幸福海南雞

營業中

休息中

餐廳只有簡單幾項餐點　但變化很多整個套餐會比較齊全有住家湯　青菜　主食和飲品　真的會很飽每個飯店都有家常湯附送　熱度很夠看到碗裡就有很多材料有蘿蔔　玉米和豆類湯裡都散發蔬菜的甜味海南雞的肉質也保持到鮮嫩滑的雞件都是已經去了骨頭醬汁有自家的辣醬　薑蔥同甜醬油油飯不是很油膩　有點雞油香飯量真的挺多　熱度也很足夠有時想清淡點　叫雞胸也不錯也有這種低脂的選擇另外還加點了海鮮雞粥粥用充滿雞的鮮味有挺多海鮮和雞件放在表面還有和脆的花生和少許蔥去點綴粥品份量也不少　其實女生單吃粥也夠也適合在早點來碗

呢間小店，唔多起眼，但聽朋友講都幾好食，於是即管入去試吓，咦，又真係唔錯喎，啲雞好滑，食材新鮮，個湯好有誠意，而且好乾淨企理，係一間回頭率頗高嘅食店😋👍🏻

路過聽到街市檔話呢間海南雞好食就行多兩步試下，成份好抵食，有茶，有飲品，也可以自選要不要飲品，一直支持有水準小店，當然坐位不要有太多要求！海南雞係滑嘅！有豬手，其他未試過！

又黎到冇堂食既日子，今次係大角咀附近Staycation，夜晚就開始搵下有咩食。😋友人夜晚想食飯，見到呢間幸福海南雞，有二人餐選擇。二人餐可以揀一款主食，我地就揀左豬頸肉，有半隻海南雞，兩碗油飯，同埋兩碗湯，仲有生菜。豬頸肉就還好，口感唔算香脆，都比較淋。 海南雞就肉質都幾滑，油飯亦都幾香口，同埋二人餐份量真係超多，除左湯，仲有兩杯野飲，份量黎講係非常之抵食呢。

今天在大角咀大同新邨附近見到一間以海南雞為招牌的小型餐廳 ，我覺得可以一試，雖然店舖不大，但整潔！我要了招牌的海南雞飯不知是否天氣凍了，我覺得海南雞有點凍，但有雞味！反而老火例湯比較熱，比較好味！幸好元蹄飯比較出色，它是無骨啲，煮得十分淋，(連無牙婆也可吃得)，調味剛剛好！價錢合理

豬頸肉唔知係咪夾得太耐，定係落咗鬆肉粉，口感好似食緊齋品腐皮整出嚟嘅豬頸肉一樣，同麵粉感覺味道唔係太大分別。只能夠話，佢個醬汁夠濃，先食得落口。所謂嘅攤銷，完全冇炭燒不過佢個湯真係幾好飲，同埋材料好足，係會有幸福嘅感覺嘅。今日飲嘅係蓮藕湯，有得食蓮藕添㗎服務態度就一般，講嘢比較冇語氣，好似機械人一樣。不過放假要返工，又真係辛苦嘅。同埋佢好誠實！即使收多咗錢，都會俾返一蚊我：）誠意希望黃色小店可以有改進

小店式經營海南雞飯店，店內環境舒服光猛，另外牆上燈飾增添時尚感，打卡一流。今日我哋一行三人好夜先入舖頭，店員都好熱情招呼，好抵讚。由於時間趕急我哋馬上點咗三個「獨食一人套餐」，二個海南雞，一個肉餅-套餐包飯（有油飯或者白飯選擇）、油菜、老火湯及飲品雞滑飯香，唔知太肚餓定真係太好食😂連平時一啖飯都唔落肚嘅我都忍唔住食晒成碗油飯，雞係已經去晒骨，仲非常之咁滑，成晒整個套餐飽到不得了💛另外友人揀咗個肉餅，係煎嘅係唔會太油膩，食落非常可口味道：💛💛💛💛環境：💛💛💛💛價錢：💛💛💛💛5x💛為最高回頭度：8/10整體而言非常推介食海南雞飯食完都仲有回味嘅感覺😋。📍大角咀大全街6-20號大富樓地下A5號舖

第一次外賣，個飯暖既都算，個湯都係暖既，諗住堂食應該唔會咁啦俾多次機會佢堂食，個湯仲衰過上次，只係微暖，大佬，有啲誠意都煲返熱/叮返熱呀，食左兩次都無一樣野係熱既總結：味道中規中矩，但要飲微暖溝水既湯，不了

