廟街玉子燒 (已搬遷) 新店位置

呢間店係由做美食攤擋起家 主打玉子燒同小食 有摺凳做枱另有一番風味😛🍢-1️⃣「流心芝士玉子燒🧀($40)」-玉子燒份量頗大 幾抵食！芝士同沙律醬夠多 食落好creamy 蛋甜甜地 同木魚花同嘅蟹籽味道好夾🦀不過食到尾覺得明太子有少少偏鹹🙈~-Lava cheese tamogoyaki is delicious! It impresses me by its large portion and plenty of crab roe. The lava cheese and salad dressing inside goes well with the sweetness of the egg. But the mentaiko is a little bit salty.

呢間嘅玉子燒之前喺美食展試過經已好鍾意，今次喺廟街竟然可以搵到，咁就梗係去試試啦～～因為喺街邊，老闆就席地開啲枱比大家坐低食 好鬼正講返玉子燒先，佢哋呢度用料上乘，佢哋用上日本蛋，即叫即整，所以係需要啲時間等待，不過美食嘛！值得等！佢哋嘅玉子燒嫩滑，切開內裡充斥住濃郁蟹醬，仲有流心可以拉絲嘅芝士～～芝士咸香同蟹醬嘅鮮味混合埋一齊，而玉子燒表面除左沙律醬外，仲有木魚絲，紫菜絲，仲有蟹子，令到口感味道更為豐富。除左玉子燒外，佢哋另一邊仲有鐵板魷魚鬚，雞軟骨，牛柳粒。鐵板香味四溢，而今次叫左魷魚鬚同雞軟骨雙拼，佢哋啲雞軟骨較出面其他嘅大，魷魚鬚聽聞係由澳洲入口，所以亦非常粗身，口感彈牙，而佢哋淋上自家嘅醬汁，味道方面係有點燒汁嘅甜蜜，亦帶有黑椒嘅惹味，令人一食難忘。

對於我黎講，玉子燒一定係我favourtie😘😘😘😘疫情咁耐，都無機會可以去日本，所以有得食下玉子燒黎解思鄉之愁😭😭😭😭依一間鋪頭需要細細地，但都好多客人，我剛剛好6點經過，見到已經好多人等緊開門啦！果然，真係有料之店！勁好食呀😘😘😘😘😘佢有好多小食可以選擇，我就選擇左流心芝士玉子燒，再加明太子同蟹籽！！！店員好細心咁將佢包起，但我已經急不及待要食番幾啖！！！d蟹籽係多到好似瀉咁，每一啖都好滿足！蛋味好濃，軟綿綿的，正呀！！！☺️☺️☺️☺️我一定會搵次番去再試其他小食！！！

朋友知我係明太子big fan, 之前去福岡差唔多日日都食， 之前佢仲特登影張相畀我，引我黎食呢一間廟街嘅小食店。今日六點幾黎度，見到開始多人，由於個舖得兩個人營運，食物又係即點即製，所以我都等左十幾分鐘，不過唔緊要，重要的是食物質素絕對對得起等待時間。個明太子玉子燒，30蚊大大份，足兩人分享。蛋捲好嫩滑, 中間流心，有芝士， 沙律醬，面有木魚絲， 飛魚籽。襯照用，有爆漿效果，甜蛋中和明太子的鹹辣，佐酒一流。一場來到， 除咗幫襯玉子燒外，另買了雙併鐵板 魷魚鬚,雞軟骨,都係即叫即做，夠鑊氣。魷魚鬚燒的火喉及時間剛好，一點也不韌，醬汁入味再加上孜然粉，刺激味蕾。炭燒椒鹽雞軟骨，粒粒都有肉有軟骨，香脆惹味且富有蛋白質，雖然咸左d,但非常美味。下次再幫襯時會選牛柳粒，因為見人買好似好好味，好juicy.

