幸屋

營業中

休息中

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。冷豆腐 $32冷豆腐一客四片，超級滑溜，入口凍冰冰，面頭加上青瓜絲，加上蔥花，白芝麻粒同木魚花。伴有清香冷麵汁，夠味又唔會太濃。炎夏小食之選。和風炸雞 $45和風炸雞一客三件，伴有沙律醬。熱辣辣上枱，炸得皮脆肉嫩，係雞脾肉呀，入面都好多汁，點沙律醬食更滑溜又可以降溫。櫻花蝦味噌拉麵 $88櫻花蝦味噌拉麵湯底色水呈橙色，好有蝦香味，又唔會太鹹。拉麵我揀左幼麵，口感唔錯，蛋香十足。配料有半肥瘦厚叉燒一片同薄叉燒一片，原隻流汁糖心蛋，同好多櫻花蝦仔，令碗麵蝦香更濃。厚叉燒好腍又入味，薄叉燒好大片。蔬菜有黑木耳、椰菜、紫菜同蔥花，帶黎唔同口感。面頭再灑上白芝麻粒。我自己加枱上面蒜蓉，令個湯更好味！日本黑豚丼 $83日本黑豚丼有炙燒日本黑豚六片，上面灑上蔥花同白芝麻粒。黑豚食落爽口而且醬汁甜甜地好惹味，好有炙燒香味。配有一隻糖心蛋一開二，蛋黃撈飯正！仲有少量梛菜。飯量好多，個汁送飯一流，而且都好夠汁餸飯，食到底都有汁。辣芽菜好鍾意食

今日到灣仔開會，同事介紹咗哩間拉麵店，咁試試啦。店鋪裝修得好日式風，好似居酒屋，不過係食拉麵，好得意。冷豆腐，叫定2個小食等拉麵。豆腐汁用咗日式鰹魚汁，湯色清澈鮮甜。豆腐入口嫩滑，同醬汁好夾。蟹籽沙律，沙律分量好大，自家制沙律醬撈埋青瓜，蟹流同魚籽，食落清爽口感好豐富。黑蒜濃厚山藥豚骨拉麵，拉麵可以自己選韌度，我中意普通程度，唔會好韌。溏心蛋製作得好出色，蛋白Q彈，蛋黃流心。湯底濃郁，唔會好重蒜味，山藥加入，讓湯汁更加濃稠，更易掛麵。櫻花蝦味增拉麵，除咗日式叉燒，木耳，紫菜等還落入大量櫻花蝦。湯底飲得出係用心製作，湯底勁甜，一定落咗大量蔬菜煲制。叉燒大件嫩滑，麵條彈牙爽口，全部食曬TIM。

近利東街見到有間家庭式拉麵舖，淨係計麵嘅款式都已經有九種，而拉麵仲提供粗幼、軟硬度、湯汁濃度、叉燒選擇等等*黑蒜濃厚山藥豚骨拉麵湯底好香豚骨味，唔會好咸，而黑蒜淡淡地，唔係好重好油嗰種個人鐘意佢地豚角煮多過叉燒，肉味濃啲之餘，油脂香好突出*日本黑豚丼 $83黑豚片肥瘦相隔，油脂感極豐富，外層更用火槍灸燒，逼咗香油出黎，而飯底有好多醬汁，好足夠撈飯*芝麻手羽 $38炸得好酥脆，裡面肉質仍保持嫩滑，得兩隻係唔夠喉

值得一試拉麵1️⃣北海道蟹肉湯拉麵雞胸同叉燒都好淋,又大塊.蟹肉份量多,夠鮮味,湯底夠濃味又唔會鹹.再配上流心蛋同荀,超豐富.再加片檸檬調味,完全對得起個價錢🌟💰HKD$1382️⃣櫻花蝦味噌拉麵依個較為濃味,有叉燒同埋肥豬肉,肉質都淋.底下加左椰菜,木耳.💰HKD$883️⃣冷豆腐好滑,個汁清清地,幾開胃💰HKD$324️⃣吉列廣島蠔即炸熱辣辣,皮脆,蠔多汁,好味🤤😋💰HKD$42

今日收工同同事食嘢，就近近地去公司附近嘅拉麵店，午市通常都好受歡迎，但夜晚就唔使點排隊😙今次我哋去到就即刻有得入座👍🏻🔸魚介豚骨沾麵魚介豚骨熱辣辣，好惹味，仲配咗一隻糖心蛋，同埋木耳等等嘅配料，有誠意！🔸櫻花蝦味增拉麵有大量嘅櫻花蝦，配咗一隻溏心蛋，豬肉都好軟滑👍🏻拉麵彈牙，整體幾好食！🔸芝麻手羽外層脆卜卜，入面嘅雞肉嫩滑，唔錯！🔸蟹籽沙律係大量嘅青瓜絲加上蟹籽粒同沙律醬，口感豐富～

