幸運來餐廳

營業中

休息中

又係中午放飯，同同事們行下搵野食，想轉口味又唔想食咁貴喎，行過呢間幸運來午市快餐45蚊，餐廳格局都錢整齊就入去試下啦。餐廳座位都唔少，左右2邊有卡位，中間圓枱幾張，位與位之間唔會好迫，冷氣都夠涼，茶仔黎講環境算幾ok。咁睇下餐牌啦，除左午市快餐都仲有好多其他野，有鐵板餐之類，麵餐呢d都唔少得，仲有d蒸魚類同湯飯類既，選擇都算幾多。咖哩牛腩飯同事們就揀咖哩牛腩飯，飯睇落就正常唔會好濕，咖哩黎講就椰香味偏重，坐格離都聞到，但咖哩味就弱d，都無咖哩本身既辣，不過中肯d講，茶仔咖哩係咁上下，再差都食過，呢份起碼有個香字先，牛腩望落就唔太腍，另外有3大舊薯仔，茶仔質素咁上下啦。乾炒牛河呢個餐等左10分鐘左右，即叫即炒幾有鑊氣，但調味就差d，味道偏淡，加返d辣椒醬就岩岩好，油份方面就還好，起碼唔會浸晒成隻碟，算食得過啦。飲品方面就正正常常啦，無乜特別，整體而言就中規中矩既街坊茶餐廳，好多人叫外賣，價錢黎講就正常價位，質素無話特別好都唔太差，間中食下都ok既。

因為郊遊入咗元朗，時間緊迫就入咗間茶餐廳😂😂例牌隊個茶記早餐啦！沙嗲牛係每次去茶記都叫咁滯😆😆😂我食米粉，朋友食麵🤤但感覺點解麵係多牛肉D？😆😆沙嗲唔夠濃，一般。牛肉都合格，每碗仲有幾條香菜比你😂😂不過我自己覺得白菜同碗粉真心唔夾🥲另外碗炸菜肉絲米，都算多。基本嘢，冇乜特別🤣跟餐嘅多士就真係⋯十級hea。冇乜牛油，午餐肉都係淋。🥲-沙嗲牛肉米粉 跟 餐肉煎蛋多士 凍華田 -沙嗲牛肉出前一丁 跟 煎雙蛋 熱奶茶-炸菜肉絲米粉 跟 餐肉煎蛋 凍檸茶

第一次來，只是路經隨便揾食。午市過後都頗多顧客，應該是街坊食肆吧。隨便點了個雪菜排骨大碗米線，送熱飲，37 蚊。米線送來後有點意外，因為本以為是上海式排骨，即炸豬扒那些，怎料面前的是中式蒸排骨那款排骨。但吃下有驚喜，雪菜排骨應該是落鑊炒過再加獻汁，加了紅色甜椒，賣相好看，又有點點微辣，惹味，湯底較濃較杰，整體味道不錯。不時聽到廚房爐頭傳來陣陣火氣鑊氣聲，估這裡的中菜應該也不錯。茶記價錢，但食物不馬虎。

星期日，約埋一齊去了南邊圍踩單車，踩到好攰好餓好夜，所以就去了香港人最愛嘅茶記，最緊要快靚正呀麻。去邊度食，近近地就依間幸福來茶餐廳喇，地方方便，但求就手，e肚緊要。晚餐精選，加凍飲成為55蚊。一般茶記嘅都應有盡有。環境還可以，5-6張卡位，三張大台，我地3大2細就坐係中間張大台，還算坐得舒適。點左4個餐，飯菜分開上的，不是掂頭飯，點了西蘭花炒魷魚，菜胆雞，沙爹金姑肥牛煲，京都骨。睇賣相不錯，味道也可以，夠鑊氣，唯獨雞得胸位置，所以鞋口，麻麻地。咁多人食兩百幾蚊以依家嘅市道都算係咁了。

來到元朗，一於來嚐嚐街坊＂茶記＂，在門外的餐牌看到價錢實惠的精選晚餐，便隨意的走進去，正所謂＂沒有期望，便沒有失望＂，這次可是例外了…坐下來之後，店員溫婉有禮的遞上一杯暖開水，示意我可以慢慢的挑選，看到餐牌菜式種類挺多的，我便點選了精選晚餐的＂啫啫雞煲＂，不消一會，雞煲迅速來到桌上。先吃一口雞肉，味道只有咸味，於是我抱著懷疑...一連吃了三丶四件的雞件，證實了只是雞件表面沾上了咸味而已，再沒有其他味道了；其實料頭有＂洋蔥丶蒜頭丶冬菇＂等等，這樣也＂沒有出味＂，之後我逐一細味每一樣材料，也許問題在於＂一切來得太快＂，急趕的火喉確切沒有把材料的味道發揮出來。看著份量十足的雞煲，最後我也堅持把它吃完，一邊吃著一邊替它感到可惜，如果能掌握細節，加以改進，你說這樣有多好呢？

依家我跟同事協議星期一至四煲飯，外出買餸，星期五才外出午餐，今日同事跟朋友外出午餐，所以我今次自己一個人買外賣，今個星期第三次幫襯呢間小店，星期一和星期二買了$40的三餸，感覺唔多餸，但今日食$36的三餸飯感覺好豐富~~~呢間小店其實已經開業數年，在十多年前係麵包店，住在元朗長大的我細個時常經常呢度，至於呢間店我之前間中會幫襯，因為價錢算是抵的，依家多咗幫襯係因為佢係最近我office的外賣餸菜小店，不過食物唔係次次都有比較OK的水準，所以選擇餸菜要小心~~~今次選擇肉餅、雲耳雞和粟米班腩，肉餅感覺較星期一失準，好似未完全蒸熟，雲耳雞OK的，最LIKE係粟米班腩，因為D汁可以撈飯食，其實我一個人食唔晒D餸，所以分咗D俾另一位每日帶飯叮的同事~~~湯算是不錯，我唔要湯渣，因為我本身只是愛飲湯而已~~~之前試過食麻婆豆腐倒不錯，兩個女仔每次夾$20買三餸返OFFICE跟剩下的同事仔食，感覺好似一家人食飯咁=]