廚尊

營業中

休息中

一直知道旺角有一間專門幫助弱勢社群人士自力更生的社企在這個活化大廈內，今日終於有機會去試試。📌喇沙蝦🍜蝦🍤大隻肉質飽滿彈牙，豆卜索滿濃郁的喇沙湯，而湯的辣度亦剛剛好，並帶有椰香，魚片及蛋蛋鮮美滋味，麵條的硬度也恰到好處。📌馬來西亞咖喱牛肉椰漿飯🍛餸菜以紙代碟奉上，呈現出濃濃的馬來亞風情。酸菜令人醒胃，花生和銀魚仔則為其帶來了香脆可口的口感，配上恰到好處的雞蛋，令整體口感豐富而營養均衡。椰漿飯散發著迷人的椰香，搭配濃郁但不過於油膩的咖喱牛肉，實在是一道美味可口的經典馬來西亞料理。📌鮮油咖央多士🥪厚厚的咖央醬加上豐厚的牛油片，每一口都能品嘗到濃郁的椰香和牛油香氣，口感幸福感滿溢。📌薑汁奶茶☕️雖然茶味不夠突出，但濃郁的薑味為飲品增添了獨特的風味，可惜的是略為不夠熱。📌恐龍美祿🥤一款經典的馬來西亞飲品，雖然甜度剛好，但煉奶的份量略顯不足，使整體口感不夠滑溜。這間社企透過技能培訓，幫助能力較弱的弱勢社群重拾尊嚴和勇氣，重新站立起來，值得我們大力支持和光顧。

今天約了好友在「廚尊」吃午餐祝賀生日，好友很有善心支持社企餐廳，我當然非常讚同。我們分享一款素食套餐。馬來椰漿素菜咖哩飯~椰漿的香、蔬菜的甜和含豐富抗氧化的黃咖喱，組合了一道美味可以的午餐。熱班蘭香茅茶~可以選擇自己喜歡的甜度甚至走甜，我們楝少甜，班蘭和香茅對身體有益處，而且會散發獨特的香氣，是健康美味的特飲，我十分推介。 兩款小食。慢煎糕~在七十年代，香港街頭有流動小販售賣一種夾餅，烘焙大圓型的夾餅，放滿砂糖、椰絲、花生碎和練奶，對摺一半，再切開兩份出售。眼前的慢煎糕祇有花生芝麻，味道微甜，相對較健康。新加坡雞肉咖哩角~外層酥皮非常乾爽不油膩，雞肉咖哩餡帶微辣很能引起食肉欲。咖央醬細樽~我上次來享用下午茶嘗味過鮮牛油咖央脆多士，很滿意，所以外賣回家搽麵店。

星期六喺旺角行街，行過呢間活化嘅618號建築物，入到去睇完嘢，發現咗喺樓上呢一間餐廳，原來啲嘢食唔錯喎，我哋幾個人叫咗臘腸煲仔飯、海南雞飯、雞扒薯蓉、印尼豆餅午餐肉飯，平均水準相當好，其中海南雞飯啲雞好嫩滑，好有雞味，我最喜歡嘅係煎雞扒薯蓉，因為個雞扒煎得好好，不過呢個餐要等得特別耐，可能因為喺呢一度服務嘅都係弱能人士，我哋睇返餐廳裏面播放嗰套video，知道原來佢係喺新加坡開始：個老闆話係為咗要請一啲弱能人士做工，等佢哋可以有尊嚴咁賺取生活費，所以都覺得好有意義，餐廳嘅服務雖然係由弱能人士負責，但係佢哋相當有禮貌，雖然工作效率會比較低，不過能夠為佢哋創造一個工作嘅機會，都係好有意義嘅，同埋佢哋好有耐性，又唔會好似其他餐廳咁黑面你，因為我哋中間有小朋友，所以仲叫咗啲小食包括炸番薯條、炸午餐肉條，兩樣嘢嘅味道都好好，午餐肉偏鹹，唔係太符合我一般嘅食嘢要求，如果佢哋可以改用一啲味道比較清淡嘅材料，可能我會更加喜歡，炸番薯條當日就炸得比較燶，不過我見其他枱嗰啲都幾好，似乎只係我哋咁蹺遇到上冇咁好嘅質素啫，所以算啦，每個餐都會跟飲品，我哋有小朋友，叫咗恐龍美祿，相當好味，大人就叫咗咖啡，水準都

昨天到廚尊與朋友生日聚餐，這餐廳是生日朋友推薦，到達餐廳第一感覺場內需然沒有豪華装修但環境寬敞舒適，因是生日聚會當時沒即時點餐各人聊聊天說說近沉，我就不小心把水倒瀉，員工很快便帮我處理。餐後各人都很滿意餐廳食物質素和服務態度，我和朋友們之所以推薦厨尊不單餐廳出品和服務優良，更重要是餐廳老闆聘用殘障人士；這些人士都是用自己能力賺取生活所以老闆和員工都值得我們尊重。最後很感謝生日的這位朋友為我們推薦這間良心社企