嚟到灣仔想食拉麵嚟咗哩間係灣仔街市嘅細巷入面嘅一間拉麵居酒屋😮 入到去見到熟口熟面原來我之前嚟食過一次😂🍜鹿兒島赤雞沾麵 $108湯底超濃郁但食落唔會太漏哩款係配搭粗身拉麵 口感煙煙韌韌🤤果幾塊赤雞大大塊 食落超級嫩滑😧浸過湯之後勁juicy勁嫩🥺好好食🥺🌸櫻花蝦味增拉麵 $88今次再encore再食多次哩碗拉麵😛上次食過覺得幾好食😋湯底清新好重櫻花蝦味而且哩碗係幼身拉麵好掛湯😆叉燒係上枱前燒過所以面頭會有少少嘅燒肉香味🤤 叉燒外香內軟 食落口感勁淋好入味🤤🍗芝麻手羽 $38炸到外皮勁香脆 一啖咬落去會爆汁勁Juicy同入味👍🏻#幸屋 #拉麵 #居酒屋 #灣仔 #灣仔街市

店員服務態度很親切，藏身於小巷拉面店，滿滿日式感覺，牆上是特色之海報自家製拉面，沾面，丼飯和小食，選擇多，湯底濃度根據喜好自由配搭，非常不錯元貝雞白湯沾面期間限定，湯質地非常濃稠，味道香濃，不油膩，配上鮮味滿滿的元貝，一口咬下咸香味突出，嫰嫩的雞胸肉，嫩香溏心旦，牛蒡片，木耳絲，拉面軟硬度適中，份量十足，滿滿快樂呢柴魚湯雞肉拉面差燒薄切，口感軟嫩，彈牙之拉面，原隻溏心旦，木耳絲，蔥花，整體味道豐富，小店滿有人情味～棒，佐酒小吃和風餃子皮薄又酥脆，內餡滿滿，吃落口感清爽，食物質素棒。店員很有禮，主動添加茶水，感覺很棒，期間限定菜式非常吸引呢

灣仔都有幾間幾出名嘅拉都沾麵店 今日就同朋友黎到呢間幸屋 櫻花蝦味噌拉麵拉麵湯底濃厚 櫻花蝦味濃郁麵質係幾有咬口 配料亦相當豐富 除咗糖心蛋 叉燒 紫菜之外 仲加入大量木耳同椰菜絲 食完感覺幾健康魚介豚骨沾麵沾麵沾汁濃稠 所以令到沾麵非常掛汁 同樣配有叉燒糖心蛋椰菜木耳同埋荀呢度啲小食亦係有驚喜煎餃子煎到冰花效果 隻隻飽滿多汁 而芝麻雞翼亦做倒外脆內嫩餐廳經常推出期間限定嘅沾麵同拉麵呢期就做緊帆立貝同赤雞廣島蠔 睇落麵相當吸引

來到灣仔這間隱世居酒屋，餐廳雖然不算大，門口也有點隱蔽，但餐廳的食物質素的確很高，價錢也很親民。餐廳的裝飾很有日本風格，感覺好似去了日本當地的小店👍👍❇️冷豆腐豆腐非常嫩滑，豆味也很濃郁，配上蔥，芝麻和木魚絲口感豐富❇️芝麻手羽雞翼炸到很酥脆，內裏肉質很嫩滑❇️胡麻王豚肉拉麵拉麵食材很豐富，豬骨湯底濃郁，每一口都充滿滿足感😋😋😋❇️蒲燒鰻魚丼兩大片鰻魚，鰻魚肉質很嫩滑，入口即溶，散發淡淡的煙熏味👍👍

今日朋友帶我去咗一條後巷搵嘢食原來嗰度收埋咗一間拉麵屋🍜唔係朋友介紹都唔會知👶🏽黑蒜濃厚山藥豚骨拉麵 $88蒜香好出配上山藥都幾特別感覺上健康咗💪鹿兒島赤雞沾麵 $108🥟沾麵嘅湯非常濃厚麵都掛湯👍🏼和風餃子🥟 $38好少係香港見尼款餃子好香脆味道竟然好似章魚燒🐙好啱小朋友食👦🏽日本芝士年糕 $38咬開脆皮係熱辣辣又軟糯嘅年糕😚滿滿嘅芝士香🧀總結:估唔到喺小巷中都搵到驚喜價錢唔貴拉麵選擇都多

