幸屋

營業中

休息中

今天午餐同同事過來灣仔搵食，天氣咁凍，同事話想食碗熱嘅麵暖吓，所以行咗去食拉麵。我們一人叫了一碗麵，另外兩份小食share嚟試吓。店員非常有禮貌，我們一坐下就馬上問我們喝茶還是水，還主動介紹他們的主打食品。蝦汁帆立貝沾麵真係估唔到個沾麵咁好食，蝦汁味道鮮甜非常濃郁，配上我至愛嘅粗麵點完醬汁後濃濃嘅湯汁完全可以掛喺麵身上面。沾麵除咗有兩隻大大的帆立貝外，還有大量的櫻花蝦和一件厚厚的豚肉，本來以為豚肉會嚡，點知一入口即溶非常美味。黑蒜濃厚山藥豚骨拉麵拉麵嘅份量十足，不算味道香濃，配上大大件嘅豚肉在這麼寒冷嘅天氣中先飲一啖熱騰騰嘅豚骨湯真係好暖。本來以為食黑蒜食完個口會好口乾，由於湯底真係用豬骨熬製，所以完全冇口渴嘅感覺。和風餃子一客餃子有六隻，整得好精美，煎到有一層脆皮，再加上沙拉醬，口感同味道非常之好。

一坐低就問我哋要飲茶定水，我哋揀咗煎茶。冇味精嘅湯拉麵，沾麵。叫咗一碗$88 黑蒜濃厚，山藥豚骨拉麵。舊叉燒勁好食，入口溶化，肉質新鮮，而且好好味。個湯有黑蒜同埋成個糖心蛋。另外叫咗一碗$118廣島蠔沾麵。沾麵湯底唔會太鹹太膩，濃郁海鮮味，值得推介。啲蠔亦都新鮮。另外亦都叫咗個$38和豐餃子。餃子上面鋪咗塊炸面鼓。下面就有餃子汁。服務超好，環境同氣氛亦都好舒適。我亦感到好自在。餐廳不設加1服務費。亦都有酒精飲料可提供。

今日去對面一遊～11點半有多，要醫個五臟廟先，成日想試幸屋，咁啱今次起附近梗係試吓佢啦，我叫咗個～期間限定～ 北海道蟹肉湯拉麵 ，另一個係櫻花蝦味噌拉麵，一個雞軟骨同埋一個自家製餃子。先講北海道蟹肉湯拉麵，一上檯梗係飲啖湯先，味道濃郁，順喉，飲落去有香香的蟹味，配料除蟹肉仲有蟹籽，其他配料正常發揮。第二碗係櫻花蝦味噌拉麵，湯頭有濃烈嘅蝦香，料頭有大量的櫻花蝦，食完碗內仍有陣陣蝦味，叉燒正常發揮。自家製餃子(無影)，唔錯嘅雞軟骨，正常啦戴返頭盔先，我覺得好唔好食≠你覺得好唔好食，好唔好食因人而異。

由於之前和朋友去過光顧，當時我覺得他們的鰻魚飯及日式年糕及煎餃子做得很好👍🏻，味道不錯👌🏻，而且價錢在灣仔區內都算屬於(性價比)高的，所以這次在12月26號晚上有時間，我便再次從來光顧😉☝🏻，但這次的食品出品，真令我感到失望🥹！首先➡️職員向我推介了一個$298的套餐！老實說，這次的性價比相當差👎🏻！頭盤是類似天婦羅軟殼蟹，味道10分普通！味道不突出！第二➡️他們的四寸串燒，我可以用少少難食來形容😓！首先燒茄子完全不香，而且太多水份，也沒有什麼調味！至於燒鯖魚(又腥又嚡口)！燒雞軟骨又韌又無味！唯獨是串燒雞翼好少少🤏！但令我最失望的是(櫻花蝦湯麵)，櫻花蝦嘅味道完全掩蓋了整本湯麵🍜！櫻花蝦可能放得過多太過濃烈！拉麵其實靈魂就是(湯底)，這碗湯麵真是相當差👎🏻！第三➡️職員向我推介(生蠔沾麵)好好食！所以我就加錢試吓啦🤔️！老實說….我一D都唔覺得特別好食❌！生蠔口感普通，另外伴了一個湯汁，亦都沒有什麼特別，總之…..就同普通撈麵差唔多😓！我希望這間店的老闆及師傅將來睇睇是否可以重新研究他們的出品或是否需要(調整一下)🙏！當然….我要補充一下，以上純粹我個人的意見，並不代表所有人！因為每個人的口