💛幸福海南雞·招牌海南雞飯 l 幸福元蹄飯 $58佢呢度加$12就可以升級做套餐 有個老火湯 青菜同野飲 超抵食🤩🤩佢呢度個老火湯真係好甜 飲落好舒服 之後佢個海南雞都整得好好食 就算係胸既部份都好嫩 不過當然髀味就更好食啦🐤不過美中不足係佢個油飯係就咁撈雞油既姐 所以食落唔夠香🤭🤭之後佢個豬腳都好惹味 炆到好淋 但係我自己就覺得有D偏鹹 而且佢呢度既豬腳係偏肥D既 所以我地中意佢個海南雞多D😌😈·#rbyeat#rby東南亞菜#rby💛#rby大角咀·📍大角咀大全街6-20號大富樓地下A5號舖

近年發現開了不少吃海南雞的專門店，喜歡海南雞的我也走去試了一間，質素不俗之餘也挺為抵食！這天車爸爸難得收早我便相約他到大角咀這間幸福海南雞一起撐枱腳。店舖內裏採用鮮明色彩配搭牆壁上霓虹燈作裝飾，絕非一般飯店的裝潢很有新鮮感。看過餐牌後我們決定點上朋友二人套餐＄192，當中包括有在主菜中選的袐製元蹄、海南雞半隻及是日正菜，另配油飯、足料靚湯及飲品各兩份真係超級超級豐富喔！飲品我們選了椰汁紅豆冰和金鑽鳳梨特飲，這兩款特飲可以加＄15將餐飲升級。車爸爸的椰汁紅豆冰內裏的紅豆煮得夠粉糯，甜度亦恰到好處加上椰汁的香氣是好味道的。而我這杯金鑽鳳梨特飲用上新鮮的台灣鳳梨當然是加分啦！加上薄荷清新香氣又不過甜的味道便成了我喜歡的飲品。除了套餐外我更貪吃地點多客無骨涼拌鳳爪＄35，鳳爪不是白雪雪的那種吃下口感特別爽脆，而且味道香辣又惹味真心吸引！這夜的靚湯是足料冬瓜湯喝下去味道清清香的也算不俗。我們將其中一碗湯加＄25升級為超濃香的藥燉肉骨茶，內裏有不少煲至淋身又入味的一字骨，茶湯帶上濃濃的藥材香氣很好喝，唯獨是油多了少許否則更加合我心意。套餐中的時菜這天是這客嫩綠生菜，灼至剛剛熟吃下口感相當脆口而且菜

#大角咀 大角咀好多小店, 😎搵到一家好光鮮亮麗又乾淨的店, 主打東南亞海南雞, 試試吧! 晚市光顧, 全場滿座, 好彩我哋早一步…💃來一客二人餐再加小食便足夠! 主食選一( 🐷豬頸肉、肉餅、🐖元蹄、肉骨茶)、🐥半隻海南雞、住家湯、🥬青菜、兩碗油飯或🍚白飯 和 🥤兩杯飲品。🤤主食我們選元蹄 (💁‍♀️店家推介) ~ 好, 要讚下店家! 🤤🤤無介紹錯, 超超超好味! 黏口而不肥膩, 滿滿的骨膠原! 肉質嫩滑, 入口即化, 醃得好入味, 醬汁不會太杰 (我個人嚟講好歡喜😌😌)! 🐥海南雞半隻 ~ 雞肉出奇地嫩滑, 雞皮薄唔肥, 走骨, 我們秒清! 🍚油飯 ~ 好大一碗! 初時以為食唔晒, 但越食越好味, 又唔油膩, 又唔會好爛, 最後, 全碗食晒! 好癲! 🥣老火湯2碗, 可免費轉肉骨茶, 咁梗係轉肉骨茶啦! 偏馬來西亞口味, 無新加坡咁重胡椒味! 用上細排骨, 有杞子、紅棗 (🤤好甜)、大量木耳, 煲得幾夠火喉, 唔會好油膩, 不錯! 🥬菜一碟 ~ 灼菜, 蠔油上! 生菜新鮮! 🥤飲品2杯 ~ 我們選蜂蜜四季春綠茶 & 熱情果茶! 唔會因為套餐就細細杯, 甜度可選! 💁‍♀️朋友表示已列入飯

