幸運小亭

營業中

休息中

一開始好落力咁sell我哋，追住尼sell，我又見隔離幾張枱都full哂諗住應該無伏嘅，坐低先知原來嗰幾張枱係隔離舖，都覺得有可能出事㗎喇，邊有可能佢喺中間，左右都有客但得佢無。但見佢咁有禮貌就諗住算喇，試下囉。點知一坐低個女人就即刻黑哂面，吹住哂，要我哋快啲take order。最後求求其其叫咗兩碟串燒同西多。諗住價錢咁貴，難食極都應該唔會太過分，點知啲串燒又乾又柴，份西多仲好有有油溢味🤦🏼‍♂️🤦🏼‍♂️叫咗枝酒問佢點開，問咗三次先問我，仲要講梗佢就企我後面望住我。最後就食完，佢有幾個客等梗，我哋一放低叉，佢就指住我哋枱同個客講我哋食完，要走㗎喇，大佬我哋啲野都未飲完呀。依間野直頭唔可以用可一不可再尼形容，佢係連一都不可！

星期六好太陽出來行下，經過海邊諗住搵個地方坐下，行行下有個呀姐大叫問我地食左野未，我地見個呀姐咁殷勤就上去飲杯野啦叫左個熱狗， 炒金邊粉，多士，沙律，跟住係咁逼我地叫飲野，等左好耐終於有得食突然有一班外國人0係度等位我地都未食完，就催我地要埋單跟住接新客人，明白既外國人係專貴D，但都唔應該咁對我地架，真係又貴又難食，真係冇下次 

假日來到赤柱hea下，點知人山人海，行左一個圈就想搵個位，休息一下望下個海！黎到赤柱海濱小賣亭有好多個有舖位，大部分提供戶外座，機緣巧合黎到lucky...因為唔系好餓，純粹take a break, 兩個人只系叫左幾樣小食，加支啤酒🍻幾樣食物都唔錯，不過始終做遊客生意，價錢就貴左少少！

去咗淺水灣沙灘，有點肚餓。去咗附近一間小食店。點咗個撈麵套餐。我付$30，買咗個撈麵加燒賣加汽水。個麵好彈牙。服務員岩岩煮起。撈麵汁好一般。混合一齊食，好正，但賣相好一般。個燒賣剛剛煮起，咬落好彈牙。但因無鼓油，無咁好食。小食店開售$30算係咁。不過不失。醫肚無問題，但口味好一般。

今次我地去左赤柱行街，行到咁上下就見到幸運小亭，見到佢地有泰式炒金邊粉，因為我好鍾意食泰式金邊粉的，所以就去左呢到食，佢地餐廳係outdoor既~飲品我地點左椰青同龍眼紅棗茶，佢地d飲品都幾貴下，$38一杯龍眼紅棗茶，仲要好細杯，還要是紙杯上 ，椰青就$4×一個，呢d價應該係用來呃鬼老，由於當時太口乾，所以我地都叫左來飲，冇下次😬泰式金邊粉，真係好難食，又多油又酸，完全唔係個回事咯，初時以為佢專食泰菜，想食泰式金邊粉先去食，點知坐低後見到佢本menu咩菜都有，泰，馬，日，西 etc.... 全部都出自同一煮房😯，個時都知道應該中中地伏，點知真係中左，食泰菜真係去番泰國菜館食會正宗d,佢地咩菜都有先係最恐怖😬可能其它都有d會好食既，但泰式炒金邊粉真係好難食，食左一半都冇，已經唔食

環境2分：  只有室外座，面海有feel，但太熱，太迫，所以扣三分。 衛生1分：  室外多蚊，唔乾淨，如果有抹都係hea抹過張枱，似在街上用餐，唔衛生到極。服務1分：  服務態度奇差，配料都未食完已經想收碟，趕客都唔洗咁趕卦。味道1分：   1)      芝士肉醬薯條正常。   2)      芝士火腿多士塊火腿超細，爭啲以為比錯我哋，因為無啦啦有兩嚿超巨型蕃茄，先扣兩分。   3)      泰式拼盤春捲最掂，蝦餅可以，魚餅就差少少，香葉包雞最失敗，香草太多，食落都唔似係雞，再扣多兩分。  4)    Lemon & Lime soda 冇氣，絕對唔配叫soda，講到依到，味道早已扣到無可再扣，真係想比零分！抵食1分：  食物種類多，但乜都唔好食，又貴，只收現金唔方便，完全唔抵。 後記：  即棄餐具唔環保。