幸屋

營業中

休息中

小編與朋友叫了二人套餐 $299軟殼蟹沙律 -軟殼蟹一上枱已經淋咗😀-軟殼蟹都大隻-沙律汁幾開胃好食仼選4串串燒：(我們選擇了)- 免治雞肉串- 燒雞肉串- 燒鯖魚- 燒多春魚小編覺得餐廳嘅串燒唔錯，免治雞肉啖啖肉😋雞肉串燒得香，但仍然保持到嫩鯖魚有魚嘅鮮甜味👍🏻多春魚正常發揮芝麻手羽 x2雖然炸粉唔薄，但雞肉極嫩滑仲有肉汁、油脂。炸得啱啱好😋😋😋黑蒜濃厚山藥豚骨拉麵 x2呢個我有啲食到黑人問號…拉麵底應該喺廠買返嚟，咗粗麵但都偏幼身叉燒質素我覺得似好多年前嘅味千拉麵，係老同乾😓湯底唔覺有山藥？？？亦冇山藥黏稠嘅感覺喎🫣湯底唔係高質拉麵舖花長時間熬製嘅湯底，我食完麵都冇飲湯😓小編仲要食到有少少鹼水味😭成碗嘢完全唔似拉麵，反而似中式麵大失望😭見Openrice咁多好評，可能廚房失手掛…🙏🏻菠蘿蘆薈(罐裝) x2-正常發揮，少甜，有蘆薈粒結論餐廳嘅小食比拉麵好食好多😩我俾呢間既分數俾拉麵拉低咗好多不過香港地呢個價位係抵食既🫶🏻Ps 當時係晚市，人手比較少，staff落單好混亂

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。櫻花蝦味噌拉麵 $88櫻花蝦味噌拉麵湯底色水呈橙色，好有蝦香味，又唔會太鹹。拉麵我揀左幼麵，食到後期都唔會太腍，而且蛋香十足。配料有半肥瘦厚叉燒一片同薄叉燒一片，原隻流汁糖心蛋，同好多櫻花蝦仔，令碗麵蝦香更濃。厚叉燒好腍又入味，薄叉燒好大片。蔬菜有黑木耳、椰菜、紫菜兩片同蔥花，帶黎唔同口感。面頭再灑上白芝麻粒。日本黑豚丼 $83日本黑豚丼有炙燒日本黑豚六片，上面灑上蔥花同白芝麻粒。黑豚食落爽口而且醬汁甜甜地好惹味，好有炙燒香味。配有一隻糖心蛋一開二，仲有少量梛菜。飯量好多，個汁送飯一流，而且都好夠汁餸飯。另外叫左兩份小食分享。芝麻手羽 $38芝麻手羽一客兩隻，炸得熱辣辣雞全翼滿佈芝麻粒，塊皮好香口，入面肉質嫩口。伴有沙律醬。和風餃子 $38和風餃子一客六隻，係六隻塊皮煙煙韌韌嘅餃子面頭仲有一塊又薄又脆既脆皮，上面加上大量沙律醬，醬油，蔥花同木魚花。餃子入面有肉又有菜，食落又脆又煙韌，醬汁豐富，好邪惡。呢個價錢都幾抵。辣芽菜

位於灣仔與金鐘之間，下班後於小巷中搵到呢間隱世又好吃的拉麵店。🍃蟹籽沙律經典前菜，青瓜絲🥒夠新鮮，內有蟹子同沙律醬。🍃和風餃子係冰花餃子呀😍薄脆粉漿調得好，煎出冰花狀。餃子皮薄餡多，佈滿蔥花粒。🍃鹽湯黑松露赤雞胸元貝拉麵呢個係期間限定，滿足各位又想食豚，又想食雞同海鮮嘅慾望。湯底唔會好濃，正好食到食材的味道。拉麵係幼麵，偏軟身。🍃黑蒜濃厚山藥豚骨拉麵鍾意重口味要揀黑蒜湯底喇，半熟蛋、木耳絲同叉燒等浸在濃濃湯底之中，非常美味。🧸評分：🧸🧸🧸🧸 4/5

