幸茶舍 (已結業)

幸茶舍係正南昌街市入面，可能會得呢度既街坊先會得閒幫襯。雖然唔係住呢頭，但咁啱去朋友屋企途中又想食少少野，於是去買左個鹽酥雞同芝士魚餅食。疫情關係都令都小店生意難做，大家都可以盡力多多支持一下。個鹽酥雞三十幾蚊價錢唔算話好平，但𠸝唔好俾價錢嚇親，因為佢即叫即炸既關係，去到叫要等一等，所以非常熱辣辣，而且份量都好大份，性價比非常高👍🏻👍🏻👍🏻👍🏻自己一個女仔可能會食唔哂，兩個人share應該啱啱好！雞肉好juicy又入味！好食👍🏻👍🏻👍🏻芝士魚餅要二十幾蚊，味道都好味，但性價比都係鹽酥雞高啲，多人食都可以叫黎試下。佢另外仲有好多飲品同面餐，下次想外賣返屋企都可以再試下。

今日又黎到良心小店大家睇下佢既佈置七彩繽紛有百花齊放既感覺 今次叫左個「珍寶花枝丸」 因為武漢肺炎疫情又黎第三波今次外賣番屋企食如果唔係呢，鋪頭隔離有啲枱仔比客人立食既 南昌薈呢個街市其實乾淨又有冷氣，同場仲有其他小食店添，有間叫bove都唔錯架！ 珍寶花枝丸真係珍寶，大大粒外脆內軟糯，調味岩岩好，都係廿蚊住附近既街坊真係不妨試下，呢間啲炸野真係出色！（非打手，fans姐） 如果炸物選擇多啲就好，而家偏台式野多啲，希望遲啲會加款炸薯餅啦！我同朋友一定支持呀！

第二次幫襯啦！上次食炸物拼盤，有鹽酥雞、炸燒賣、炸餃子，好好食。今次試手抓餅、撈麵（配炸燒賣同鹽酥雞）、薯條。鹽酥雞呢，咬落去聽到塊脆雞皮咯一聲之後就係唔乾既雞肉。滿意呀！薯條配芝麻醬，個醬好味、薯條脆，超大份。。。。抵食！如果醬另上更佳啦，有啲薯條被浸林左手抓餅就不過不失。撈麵加錢配蜂蜜紅茶，好飲！呢個時勢，高調表態的黃店，請各位同路人大力支持！佢地鋪貼啲畫好靚。我所知同場仲有清心齋、莉記花店黃；對面v walk就有美樂士多同阿布。

真係唔介紹唔得～又黃、又良心、價錢仲要係時光倒流價！要狠狠地，罰。罰。罰佢！！！！！————冬瓜茶：中杯都好大杯，甜度岩岩好，可以飲到有冬瓜味，唔會死甜，再配熱氣野一流，可以減一減啲熱氣。————鹽酥雞：即口即炸，大大包，熱辣辣，又脆口！舊舊都有肉，唔係得皮，完全可以當飯食，講起都想再去食！我試過凍左都好食！唔會un。鹽酥味，我覺得岩岩好。————最離譜係咩呀，買個43蚊野，仲送杯外國牌子既乳酪！