係上海街個棟商場2樓全層都係佢哋嘅 都好大地方坐底睇完menu就可以出去落單都係主打新加坡野 有飯有粉落完單都要去每個位攞叫左嘅食物飲品會送過嚟 真係好似熟食中心咁😂臘腸雞瓦煲飯（$68）類似煲仔飯 但冇煲仔飯咁香做唔到飯焦 有d豉油本身撈匀左不過食到底有d咸 有雞有臘腸有菜全部味道正常 唔太出眾😌叻沙蝦 ($68)呢個個叻沙湯底好香 微辣幾香椰汁味 材料都好豐富成隻蛋 蝦 豆卜 魚蛋 面底係摻摻即係油面加米粉👍🏼 唔錯呢碗接近正宗口味多啲鮮油咖央多士 ($28)呢個賣相就幾靚 個牛油都好厚不過食落就兩回事 個咖央醬好難食😵‍💫有層好厚嘅唔知乜嘢咁 得個死甜完全冇嗰種好香嘅咖央味牛油都算夠凍 不過兩樣嘢就唔係好夾唔推介😟凍美祿 (+$3)同馬來西亞比都係唔夠濃 一般熱南洋咖啡反而呢杯咖啡仲好飲個咖啡味幾特別 香濃👍🏼

我最近在旺角尋找美食時，發現了這家社企餐廳。餐廳在晚上八點就關門，我們七點多到達，坐下後立即去收銀處點餐。當晚的客人相對較少，我想支持這家聘用了弱勢人士的社企餐廳。他們的金沙骨蝦湯麵滿濃郁且有蝦味，蝦子相當新鮮。然而，最大的缺點是金沙骨的質地，像是煲完湯後的骨頭，既無味道又粗糙。無骨海南雞飯讓我留下了深刻的印象，他們將飯和雞放在紙上，非常有特色。飯是油飯，這點令人感到誠意十足。可惜的是，雞肉全部都是雞胸部分，這真的讓人有些扣分的感覺。另外，他們的美祿恐龍可再濃郁一些。接近八點時，員工都開始做收工的準備，所以最好盡快用餐完畢離開。總之，這家社企餐廳提供了一些有特色的菜式，並且聘用了弱勢人士。雖然有一些改進的空間，但我對他們的努力和社會貢獻表示讚賞。

幾年前睇電視見到有呢間社企，新加坡人黎開覺得好特別，但因為好少去旺角，一直冇機會試吓。今晚經過突然醒起就去食，佢last order 係7點半，有啲難搞，去到原來嗰個"商場"好有特色，賣本地小店嘢，裝修好靚。間餐廳原來好大，雖然唔係咩梳化舒服位，food court feel 但啲位都幾闊落，唔會覺得逼。啲員工都幾好禮貌，問佢嘢都答到。叫咗個馬拉蔬菜椰漿飯，因為佢話冇咁辣。估唔到佢真係好似馬拉咁用張紙墊住，幾有特色🤣 個樣都排得好靚仔。都幾大份，菜好多，同完全唔覺得辣，搞到我食食下要點啲辣椒醬食🤣 個辣椒醬又幾好味喎！以佢賣呢啲嘢黎講，啲嘢係比較清淡的，相信有啲人會覺得唔夠惹味，但我就覺得啱我呢啲熱底驚熱氣，但又想食嘅人食。熱檸茶好港式，濃。總結：will be back.

“Serving with Dignity 尊嚴”這是餐廳內員工制服上的字句。心裡面有幾間社企類別的餐廳清單，這是其中一間。慕名而來，從裝潢已經感到「尊嚴」的氣場，寬闊的空間亦帶給有需要的食客一份「尊嚴」。服務團隊好有teamwork, 同食客都有充足而禮貌的溝通。雖然食物放到最後先提，但質素都唔錯，老公都話有下次。

上次包場摸門釘，今次終於食到！點了兩個素食1）素囉喏水果沙律 -細$32 (Rojak vegan )油炸鬼沙律你食過未？個名係水果沙律，食食下發現油炸鬼😂 沙律仲可以加辣，咁就第一次食辣沙律。印尼食物都係偏甜。加左辣都係甜多。生果有幾款- 菠蘿、青瓜、青蘋果、芭樂和油炸鬼，個面鋪左海量花生碎🤤2）素印尼沙律 - $48 （Gado Gado)餐牌英文翻譯gado gado vegan但有蛋。醬汁濃香少辣惹味。材料和一般gado gado 差不多，有蛋、椰菜、豆餅、豆卜、豆角和薯仔。喜歡這個沙律因為不是粥粉麵飯。大部分都是完形食物！有蛋白質、碳水化合物、纖維。不過整份沙律及醬汁頗冷，食物味道會淡左。餐廳很大，最喜歡樓底高大窗戶，採高度超高尊廚是社企，帶呀仔一齊食順便同佢上一課。 幸福非必然 ，要包容要珍惜。

