康蘭餅店

營業中

休息中

睇住佢出爐丫...好香丫....買左個葡撻食..真係好熱..不過個皮麻麻地,,都係馬交做得好食好多...個旦味唔夠...只係夠哂熱...

本打算周圍行下，點知發現康蘭餅店有新鮮出爐既蛋撻、椰撻同葡撻，我呢個蛋迷俾佢深深吸引住。最後，買左三個蛋撻、三個椰撻同一個葡撻。而蛋撻同椰撻都係細size，同我地平時食開既細好多，總共用左十六蚊。蛋撻：係我最鐘意食既牛油皮，一口咬落去淡淡蛋香味，買完到食個陣已經隔左大約十五分鐘，但佢仲keep住係熱辣辣，個一刻真係好感動！個蛋真係全部都係純蛋，唔似出面咁溝曬水，失去左蛋本身既味道。而且甜度適中，令甜味搶唔走蛋既味道。加上牛油皮好有咬口，唔會咬落去就碎到周圍都去，陣陣淡香味，真係好好味呀！椰撻：椰撻上面冇一粒既車厘子，有啲失望。帶有椰絲，味道略甜，同時餡料同椰絲味道唔能夠中和，令椰撻過甜。但餡料好軟熟，又香，配合牛油皮既質感，整體唔差，值得一試。葡撻：同平時食開既好唔同，蛋香依然，焦糖做得岩岩好，味道香甜。而酥皮一樣整得比較實正，兩者相輔相成，呢個都好好味，都要試試下！

估不到今天仍然買到平安包, 雖然入口沒有什麼特別, 但完全充滿長洲風味呢! 內裡塞滿淡淡的麻蓉饀, 吃不出是麻蓉味, 只感到像沒有香蕉味的香蕉膏質感.再試了一件樣子平凡但好有驚喜的健康食品蕃薯餅, 外層似乾酥餅, 帶有少少蕃薯的甘甜, 非常鬆化, 內夾著蓮蓉饀, 好味好味!

長洲太平清醮後才來渡假，人不多，還看見仍有平安包賣，很開心。賣包給我的阿姐，沒有跟我說是什麼餡料。有點神秘。人生第一次食平安包，特別。麻蓉味道，餡料蠻多，感覺像老婆餅的味道，只是少了冬瓜蓉。如果平安包是熱更好。

又係朋友仔買比我食既平安包係豆沙饀個包好大呀．．．代表平安呀個包蒸咗後，好好味，好鬆，豆沙饀又多又不是太甜．．．ｇｏｏｄ　ａｒ唔知我我有無機會試麻蓉饀呢？

開頭想試下呢到D光酥餅甘我諗住買一兩舊試試先.個女人都幾好人既,見我想買少D佢都肯剩系賣一舊比我.兩蚊-----好抵=)我發覺光酥餅甜左D,但系食上引.附近又冇其他.甘我就再去買,點知第二個女人今次吾肯賣兩舊比我,仲"mui"我哼!大哂牙?系到要人買5舊甘多服務0分..

二月十五日 (星期五)昨日在長洲買了點"手信"回家當早餐老公仔試了孖寶蛋糕他說比較硬身,至於提子有很多,分佈亦很平均,不錯罷而且兩個要7元,不算便宜而我就選了荷蘭揵,比出面的比較硬,蛋撻皮比較少牛油味,只屬一般!

2008.11.30(日) 個咀全日不停咁食真係幾攰 即使有香口膠都唔會有時間o趙 路經(康蘭駅)G哥哥話呢個純蛋糕仔好野黎，於是乎佢又使出五塊錢換來六件蛋糕仔﹔蛋味重不過質地鞋鞋地唔得滑，我都係鍾意$12磅果隻雞蛋糕多D嘞 (有新鮮唔食食隔夜，真係唔識食...哈哈)

3點幾行過 ~ 剛好見到有 迷你蛋撻 出爐, 因為今日諗住"掃街" 所以只係買左 3個迷你蛋撻 ($5/3個).無乜特別好寫...一句 "熱辣辣, 正 ~"

23-5-08 (五)之前看見這裏有平安包賣，其他糕餅又剛出爐，很吸引，巳打算回程時買點回家吃。平安飽( $6 )：比想象中好吃，鬆軟有香味，內裏還有餡，又不太甜，真好。芝士蛋糕($6): 更是比想象中好，有芝士香味，頗幼滑，那些賣得貴得多的芝士蛋糕也可能及不上這裏的新鮮。純蛋糕仔($5有６個):有蛋香味，仿佛是兒時吃過的味道。是懷舊蛋糕？合桃蛋糕($5有４個):很好吃，合桃又大又香又脆，蛋糕呢，又是懷舊的味道。長洲之行，圓滿結束。我很想常常來，不要加船費啊！

其實，長洲除了郭錦記出名平安包外，這間康蘭也是歷史悠久，惜Openrice竟沒有其餐廳資料，筆者也是日前給其補上一點餐廳資料 ，想不到樓下已有一位食家快筆者一步寫下第一篇食評了!話說回來上星期四，學校一位在長洲住了廿多年的同事給筆者拿來四分一個康蘭餅店出產的平安包，她帶回校再蒸一蒸，新鮮熱辣，蓮蓉與包入口即溶，口感一流!至於為何筆者只分得四分一個的原因很簡單：平安包太好味了，它們要一個一個地被分為四份在教員室滿足給各同工嘛。

主人與奴隸獸剛試完一個平安包，怎知隔四、五個舖位，我們又遇上另一間出平安包的餅店『康蘭』。依然有三款口味：麻蓉、紅豆沙及蓮蓉。今次我們買了個蓮蓉平安包（HK$6.0）來試試。包是涼的，但包還算軟身。包的質地較為鬆散，所以食時有包碎跌下。蓮蓉餡的份量少，味道就普普通通。這餅店亦有不少捧場客，大家各取所愛。