幸福海南雞

營業中

休息中

行行下去到大角咀大全街，呢頭真係好多嘢食。但因為幾個friend一齊，想搵間新啲，又少人啲嘅餐廳，可以靜靜地傾下偈。見到呢間幸福海南雞，簡約清新，有啲霓紅燈裝飾，又有啲搞笑對聯 XD 好似「小橋流水人家  今晚有魚有蝦」，幾funny。 每個人都嗌咗一人主食。因為就咁一個飯都五十幾，70蚊就有埋住家湯、蠔油烚菜，同埋飲料。個人食得清淡啲，所以叫咗白飯，嚟到嘅賣相都唔錯。湯好有住家嘅味道，蠔油青菜實冇得輸。成個套餐賣相令人感覺好豐富。雞食落唔算好滑嫩，可接受。三款醬汁最好食係甜豉油 ，然後係酸辣汁。熱情果茶少甜走冰。少甜後味道正常 返啲(都甜)，幾好飲、幾開胃。幸福奶茶就真係好甜了 >.< 不過可以靜靜地食下飯，呢個價錢，算係咁啦。

大角咀最近好似變成新店選址熱門😽✨除咗café之外 有時出街都間唔中想食下 #黃店 家庭式菜式同飲吓老火湯🥰經開嗰頭都係個好選擇嚟㗎🍱.朋友二人套餐👯（$192）套餐包括有主食，海南雞半隻，青菜，老火湯，飯同埋飲品🍹🥡🥢整體2個人一定夠食而且性價比都合理🌟每人$100都唔洗就食到三餸一湯 配 飯同嘢飲🤰🏻啱曬一家大細同埋朋友一齊食👨‍👩‍👦① 海南雞🐔// 幾欣賞海南雞一啲都唔會榎歰歰🌟食落口幾滑身🤏🏼🤤配埋醬汁同埋油飯係無敵(๑•̀ㅂ•́)و✧ 而且醬汁方面 薑蔥磨得好細所以幾正🥰//Food：🌕🌕🌕🌕🌕🌘② 油飯配老火湯🥡// 油飯煮到粒粒分明🤏🏼食落又唔會好重油感而且好大碗🤰🏻//// 家庭式餐廳其中一個魔力就係出街食飯都飲到住家湯🥣飲落無味精🥰唔錯唔錯!!! //③ 黃金元貝肉餅🥢// 肉餅好有厚度 味道偏少少鹹但配飯食就啱啱好😽//Food：🌕🌕🌕🌕🌖🌑④ 豬頸肉🐖// 豬頸肉屬於薄切但係食落又唔會好韌✨不過部位偏瘦肉多 如果肥瘦分配平均啲應用會好食啲🥢🤩//Food：🌕🌕🌕🌕🌗🌑⑤ 雞翼🐓// 雞翼煎得啱啱好唔會食到中間唔熟😋加咗啲孜然粉令雞翼更入味✨鐘意食雞翼嘅朋友唔可以錯過

很喜歡品嚐不同的美食，有時一頓合意的美食，能夠帶給我幸福的感覺。感激能存在這世界上，細味這一刻的幸福感。今天來到大角咀的一間小店，叫幸福海南雞。和朋友選了海南雞餐和元貝肉餅餐，每個餐有主食、湯、菜、飲品，感覺很豐足，也很均衡。🔸例湯先喝碗湯，有媽媽煲的家常湯味道，是粉葛湯，有湯有料。🔸海南雞雞已去骨，啖啖肉而且我們吃的是雞腿位置，是超級的嫩滑，也有雞味，不是雪到無味的雞，配有黑醬油、辣醬、蔥油，可以令味道更豐富。🔸元貝肉餅肉餅煎得香帶脆，又不會油膩，肉餅口感鬆化，釀了少少甘筍味道平衡🔸肉骨茶馬來西亞的口味，藥材味重，像台灣的藥膳排骨，帶點醬油味，湯裡有大大粒圓肉、杞子，排骨煮得夠淋可以輕易吃到，十分真材實料的肉骨茶。🔸無骨鳳爪這裡的鳳爪不是白雪雪的，是經過調味，口味較濃郁，帶點辣，用來送飯也不錯。🔸飲品選了幸福鮮奶茶和熱情果四季春果茶，鮮奶茶奶味不算十分濃重，口味輕盈，熱情果四季春果茶口味則較濃，外面三十幾度，飲杯冰凍果茶真是十分清新消暑。

