康和懷舊車仔麵 (已結業)

自己一個出街食午飯，咁啱落大雨就求其入左一間大街地舖食飯。依間野其實係食車仔麵，但唔知點解又有一個地方係買越式法包及撈檬的。咁啱想食下越南野又唔想行，就入左去了。45蚊一個撈檬包一杯豆漿，都好抵了！我點左一個香茅雞扒撈檬，等左5分鐘左右就上菜了。上黎係好大碗，又多蔬菜！佢個底係舖左生菜的。超級新鮮同爽脆！十分有驚喜通常出街食，尤其係依啲麵舖啲菜都霉霉爛爛，所以我覺得好有水準。我聽店家同食客吹水都有話佢啲料靚係食得出的，希望店家努力經營PS 不過筷子盒有啲污糟，希望可以注意一下～

下午行行下街見到呢間車仔麵檔，就諗住入去試一試佢，下午茶時間$30有兩餸一麵加杯豆漿，但係貪心嘅我就嗌左三個餸試下嗌左個瑞士雞翼、雲吞、炸墨魚條粗麵食。瑞士雞翼好入味，不過就可能浸左好耐搞到d肉淋得濟；鮮蝦雲吞好大粒，d涵好多，見到有幾個人即場包餃子同雲吞，自家製嘅雲吞好足料好好味！炸墨魚條雖然唔係自家製，但係炸左嘅墨魚條好好食另外揀左牛腩汁加辣汁，辣汁應該係秘製，兩樣加埋令個湯底好正！間鋪頭另一個角落頭有賣越南野，不過冇試到，下次有機會要試下先！

剛才約 19：00 ，本人在該店叫了油麵，瑞士雞翼，韮菜餃，蟹子丸及凍檸茶。非常快 ！幾分鐘就送到，可惜：凍檸茶 … 沒什麼味道，不打緊！油麵 … 是硬的湯底 … 沒什麼味最，最重要：蟹子丸 … 凍的，微微生韮菜餃 … 也是凍的，未全熟。。心想，今次一定疴啦！所以，我只吃了两口，就放下筷子，立即結賬。一返到家，立即疴了幾次，非常暢通！完全貼錢買難受

喺佐敦行左一輪唔知食咩好，咁啱經過見門面裝修企理新淨就行左入去。入到去空間闊落，同平時既車仔麵店唔同，枱唔枱之間都算幾鬆動，除左張櫈有少少細之外坐得都幾舒服。環境乾淨，食得安心。食物方面基本上同其他車仔麵店都無乜太大分別，$44三餸一麵加野凍豆漿，就咁睇唔算特別平，不過見倒既時候就覺得抵食，量多味道都好味，雞汁湯底有少少驚喜地濃而不膩，飲一兩啖都唔錯。另外加左$4要個紅薯粉，食落都有有質素有咬口既，可以再食。

前幾個月經過見到新開張諗住今日得閒過嚟幫襯下。 第一次就遇到三個要不得：點左個撈檬跟豆漿同嗰車仔麵跟熱菜蜜.. 點知等咗20~半個鐘後未見到撈檬再追佢嗰陣時原來漏咗單，等多5分鐘後先有得食。不過落單時我哋仲見到豆漿罐裏面有豆漿，過咗咁耐之後一句唔好意思都冇就話俾我知冇晒豆漿啦。菜單上面寫住跟豆漿唔使加兩蚊，明明係佢哋有錯在先仲要我哋加兩蚊叫其他嘢飲。唔單止係咁，個撈檬嚟到時，比咗一碗勁細碗嘅撈檬汁。（有圖有真相）裝汁嘅size就好似個酸齋一樣大。 仲要只係半碗。諗住叫佢哋比多一碗嚟，個uncle冇理會我哋。諗住自己有手有腳直接行去同整撈檬嘅人攞，點知搵唔到人同擺汁嘅地方..唯有番埋位，再舉多幾分鐘嘅手.. 個uncle先行過嚟，之後佢行入廚房抽左一下點着左嘅煙🚬 之後唔知擺咗係廚房邊度先去攞汁過嚟就同我地講： $3一碗喎仲要唔要啊？火都嚟。冇下次㗎啦。First time trying this restaurant, left us with more than 3 bad impressions.1) missing orders2) no more soya milk (was

入到去感覺都係光猛，乾淨舒服既。諗住拎張紙同支筆劃野食啦～點知唔洗劃，講比EE知食乜就會同你整啦～叫左呢三個餸，特別要讚下個柚皮，落左個南乳去整，好入味。個餸都好足料既，個皮都唔會好厚身。份量都好大碗，好夠食既，地方都幾闊落，EE好快手執好碗碟。同埋好好人。

好食多多多，首選牛腩，豬腸，酸齋，雲吞同餃子係人手包嘅，非常好味 ，炸嘢墨魚條好好食，韭菜豬紅和豬腸好好食，滷水蛋，豆腐撲，蘿蔔好味，玻璃魷，魚腸仔牛柏葉，陳皮魚蛋，湯底好清，辣醬好味，自家製辣醬，你又可以食法國包，與別不同，全部材料越南製作，一共40個送，很多選擇，麵底都有好多種，有幼麵，粗麵，米線，米粉，公仔麵，烏冬，各式各樣飲品，冷熱飲品都有，離開佐敦一定要嚟試下，懷舊康和車仔麵，我就日日食個喇，值得一試👍👍👍👍👍👍

獨自途經佐敦，唔想形單影隻去食煲仔飯，偶然見到有間車仔麵，就你啦～～菜單整齊企理，係一目了然嘅～十蚊一款麵底或者餸菜，就算想食筋腩都只不過係12蚊，價錢係同區黎講並唔會貴左而且選擇好多，心思思乜都想食，左揀右揀之下 最後都係揀左鍾意嘅雲吞、菜餃同雞翼，再搭個健康（偽）嘅米粉麵到喇～～就咁睇落好似平平無奇，但食落無味精、唔會確喉，呢樣抵讚另外，出街食雲吞，最驚啲皮煮到熔熔爛爛，好彩呢間無出現咁嘅情況，又係一個抵讚嘅地方最後影低左個開放式廚房出街食飯見到人地個廚房企企理理，食野都會安心啲。睇到啲野食一格格分類放好，又即刻加左分🤣🤣睇黎呢間以後可以再戰🤘🏻🤘🏻

工作嘅地方喺車仔麵附近 開咗業冇耐已經成日幫襯 食物衛生良好用餐環境舒適 員工對待客人態度有禮每日叫外賣一定走唔甩柚皮真係好入味喺附近幾間食肆相比之下 價錢比較平民睇得出 店主用心經營分量好足 而且好入味 不得不提呢間店舖嘅秘製辣醬 試過一次真係好好食 有分幾種辣度可以就返個人口味牛腩汁 味道唔會太濃唔似出面係味精湯底店鋪隔離更加 設有小食檔 魚蛋唔係一般麵粉做 魚肉打出嚟 真材實料總括而言 好值得推薦嘅食肆 經過附近嘅一定要去試下

Spotted this joint as I was crossing the road.Initially I thought it was two restaurants but it was one restaurant serving cart noodles and on the side they have bahn mi baguettes as well.The cabinet of baguettes looked promising. The regular costs HKD39 and the large costs HKD70.There is a vegetarian version available.The bahn mi was very crispy and airy so crumbs went everywhere!!!The fillings were the usual pate, pork, pickles, coriander chili etc.I loved the pickles because they were really