廚尊

營業中

休息中

旺角下午茶，因平日，人流不多，環境清靜。因餐廳賣南洋食品，新加坡菜一向帶甜，這餐廳味道正宗。甜酸辣米粉如其名，甜甜辣辣。亮點係湯中間粒青桔仔，擠出桔仔汁，湯即帶清香。米粉幼身，加上脆豆卜碎，「索」汁一流香港新加坡菜價錢一向走中價路線，這兒價錢親民。這麵$50連飲品，不貴蝦爽口大隻，份量也足餐廳平日以販賣機自動點餐，但今日壞機，到前台先點餐，服務員有禮，找錢時突然問我「吾介意丫麻」，我一頭霧水，原來他剛好沒十元紙幣，只得找硬幣，知道有些人介意，才有此一問。可見他細心照顧顧客需要，值得一讚

一定會再嚟支持！其實本來唔肚餓，只係想上黎借個乾淨洗手間，點知見到門口張poster個喇沙面好吸引，咪黎試吓當提早食晚餐，叫嘢食同收錢的服務員好親切咁介紹（附加真誠笑容），裝修又好靚咪周圍行下影相，跟住先知原來佢地係社企，好有意義好開心呀！地方大又靚唔駛迫，枱面非常乾淨，準備食物同收嘢的服務員都好好禮貌，見有導師很認真在旁邊指導，整體食飯感覺好舒服，食物都ok價錢合理，臨走買埋班蘭蛋糕眾樂樂同同事分享，一定會再幫襯支持❤️

一入到去有種去到星馬大排檔既感覺，但正在無咁熱🤣座位似新加坡排檔，有好多打卡位映相，欣賞呢道既員工個個好真誠為你服務，係間有良心既社企。蝦喇沙麵湯底滿滿椰香同香料製作，但一d都唔辣，配料有烚蛋、芽菜、魚片、蝦同豆卜，麵底係米粉加油麵，彈牙爽口好有口感。金沙骨蝦湯麵個個蝦湯底蝦味好濃，應該淆咗好耐，正！蝦都入味，金沙骨好淋，配埋魚片，口感不俗。咖哩雞髀椰漿飯咖喱唔太辣，雞髀肉質嫩滑，個椰漿飯好香，可以襯托到個咖喱味。囉喏水果沙律呢個沙律好特別，有蝦醬汁，又有黃梅粒，配埋d脆粒，好醒神開胃。

呢間係Honey 想食試既其中一間入到去自己搵位，唔算多人，坐位寬敞，都坐得OK舒服首先叫左個咖央多，我覺得最好味係呢個，差唔多檯檯都有叫，綠色顏色好鮮豔另外，叫左個海鮮喇沙，賣相幾好，味道都好呢個肉骨茶就一般，試其他會更好最開心係同Honey 食，食咩都好食啲～

初嘗新加坡菜旺角社企餐廳廚尊🌟地點很就腳在旺角朗豪坊的對面馬路上海街618踏入餐廳不久，一個個真摯的，誠懇的，滿載笑臉的員工，😀他們都會很樂於為您服務的💖牆上佈滿特色的圖畫，新加坡排檔一般的座位，在這商業城市裏多得市建局提供偌大的空間給予我們都市人一個寧靜喘息的空間☕🥤🧁🍜，也給予一群弱勢人士可以各展所長，亦得到客人的尊重實在是難能可貴💖「 授人以魚不如授人以漁 」這企業確實貫徹實行，看過相關的報導新加坡籍的老闆確信傳播善良的種子，才成就了香港的廚尊餐廳🌟整體食物飲品味道很不錯，上餐有一定賣相👍食物有熱度，分量很充足地方整潔座位充足，空間感很好無障礙設施也很足夠是旺角區內難得的綠洲🌴🪴🌻無耐肚子容量有限我會繼續光顧，每次點一兩個菜嘗遍這種新加坡地道的風味，希望可以被更多人欣賞這間既能果腹又能傳愛的社企餐廳給予多一分支持多一分尊嚴店內每一位自強不息的員工💪💪💪

