康樂茶餐廳

營業中

休息中

地址：香港第1街102號地下西營盤站Exit B2,沿斜玻靠左行，過1條街口,係角落位！再1次又去西營盤，處理勞資關係科既事...今次同自己講,搵下有咩美食，問下西區裁判署保安姨姨，介紹我2個地方...當時係下午茶時段，拿拿聲快搵餐廳後，必須盡快入座+落order,先用到下午茶優惠...有Alipay+Wechat Pay+Octopus畀錢，實在太好了！剛才用完個腦填form,由九龍區趕去西營盤，轉眼間，午餐都消耗哂...我就叫了煎豬扒+另加炒蛋+轉烏冬+熱檸水=$48＞下午茶套餐豬扒好香炒蛋炒得好滑生菜好新鮮，咬落去，好脆爽既！係個湯鹹左些...依個餐廳位置係西區裁判署斜對面，沿斜坡行去對面角落位，戶外有2人座位望馬路，入面全部係圓枱+圓凳，像大排檔咁，牆上+周圍，寫滿了Menu,有1部電視，可邊食邊歎電視汁....周圍裝潢無華麗，感覺是舊香港的樣子,並煮出好味既美食，供食客品嚐！我會再幫襯的...#康樂 #西營盤美食

本來去這類茶記係冇乜要求. 但推門入內就聞到一陣廁所氣味, 是臭丸那種。咸牛肉三文治就只有中間有牛肉，旁邊沒有. 齋菠蘿包收十幾蚊/個。 超貴。敏華都唔到十蚊。冇下次了。

外表睇一間好唔起眼嘅茶記，門口有一堆電單車泊車位🛵🏍，好唔顯眼入到去係舊式茶記style，大圓檯園櫈無特別裝修，牆紙係用餐牌做嘅😂😂一貫茶記都有嘅都有得order，嗌左個<C餐牛扒麵>菜有大半碗，健康又誠意，牛扒係岩岩好嘅，嫩嫩地，有切細左，好細心👍🏻👍🏻，個湯唔似係普通味粉沖出來嘅湯，係煲出來嘅清湯底<凍鴛鴦>高質，茶啡平衡，夠香👃🏻👃🏻，奶份量都岩岩好，飲得幾舒服埋單三十幾蚊，有良心有心機嘅餐廳，有機會要試下佢地個晚餐小菜先得🤩🤩🤩

周末来吃早饭，点了煎鸡扒面+餐肉煎蛋多士+热柠水，一份只要35。然而鸡扒酸臭、面里还窝藏一只绿豆大小的黑翅飞虫，令人作呕。即日下午肚子便翻江倒海地痛，一遍遍去厕所。再也不会光顾的小店。

學朋友話濟，中上環 西環一帶的確係一個立體地圖😭😭本身好想去食既一間餐廳搵極都搵唔到，最後行下行下，又好肚餓，有間睇落就好舊既鋪頭出面有個伯伯同我地傾計，傾傾下就入左去「康樂茶餐廳」食啦😆😆所有晚餐都送老火湯，加凍飲每個餐都唔洗50蚊，最後我地兩個100蚊都唔洗就食到好開心！伯伯話依到做街坊生意，有200幾款菜式，我地簡左「馳名沙疆雞」個汁好juicy可以撈飯架，跟住仲叫左咖哩斑腩飯，飯仲可以添啊，真心抵食之選😊😊❤️❤️

秋風起又係食蛇羹嘅日子， 每年呢啲日子，我哋一家又會去到康樂茶餐廳食蛇宴呢度麻雀雖小五臟俱全， 大約只容納到兩枱大 + 三枱小， 地方唔算大， 食蛇宴要預先一至兩日訂位（因為師傅要用雞煮湯底）第一味上就係蛇羹， 材料足，湯底夠鮮又好味，食完唔確喉，份量足够10人食两碗!再來就係羊腩煲，味道夠濃又足料， 附送一碟唐生菜，另自備咗唐蒿菜，冇得輸 豉汁蒸大鱔又係一個精髓， 又新鮮又肥又大碟， 整整有一條， 味道一流， 食多幾舊都唔覺膩，正！然後係糯米飯， 炒得乾身， 臘味同飯嘅比例不錯食到咁上下，上埋個竹絲雞燉蛇， 呢個湯真係冇得頂，我飲咗三大碗， 鮮味喺個口裏面久久不散，必食！ 老闆娘親切又殷勤，滿足的一晚！！！！如果唔想食餐，可以喺預訂時同佢講散叫， 預先同佢講你想要食啲乜嘢， 畀時間師傅預備就可以了