幸屋在幸屋讓我感受到了正宗日式拉麵的美味。魚介豚骨沾麵這款沾麵的湯底濃郁而不油膩，豚骨的鮮香與魚介的清新完美結合，每一口都能感受到層次豐富的味道。沾麵的麵條彈牙有勁，與湯底搭配得恰到好處，讓人吃得意猶未盡，那篇檸檬更是畫龍點睛，令湯底更清新可口。帶子鏗魚湯帶子拉麵湯底帶有淡淡的海鮮味，帶子肉質鮮嫩，完全不像急凍詞的， 10分抵讚👍🏻鏗魚湯底使整碗拉麵的風味更加豐富。和風餃子🥟餃子的皮薄而不破，內餡鮮香多汁，充滿了日式風味。冷豆腐豆腐質地細膩濃郁，入口即化，搭配上清新的調味料，使整道菜品口感清爽。

餐廳裝修好日式，入面全部都係日本海報 好似當地小店咁❤️Btw臨食完先聽到隔離枱叔叔大叫雞皮餃子係神級之作 下次試下先🥰🍜帶子鰹魚湯赤雞胸拉麵帶子大大粒，雞胸唔會煮過龍~食到一半配埋檸檬感覺好清新，就好似食緊碗新嘅拉麵☺️🌸櫻花蝦味噌拉麵叉燒肥瘦均勻，肉質又夠腍。芝麻手羽炸得好通透，雞翼尖直情可以食埋啲骨😂入面仲好juicy🧀炸芝士年糕煙煙韌韌，好味☺️📍 幸屋灣仔機利臣街5-9A號維昌大廈地舖環境🤍🤍🤍🤍🤍 味道🤍🤍🤍🤍🤍 打卡🤍🤍🤍🤍🤍 抵食🤍🤍🤍🤍🤍

Nestled in the bustling streets of Wan Chai, Lucky House 幸屋 is a hidden gem that promises a delightful culinary experience. Located at Weichang Building, No. 5-9A, Jilison Street, this cozy eatery offers a menu that caters to both traditional and modern Japanese cuisine enthusiasts.1. King Sesame Tonkotsu Ramen 胡麻王豚骨拉麵 - $80 🍜👍👍The King Sesame Tonkotsu Ramen is a must-try for ramen lovers. The rich, creamy broth, infused with the nutty flavor of sesame, perfectly complements the tender slices of

今日過黎灣仔食晚餐，呢間拉麵店我好多年前都食過，我最鍾意係有任食辣芽菜🤩今次叫咗佢哋期間限定嘅拉麵，帶子鰹魚湯赤雞胸拉麵，湯底非常鮮甜，加埋兩隻大大嘅帶子，甜味十足，雞胸應該係慢煮過，肉質嫩滑🤩麵都幾彈牙！另外叫咗個芝士年糕，佢係即叫即炸，非常香脆，而佢嘅芝士可以拉絲🤩🤩🤩總括嚟講，呢間拉麵小店值得大家過嚟一試，我見佢嘅拉麵有好多種，連沾麵都有，佢哋嘅職員服務態度都好好，好親切😚👍🍜

今日我去咗灣仔一間新開嘅拉麵店，試咗帶子鰹魚湯赤雞胸拉麵同埋櫻花蝦拉麵。仲有點咗芝士年糕同埋餃子作為小食，真係一頓豐盛嘅午餐！帶子鰹魚湯赤雞胸拉麵帶子鰹魚湯赤雞胸拉麵，湯底用咗鰹魚熬製，味道非常鮮美，帶有濃郁嘅海鮮香氣。湯色清透，但口感卻相當醇厚，飲落去令人心情愉悅。赤雞胸肉質嫩滑，無論係口感定係味道都好出色，配合湯底真係一絕。拉麵嘅麵條彈牙，吸收咗湯底嘅精華，每一口都充滿味道。加上幾片帶子，鮮甜嘅海味令整碗拉麵更加升華，實在值得推薦。櫻花蝦拉麵朋友試左櫻花蝦拉麵，呢款拉麵嘅特色在於用咗大量櫻花蝦，蝦味濃郁，搭配清新嘅湯底，令人一口接一口。湯底比起前者稍淡，但卻帶有一種清香，適合想食輕鬆啲嘅人。麵條同樣彈牙，櫻花蝦的香味滲透入麵中，每一口都有驚喜，特別適合海鮮愛好者。芝士年糕同埋餃子小食點左芝士年糕，外脆內軟，芝士融化後更添香濃，口感非常豐富。餃子方面，皮薄餡多，餡料新鮮，煎得金黃香脆，無論搭配醬油或辣醬都好美味。今日嘅午餐相當愉快，無論係拉麵定小食，都有佢獨特嘅風味。拉麵店嘅環境亦幾舒服，適合同朋友一齊聚餐。