1. 櫻花蝦味增拉麵 $88拉麵入面有2片叉燒，叉燒好大片好腍有焦香味；䐁角煮好厚切，肥瘦均勻，有油香好入味；拉麵冇鹼水味，麵質地好彈牙；湯底方面好香濃味增味同蝦味，鹹度啱啱好。雞蛋有一隻，而且好唐心。🌟 評分: 8/102. 醬燒牛肉丼 $93表面鋪滿牛肉同埋大量葱花，牛肉醃左醬油去燒，燒到表面少少焦香，食落甜甜鹹鹹好入味，啲米飯好軟熟，非常之惹味既丼飯。🌟 評分: 8/103. 冷豆腐 $32豆腐表面有好多京蔥絲，豆腐浸住係啲濃郁既鰹魚高湯到，豆腐炸到好香脆入面好嫩滑，豆腐吸滿滿高湯既清華。🌟 評分: 8/104. 和風餃子 $38大約有6隻，餃子皮好薄，入面係好飽滿肉餡，外皮煎到金黃色好香脆，配上和風汁好好味，唔需要沾醋已經好好食。🌟 評分: 8/10🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8/10 📍幸屋 (灣仔)灣仔機利臣街5-9A號維昌大廈地舖

獲邀餐廳前往體驗。東西非常好吃美味，平常不吃拉麵的（因為怕鹹）黑松露或是帶子味的拉麵都很好吃，而且重點是吃完後完全沒腫跟變胖，這是我第一次吃拉麵有這麼好的事後體驗，代表他們的湯頭高級而且調味適當！店家環境熱鬧，十分適合在很嗨的情況下過來。旁邊貼很多火影忍者之類的圖，看了覺得蠻開心🥳座落在地鐵站旁邊，步行過去很方便。身為Taiwanese 我必須說, very relaxing, delicious, friendly, high quality food, and environment

見到間居酒屋，門外放咗燈籠同武士掛畫🏯室內裝修用木做主調，幾有日本feel⛩️👘原來入面主打係拉麵🍜 芝麻手羽（$38💰) & 吉列廣島蠔（$42💰）先講小食，好有火候，食落脆口！櫻花蝦味噌拉麵（$88💰）配料豐富，有啲嚇親我。櫻花蝦數量充足，每啖湯都會食到蝦🦐豬腩肉外層燒到有啲焦香，入口溶化🐷仲有溏心蛋🥚同叉燒，唔使嗌小食都夠曬飽🌝帶子雞胸拉麵（$108💰）同樣配料豐富，湯底用鰹魚湯🐟，配上大大粒原隻帶子🦪，有提鮮作用。荀口感淋爽，吸埋鰹魚湯食都正。仲有埋3塊雞胸🐣，分量真係好有誠意😍

我今日約同好友去灣仔漫遊，順道去位於灣仔機利臣街5-9A 號維昌大廈地舖的幸屋食日式拉麵，環境舒適自在，樓底高，佈置俱備日本風情，坐得舒服。我點左個櫻花蝦味噌拉麵$88，好友點左黑蒜濃厚山藥豚骨拉麵$88，另加蟹籽沙律$48，吉列廣島蠔$42。櫻花蝦味噌拉麵賣相不錯，材料豐富：有櫻花蝦、青葱、碎海草、椰菜、豚肉（肥瘦適中）、紫菜和原隻溏心蛋，口感豐富，湯底濃郁又富有蝦味，拉麵有咬囗👍👍；黑蒜濃厚湯底亦好好味；吉列廣島蠔炸得外脆內嫩，滿口好鮮味多汁的蠔肉👍；蟹籽沙律好清爽又好食。

