康年餐廳

營業中

休息中

平時好少幫襯，但今日經過諗住外賣一個火腿通粉＇咁我問吓佢有冇常餐或者散嗌，這個收銀阿姐不僅態度傲慢，仲叫我搵其他人幫忙並不樂意協助，語氣非常惡劣咁話你自己喺出邊個牌睇，其實如果個牌有我唔使勞煩你囉～當我俾錢嘅時候，佢係咁叫我拍八達通＇我即時同佢講我係要比Alipay ＇並對佢表示沒有八達通，佢勁不耐煩咁話你有咩咪俾咩囉～咁嘅服務態度真係令人則目，之後一定唔會再幫襯服務業講求溝通，此店的職員沒有跟跟顧客好好溝通，令服務質素下降＇真係得不償失

呢日行年宵行到凌晨兩三點，個肚餓到咕咕叫，周圍搵食。行咗好耐，終於喺太子搵到呢間「康年餐廳」。餐廳燈火通明，入面有唔少同我哋一樣深夜覓食嘅人。我哋點咗乾炒牛河、焗豬扒飯同羅宋湯。乾炒牛河一上枱，鑊氣撲鼻而來。河粉根根分明，唔會黏埋一齊，牛肉嫩滑，搭配蔥段、豆芽，食落好過癮。焗豬扒飯嘅芝士烤到金黃微焦，拉絲效果超正，豬扒厚身又多汁，咬落去超滿足。羅宋湯材料好豐富，有紅蘿蔔、西芹、洋蔥等，但就略嫌鹹咗啲。另外叫嘅菠蘿油，菠蘿包熱辣辣，外皮酥脆，夾住冰涼嘅牛油，一熱一冷，口感好特別。呢個菠蘿油真係好食到我哋幾個都唔記得影相。呢間餐廳喺深夜提供咁多美味嘅食物，真係深夜肚餓人士嘅救星！

我哋啲開夜班嘅經常會喺茶餐廳醫肚，康年亦係經常幫襯嘅一間，呢度大部份嘅嘢都食過𦚵，今晚食嘅係薯仔牛柳粒，但同往日嘅牛柳粒完全唔同，多筋、超肥，我覺得係次等貨充正等，真係食得落肚嘅一半都冇，就算免強吞得落肚嘅都係韌夾冇牛肉味，認真唔惦，雖然啲配菜（青紅辣及洋蔥）都冇問題，炒亦炒得幾好味，但成個餸已經大打折扣，令人失望。早前在石䕃街的新金豐茶餐廳已有類似嘅經歷，我以為係個別餐廳嘅啫，點知原來並非如此，難怪依家咁多人上大陸消費，唔係冇原因㗎，真心希望佢哋都可以能改善，做好美食之都

與朋友一齊食，點咗個豬軟骨水餃麵，但水餃唔熱。典型香港趕客餐廳一樣，一食完已經立即收拾，跟住大約食咗35分鐘之後，杯飲品都未飲完，有個侍應突然雙手大力拍枱，嗰吓真係嚇咗一跳。原來個侍應已經帶咗人企在旁邊同趕我哋走。真係完全冇禮貌，亦已經無預期有咩服務，同埋好聲好氣叫話有客等緊叫我哋走咪OK囉，你咁樣拍枱真係算咩意思，以後都唔會再去。呢間餐廳今時今日嘅服務態度，真係冇得頂，就係有啲咁嘅餐廳搞死香港。

脆皮菠蘿飽新鮮出爐熱辣辣，面頭菠蘿皮係脆，內裏麵包超級軟熟。脆皮香滑蛋撻新鮮出爐熱辣辣，奶皇墨西哥飽奶皇餡料十分多，麵包超級軟熟。菠蘿油 配紅豆冰（少冰）咬落熱凍交雜，牛油融化喺口裏，美味又十分邪惡。再配紅豆冰，完美嘅結合。紅豆唔太甜，粒粒入口即化。

叫咗個雞髀沙律加朱古力朱古力稀度好似水咁雞髀還好，但係好似未係好發育得晒雜果沙律，變咗青瓜，紅蘿蔔薯仔沙律🫡又送錯野野食到要自己舉手認，如果唔係會送錯😅啲蛋撻1/5分杯紅豆冰好似飲水咁