香港的塘西風月，除了石塘咀的風花說月之外，人人提及到的七號差館，就是現在西邊街與德輔道西交界的西區警署，而警署的後面，就是西區裁判法院。西區裁判法院，內有勞工處，當年時常要為公司處理勞資事件的我，對這一帶有小熟識，好多時，辦好事就會快快趣在附近的茶餐廳享用午餐，當中，有一間名叫《康樂茶餐廳》的食肆令我印象非常之深刻的，原因，就是他們的其中一個特飲。也就是我文章題目所說的 "嚴刑迫供"。"嚴刑迫供"是什麼? 是當年的老差骨用酷刑打到犯人招供的招數，當年的黑獄斷腸歌之砌生豬肉就幾乎出現晒。不過，是日說的是 "鹽型碧攻" 不是"嚴刑迫供"，是此茶餐廳的一杯特飲。所以，介紹食物的順序不是以野食行先，而是由飲品行先。這 "鹽型碧攻" 是一杯檸七，不過，這同一般的檸檬七喜/雪碧有少許分別，那就是加了鹽 (圖片上也許看不清楚)。同咸檸七不同，因為用的不是醃製過的檸檬，飲入口，是清新檸檬加 Lemonade 的香甜味，但細味著，也有海鹽的咸味，又咸又甜又酸，只是少了咸檸檬的那一份滋潤，感覺到，這 "鹽型碧攻"，是一杯夏日限定，超消暑的一個飲品。說食物，第一日來的午餐我點了一份中式牛仔骨。醬味濃郁，味道

又發掘到一小店, 是夫婦檔經營, 除了鑊氣小炒外, 還會在時令季節做蛇宴, 秋風起, 三蛇肥!這間溫情小館，顧客吃的都是人情味, 白飯任裝, 吾夠湯咩? 又加俾你.真係抵死夾大件! 雖然稱不上水準高超, 但價廉物美, 午 /晚市 還有碟頭反供應, 附上例湯, 適合一個人用餐.食晚飯其間, 有一"印度籍人客"入黎淨買外買飯盒十個, 用黎裝自已party 食物, 老扳照用HK$1@價錢買俾佢, 真係吾話得!食晚餐當日見很多街坊外賣, 就知道這店甚得街坊支持, 這區確實多"無飯夫婦"!班頭腩兩味1. 西蘭花炒班腩- 肉質吾鞋, 剛剛好蒸頭腩 - 這個不行, 不夠鮮味上湯浸莧菜- 菜身翠綠, 配上草姑更可口蓮耦豬手 - 蓮藕粉嫩, 豬手浸滿南乳香例湯也不欺場, 湯料十足more about this resturant and dinner, please enjoy to readhttp://hk.myblog.yahoo.com/jolovam/article?new=1&mid=4763

在中聯辦辦事完畢，正正是午飯時間，決定在這頭食完午餐才往下個地方去。看見一間舊式茶記，一試無妨。老闆也挺好人，我單人匹馬入來，也給我坐一張大檯，對住電視機的，真好！我的滑蛋蝦仁飯，蛋是稀稀的，似是加了不少粉漿，當然也沒有什麼蛋香；蝦仁份量也多，但不爽口，亦欠鮮味，我最喜歡的還是蘑菇粒。凍奶茶，是真正的冰凍，天時暑熱飲最合適，可惜有點澀。老闆會走過來問夠唔夠食，還說送例湯給我，要再次一讚。不過我胃納有限，婉拒了！

老實講;呢度D位坐得唔舒服...但價錢唔貴,小菜亦ok..平時都有幫襯下咁薑葸魚雲煲---$45夠香口,又多蔥..中式牛柳----$38呢個一般.但夠平西蘭花帶子----$45都係比出面平,炒得亦夠鑊氣咸旦蒸肉餅----$38肉夠多,仲有咸蛋白....不錯芥蘭炒腊味---$40炒得好香,菜段軟硬適中,可惜係材料太差,腊腸潤腸得個肥字,全無腊味肉味香味..浪費了炒功..可惜.以上小菜,全部包一個白飯,湯湯,抵食

為何是鹽形碧攻, 只是因為其"咸" 檸 "七" 而得名. 本人沒試, 不再提, 只覺因為此茶餐廳在西區裁判署旁, 嚴刑逼供.....好貼切...是日因為要代表公司辦事, 在西環, 未夠鐘就上來食個飯才去. 2點多, ABC餐只有豬扒意粉. 說是快餐, 果然快, 亦正因為整開意粉, 呢頭叫, 果頭炒起.干炒意粉來的, 豬扒算是不錯, 不過油多, 幸好熱辣辣炒起而唔覺佢既勁油.感覺普通, 但$26的午餐, 實左平.

這間小店在這裡已不知多久,第一次幫襯已經是幾年前的事,記得那天國內公幹回家,但發覺肚餓到不得了,又不想吃太多,全無方向下便走進去吃了我的第一次.叫的是一碗簡單的出前一丁豬扒麵加一杯凍奶茶,但發現豬扒很好味,奶茶也好飲,需知道一碗簡單的豬扒丁麵唔係間間茶餐\廳都整得好食的,還有記得當天好客的老婆婆,吃完後還有生果送,無諗過食個下午茶餐\都有生果,溫情得很.幾年過去,康樂不知是易了手還是老婆婆退休了,但幸好的是水準沒變,這幾年康樂已經變成了我們一家的飯堂,母親不做飯的日子都在康樂攪掂,吃得最多的是茄汁豬扒飯抄底,很好吃,味道很好,大家樂的一哥也好味,但那種是公式化的味道,是完全不同的感覺.其實康樂除了碟頭飯外,小菜也不俗,過時過節常見爆滿,見人家還帶備紅酒慢慢嘆,好像還可以做餐\牌以外的海鮮,只要早點單聲的話.