有時同你最愛嘅人食一餐飯，已經好滿足，幸福就是簡單。而這間幸福海南雞個名好特別，同時吸引左我地去試❣️🍴食物🍴1️⃣朋友2人餐$192: 包括海南🐔半隻，主食有（豬頸肉/肉餅/元蹄/肉骨茶），菜，飯，飲品兩杯，咁多野加埋係幾抵食✨海南雞肉幾嫩滑，冇骨啖啖肉，有雞味，我連雞皮都食埋😋沾埋海南雞既醬料一齊食更加好，個人最鍾意辣醬同蔥油。豬頸肉份量好多，外皮有少少脆，肉質是偏瘦，不過食落都唔會覺得乾。油飯唔會好油膩感，我唔記得叫小飯，份量超多塞到滿滿😂細食嘅朋友記得叫小飯啦～例湯好有住家湯既感覺，冇味精，合掌瓜蘿蔔粟米湯～簡單好味。可以加$25（位）轉肉骨茶。2️⃣無骨涼伴鳳爪$35: 辣辣地好惹味，越食越辣嘅感覺😆，口感好爽口，夏天食呢個好啱👍🏻💥環境💥地方好乾淨，燈光是偏黃，加上牆上掛咗字句嘅霓虹燈，感覺比較warm，想帶比客人幸福嘅感覺。💥服務💥入黎既時候見到好多客人食，都差唔多滿座，上菜時間都幾快，店員服務都幾有禮貌。

外賣海南雞飯返屋企，本身嗌兩個油飯，點知返到去發現變咗做白飯，都唔緊要，但竟然係生米？？d米勁硬，擺唔到落口，已經叮咗兩次都完全食唔到。咁都可以俾人拎返去食？？？冇下次！！！！！！！！！！！！！！！！！！！！！！！！！！！！！！

天時暑熱，大角嘴揾食行今日嚟到大全街。老實講，海南鷄喺大角嘴真名係做到五步一店。論好食講名堂，《文華》就喺隔離街；論價錢，行多兩步，有不少店可以$30 一碟雞飯；咁呢間《幸福海南雞》又好吾好食呢？又抵吾抵食呢？餐廳黃色主調，小店四人枱三四張，其餘為二人枱。除咗海南雞之外，似乎肉骨茶也相當受歡迎，好幾枱食客叫左，下次可以試試佢。揀左個七十蚊一人餐，包雞包飯包湯包菜包凍飲。隻海南雞去左骨，大約十件，有埋鷄脾，賣相靚仔。咬落去件雞非常滑，一層皮一層肉，再點埋三色醬，竟然覺得甚為開胃，尤其嗰隻甜鼓油，真係點乜都好食。湯飲得出冇（或冇乜）味精。生果茶非常消暑，推介推介。整體而言，呢個七十蚊套餐可以話要乜有乜，坐得舒服，味道中上；性價比而言，套餐絕對抵過碟頭飯。

位於大角咀的幸福海南雞，是一間價錢實惠的海南雞飯專門店。餐廳除了招牌菜外，亦有家庭菜式、老火湯和特色飲品供應，真材實料的平靚正小店，值得大家多多支持唷~ 小店以黄色為主調，加上柔和燈光，配上霓虹燈裝飾，寧靜環境，給予人溫暖舒服的感覺。店內地方不大，但座位闊落，整個用餐過程相當舒適。 菜式的單品價格相宜，而一人、二人、四人套餐、孖寶套餐，會更加便宜哦~當天晚市光顧，差不多全院滿座，深受街坊歡迎呀~ 朋友二人套餐 $192 套餐包括: 主食選一( 豬頸肉、肉餅、元蹄、肉骨茶)、半隻海南雞、住家湯、青菜、兩碗油飯或白飯 和 兩杯飲品。 主食我們選擇很久沒吃的肉骨茶! 肉骨茶非常足料，散發著濃濃藥材味。內有淮山、木耳、杞子、豬肉等等，濃香惹味，味道不錯唷~ 海南雞好大一隻，份量十足! 雞件去骨，皮薄肉厚，不會太多脂肪，啖啖嫩肉，沾上甜醬油後，味道更佳哦。 在油飯和白飯之中，當然選擇油香滿滿的油飯啦! 雖然很邪惡，但配上醬汁後，多多都能吃光光呀! 我們+$15升級兩杯飲品，金鑽鳳梨特飲和椰汁紅豆冰，個人較愛鳳梨特飲，酸酸甜甜，很解渴哦。