灣仔有好多隱世餐廳等住我地一一去發掘，其中呢間係我早兩日帶男朋友再去既一間#和風餃子-對於平時唔食水餃既我，煎餃係我唯一食既餃，煎得香脆既餃子，上面再加沙律醬同柴魚碎，除左正之外都無咩好講#芝麻羽手-新鮮炸好就即刻上碟，入口仲係辣咀，如果有冰凍杯啤酒，真係人生一大樂事#櫻花蝦味噌拉麵-拉麵上枱第一時間當然係飲湯，我覺得可以再濃味少少，但男朋友話已經夠🤪好啦，除左食麵要雪雪聲，呢碗麵入面有大量櫻花蛋、玉子、叉燒、豚肉角同木耳，可以講每一啖麵都可以配唔同食材，讚👍🏻👍🏻#鹿兒兒赤雞沾麵-呢個湯我一試已經愛上，濃厚雞湯，上碟時又係吹住泡泡，麵本身好索湯，所以湯只要好味就已經好夠，再加上有赤雞同半熟蛋，又係百食不厭既配搭，難怪當晚有個熟客，入黎唔使講野已經直接上菜😂

💪🏻 櫻花蝦味噌拉麵 ($88)呢個味噌湯底好鮮甜，好香櫻花蝦味，又唔會太咸，一路食一路飲左好多湯😛而拉麵口感爽口，而且好容易掛到湯，好濃味😋而配料我就揀咗赤雞胸同廣島蠔，廣島蠔每一隻都好鮮甜，又肥美😋雞肉都夠薄身唔會乾柴！成碗麵嘅蛋白質滿滿💪🏻💪🏻 和風餃子 ($38)呢個餃子係傳統日式煎餃子，煎到有冰花，而且煎得好香，餃子底嘅冰花脆卜卜，配上沙律醬好正！味道：8/10性價比：7/10 食住瘦指數：💪🏻💪🏻/5

今日喺灣仔學完韓文，就在附近選了一間餐廳食午餐🍱😎😎 天氣涼涼想食返個拉麵，於是就選了在附近的幸屋，見到都幾多好評😎😎😎 外表像一間日式的居酒屋掛滿燈籠的十分之有日本的色彩 由於是一個人吃，所以就簡單叫了兩道菜式😎😎😎 和風餃子🥟😍😍😍- $38呢個和風餃子真係出奇意外地好食，因為以為會煎得比較焦，餃子皮比較硬身。 但完全沒有，餃子皮是軟軟的🥰🥰 亦都鎖住入邊啲肉汁，有種小籠包嘅感覺😋😋廣島蠔沾麵😋😋-$118 食拉麵食得多，食沾麵都係第一次，一開始分開兩兜東西一兜是汁另外一個是拉麵，廣島蠔有三隻左右隻隻都非常之大隻😍😍😍😍 而且仲有個溫泉蛋喺裏邊睇到店面推介溫泉蛋是來自日本蛋👍👍👍經過唔食拉麵的話，亦可以試一試沾麵。 人均：$150 地址：幸屋 (灣仔)灣仔機利臣街5-9A號維昌大廈地舖

👈🏻幸屋#japjapjap_灣仔#japjapjap_日本菜蝦汁帆立貝沾麵 $128小編大推介🤤蝦汁好濃稠好掛汁上枱時勁滾吖blublublu拉麵揀咗粗身嘅口感非常彈牙沾麵嘅配料亦都好足有2粒帆立貝 叉燒 糖心蛋 櫻花蝦 椰菜 等等食完真係好滿足黑蒜濃厚山藥豚骨拉麵 $88黑蒜同山藥嘅配搭好特別😙飲湯底時 唔同位置有唔同驚喜黑蒜唔會話好濃烈 搶咗豚骨嘅風頭辣肉碎有少少擔擔麵嘅感覺同山藥椰菜木耳一齊飲時就更清甜健康豚角煮好好食 厚厚嘅肥膏入口即溶叉燒嘅豚肉味就出啲和風餃子$38最鍾意冰花餃子 脆卜卜多層口感😆皮薄餡靚 葱花味好香加埋木魚同沙律醬 好似食緊大阪燒咁紫薯栗子餅 $28紫薯栗子餅炸到金黃色🤩好香脆入面包住香甜嘅紫薯泥仲有粒粒栗子添口感好豐富Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟餐廳名:幸屋 地點:灣仔機利臣街5-9A號維昌大廈地舖⏰:Mon-Sun 11:00-16:00 17:30-22:00