星期日喺旺角一帶遊逛，無遊客嘅廟街果然變得無咁熱鬧。不過黑暗中嘅一點光🌟就係黃噹噹嘅「廟街玉子燒」。原來小店夜晚六點鐘先開，加上有唔少人等候多時，所以有段時間好熱鬧，人山人海👏；自不然等食物嘅時間亦耐咗。我哋愈等就愈肚餓，因為食物製作嘅過程一覽無遺，而且仲好鬼香🤤。除咗招牌玉子燒外，小店亦有賣多種香口鐵板小食，包括一口牛粒、魷魚鬚、雞軟骨同豬手等。價錢主要分大盒($70)同細盒($40)，佢有得俾你雙併甚至三併，咁正正式式係一次過滿足幾個願望😁。喺高溫底下苦等半個鐘，終於有得食🙈！不過都明嘅，因為食物即叫即整，又咁多單。好彩店家都好識做，預備咗啲膠櫈畀我哋坐住等。流心芝士玉子燒($30)，Wow呢個又真係幾好食喎😋。首先一拎上手就知啲餡料非常澎湃，上面有激多蟹籽、蟹柳、木魚碎同沙律醬，食落既惹味又多汁。老實講，流心芝士就唔太覺，但我另外加$10要嘅🐷豚肉餡就同🍳玉子好夾，味道因而變得更豐富。鐵板小食($40)，一口牛粒拼雞軟骨，份量唔大，不過由於兩者都偏細粒，所以食起上嚟有好多粒，唔會兩啖就食哂。估唔到🐮牛粒牛味都幾重，但個別肥膏都幾多下；🐔而雞軟骨就好好嚼口。醬汁一開始食嘅時候覺得好

好耐都冇去掃街，見到呢間小店好多人排緊，我又試下先！1.流心芝士玉子燒加左蟹膏同濫暴蟹籽！好震撼😂因為本身不喜歡玉子燒覺得好單調😂冇諗過可以咁多變化，加到吾同嘅材料！賣相淡黃色，質感剛剛好，吾會太濕潤，又吾會太扎實~中間有原條蟹柳🎉加上，超多嘅沙律醬和木魚碎，真係超吸引😃😃😃2.鐵板小食♥️雞軟骨加左少少蜜糖，甜甜地！偏大粒，而且份量好多。不過有啲骨要落足牙力咬，因為比較大粒，啲骨都相對地大啲~♥️魷魚鬚原條嘅魷魚鬚唔同部份食到唔同嘅感覺，粗個邊好爽口，而且一咬即斷，不會好韌，尾部好脆口，通常幼身嗰邊都好容易會燶，但佢地做到微微嘅焦香味👍🏻整體來講，所有東西一定會熱騰騰，因為即叫即製~而且仲幾抵食，有一個叫三權分立嘅套餐，$100有3樣野食(大盒鐵板小食已經$70..加2樣玉子燒/其他產品..大概都$40x2...所以$100食到3樣嘢，我覺得好抵食🉐)消費左仲可以有免費嘅小卡，貼紙，又有得食，又有小禮物，非常開心🤡🤡🤡

明太子玉子燒真心正！廟街好多野食，今次行過見到一間新開小食店，真係好特別好正！濃郁厚燒玉子，一定不能錯過！明太子玉子燒，我自己平時真係好鍾意明太子，今次加埋落玉子燒真係好足料！大大塊厚肉蟹柳＋明太子超級滿足！而且玉子好滑，配埋沙律醬真係好好味！香嫩無比❤佢嘅鐵板魷魚鬚真係好正，一啲都唔會老，而且彈牙好香，配埋醬汁perfect match!安格斯牛肉粒，好juicy好多汁！新鮮煎超滿足！牛肉味濃，口感超好！廟街掃街一定唔可以錯過！good try!

近排發現廟街有玉子燒，外賣終於有多一個選擇😍。流心芝士玉子燒，$30。加$10可以選一款配料。要了蟹醬。回到家流心芝士仍可起絲👍。玉子燒燒得剛好，軟綿適中，材料又豐足，吃著不覺膩。大盒裝的鐵板小吃可選三併，$70。一口牛粒，肉汁juciy牛味濃，鐵板魷魚鬚，大大條惹味有嚼勁，鐵板雞軟骨爽口滋味。大大份一齊分享最happy😆。食物即叫即整，所以要等少少時間。另外有少量座位，可以一試街邊風味。如果外賣可自備盒，我試過，他們都很樂意幫忙👍。