今晚放工在朗豪坊附近覓食。記得呢間社企電視介紹過，決定一試。無骨海南雞雞味濃，肉質好，而且企檔姐姐會用湯幫你淋番暖佢，好好味。另外叫咗美祿恐龍，沖得夠濃，正！會再幫襯！

See Siam 係咩東東？原來係酸湯麵，有3隻大蝦，算係咁多個午餐裡面唔係最貴既選擇，都幾好味。自動點餐好方便，慢慢搵都可以。接受八達通付款，暫未見其他支付方式選項。另外，班蘭蛋糕好出色，雖然樣唔花巧，但味道班蘭及牛油香充足。服務生都是社會弱勢社群，既有禮又用心。場內有小圖書角，又有Corporate video 介紹一下餐館理念。一直好想身體力行，消費式支持一下這所社企。有的想試想餐牌未有出現。還好，這種等待就是叫人再來嘛，而且有下次、下下次...

呢間野佈置到好似馬來西亞新加坡嗰D大排檔咁，食起上黎都特別有風味。另外值得一讚嘅就係D員工好有禮貌好好服務，好耐無見過有咁細心嘅侍應。佢個叻沙都幾正宗，入面係油麵同米粉兩溝，個湯底好香蝦味，D魚蛋魚片好入味，隻蝦嘅肉質都唔錯。呢個係囉喏水果沙律Rojak，好有馬粒feel，落咗黃梅粉之後酸味味幾好食。馬拉野點少得咖央多呢？仲要有厚切牛油喺入面先係正貨，佢呢度嘅咖央醬都幾香，連埋熱辣辣嘅多士特別好食。飲品就叫咗美綠同埋羅漢果茶。

上到2樓入了店後發覺好少客人,但因為是社企都試試啦！但等到飯菜端出來時,一口品嚐後,有以下整體評語：1/好禮貌2/食物擺設十分好3/味道可以,甚至比好多茶餐廳好。

今次係我唯一一次喺OpenRice食評，起初只是為了支持弱勢社群就業的社企而幫襯一份海南雞扒飯和一份叻沙雞，味道跟星加坡食的非常類似，員工也非常專業有禮貌，抵食好食100分👍🏻👍🏻會再幫襯同推介朋友！

我係喺尖沙咀區平日食lunch四十零蚊就搞掂嘅人(當然係經我搜尋過，價錢係平，但食物質素都唔錯，有啲甚至乎好食嘅)，所以今次去幫襯廚尊，對我嚟講係有啲啲貴，好大部分係支持社企而去。我一出𨋢就聽到有位男聲講:小姐 小姐，我周圍望吓，個男仔真係叫緊我，仲好主動同我講，可以喺佢嗰度(收銀)落單。因為一出𨋢，就會見到有啲餐牌同埋一部自助點餐機。 我話想食粉麵，佢就同我介紹有3、4款粉麵畀我，我揀咗叻沙蝦之後，話要米線，佢就提議我試原裝嘅叻沙蝦麵，係油麵加米粉两溝，聽落都唔錯，就跟佢提議。嘢飲我就揀咗mocha，個男職員即時問我使唔使少甜，又幾細心喎！畀完錢，佢就同我講留意2號、5號檔嘅燈牌(2號係水吧、5號係麵檔)好喇！ 講返食物質素，叻沙湯底味道夠嘅，幾香、唔算辣，除咗有三幾隻中蝦外，仲有幾嚿細豆卜、幾片魚片，魚片爽口、有啲芽菜、一隻蛋，整體幾好食！ 但杯mocha唔多掂，我真係覺得嗰杯係mocha😅我好開心，喺香港，好少食肆啲職員咁主動、有禮、有耐性，而且佢哋都幾細心，所以今次用餐經驗有90分之高！