呢日收工去呢間朋友介紹嘅隱世拉麵舖頭喺莊士敦道轉入去嘅巷仔雖然係平日但都幾乎滿座，可見人氣旺盛🔥🌟熟成味噌廣島蠔赤雞湯拉麵 ($128)啲廣島蠔大隻又脹卜卜😍赤雞好軟嫩熟成味噌湯比平日食嘅味噌湯底味道更香濃又唔死咸咸中帶少少甜嘅味噌同啲蠔好夾🌟胡麻王豚骨拉麵 ($80)一端上枱已經有濃濃芝麻香而且用上黑芝麻，味道更加濃郁🐷豚骨湯底濃厚而不肥膩又唔會搶左芝麻味，平衡得好好👏🏻配料除咗有用五花腩卷成嘅叉燒之外仲有比較特別嘅自家製角煮🌟芝麻手羽 ($38)大推👍🏻呢個充滿芝麻香嘅炸雞翼而且炸得非常脆，意想不到咁高質🤩🌟冷豆腐 ($32)冷豆腐超級大份用簡單的木魚碎和冷麵汁，更突出豆腐豆香-小食炸雞翼有驚喜，拉麵湯底好有水準下次會想試埋佢嘅沾麵😋

最近都在銅鑼灣或者灣仔出沒，這兩個地方都有好多嘢食，等大家去食😂今日就同朋友去到一間日式拉麵屋，餐廳主打多款不同口味的拉麵，而今日我們分別點了一碗鰹魚湯及櫻花蝦味增湯底的拉麵，嘗試一下新口味。如果覺得一碗拉麵好像不太夠，可以點份小吃大家開心share🫶🏻餐廳的小食款式都不少🤤🤤⭐️帶子鰹魚湯赤雞胸拉麵 $108用料超豐富的拉麵🍜有爽口彈牙的帶子及嫩滑滑的雞胸肉，當然唔少得有糖心蛋啦！鰹魚湯的味道超濃郁，配拉麵也不錯！⭐️櫻花蝦味增拉麵 🍜 $88一碗拉麵裏面有超多櫻花蝦🫶🏻每一啖拉麵都會夾着櫻花蝦，所以每吃一啖都有櫻花味陪伴住，拉麵嘅配料都好豐富，有日式叉燒亦都有燒肉，當然有糖心蛋啦！⭐️日本芝士年糕 $34炸到金黃色外脆內軟又爆漿的日本芝士年糕 🫶🏻超多芝士🧀做餡，加上煙煙韌韌的糯米皮，我愛上了！⭐️紫薯栗子餅 $28就是紫薯及栗子做餡料的可樂餅，炸到金黃外脆的可樂餅！配帶著香甜又可口的紫薯及栗子🌰如果餡料更多就好啦！

依邊附近幾條巷子都有好多嘢食，今次朋友想食日本嘢就決定咗依間平日夜晚時間到差唔多全店滿座，今次叫咗沾麵拉麵各一和2款小食，等咗大概10分鐘就有。櫻花蝦味噌拉麵 Sakura Shrimp Miso Ramen麵食一直係我至愛味噌味道濃郁，櫻花蝦鮮味十足，搭配上層次豐富。麵條不會太腍，滿滿一口十分滿足鹿兒島赤雞沾麵 Kagoshima Red Chicken Tsukemen 沾麵十分出色，連平時偏好拉麵的朋友都十分滿意麵條偏粗有韌度，放入沾湯上十分掛湯。沾湯是重點，濃郁豬骨味為麵條注入靈魂，重口味人士一定不能錯過和風餃子 Japanese Style Dumplings是章魚燒風味餃子，結合冰花餃子嘅香脆，日式餃子嘅Juicy和章魚燒嘅醬汁，忍唔住要再encore芝士年糕芝士味十分濃，咬下滿滿一口芝士想食高質沾麵就一定要試試啦