今日想去附近麵包舖買Bagel，終於有機會嚟試吓！-拉絲芝士玉子燒｜💰30 💰10另外加配料✔️好多蟹籽係玉子上面爽口脆卜卜😋玉子超厚，中間又嫩滑(⁎⁍̴̛ᴗ⁍̴̛⁎)✨中間仲拉埋絲，夠芝味‼️入面仲有好多韓國蟹膏，仲有蟹柳👍🏻加埋沙律醬同埋柴魚碎😋口感好之餘味道風味都一流.小食雙拼（細）｜💰40🦑魷魚鬚魷魚有炭燒味咁，食落口仲好爽口彈牙.🐮一口牛好香濃牛味，仲好香濃黑椒汁味-所有嘢都係即叫即整 熱辣辣‼️誠意推薦大家食佢地既玉子燒‼️足料大份好食💛-

疫情緩和，這個週末也明顯多了人在街上，食店生意也好轉了不少。呢晚嚟到廟街，其實有好多店舖及小販攤檔都冇開，感覺同以前差很遠。又或者可能而家未係冬天，煲仔飯飯店嘅生意都唔多。近十字路口位有一間舖頭吸引咗我哋注意，就係廟街玉子燒原來呢間舖新開無耐。店長之前係做展覽會小食攤位，最近才有這個地舖。搶眼嘅黃色招牌，再加上鐵板食物嘅飄香，感覺好吸引！餐牌上好多小食我都好鍾意！今次點左一份玉子燒、一客魷魚及雞軟骨粒。估唔到都好大份！再加上多項配料，增加口感。小吃配上可樂你係一個好爽嘅感覺明太子同蛋係好好嘅配搭蛋漿裏亦有芝士及蟹柳，加上脆卜卜嘅蟹子，滿足！魷魚份量好多，好有咬口，覆蓋着魷魚嘅燒汁亦非常惹味每一條魷魚都好大條呢！雞軟骨粒亦好好味，首先醬汁好入味，另外都好好咬口今次依幾樣食物都好推介另外聽到好多人點大阪燒， 下次試吓先！

今日喺油麻地做完野，見到有間新開張既玉子燒鋪頭，最鍾意食蛋既我，就忍唔住買左返屋企食！雖然鋪頭係叫廟街玉子燒，但其實佢menu都仲有好多唔同小食，我就再叫左個麻辣牛柳粒。講下個明太子芝士玉子燒先，睇個樣就知道好足料，啲木魚絲同埋蟹子鋪滿晒係個玉子上面，個餡有明太子醬、蟹柳同水牛芝士，做到拉絲效果，上面再加沙律醬，配搭好好。佢份量好大，切到四舊，我同朋友兩份食每人兩舊都好飽。個玉子蛋味重，最怕有d將蛋漿溝稀加水淡牟牟，呢個完全唔會。至於麻辣牛柳粒，d肉好淋而且五多肥肉，食得出係令既牛柳粒。佢個辣開頭食落去唔算好辣，不過越食越多就開始幾辣，鍾意食麻同辣非常推薦！佢份量都好多，有成10幾粒！

廟街聚集左唔少陀地老店，相信廟街玉子燒無番咁上下實力同自信都唔會夠膽入去插旗，今晚同朋友食完飯唔夠飽，決定去會一會佢。臨近十點，附近好多餐廳檔口都準備收檔，但街上依然人來人往，黎呢度買外賣ge都唔少，而我就係舖頭前面路邊坐摺凳，一路食好野，一路感受最貼地ge人間煙火，過癮。🍴蟹醬芝士玉子燒 HK$40蛋用左日本相撲蛋，蛋香頗濃，不腥不臭，蛋身軟熟。我最怕芝士太霸道，而呢度ge芝士就剛好，唔會搶左蟹子同韓國蟹醬ge鹹鮮香味，面頭仲加左木魚碎同沙律醬，整份玉子燒以香甜為主，輔以鹹鮮吊味。朋友話第二間同樣價錢份量得三分之一，餡又少，呢度真材實料又抵食。🍴大盒拼盤 HK$70鐵板魷魚鬚掛住甜甜地ge醬汁，表面微焦，肉質實淨得黎唔韌，亦唔會霉到軟皮蛇咁，出色。以前只食過炸雞軟骨，貪佢脆口，但通常多油多粉，而鐵板燒都係第一次試，佢唔脆，但又香又爽口，而且唔會成口油。一口牛粒係安格斯牛，肉味不錯，可惜炒得唔夠平均，有d腍，有d又韌。呢盒野加埋辣粉真係非常惹味，送酒一流。📍廟街玉子燒油麻地廟街30-34號地下B4號舖

