餐牌上這一味說是「焗」菠蘿包的，真的不知是何「焗」之有。另外要了炸脾，一看已知炸得不脆的，但雞脾肉好吃，醃得不錯。 熱咖啡不香，凍奶茶說是「冰鎮」的，卻又不凍，寧願加番粒粒冰好過。 可能是因為運作未上軌道的原因吧，希望這裡也會越做越好。 阿姐們的服務不錯，幾緊張的去解釋客人提問的。 埋單40蚊，幾經濟。