朋友推介我食呢間店鋪好耐，身為屯門牛牛嘅蘑菇上星期日終於得閒出港島，於是決定去一探究竟未入鋪頭就已經比充滿日式居酒屋風情嘅裝潢吸引，步入店內，好似去左日本拉麵店咁。由於入座率高，真係幾熱鬧。入座個陣店員會問需要飲水定煎茶，我哋揀咗煎茶，需要用茶包自己泡黎飲🍜帶子鰹魚湯赤雞胸拉麵（$108）期間限定怎可錯過～配料超豐富，忍唔住讚嘆👍毫不誇張講，實物仲靚過圖片！三大塊雞胸肉貼住碗嘅邊緣，兩隻超大帶子好吸引眼球，新鮮肥美。配搭鮮甜筍乾、皇帝菜、海帶、溏心蛋、木耳絲、鰹魚碎等配料。湯底鮮味十足，飲完都完全唔覺得咸同口渴🍜櫻花蝦味噌拉麵（$88）一眼就比超足料櫻花蝦所吸引，與味噌湯底相得益彰。此外，配有薄叉燒和大塊叉燒各一款，肥瘦相間，口感軟嫩。配菜有溏心蛋、椰菜、木耳絲，以芝麻點綴，增添風味🥢冷豆腐（$38）好特別嘅前菜。嫩滑豆腐豆味十足，口感好似豆腐花咁入口即化。配搭青瓜絲食口腔中更清新涼爽，好有夏日氣息。自家製涼拌汁嘅咸香味恰到好處

幸屋係好耐之前仲翻緊intern既時候已經食過，記憶中就係好食的，呢日咁啱去開灣仔，久違地再黎食，水準仲係度😋  1️⃣ 鹽湯黑松露元貝拉麵（$118） 呢款係期間限定既拉麵～湯底會比較清，啱曬有時想食拉麵但係又唔想食得咁heavy。鹽湯清清地，配上黑松露醬，清淡中又帶啲特色☺️配料非常豐富，除左原粒帶子之外，仲有赤雞胸、叉燒同埋溏心蛋。雞胸好嫩滑，叉燒就係大大片既日式叉燒。另外仲有啲海藻、竹筍、紫菜，同埋炸牛蒡！炸牛蒡好脆好好食～  2⃣️櫻花蝦味增拉麵（$88） 蝦湯味道濃厚，面頭有好多櫻花蝦。欣賞佢係唔同拉麵會有唔同配菜，同湯底更加夾🤤呢款有木耳、紫菜、椰菜、溏心蛋，平衡一下湯底既重口味。另外叉燒有兩款，有大片既日式叉燒同埋豚角煮。豚角煮係厚身多啲肥肉位，但係入口即溶既口感好正！肉味更加香。  3️⃣和風餃子（$38） 餃子係羽根餃子既製法，好靚😍一大層薄脆，加上沙律醬，好食。 4️⃣芝麻手羽（$38） 好脆好香，而且一啲都唔油膩！  

再次黎到灣仔特式沾麵拉麵店，好鍾意呢度嘅食物同環境～🌟魚介豚骨沾面以粗麵為主，有點像烏冬，但口感食落非常煙靭。碟入面配上唔同材料，流心蛋、厚&薄叉燒。魚介豚骨湯汁濃郁又黏口。沾麵拉上來，見得到非常掛湯。🌟 樱花蝦味增拉麵賣相非常吸引，一上枱會見到大量細細隻脆卜卜櫻花蝦鋪喺個拉麵上面。其次就係有一塊薄叉燒，肉質都算嫩滑，同埋一塊五花腩，大大嚿油脂感滿滿。而拉麵方面，口感幼嫩彈牙。味噌湯底濃郁。朋友非常喜歡。🌟蟹籽沙律菜絲沙律份量都夠，上面鋪有大量蟹籽同沙律醬，抵食好味🌟和風炸雞新鮮現製，熱辣辣上枱已經夠好味。最鍾意炸雞做到外脆內軟～

今日第一次去食，食左個豚肉丼味道正常 肉比較少 飯好多 冇咩特別拉麵湯底正常 唔算突出 餸比較少最離譜係我地1240入到去 1310放低筷子跟住就有侍應埋黎收哂啲野連杯水都未飲得切 就比侍應趕走 以後唔會再幫襯難怪啲人個個北上消費 30分鐘食飯真係聞所未聞