今日收工路過廟街，俾啲燒魷魚🦑鬚味吸引咗，係香噴噴嗰種味道，每個人都唔可以抗拒呢種味道❤️雖然已經趕住返屋企食飯，但係真係好難忍手唔買，一於加餸啦☺️見老闆將魷魚分拆開魷魚桶及魷魚鬚部份，用鐵板將魷魚越炒越香，魷魚口感爽彈脆口，即叫即燒的魷魚好鮮甜，我最喜歡魷魚鬚嘅部分，食落帶點焦香，仲有汁醬，好惹味，老闆問我食唔食得辣，幫我加左少少七味粉，拎到返屋企我同媽咪食到停唔到口，超好食😋鐵板牛柳粒份量好多，選用左安格斯牛柳粒，所以肉味好濃郁，煎到啱啱好，煎出黎既油好香呀，食落肉腍唔鞋口❤️❤️其實呢間店主打係玉子燒，一於嗌多份玉子燒，明太子+三重芝士+蟹醬流心玉子燒，未食已經知啲料多到呢，老闆好大方，係我食過最足最大份既玉子😋😋玉子燒入面包住滿滿嘅明太子，蟹醬同芝士。一切開，芝士仲係拉絲架，仲係香噴噴，面頭有大量嘅蟹子，七彩繽紛，色香味俱全😘😘

今日去油麻地接老公放工，平時五光十色嘅廟街因為疫情而變得冷清，排檔都冇營業，不過行行吓就見到呢間燈火通明嘅小食店，簡直就係漆黑中嘅螢火蟲，而且遠遠已經傳來燒烤嘅香味，所以就吸引咗我哋去望下呢間新開嘅小店，原來佢係主打玉子燒。我去日本最鍾意食嘅就係新鮮即整嘅玉子燒，所以就決定買一份試吓，喺疫情下就當自己去緊旅行啦！見到佢都有好多招牌菜喎，原來除咗玉子燒，仲有鐵板燒、章魚燒、豬手等，估唔到鋪仔細細都可以有咁多款唔同嘅招牌菜！餐牌仲有中英對照，應該係預計可以吸引埋外國遊客嚟捧場，而且價錢都好合理呀！其實我成日都好想自己學吓整玉子燒，但係總係唔識點樣煎到嫩滑嘅蛋餅，所以我就問店員可唔可以俾我近距離睇吓佢點整，店員非常有善，俾我行入去睇佢點整，等我可以偷吓師玉子燒分量十足，入面有芝士、蟹柳、明太子醬，面頭仲有鋪得滿滿嘅蟹子同埋木魚碎，而且充滿蛋香，呢個價錢我認為真係好超值！切開咗嘅玉子燒入面仲有拉絲芝士，睇見都口水流，所以我都急不及待放入口，每一啖都食到蛋香同埋明太子嘅味道，我同老公要搶食😂另外揀咗要一份大嘅鐵板燒，店員首先烹調一口牛柳粒，佢話每邊都煎一煎之後，就會集中煎香一面，令到牛柳粒達致七

今晚同男朋友嚟到油麻地，特登嚟廟街買兩盒香噴噴嘅小食。估唔到小店唔止夠良心，而且出品高質素到令人意想不到。.🧀明太子芝士玉子燒（$40）期間限定‼️大大份玉子燒嫩滑濕潤，除咗芝士、明太子，表面亦有鰹魚片、蛋黃醬同蟹籽作點綴。口感豐富，多重味道。鹹香夠鮮味之餘又唔會過濃，令人讚不絕口！.🧆大盒小食任併（$70）見到佢哋喺現場用鐵板即燒各款食材，忍唔住叫多盒小食三併😚。佢哋有四款小食，除咗下面三款外仲有蜜糖無骨豬手～.一口牛配秘製醬汁，鹹鹹地好野味；雞軟骨經鐵板燒後更加香脆爽口，燒肉汁令軟骨味道提升；魷魚鬚越燒越香，咬落爽口彈牙，係我最愛嘅小食😋。.🥚廟街玉子燒油麻地廟街30-34號地下B4號舖