依間小店開左一段時間，不過之前一直未有機會黎試。餐廳環境比較簡潔，位置亦唔算好多，係咁啱經過見有位就諗住入黎試下。睇個餐牌其實佢主食就唔算係好多，咁我今次第一次食，緊係叫返個海南雞飯先啦，話哂佢店名都叫得海南雞，依個應該就係佢地招牌。主食可以搭配叫set，會包埋一碟菜同埋一杯飲品，不過我今次就淨係單叫，單叫都會附埋碗湯。依碗係住家南瓜湯，見佢幾足料同埋飲落清甜，唔錯幾好飲。而佢海南雞飯嘅分量睇落都唔少，啲雞食落好嫩滑已經去哂骨，而且部位都幾平均，雞脾雞胸都有，啖啖肉配埋三色醬好好味。加上佢啲油飯都幾大碗，食落非常香口，不知不覺就會食哂成碗飯。食過之後覺得海南雞飯真心唔錯，價錢適中同平時啲海南雞飯差唔多價，但食物質素幾好而且分量都好夠食，所以之後都會再繼續幫襯。中意食海南雞飯嘅朋友亦不妨可以一試，食完之後覺得真係好有住家飯嘅感覺。

/🐤招牌海南雞飯黎到幸福海南雞當然要試一試招牌海南雞飯賣相非常吸引🤩海南雞已去骨 食落啖啖肉 雞肉嫩滑 雞皮好薄身 唔會有好多脂肪 南瓜湯飲落濃郁鮮甜 好有住家湯既感覺 絕對係真材實料🔸可以自行選擇白飯/油飯小店值得大家支持♥️幸福海南雞 📍大角咀大全街6-20號大富樓地下A5號舖.#anygoodfood_hk#anygoodfood_Taikoktsui

“朋友二人餐”($192+$25升級肉骨茶)大角咀真係好多好嘢食😋最近開多咗間食海南雞嘅小店🐔成間舖頭油上淡黃色💛雖然舖頭唔算大間但座位幾闊絡坐得舒服睇店名都知呢道主打海南雞啦😆但其實都有提供豬頸肉,元蹄,元貝肉餅,肉骨茶🤗由於想試多啲嘢所以叫咗個2人餐👫🏻套餐內容十分豐富🥰有半隻海南雞,主食,菜,飯,湯,2杯飲品主食就係上面所講嗰4款入面揀1款我地就揀咗豬頸肉🐷仲升級咗一個湯做肉骨茶😝海南雞已經去咗骨,食落十分嫩滑🤤配上3色醬十分惹味☺半隻雞真係大大碟超足料好夠食!另外嘅豬頸肉一啲都唔會比海南雞失色外皮烤到十分香脆但入面肉質仲好軟腍😍跟餐嘅湯係南瓜湯🎃南瓜煲到溶哂好清甜☺入面仲有青紅蘿蔔🥕肉骨茶都超足料飲到好香藥材味裏面有豆卜,菇,淮山同好多舊豬肉🤩另外油飯好香口🍚仲落咗炸蒜好有誠意😋呢個餐真係好豐富超級抵食🤤去大角咀搵食嘅朋友又多個選擇啦😛

環境舒適，裝修以黃色為主，牆身有霓虹燈裝飾。環境寧靜，坐得舒服，唔會太迫，如果有埋音樂就更relax。✨味道75分，環境70分，服務幾好，價錢都好💰.🔷朋友二人套餐($192)好多野食，超豐富，2飯，2湯，3餸，2飲品。.🔸 豬頸肉有肥有瘦，咬落幾軟熟，個邊整到脆口，有口感。.🔸海南雞半雞不錯！隻雞夠大隻，半隻雞都好多，無骨，皮薄肉厚，咬落啖啖肉，又夠嫩滑。.🔸南瓜湯 煲得好甜，南瓜仲煲到溶哂，仲落左紅青蘿蔔。.🔸肉骨茶(+$25)好足料，落左好多料去煲，好濃味，但太鹹。淮山，粟米芯，豆腐卜，菇，豬肉都食到。.🔸今日青菜今次唐生菜，幾新鮮。.🔸油飯除左夠色水，入面仲落左炸蒜，好香。.🔸飲品餐跟兩杯，揀左檸檬蜂蜜紅茶，熱情果四季春果茶，味道太甜。

