幸時餅店

營業中

休息中

呢間位於元朗雞地既麵包店差唔多係全年無休，而且營業時間長，位置都近西鐵站，所以有時返工前都會經過買個早餐。腸仔包要$8.5，同大型連鎖包店差唔多，以街坊小店黎講，略厭小貴🤐🤐岩岩出爐熱辣辣，有牛油香味，空氣感重，腸仔唔會太咸👍🏻

bb生日到了西餐廳吃晚飯兼靚靚甜品，點知bb要求吹蠟燭同唱生日歌，咁就買生日蛋糕補祝多一次啦，到左屋企附近的幸時買左個黑森林，見佢日日啲蛋糕都賣哂，唔使怕係隔夜，而且個賣相都唔錯㗎。黑森林蛋糕細size，$73個，價錢幾平，自己整都要心機同時間啦，哈哈上面影前面影整多張先蛋糕香軟濕潤，cream豐厚微甜，蛋糕中間夾cream同提子味啫喱，咬落口感唔錯，上層嘅水果幾好睇，味道就……係酸嘅，哈哈啲奇異果同菠蘿咁生又點會甜，整體唔錯啦。最緊要bb開心，唱左三、四次生日歌先捨得切蛋糕，就快蠟燭都燒完啦

平時都經常於幸時買面包，由舊店買到新店，因為其面包實實在在的，而且價錢公道！ 今日行過突然想食黑森林，於是買了小小的一個$68。外觀都唔錯，還有不少水果在面，食落更有驚喜，雖然朱古力味唔濃，唔太甜，唔多cream, 所以唔會太'漏'，海綿蛋糕好鬆軟，像簡簡單單的兒時味道！

舊式麵包店代表之一，麵包是自己與家庭成員每天的早餐。為方便會選擇居所附近的新式麵包店，口感飽腹欠實在。但一次花九元購買四片裝厚切方包食用後，就隔天花多十五分鐘路程去光顧，各式包数連西餅也十分有水準，價亷物美，其種類比新式或集團式西餅店有過之而冇不及，真是值得介紹给元朗區民一試。