「富昌邨」跟它旁邊的港鐵站「南昌站」，雖然都屬於在「深水埗」區裡面，但是「富昌邨」、「南昌站」跟旁邊的屋邨「南昌邨」的寧靜環境，跟深水埗區裡面的平民化環境，以市井嘈雜氣氛完全是兩回事。不過，我始終還是搞不清楚從港鐵「南昌站」出站，如何走才能直接走到「南昌站」旁邊的購物商場，包括屋邨「領展」商場「南昌匯」，還有私人的購物商場「V Walk」。結果我從「南昌站」走出來，走了不少冤枉路才能徒步到達「南昌匯」商場。後來我知道了，原來可以直接從港鐵「南昌站」出口到「V Walk」，然後就可以從「V Walk」連接的行人天橋出口，徒步前往「南昌匯」。我第一次來到和進入「南昌匯」的時候，發現當時的「南昌匯」地下街市位置，街市裡面的環境，彷彿還是處於剛剛新開張營業的狀態，很多食店還未開門營業，惟獨是飲品小食店「幸茶舍」還在運作。幸好我當時已經在家裡面食完晚飯，所以來到「幸茶舍」也不用太過擔憂，擔心「幸茶舍」裡面只有製作提供手調飲品和炸物小食，而沒有飯食套餐供應，而且「幸茶舍」沒有座位，所以堂食的食客只能夠選擇「立食」。但是由於我光顧「幸茶舍」的時候，時間已經是晚上的宵夜時間，所以想享用手調的「水蜜桃紅

支持 #黃色經濟圈 💛自從南昌商場翻新變成南昌薈之後，多了一個小街市，街市裡頭還有不少小食店，平常很少人會發現🙊這次我到街市買文具，發現了這家貼滿文宣的小店，售賣台式飲品和港式小食，當然要好好懲罰一下吧～我點了椒鹽燒賣，調味粉有四款可以選擇，我選了孜然粉，12粒只需要$20，街坊價經濟又實惠✨小店人手不多，等待時間較長，但等待是值得的，因為太好吃了～燒賣表面炸得超脆，有嚼口，配以椒鹽和孜然粉很惹味，讓人吃不停口🤤下次再試試它的飲品吧💛

每次我去買佢地都問我係唔係要芒果綠茶大杯小冰，我都話比佢話事，入面好多字都係我叫佢地加洛去😂😂佢地一開始話唔粗口，但最後比我說服咗😁😁，呢間野啲野飲係ok既，但啲食物一般炸Bo，不過無論如何都唔會同你地割蓆。煲底之約。佢地仲有整杯墊，記住問佢地拎番個，手足加油。佢地好nice，個商場係領展既，我唔知佢可以支持到幾耐，希望各位黃既人都幫忙支持小店，小店都被領展無理打壓😭😭，希望每一位有能力既都幫下手。

平時飲野就多，今日特意去買咗佢地個鹽酥雞拼花枝丸食，發覺真係好出色！個雞細塊炸，個炸面好薄，唔會話好似出面咁食炸粉多過雞肉，個雞肉就好juice，食落去一啲都唔干好正！個花枝丸就仲正！本身花枝丸就已經好好食炸過之後脆bobo，仲香口咗！而且啲炸野係即炸，好新鮮。不過就要等耐少少啦！有4種口味選，我選咗孜然，不過同我想象中的孜然味差少少，都好食嘅。個數量女仔可能就岩岩好？男仔就應該唔飽啦。做下午茶就完美！

係深水埗飯後想飲珍珠奶茶，飲得珍珠奶茶當然要搵良心小店，其實印象上好似不少台式飲品店都係，友人想去幸茶舍，雖然身在深水埗，但其實去南昌果邊都有一定距離，不過當散下步行去都係一個不俗的選擇，邊行邊吹水到達了。 店子除了台式飲品外，亦有小食及糖水呢。 有好多選擇。 畫得好靚，如果買熱飲會拎返個。 招牌珍珠奶茶。 泰國手標奶茶，友人的。 招牌珍珠奶茶，$20。 呢個價幾平，仲要好大杯，奶茶入口順滑，少許甜，珍珠份量多，口感煙韌，果然不俗呢。有台飲及小食，多野揀不單一，店員幾nice，有機再去呢。

第一次幫襯，叫左個鹽酥雞印尼撈麵。只係 $25，性價比超晒錶!! 竟然有8件雞!!! 味道都超正，肉嫩皮脆，係外賣到返屋企都仲脆!! 麵已撈好，夠爽唔糊口。好後悔只係叫左一樣野食，下次仲想試佢既泰式手鏢奶茶同紫薯芋圓涼粉。店面裝飾得非常地道，合時既手繪裝飾非常有情懷。夜晚人手不足，所以要按鐘，店員即9秒9回應。食物即製，今日得我一個幫襯亦唔算等得耐。難得喺呢邊有開得夜既小食店，原來唔止賣台飲仲做埋小食同甜品。你要堅持住做落去呀!! 我好想繼續幫襯!