今次黎到比較隱蔽嘅拉麵小店鋪頭燈光同氣氛都感覺好溫馨😊好似真係入左日本嘅家庭拉麵店咁💞 🍴芝麻手羽$38好出色❤ 個皮係炸到超級香脆但入面仲係肉嫩多汁 外面仲有好多芝麻 好香 🍴和風餃子$38係冰花煎餃 有心機底部煎到微脆 上面加左大阪燒醬沙律醬木魚絲同香葱幾新穎嘅配搭😋 🍴北海道蟹肉湯拉麵$138湯算係比較清 有蟹味 飲落好舒服👍除左有蟹肉 仲有蟹籽同蟹膏豚肉叉燒同雞肉叉燒 入口都夠軟嫩唧左少少附上嘅檸檬落湯底 少少酸味更加喚醒味蕾 🍴櫻花蝦味噌拉麵$88呢款味噌湯底就比較濃郁櫻花蝦份量夠晒多 蝦味濃🦐叉燒同豚角煮都有齊晒豚角煮好厚身 肥瘦均勻 整體都幾好食，店員服務亦都非常親切有禮☺。

位於灣仔小巷內嘅拉麵店 裝修幾有日本風味😀主打拉麵及沾麵等 豬骨湯底皆是每天新鮮製作拉麵嘅粗幼/軟硬度/湯底濃度/辣度/配菜分量等⋯都可以按個人喜好選擇 幾人性化又有多啲選擇😌😌🐷🍜胡麻王豚骨拉麵 $80湯底濃郁香醇 由豬骨經過長時間熬煮而成有濃郁肉香味+柔滑質地豚肉片味道濃厚 而麵條則有嚼勁☺️🧀芝士年糕 $38啱啱炸起好脆口 色澤金黃入面有濃郁奶香芝士味道配埋外層年糕幾重層次享受😋🥟和風餃子 $38餃子有6隻 好似冰花餃子咁如果煎得香口啲會更好🤣餃子表面加左日式沙律醬+蔥花+木魚絲好似食緊章魚燒咁 內餡都幾多肉汁‼️🐔🍜帶子鰹魚湯赤雞胸拉麵 $108湯底以鰹魚湯為基礎 散發濃郁海鮮香氣赤雞胸肉質鮮嫩多汁啖啖肉兩粒帶子賣相吸引拉麵幼身所以幾掛湯份量都多 加埋其他配料幾飽足😏(糖心蛋+紫菜+椰菜+扁筍+黑木耳+紫洋蔥等)

自從上次去完東京翻黎之後都冇食過拉麵，今次就去左灣仔一條巷入面嘅拉麵店，佢係主打博多風嘅豚骨拉麵🍜和風餃子$38｜紫栗餅$28冰花餃子煎得好靚，面頭嘅醬係章魚燒嘅醬，好似變咗章魚燒餃子咁🤣紫栗餅其實係紫薯栗子餅，入面個餡都真係有一粒粒栗子嫁🌰胡麻王豚骨拉面 $80食譚仔食到上腦，以為呢個胡麻都係果類湯😂原來係我諗多左，佢係將芝麻磨到蓉咁，加落去豚骨湯變成超級濃厚胡麻湯，兩件叉燒不得了，超入味而且好淋，兩舊叉燒都做得好好👍🏻黑松露元貝赤雞胸湯拉麵 $138呢個係赤雞胸湯底，相比起豚骨湯呢個就鮮啲同清啲，元貝大大粒，碗邊嘅雞胸應該係慢煮出黎，依然非常嫩滑✨.幸屋地址｜灣仔機利臣街5-9A號維昌大廈地舖

秋意什濃嘅時候總會諗起食暖笠笠嘅拉麵，所以今日嚟開灣仔幸屋😋幸屋除咗佢好出名嘅沾麵之外，我都好鍾意佢嘅拉麵，因為覺得佢係真係好有我響日本嗰陣時候食拉麵嘅感覺❤️今日想食啲清啲嘅湯底，所以揀咗呢個🥢帶子鰹魚湯赤雞胸拉麵，加配🥢炸芝士年糕帶子鰹魚湯赤雞胸拉麵- 拉麵嚟到一定要試吓佢嘅湯頭！除咗嚟到已經見到個湯底好清冇咩油，一試就飲出係清雞同海鮮嘅鮮味，非常濃郁，喺天氣有啲涼嘅時候飲落去真係有非常窩心嘅感覺。拉麵韌度適中，配料非常多，已經有筍，木耳絲，香菜，糖心蛋等等，仲有主角帆立貝同雞胸肉，帆立貝好厚肉，雞胸足足五六塊又唔會韌，好喜歡呢個拉麵🍜炸芝士年糕又係我響麵店鍾意食嘅小食之一，新鮮熱辣辣炸起，芝士拉絲又唔油，炸得夠乾身👍🏻呢間拉麵店真係好多附近上班族必食嘅餐廳，啱啱嚟到仲要等一陣先有位，下次再嚟試其他招牌拉麵🍜