幸茶舍 (已結業)

南昌薈街市開左都差唔多一個月，一直都冇特別行入去睇，總覺得係師奶去買餸既地方，加上以前呢個位真係勁唔掂所以完全冇諗過要行入去。不過剛剛的星期日同屋企人飲完茶返屋企，對面屋個細路拎住包炸雞同埋杯野飲，話係o係街市新開既茶店買既，仲請我食左一舊雞，覺得好好食好juicy，所以今日收工收早，屋企又未有飯食，就去左街市行個圈，打算去買炸雞同埋珍珠奶茶飲。好失望，只係買左杯虎紋珍珠奶茶，因為炸雞已經好賣到賣晒了...... 靚仔收銀哥哥叫我聽日早D 來買喎......不過呢，杯虎紋珍珠奶茶味道就好喜出望外，雖然D 虎紋就整得麻麻地靚，但係味道就好正，好香奶味，但同時又會飲到茶香，珍珠亦都好好食，唔會似車呔。呢間叫幸茶舍既野，睇佢個menu係有分店既，不過就唔多，連埋富昌邨呢間都只係得4間，有小店風味，唔hea，但我仍然要講多次冇得買炸雞好失望...... 靚仔收銀哥哥話有糖水賣，限量供應，不過食完飯太飽冇落去再買。下次要試下糖水，同埋要買炸雞！