🍜🏠 幸屋Yuki House Ramen 🏠🍜📍 灣仔機利臣街5-9A號維昌大廈地舖幸屋Yuki House Ramen，麵店位於灣仔，舒適嘅環境，令人感到放鬆同愉快。佢嘅招牌菜蝦汁帆立貝沾麵絕對值得一試！🍤🍜🌟蝦汁帆立貝沾麵，麵條彈牙有嚼勁，而且完全吸收咗蝦汁嘅香味，每一口都帶嚟濃郁嘅海鮮風味。仲有新鮮嘅帆立貝，肉質鮮美彈牙，滋味豐富。湯底鮮甜，令味道更加豐富。食落去令人回味無窮，絕對係一道讓人難以忘懷嘅美食！🍤🌶️🍜

櫻花蝦味增拉麵 買相非常吸引, 非常香脆櫻花蝦鋪面,有兩塊义燒,其中一塊薄义燒肉質嫩滑,另一塊厚五層义燒肉質油香,幼長拉麵口感彈牙掛滿濃濃味增湯底非常合配搭,另加上紫菜及蔥花一試難忘.

今日約左朋友去銅鑼灣行街，又無乜特别野想食，於是搭叮叮去左灣仔，行行下見到有間拉麵店唔錯就入去試下(´▽｀).餐廳除左有拉麵外，仲有沾麵、冷撈麵同丼飯，亦有多款小食。我哋八點去到都爆場，花多眼亂樣樣都想食，最後揀左一個拉麵一個沾麵，同朋友share食咁就兩樣都試到🤓.芝麻手羽 $38雞翼炸到外皮香脆，雞肉嫩滑多汁.和風餃子🥟 $38餃子係冰花餃子！餃子有六件， 每件皮薄餡料多，面頭鋪上沙律醬、青蔥、木魚絲！連我唔食沙律都覺得呢個配搭好食.魚介豚骨沾麵 $98平時好少叫沾麵，因為食過幾間都偏咸，但呢碗又唔會太咸。麵條比較粗身有啲似烏冬，食落煙韌同好掛湯汁。沾麵湯味道濃郁，叉燒除左薄切外，仲有厚切叉燒，肉味濃郁.櫻花蝦味噌拉麵🍜 $88拉麵煮得岩岩好唔會過腍，有彈牙既口感。湯底好有蝦香味亦唔會太鹹。配料有薄切同厚切既叉燒，口感柔軟。配埋原隻流汁糖心蛋，滿足~

朋友喺灣仔住，今晚約佢食飯，佢就提議嚟呢度食飯敘舊。見到有限定拉麵，係帶子鰹魚湯車雞胸拉麵 $108，咁梗係二話揀呢個 。上菜見到實物，果然真材實料，連糖心蛋都係俾完整一隻開邊我哋，帆立貝都有兩粒，仲有好多配料，例如鰹魚碎、紫洋蔥碎、青蔥、筍片、木耳絲等等⋯⋯裏面軟硬度適中，雞胸肉亦都好嫩口，熟到啱啱好，有埋鰹魚碎帶出帆立貝同埋個湯底嘅鮮甜，完美！朋友叫咗個鰻魚丼飯 $98又係一碗好足料嘅丼飯，睇落就知係用日本米，最正既鰻魚係新鮮燒起嘅，幫我哋切埋一嚿嚿，厚薄均勻，仲會脆邊嘅，仲有陣炭燒味，又有一隻足料嘅開邊糖心蛋，有啲椰菜伴碗，仲有我最愛嘅蔥花灑面，令到整碗丼飯香氣滿溢！小食我哋叫咗兩款：冷豆腐$32 和 和風餃子 $38冷豆腐切得厚度適中，有足够嘅汁同豆腐做調味，面上亦都有啲芝麻粒、蔥花、同木魚花，整體好清新、好開胃。和風餃子超級正！唔係普通就咁煎，而係個餃子底整咗層薄脆咁去煎。個薄煎非常非常薄脆，口感一流！我自己就用咗枱面嘅辣椒油點咗一兩滴同個餃子一齊食，辣辣地又幾野味喎！環境坐得幾舒服、乾淨企理。餐牌都好整齊乾淨，我哋揭嘅時候唔會油淋淋，服務員都好殷勤有禮貌，會主動嚟添下茶、幫