康蘭餅店

營業中

休息中

13-5-2017(Sat)晏晝, 同老公跟friends,邊食反斗奇冰,邊行到大牌檔,坐o係蓮香o既枱但叫偉記o既o野食, 進行長洲掃街六~魚蛋河同凍檸橙.一班人叫o左沙爹牛肉麵,魚蛋河同凍檸橙,我同老公要後面o個兩樣,魚蛋河好油,係連河粉o既油都食得到,魚蛋唔算好彈牙. 橙汁係鮮榨,加啲檸檬 感覺冇咁甜.食完起行,經過賣糯米糍,係女友人KK推介,我同老公試食o左後,就用$10.00買o左3粒原來係成粒麥提莎朱古力放o係糯米皮裡面,糯米皮軟熟但仍有口感,而o係臨坐船離開前,男友人MY走返o黎買兩盒芒果糯米糍請我o地食.芒果糯米糍o既糯米皮比麥提莎糯米糍薄,口感同樣係既軟糯但仍有咬口,裡面的芒果肉好多,的確好食.而長洲掃街八係踩完單車,返轉頭經過,女友人KK用$20.00買8個迷你蛋撻請我o地食,拎上手已經係暖暖地,食落,蛋漿唔太甜,味道亦唔太濃,都幾滑,OK o既.呢篇食評只計康蘭餅店o既o野.

每年都會買平安包拜神，今年亦不例外，佛誕前幾日去長洲專登買平安包～正日一定好多人，費事同人迫，早d去買～今年又加左價$9/個，不過都算抵既，因為真係好食、佢地用既麵粉好靚、蒸出黎既平安包好香～我自己覺得蓮蓉好食過豆沙～～

剛經過，看到有平安包，便打算買兩個去拜山，一個芝麻味，一個蓮蓉味。因平安包外表是一樣，我媽便問買了之後便分不清是那種口味……誰不知賣包個姐姐開口使駡，"下面張纸有分嫁嘛！你都烚戆嘅！！！"喂！啲客唔知先問你，咩態度呀反問佢話邊個烚戆，佢仲要即刻扮儍，話"咩烚戆呀？"以後行過，就算餓死，都唔會再幫襯！幫襯你，只是因為對面出名果間冇開門，先至試一試你呢間，唔鐘意答客，可以唔好答，但唔好駡人！！！！！

大家黎長洲通常都係黎掃街 但其實有好多餐廳都值得大家入去坐下 食下 康蘭唔係系當眼嘅大街位 需要搵下先搵到 啲小炒都幾有鍋氣！ 今次叫左個炒粉同咖哩個麵都入味同大碟 幾足料！個青咖哩就奶味較重 可以多啲咖哩！不得不提 餐廳真係好乾淨！同環境都唔錯！

呢間野最大優點係容許遊客任意尖隊，你乖乖地隊排隊或等候店員詢問係唔會理你 一個平安包賣9蚊，好過去搶，撇清了平安兩字，根本就係一個普通麻蓉包文化印記都要註冊商標，咩世界？和另一奸商郭x記獨佔平安包市場難道只有這2點承傳了悠久的長洲平安包文化？可悲的黑箱作業

蔴蓉平安包★★★★★因為郭錦記的蔴蓉平安包,賣光了所以在郭錦記買了紅豆和蓮蓉而在康蘭買了蔴蓉平安包三種平安包中蔴蓉是最吃的因為比起其他兩種沒那麼甜有點像白糖糕那種甜其實都是很甜白芝蔴味很香包質感實點郭錦記的鬆軟點所以我覺得郭錦記的包好吃點

星期六去了長洲, 諗住四圍食下嘢, 行下呀, 我們見到有新鮮出爐的蛋TART及椰TART, 仲要有人排隊, 所以買左每樣四個嚟試下.迷你的, 好香, 仲要真的係熱辣辣架, 蛋TART好好味, 牛油皮, 入面的蛋好香及好滑, 唔實的, 好軟, 好好味.椰TART都係, 又係好香, 好好味, 入面的椰蓉唔甜的, 啱啱好. 正呀.好快就俾人買晒啦, 好好生意呀. 同埋真的一啖一口. 好方便.