依間茶餐廳既麵包好好食，佢地既奶油包外面酥酥的，裡面軟軟的，奶油餡料滑滑的，食完都想再來一個。仲有佢地的奶茶，味道濃郁，港式風味十足，真的很特別。另外，菠蘿包也是一大特色，外面有一層脆脆的皮，裡面又鬆軟，搭配奶油或者豬扒，簡直是絕配。店裡既多士都好受歡迎，外焦內嫩，淋上煉乳後吃，特別好。每一款麵包都是用心製作的，選材都算新鮮，保證好味。無論是當早餐、下午茶，還是隨便吃點心，這裡的麵包都會讓你感受到茶餐廳的簡單美味！

康年餐廳開業甘耐，第一次惠顧，食物質素幾好，體驗唔錯其中最推介比大家嘅，就係呢到嘅鐵板扒餐，鐵板扒餐有四款選擇，板燒雞扒拼大蝦、荷蘭牛柳、美國西冷牛扒，同公司雜扒我哋order 嘅公司雜扒有牛扒、豬扒、雞扒、司華力腸、煙肉鐵板上枱好夠熱，發出治癒嘅渣渣聲；各款似類都味道不俗

如果出太子食早餐，我倆多數會去康年！因為佢嘅羅宋湯通粉無得輸👍濃濃牛香味👍雜菜又多👍早餐份量剛剛好！跟餐腸仔煎蛋菠蘿蛋包(早餐)菠蘿包脆脆再加入炒蛋，滿足👍凍奶茶熱奶茶

我們昨日一行4人到餐廳吃早餐，吃完後到櫃檯付款，因這餐廳只接受現金及八達通付款，我親戚就以現金結帳，但當時收銀的女人一手收了我們的100元，然後就話唔啱數，當我們再付餘下的尾數時，佢就大聲話我哋未比100元，態度很差及叫囂，不斷大叫話我們影響佢做生意，我們當時要求睇CCTV,最終睇咗CCTV後證明佢已收咗我們100元放咗入收銀櫃內，我們要求佢道歉，但佢仲大聲話唔會道歉，我從來都沒有投訴食店，今次投訴前再睇回之前呢間的食評，原來都有很多人投訴個呢位收錢亞姐，收咗人錢話冇收過，係慣犯嚟，所以大家唔好再幫襯呢間餐廳，啲食物又唔係特別好食，免得費時激氣。。。。。

⭐️評分：4.5/5-聽說滿多名人也會來吃，其他的菜我不確定，但新鮮出爐麵包絕不會失望😍😍-✳️菠蘿包👍👍👍超級蓬鬆！空氣感滿滿，整個麵包漲卜卜表面菠蘿脆皮咔咔聲，超級脆口，入口香甜牛油香氣撲鼻，熱騰騰超滿足-✳️芝味西多士 👍👍超罪惡😍厚多士夾著芝士、花生醬，沾上蛋漿油炸炸得外皮鬆脆，沾上牛油融合糖漿，咸香中帶甜香滿足感😍-✳️蛋撻👍熱騰騰出爐，酥皮油香味濃郁，蛋漿層柔滑嫩香-餐廳就是普通茶餐廳，所以不要要求太多🤣--⭐味道 4.5/5⭐️特色 3.5/5⭐️環境 3/5⭐️性價比 3/5 ⭐️服務 3.5/5

呢間嘢又貴又唔好食 比成百幾蚊嗌一個餐 三個人食埋單差唔多五舊 結果份量仲少過下午茶 質素同屋村啲茶餐廳差唔多 食完都唔使10分鐘個女就嗌肚餓 我發毒誓唔會再嚟呢間餐廳 香港啲飲食業就係比呢啲餐廳整死晒

完全係水狀既滑蛋蝦仁飯，水到連蛋都唔見曬同預計既滑蛋蝦仁飯好有出入，滑蛋蝦仁飯冇滑蛋變曬汁都算個汁仲要冇味，要自己再加椒鹽咁樣一個飯$58實在唔值得，令人十分失望既一個飯。

態度一向唔好就出曬名，野食係見證住越來越難食，普通嘅菠蘿包都係凍，唔脆。越嚟越冇心機，奶茶少甜冇小甜。收銀呀姐一直好似欠佢全家，差！不推介大家，不過都越嚟越少人食，由要排隊到不用排隊到有好多空位

難食到死，千企唔好去食，桐就係冷凍食品，隨意加工，非常難食。服務員根本某服務，咩都不理，上錯餐。收銀過姥耶，態度極差，好似欠幾百萬，問咩都不理，環境差，又難食，遲早關門。