廣東名門 (三聖市場)

營業中

休息中

weekend去左屯門食海鮮🐠🐠🐠首先去左揀海鮮先😋不過其實都唔係好識揀，都係人地幫我地揀，然後佢話兩個人食，買4樣海鮮就啱啱好✌🏼咁椒鹽瀨尿蝦就必食嘅😆跟住揀左兩隻扇貝落粉絲蒜蓉蒸，另外兩隻蚌就加啲蘿蔔放湯煮🐚最後再買左桶蠔煮砵酒焗蠔😍買完海鮮呢就要去揀攞去邊間餐廳煮啦～賣海鮮嘅姐姐話兩個人咁少海鮮呢，就不如去酒樓食，因為去大排擋食咁少海鮮，加工費都唔少，一大班人食先去大排擋食會比較抵🤔於是我地就坐左係酒樓舒舒服服咁食😋唔知係唔係夜晚會多人啲呢，成間酒樓坐得4、5枱，大部分都係遊客，好豪咁食緊龍蝦伊麵🦐😂好羨慕啊😭

三聖海鮮一直都好出名，終於試到啦😆係一個星期之前我就book左廣東名門👍🏻 首先我地係對面買龍蝦，賴尿蝦，扇貝，帶子同魚😂海鮮真係好新鮮，好生猛😌 買完就直接拎去名門到加工！ 我地叫左蒜蓉粉絲蒸帶子，豉椒炒聖子，椒鹽賴尿蝦，龍蝦芝士麵，清蒸魚😍，再另叫燒味雙拼。我個人勁鐘意椒鹽賴尿蝦😋勁大隻，真係第一次見👍🏻👍🏻 其他煮得都好出色......最緊要大家都食得好滿意😋

已經係非假日去食晚飯，被安排到後舖坐，冷氣吾夠，環境嘈吵。員工服務其差，態度惡劣。當晚出現漏單，追單多次，直到埋單，莱都未到。食物質差一般，收費偏高。不值得再去！

爸爸最喜歡食海鮮，所以我和家姐選擇去開的三聖邨廣東名門，加工費一年比一年貴，枱與抬之間都比較迫，亦要分時段，我們選擇了6-8:30。茘枝柴燒鵝，係招牌菜梗要點黎食，鵝皮香脆，肉又嫩，很好食。豉椒炒聖子，火喉啱啱好，配上豉椒很野味鹽焗花螺，用石碢上，令花螺放一段時間都仲好熱，睇落平平無其，但食落好鮮。椒鹽瀨尿蝦，非常乾身，瀨尿蝦肉厚，仲有少許膏，真係啖啖肉。芝士焗龍蝦加伊麵底， 龍蝦肉多，芝士很香，加埋伊麵一齊食，食到唔停得嘴陳皮蒸鮑魚，陳皮香無苦澀味。唔記得咩班，但蒸得好嫩滑。海蝦，鮮甜

今日同男友講開,大家不約而同咁話好耐都無食過海鮮,於是乎男友同我立即揸車入三聖食餐飽,我地到左就立即買海鮮,拎俾食開既廣東名門度煮,辣酒煮花螺辣得惹味,好食到停唔口,豉椒蟶子味道濃郁,豉椒味配合一絕,椒鹽鮮魷炸粉唔厚,炸到脆卜卜,值得推介。

過往經常都會嚟屯門三聖食海鮮。不過，以往多數去三聖村冬菇亭，因為嗰邊的燒鵝好出名。 因為今次同小朋友一齊，所以揀咗呢一間，環境坐位都唔錯嘅廣東名門。整體食物加工處理得唔錯，但當中鹽焗奄仔蟹就的確非常之咸。

9/12/2017 星期六，一家人提前一天同個女慶祝生日，一家四口一齊去三聖邨食海鮮，都唔係第一次黎，好多時慶祝節日都會黎食吓海鮮，去親都去發記買海鮮，我老公好似識佢地，但其實呢間信譽幾好，又新鮮，好多人幫趁架，成日門口好多人簡海鮮, 大家可以試下去呢間買，我地買左 $750, 唔知有無平比我老公。我地一早訂左4 位，唔訂就跟本無位架，呢間好旺，又有口碑，記得預早訂喇~我地買左海鮮入去叫佢煮， 如下：瀨尿蝦 ---> 椒鹽瀨尿蝦好好味，但可惜無膏，炒得好乾身扇貝 ---> 蒜蓉粉絲蒸扇貝新鮮，好味，粉絲炒左 d 花甲 ---> 油豎水煮花甲最鐘意呢味，個湯底好正架，重楜椒味，配料又多，好好食，推薦肉蟹 ---> 羌葱炒蟹又係好好味嘅海鮮，夠乾身又香口，好荔枝燒鵝 半隻 ---> 要預早訂呢個係佢嘅招排鵝，都好一流，好入味架排咕嚕肉炒得好好，有脆口感，偏酸，我鐘意干燒伊麵 呢個唔掂，好梗只係夠大碟，4 人 海鮮餐，埋單就 $1,1xx, 食海鮮就係食錢囉好正嘅一餐想食海鮮真係要試下黎屯門三聖邨