今日過去主力去飲杯奶茶，點知去到叫咗好多嘢食，又捐咗50蚊請老人家食飯，好開心, 可以做善事，高要求就不要係度食，味道好，量很足，員工很有禮貌，地方乾淨企理，食完唔口渴，值得支持的社企馬來餐廳

到旺角搞掂d嘢後已經2點幾，就喺地鐵站附近搵下有咩食，想食個下午茶先走。唔想食連鎖，突然諗起之前睇過介紹上海街618活化項目入面有間社企餐廳於是去睇下啱唔啱食。餐廳主打新加坡菜，上到去發覺間餐廳好大，2樓全層，但唔知係咪因為平日下午茶時間，只得幾枱客人。我見餐牌有幾個午餐超抵食，$38仲要包嘢飲，掙扎緊試唔試印尼素串燒配黃薑飯好，但唔肚餓所以最終都係揀返咖央多。因為員工都係身體有缺陷嘅朋友，所以等嘅時間耐少少，不過佢哋都好有禮貌，同對自己份工好有熱誠。食物都幾好食，加上環境好大坐得好舒服，絕對值得支持。

活化咗嘅618上海街，二樓有間逢星期一至六開到夜晚8點嘅新加坡社企餐廳💁🏻‍♀️想支持嘅話要早啲去呀! 星期日收下晝5點添㗎~呢間社企餐廳致力幫助弱勢社群同殘障人士，俾佢哋工作機會同建立信心❤️重拾尊嚴!所以佢哋件制服都有大大隻字「尊嚴」🫡入面好似food court~喺cashier綜合買完之後，職員會溫馨提示你每項食品去第幾檔領取🫶🏻聽唔切唔緊要㗎!有得拎嘅時候，電視屏幕會顯示㗎喇😉牆身有好多特式油畫! 啱晒打卡📸食品製作嘅時候可以欣賞吓四週嘅環境先(˶‾᷄ ⁻̫ ‾᷅˵)全層好大好多位~員工多過食客，希望佢哋做得住啦😗食物唔錯㗎!! 大家可以俾個機會佢哋自力更生，融入社會💪🏻接住落嚟會有介紹我衝住佢而嚟嘅Laksa😌選擇唔多，就只有蝦同雞揀~朋友唔食蝦，揀咗雞仲有驚喜😙係海南雞嚟㗎!!!!皮滑肉嫩之餘份量仲好多! 起碼有八件🐔可惜佢係凍嘅~如果整熱佢會更好🫶🏻湯頭超濃稠~ 一個人食晒應該會滯😂椰香味恰好! 微辣唔搶喉! 兩個人happy share 就啱啱好!到喉唔到肺，想encore先會有第二次😊麵底係摻摻💁🏻‍♀️正宗又啱晒鍾意唔同口感麵底嘅人👍🏻我最like佢嘅米粉嗦晒啲湯味，超正!!

餐廳位置位於鬧市中一個極容易搵嘅地方。地鐵站出都係一兩分鐘就可以到達💯由於唔係好想食飯嘅關係只叫左以下食品- 慢煎榚 $35- 班蘭蛋糕 $25- 摩摩渣渣 $38慢煎糕係即叫即整，等大概10分鐘到啦糕外皮口感煙韌，入邊有好多糖及花生碎…唔會太甜班蘭蛋糕🍰令我諗起以前去新加坡一定會買成個whole cake 返嚟做手信淡淡的斑蘭味，蛋糕質地好有彈性💯糖水都幾有驚喜好香椰汁味既糖水底入邊係唔同顏色嘅番薯再加幾粒帶煙韌斑蘭味嘅綠色波波糖水唔太甜👍現場環境嘅佈置，其實都幾有特色整層2樓都係呢間餐廳🍴空間都好大每個檔口都劃明清楚食物嘅類別現場員工都好主動服務♥️P.S.: 批評別人，挑別人毛病往往很容易但係相反如果可以發掘或者欣賞別人嘅優點呢個世界會更美好🌻