又是一年一度的長州太平清醮！雖然不是長州人，但也是香港人注目的一項節日。「平安包」象徵著平平安安。它可放約半年，但以為食性格，我又怎可能把包留下來。一共試了三種味道：紅豆，麻蓉及香芋白白的包印上"平安"兩字，包身厚，比較實心，其實像饅頭的味道。如叮熱麵包會更美味因麵包會熱及軟熟一點。紅豆：紅豆蓉很杰身，沒有紅豆粒，甜度適中。麻蓉：比起平時酒樓的不同，麻蓉與芝麻混合。感覺像吃蓮蓉加芝麻，味道較甜並比較人工化。香芋：聽說是新口味。香芋蓉也是杰身，顏色啡色（並不是想像中紫色），味道也是比較甜。平安包--HKD9平安包（紅豆）nomnom指數(5最高分):平安包（麻蓉）nomnom指數(5最高分):平安包（香芋）nomnom指數(5最高分):

雖然係長洲掃街食左好多野，但經過見到都堅持買呢個平安包，個包稱唔上軟綿甚至有d鞋口，老實講以傳統包店既質素唔應該如此，但我諗應該係因為已經整左一段時間，一共有三種口味，蓮蓉蔴蓉同豆沙，同朋友買左蓮蓉同蔴蓉饀，饀唔多但尚算幼滑，而且甜度唔會太甜，手掌般大既包，其實即係巨型既蓮蓉包，朋友食到有d漏，不過因為句『唔食哂成個就唔平安』而食哂佢，哈哈，$9買份平安都唔錯既

之前幾次黎到都係食小蛋撻，細細件一〇過，蛋香皮薄今日16號黎到轉左賣平安包，既然未試過， 又覺得好意頭而且應該係限定。就買左一個紅豆味一個蓮容。$9一個，都差不多有手掌咁大。店員話常溫可以擺2日左右，放雪櫃就1星期。第二日17號朝早蒸左個紅豆味當早餐食。蓮容留比屋企人。雖然唔係皮薄餡料多。但紅豆餡料超綿密。應該話係紅豆容白包亦算鬆軟 唔係乾爭爭。平安兩字食落肚 平平安安

好耐冇來長洲，原來好多小食不過呢間餅店成日上電視介紹佢d平安包，今次經過就被焗爐內的香味吸引住好彩有蛋撻仔出爐，即刻跟著排隊，蛋撻仔好細過，其實我口大可以一啖一個。蛋味香濃而滑，冇皺紋，冇硬皮，撻皮好鬆脆，剛出爐，熱辣辣，小心吃

去到門面有張通告每日2.45pm就會有蛋tart椰tart出爐一口size既$10有4件肥仔我吾執輸 ,蛋tart同椰 tart各要4件蛋tart個蛋汁做得好好 香蛋味個皮係牛油皮 佢吾係一般曲奇香食落個皮會咸咸地至於椰tart好香椰子味食落粒粒絲 真材實料仲要10文雞有4件 大推

平安包乃是長洲名物，為了太平清醮而來的我當然要買一個平安包試一下，可惜名店人龍太長，只好退而求其次到第二名店試一下！作為挑食的孩子，蓮蓉是我不喜之物，看到有麻蓉以為是黑芝麻的餡料就選了它.....平安包(麻蓉)(3/5): 吃下去才發現原來是白芝麻，覺得自己有點傻，不過話說回來，包身十分軟熟(新鮮出爐的緣故)，而麻蓉相對比較清香，可惜我是怕甜膩的口味所以這內餡還是評為過甜.....PS 中式包點一向給人的印象還是有點重口味(即甜包內餡較甜以平衡包身的乏味)，因此這個平安包其實十分正宗傳統，只不過恰好遇上和古早味不對胃口的我而已。

話說臨近太平清醮呢個喜慶日子就決定入長洲感受下呢個節日既氣氛，當然順便要黎食下野啦行經康蘭餅店大排長龍，原來大家係等緊買呢d新鮮出爐既平安包，姨姨話供應時間仲好長，建議我地吾趕時間就轉頭先過黎買。姨姨咁好禮貌，我地就聽話轉頭再買，不過見到d好可愛既蛋撻仔忍吾住買左2件食，$2一個，過要口癮！可惜d蛋撻凍左，我相信新鮮出爐一定好好味！原來仲有葡撻買，但我地去果時無，唯有下次再試～原來平安包有勁多口味，我地最後買左黑芝麻、芝麻蓉、香芋蓉同蓮蓉味平安包相當之大隻，價錢就賣$8一個即場食左蓮蓉同香芋蓉味，蓮蓉饀做得相當出色！色澤呈自然深啡色，食落蓮蓉清甜而不膩口(次等既蓮蓉食落會令人有種黏喉，好想即刻飲水既感覺) 贊！香芋蓉食落感覺無禁自然，應該仲加左其他材料而成，我比較鍾意食開包點一哥既芋頭包多d。由於個包實在太大我同友人都食吾落，其他口味交左比親戚朋友試～ 平安包其實出名餡料少，以呢個價錢買一個包其實都幾貴，不過節日為左拎個好兆頭都可以試一試既～

新鮮出爐既蛋撻因為新年的關係，這間店今天只係有蛋撻，平安包，炸蛋球同蛋糕賣看見剛剛出爐的蛋撻十分吸引，即刻上前買兩個食呼呼.......真係好熱這個蛋撻不太油，食完亦唔會"確"口可以再去食^^