屯門對於好多人黎講就係遠同乜都冇, 但其實屯門都有好多好野食架, 三聖係近年好出名食海鮮既地方, 今日我就同朋友專登走入去食。講真, 市區搭車入去都成粒鐘, 但其他食海鮮既勝地都差唔多啦~ 其實個度好多大大細細既餐廳, 不過我地就揀咗最近海鮮檔既廣東名門去食, 見佢裝修四正, 應該冇死掛我地先去對面買咗一桶蠔, 一斤螺同兩隻蟹去食, 去到再點菜同加個伊麵。其實我好少食海鮮, 所以都唔知有咩煮法, 交哂比個經理話事hahaaaa同佢傾好點煮就坐低等食喇。講真個日閒日黎, 去到又八點幾, 我地已經好肚餓, 而啲菜都出得幾慢,等得好苦 :’(幾經辛苦終於等到第一味辣酒煮螺, 新鮮滾熱辣! 啲螺又入味, 傾住計撩下又一粒揀下又一粒, 真係令人好開心~之後就係砵酒煮蠔, 啲蠔大大隻, 夾埋個甜甜地又濃郁既醬汁, 當下好想叫個白飯撈飯食啊鹽焗蟹就冇咩特別, 不過隻蟹都仲有好多膏, 好食呢間野煮海鮮真係有一手, 不過自己啲小菜就一般般喇。油麥菜太油喇, 伊麵都太淡, 配料又唔多, 好似食淨麵咁。不過圍返埋有海鮮食, 每人都係二百蚊左右, 收貨啦! 

今日一行六人， 在三聖食海鮮， 首先要在對面揀好海鮮， 今日 買了扇貝，東星斑，龍蝦，兩袋生蠔， 琵琶蟹， 瀨尿蝦， 之後揀好餸就交給部長發牌， 可能因為太肚餓的關係， 第一碟的芝士龍蝦超好食， 之後是琵琶蟹， 蟹膏超多， 其他就不過不失

三聖邨絕對是香港其中一個食海鮮的好地方，最適合招呼朋友，慶祝生日，一家團聚的好地方，每次到三聖邨食海鮮我都必定會選擇廣東名門，第一鄰近海鮮店，第二味道對比其他好食，第三位置方便及不用等太久先用海膽作前菜先到對面海鮮店購買食材，基本上每間都新鮮和價錢也不貴然後再到這間餐廳作加工，加工費相對上比較便宜味道也很好

原定一星期前已訂枱 跟家人一起吃飯 所有預約巳得再三確認 怎料當晩扶老攜幼到來 那門口侍應說現在沒有位提供 要多等個半小時 如果你們不等 那考慮多付200元 安排特別房給你 感覺像被焗住一定要多付200元 那樣不要再提供電話訂位 到時去到有錢就行罷 太過份 絕不會再光顧

下午五大兩小食海鮮第一次去呢間，真係好差。食評1. 三歲小朋友收茶錢2. 幾度菜加工收$12003. 全三聖小🈶️餐廳收開瓶費4. 味道正常5. 態度差但換碟永不再幫襯佢

已訂枱一行10人，7大3小。吃海鮮必到三聖。買了8款海鮮共$2200，加工$2300。由於星期日關係人客太多，我們選擇8:30入座。必叫"石鍋蒜蓉馬友粒炒飯"非常香，有飯焦。值得一試！！但叫了一個白飯等了20分鐘也沒有。。追問下才通知 》 D飯而家蒸緊《，要等多10分鐘。。。。小朋友吃白飯要等半小時才到……一般海鮮加工味道還可，但炆班腩及薑葱蚧煮得太咸。龍蝦的烏冬底份量十足，值得一提。人客太多，員工太少

週六到青龍頭與友相聚，黃昏驅車前往屯門三聖享用海鮮晚餐。今次採購海鮮的店家是「忠仔記」，正正在「廣東名門」斜對面。海鮮款式繁多，由龍蝦、活魚、鮑魚、長腳蟹等等把數十個魚缸放得滿滿。 在店中遊走一圈，前後選購了四款海鮮。最實惠的是一條廿餘両重的游水東星斑，只需 $450。另外，店家主動送上一小包沙白予魚仔，屬額外驚喜！ 廣東名門正店在忠仔記斜對面，裝潢較新淨舒適；副店在正店後方，裝潢明顯稍遜一籌。 視乎海鮮款式及重量，酒家會收取不同的加工費。海鮮烹調手法多變，可依食客口味自由選擇。油鹽水煮沙白、油鹽水煮花螺、蒜蓉蒸花竹蝦、蒜蓉粉絲蒸蟶子皇及清蒸東星斑是是晚的海鮮餐單，當中推介甜嫩的沙白，蝦香十足的花竹蝦，以及肉厚爽彈的蟶子皇。 雖然用上相同的油鹽水煮法，但花螺出品明顯不及沙白鮮甜上味。東星斑理應肉質白滑細嫩，未知是否體型太大或烹煮時間過久，魚肉口感不及預期。 咸蛋勝瓜肉片湯則是比預期出色的作品。咸蛋出味的同時並沒有完全搶去湯汁的味道。相反，勝瓜及肉片的甜味隨鹹香味道慢滲出來。清炒白菜仔用料不夠幼嫩，評價一般。 整體來說，忠仔記的海鮮新鮮，價錢合理。廣東名門來料

一行12人話要食海鮮，有人提議名門，ok 其實最緊要好味。買海鮮用在$2500加工費連小菜等$2800平均$445/人唔算貴。本來想試燒鵝，但是沽清。改點燒腩仔，唉，冇乜味，有點硬，但皮十分脆。煎焗頭腩夠香夠味椒鹽賴尿蝦，叫咗啲唔係太大隻嘅，冇咁貴。 呢度整得幾好食。可惜啲蒜蓉唔係咁夠味。馬友粒焗石頭飯，但飯底比較濕，好彩食到有馬友嘅香味。欖角骨，肥瘦適中，味道濃郁啱晒我豉汁炒聖子，配煎米粉一般啦！薑蔥炒蟹啲蟹係好味嘅但係如果加多一匙羹蠔油就更加好啦