一直好鍾意食海南雞飯，屋企附近新開咗間幸福海南雞，趁住放假同老公去試下。二人餐($192)超豐富，有海南雞半隻+主食（豬頸肉/肉餅／元蹄/肉骨茶）+今日青菜+兩杯飲品+南瓜湯+油飯！海南雞半隻出面好多餐廳話就話半隻，但成日都係得幾件，但呢度真材實料，滿滿一大碟！雞肉全部去晒骨，肉質嫩滑，連雞皮都又薄又爽，油潤肥美，配上三色醬，非常惹味。我最鍾意辣醬，辣度剛好，薑茸亦夠香！油飯毫不馬虎，香軟油潤，性價比極高，呢個價錢絕對會encore！豬頸肉豬頸肉同樣值得一試，外皮烤得超脆，肉質又唔乾，食落充滿炭香，強烈推薦！南瓜湯飲得出冇落味精，味道天然香甜，有住家感覺！我哋將其中一碗湯轉咗做肉骨茶（+$25）試下，肉骨茶一樣足料，啖啖藥材香，味道濃稠！亦係誠意之作！套餐仲包兩杯飲品，可以喺餐牌上任揀，我杯熱情果四季春果茶調味剛好，既有果香，又不失茶嘅香濃。老公杯幸福鮮奶茶就比較泰式，奶味較濃，反而茶味就唔算突出，我自己就覺得甜咗少少。最後仲有大大碟青菜，非常滿足！整體食物質素好高，服務又好，要支持多D小店呀！

今次係第一次喺OpenRice呢度寫食評 希望可以同多啲人分享好食嘅嘢野今次唔係寫啲咩高級餐廳我係寫一間平民化但係有特色嘅餐廳唔知幾時開始好難再喺旺角搵到好嘢食亦都好難喺深水埗搵到平又好食嘅嘢食自從有一次我貪得意跟住地圖行過去大角咀就發現原來大角咀都有好多特色又便又好食嘅餐廳可能嗰邊交通唔算係好方便啲租金比起地鐵沿線其他地方平成本減低 食物質素都高啲今次要介紹嘅就係喺大角咀利澳坊附近嘅 幸福海南雞到目前為止 我已經食咗兩次啦所以我絕對有資格寫呢個食評我住喺石硤尾 如果佢近我屋企多啲嘅話 我都想多啲幫襯 或者你哋話可能可以叫外賣呢間舖頭係有嘅 但係由於我屋企太遠啦 應該都送唔到同埋就算間餐廳嘅質素好好都好啦外賣始終冇咁好食 送到過嚟都凍哂 翻叮又唔好食同埋因為外賣盒問題份量點都有啲唔同 價錢又貴啲所以呢都係要出去食好啲講返間餐廳先 一入去整體個感覺都好舒服嘅牆身油左粉黃色 再配以幾個招牌菜嘅燈牌咁樣講可能誇張咗少少 但係又真係有少少溫暖同埋想食嘢嘅感覺同埋感覺間餐廳好乾淨好企理你話餐廳嘅設計有幾緊要話明幸福海南雞 海南雞就梗係招牌菜啦其實無骨嘅海南雞飯真係好緊要我話俾你聽 我好鍾意食海南

💕 幸福海南雞 (大角咀)💕新開小店💕外賣自取唔洗$70住係大角咀最大嘅好處就係樓下咩嘢食都有，疫情關係都成日叫外賣，因為都未必日日會自己煮野食🤭，今次第一次寫外賣食評，鍾意食海南雞飯嘅朋友應該都聽過大角咀嘅文華雞飯，但係相對黎講就比較貴，所以今次見到附近又新開左一間海南雞飯就一於試試。用外賣平台落單自取唔洗$70架，套餐有齊湯、菜同野飲，份量非常足夠，飽肚仲有突tim‼️住大角咀嘅朋友食外賣又多個選擇啦❣️💰外賣平台下單自取$67.2