喇沙蝦 $68喇沙湯底香濃足料，夠味還帶少少辣更加惹味👍麵底有油面＋米粉很正宗，還有吸晒汁嘅豆卜👍 十分足料👍南香熱奶茶 （跟餐）茶味香濃，入口幼滑❤️愛心社企❤️新加坡菜食物有水準👍 市區呢個貨錢，食物質素ok, 地方闊落，環境舒服👍最緊要係佢地支持自力更生，給予弱勢人士機會去發展所長💪店員很有禮貌很客氣😊 在這個艱難嘅環境下，經營社企實在是不易很難得的，我會再去幫襯💪

首先，呢度環境舒服，請咗39位殘疾員工，大家請多多支持。今日食下午茶，叫咗咖央多士餐＆海南豬扒飯。咖央多士好味又便宜，炸豬扒大件抵食。最後，仲買咗一包大曲奇，繼續回家支持。

人門有位身形矮小的員工招待，我在望餐牌的時候，她不停介紹，介紹得很好，令我覺得要進入去吃飯了。這位員下介紹我如何點餐，基本上是自助。我點了一個臘腸雞煲仔飯及一個小食午餐肉，奶茶。員工告訴我要自助取餐。這裡有幾個食物攤檔，有不同員工駐守出餐。如小食、麵、甜品、飲品、飯是分開不同攤區。奶茶來了，可以少點甜；煲仔飯很多料，如果多點飯焦更佳；午餐肉太鹹，但很惹味，送酒一流。食物不算上乘，但合格有餘，要讚這裡的意念，復康員工有機會工作，而且好盡力！加油！

因為周末想逛市集而發現這食店，看到店內播放的影片才知道是一間良心企業。老闆是一名來港多年的新加坡人，用心幫助弱勢社群，提供培訓、加上工作機會，是真心長遠的幫助。海南雞飯是東南亞食品的佼佼者，以油紙代替了碟，賣相精美，油飯好味，雞件嫩滑入味，$68！勁抵食，價錢實惠，質素高，甚至比好些酒店還要好味！喇沙，湯底香濃，內裡有米粉和油麵作麵底，很正宗，大蝦、豆卜、魚片和雞蛋等勁大堆頭。想不到旺角有這類良心餐廳，可以幫人之餘，還吃到味美的東南亞食品。

今日來了旺角一家馬來西亞餐廳，上到黎先知原來係一間社會企業，仲係一間扮馬來西亞大排檔嘅餐廳。馬拉下午茶梗係要食返件咖咉多啦。咖咉香牛油厚多士都夠熱，水準唔錯。另外仲叫咗碗麵，本來想食叻沙，不過最後決定試吓個金沙骨蝦麵。蝦麵個湯好香濃，個金沙骨就有少少un ，但好就好在無肥肉。佢個麵其實係油麵溝米粉，都幾正宗。飲品就叫咗杯非常有馬來西亞特色的酸梅桔仔冰，好味。另一杯就叫咗熱檸水。樣樣野都幾好，地方都幾闊幾好坐。

【旺角良心社企餐廳｜💪🏻支持自力更生由此出發】佢設計係類似Food Count，叫完就去各個檔到拎既，令個檔都由不同廚師打理🧑🏻‍🍳👨🏻‍🍳大家叫完餐記得要提高警覺，因為出左號碼唔拎，店員就會全場大叫搵你，嗰日小編手拎住個飯，點知野飲都搞掂，搞到有少少尷尬….🐨咖喱牛腩飯 $74推薦度：⭐️⭐️佢用紙上菜嘅方式成功吸咗我眼球👀而且食物配料份量非常多… 魚仔花生我至受，青瓜就偏辣，蘿蔔就入味有少少酸既。去到主打咖喱牛腩，就令我有啲失望，因為咖啡冇咩味之餘，牛腩煮到好硬… .🐨海南雞飯 $68推薦度：⭐️⭐️⭐️同樣以紙上菜有啲好笑，因為湯同醬都要上碗，哩個特色其實唔係好適合🫠🫠好彩雞肉煮到好嫩滑，飯又不會過油，味道中規中矩，大家可以試哩個🤭-----☼-----☼-----☼-----☼-----☼-----廚尊📍地址：旺角上海街618號2樓🐨推薦度：😋😋/5 (只根據味道評分，因為社企都會想再去)💰人均價格：$50-100🪸環境：👾👾👾👾🗣️服務：👍🏻👍🏻📸食物打卡度：💡💡💡