富昌商場裝修咗，有一部分做咗街市，濕貨乾貨都有，另外仲有粉麵、車仔麵食，見到開咗間珍奶舖，個名未見過，好奇就走去八下，飲品選擇都幾多，亦有賣鹽酥雞等嘅小食。黑糖珍奶大熱咁耐，就決定買杯試下，$32價錢同出面差唔多但大杯好多。拎上手係暖嘅，搖勻之後杯身都有幾靚嘅紋路，外觀上係唔錯。第一啖入口比較重黑糖味，再用飲管攪勻，味道就平均啲，珍珠有咬口，但較連鎖店遜色嘅係，連鎖店嘅黑糖珍奶嘅珍珠普遍有用黑糖煮過，所以即使搖勻咗，珍珠入口仍然會有黑糖味，我相信如果珍珠可以用黑糖煮先，成杯先更完美！總體而言，加埋10送一優惠，性格比係唔錯，下次會試其他飲品！🤤

Only tried this drinks joint because they had Singaporean Pandan tea.They had lots of Asian teas on offer like Indonesian coconut tea, Thai Tea and even gingerbread tea which I believe are made with Monins Syrup.The taste of the pandan tea was ok but the pandan wasn't strong enough.The tea base they used was Hong Kong style milk tea which is not my cup of tea, hence the name bittersweet is a good way of describing the taste of the tea.Sweet with a bitter aftertaste.

放工經過從新裝修後嘅南昌薈，加上天氣太熱又囗渴，所以入去睇睇環境搵嘢飲。係街市角落見到一間新裝修，門面整潔企理嘅台式飲品鋪。店員熱情有禮，係佢推薦下，點咗佢地嘅其中一款人氣飲品「泰式手標珍珠奶茶」($28)。呢杯泰式手標珍珠奶茶入口順滑，覺得比泰國冇咁甜，好啱自己囗味，而啲珍珠煙韌有o趙頭，問過店員原來係每日新鮮煮。新開張有配小食嘅優惠，有炸雞、花枝丸、雞軟骨等等，等候其間都有不少人點，下次要買嚟試試先。

上次買唔到炸雞，今次買到喇! 勁開心勁興奮。炸雞要等5分鐘左右，不過真係好好食，上次食唔到之後，隔左咁耐至的起心肝來買，勁後悔咁遲至再來。32蚊一大袋炸雞+花枝丸雙併，好大袋好抵食，而且好好食，雞好夠juicy! 食完好滿足! 如果唔想雙併，仲可以就咁買雞或者花枝丸，唔知係咪都好似雙併咁，裝滿晒成個袋架呢?今日去到，見到佢地又有新野，刨冰，呢排咁熱，唔通下次又要試!? 佢地成日都有驚喜，真係搞到我好唔得閒。

嚟南昌探朋友，等朋友時又見餓餓哋，入咗去商場度搵食，見到間裝修到好靚嘅珍珠奶茶店，即刻心心眼。買咗日本脆梅果茶同炸雞花枝丸雙拼。台式梅子飲品好多時都係用話梅，呢間用咗日本脆梅，由陳舊話梅變咗清新脆梅，感覺當堂唔同晒，超級解渴。不過最好味嘅係炸雞同花枝丸炸雞外脆內軟，有四隻味粉揀，個人比較鍾意鹽酥味，炸花枝丸個咸度啱啱好，係炸雞可能係啲雞本身有醃過，加埋鹽酥雞粉就略咸咗啲啲。整體嚟講都係好味，下次會試埋黑糖珍珠奶茶同炸雞軟骨！