鄰居極力推介嘅大全街金家樂隔離間新鋪「幸福海南雞」聽講個海南雞會有驚喜，撞啱今日休息就落去楼下試下啦......但係我今日就試咗個元貝肉餅，確實都非常之具有特色，絕對值得一試，外脆內嫩！夠香口！另外個南瓜湯好濃郁，聽個姐姐講真材實料絕無味精嘅住家靚湯......裝修就屬於簡單溫馨有家的溫暖.....下次會再嚟試下其他產品，特別係個海南雞飯$58，可選擇轉雞髀只需加$10，套餐就$70有湯有菜有飲品

見到某外賣app外賣自取有八折, 咁就試下啦加上其實我都好鍾意食海南雞飯估唔到真係有驚喜喎😋, 要了一個海南雞飯1人獨食套餐同埋無骨涼拌鳳爪. 鳳爪就麻麻地啦好咸 夾硬食曬而海南雞飯就好抵讚, 我加咗$8蚊要雞腿油飯, 啲雞好滑好好味. 用嚟點雞既 醬油都非常正! 南瓜湯都超好味呀, 好足料好夠味😋😋😋, 生菜就一般般啦😁獨食1人套餐包括主食: 海南雞腿油飯餐湯: 幸福住家南瓜湯套餐 - 青菜飲品: 冷泡無糖四季春呢個套餐折咗七十幾蚊真係好抵食, 分量都夠嘅, 大食啲就可能會有少少唔夠飯

雖然只係第二次光顧 但已經值得打番篇食評鼓勵一下位於大全街既一間小店（等待時可以拎份免費報紙睇下😂）裝修簡單坐位上黎講都坐得好舒服 唔會太逼而我今次買既係外賣心思有少少加分 個盒貼有店名 靚靚仔仔雞食落嫩口 唔會嚡身 海南雞這個好重要雞皮鮮黃滑身 用既雞可見差極有限 有一定水準油飯夠黏口 加左雞油 食唔到多 一小盒剛好這個例湯最值得一提足料同好飲 同平時餐廳送既果d好唔一樣（平時茶餐廳果d通常都係丟垃圾筒）飲落就知無味精 偏向淡口 但就飲得出屋企既味道唔係濫于充數 為做而做 心機野碳燒🐷頸肉 入味 有肥有瘦 食落口感平衡總體感覺值得一食 👍

Visited my frds home today,found that restaurant accidentally,when I looked at inside ,the atmosphere seems so warm,everything is so tiny and bright.it attracts me a lot,then i decided to have a try.I ordered hainan chicken Set,the price is acceptable,just $70,including several chicken pieces,a bowl of rice ,napkin soup and a drink .when I finished all the food,I am so full with happiness.just like the restaurant name,happy chicken restaurant.everything is not bad,can encore

今日同朋友經過大角咀 見到間感覺都幾骨致既餐廳 咁岩大家都非常肚餓 全日未食野 就決定入去試下😋店內環境唔算大 但都舒服既 店員態度都幾好👍由于係有張紙仔自己劃單 咁就睇下有乜食啦主食選擇有幾樣 小食都唔算小最後叫左元貝肉餅 海南雞 圓蹄飯三樣等左陣 無幾耐就有喇 上餐速度都算快😀首先試左跟餐既南瓜湯 味道都幾濃 唔會好水 同埋有唔少其他湯料 這個加分👍主菜擺盤簡簡單單 幾塊青瓜點綴下咁 海南雞夠滑身 相信有用冰水過冷河🤔而雞味都無點流失 油飯味道好好 食落唔會太油 岩岩好 同飯粒都可以叫粒粒分明 唔會一舊舊 肉餅既肉無死硬這個唔錯 同埋加左元貝唔多唔少有左提鮮作用 所以食落味道同口感都幾好 圓碲飯就同平時食既口感比較起上黎黏口d😋 但就略嫌肥左少少😂而野飲叫左綠茶 剛好可以解解圖碲既肥膩感😗整體上黎講 CP值都高 同埋最主要既係好味😌值得推介👍👍👍