廣發餐廳

營業中

休息中

小妹近期愛上咗食奶占多❤️ 於是周圍搵吓好食既多士，今次搵到間相當不錯既茶餐廳😍 環境闊落，好多卡位，感覺乾淨衛生😬重點價錢，味道合宜，且包裝好有懷舊風味😚奶占多士🍞小妹見到下午茶價錢都合宜，於是買黎試吓🐵冇諗過下午茶食品質素不錯👍🏻 今次再次同樣食奶占多士，又出奇地好味😋 感受到認真製作，食落香脆可口，好有香港風味，絕對唔係求其擺喺多士爐叮出嚟果款😍重點係薄身😚熱檸茶🍋而熱檸茶唔係又苦又澀，不錯👍🏻飲得出茶底味道😎呢間餐廳足份量，價錢唔太貴，職員服務態度不錯，餐點都多選擇，重點味道不錯，值得介紹🤘🏻

今早到旺角廣華街廣發餐廳吃早餐，真是一間平夾抵的早餐。我們3人叫了3個早餐B，是金牌沙嗲牛肉米粉，2個是通粉，2個煎蛋加油多，1個炒蛋加油多，2個熱奶茶，1個熱檸水，共付96元，每人32元，好抵。茶餐廳的早餐充常30-40元，這間偏平，份量足夠，味道也不錯，我們都很喜歡吃。沙嗲牛肉有肉味彈口，似新鲜牛肉，味美帶辣味，好吸引，油多脆及香口，奶茶用黑白淡奶，十分滑，環境清靜，服務不錯。廣華街雖然有多間茶餐廳，但廣發餐廳的早餐吃到11:30，比一般茶餐廳遲半小時。如果想一餐當兩餐，吃完早餐後不吃午餐，廣發餐廳是一個不錯的選擇。

餐廳位置好靚，旺角太子中間，地鐵站行去兩分鐘就到，但啲侍應夠哂衰，對客人好似對街邊隻唐狗咁，唔怪得啲野食難食過狗糧。小菜好難食，食到我又火又想嘔，仲好似老奉要幫襯佢，埋單多謝都無聲。係咁係度嘈講餐廳生意幾差幾差，一路夾餸一路隔離嘈住哂，唔知點解個侍應咁鬼多口，好似佢有份交租交水電費咁，話唔通燈油火爉唔洗錢，話衣家咁既時勢大家一齊攬炒，我睬過個阿嬸把口，咁得閒講埋哂啲無聊野，又唔再巴閉啲諗下點解啲野食服務唔可以做好啲，抵無生意

在門口看到有個晚飯套餐，寫住有珍珠斑加一個啫啫雞煲餐。點知！ 等左快20 分鐘之後，這條我點睇都不像珍珠斑的魚上枱了。我問侍應這是不是搞錯了，她說供應商話係珍珠斑，所以沒有搞錯，之後我話這不是我認知的斑吧？之後有名女子好不客氣地跟我説覺得被騙便報警處理。其實我只是來吃個飯而已，態度有必要這麼差嗎？ 至於這條魚.......我一囗也沒有吃因為我不知道這到底是什麼魚

晚上6:45左右，附近餐廳開始多人放題雞煲通通無訂位一行人唯有試試依間“茶記”叫咗肉餅，魚香茄子，炸蠔餅，炒通菜，生炒骨肉餅正常，不過不失魚香茄子太油，但又唔夠味炸蠔餅太多粉漿，炸到棉花糖分禁蓬鬆，咬都好難咬通菜算唔錯，有鑊氣最後生炒骨甜酸味亦算平衡，無話炸到乾哂奉送嘅冬瓜餐湯無咩味精，算過得去整體算抵食，畢竟附近街不外乎泰菜串燒，中菜又想平平地都算係選擇之一

返工返到過哂lunch time都未食晏，想搵到舒舒服服 靜靜地食下野，又唔想食得太貴，突然諗不如去廣發啦個期天氣熱，廣發除左快同相對平，仲有樣好就係冷氣涼  茶餐廳黎講真係坐得舒服做緊下午茶，幾十蚊炒飯麵都有，對面位食緊楊州炒飯， (對女仔黎講)大大碟, 都幾吸引。 不過我想食啲流質熱野，就揀左個特餐牛腩公仔麵轉米粉，仲跟個多士同飲品添一如往常，唔灟單的話佢係出得好快，上左多士同奶茶先呢到既奶茶偏澀同相對多奶，睇你口味啦，如果鍾意濃味啲strong 啲，啪一杯都好醒神 多士用厚多士，烘底，唔加牛油都好味，起碼足料，好過另外一啲茶記軟lai lai的薄片白包跟住上牛腩面，食第一啖，唔知係我太肚餓定點，出奇地好味喎!牛腩都唔算好韌，加埋有啲香料feel的醬汁，都炆得幾入味，仲有我最愛的牛筋添!大大舊有幾塊，非常好哈哈斯斯然食完坐係到嘆茶嘆冷氣玩一陣手機，真係回氣不少~p.s. d相我整極都轉唔返打直…哈哈…希望admin如果見到幫我整整唔該哂你

响公司附近食過幾次 沙嗲牛肉面唔錯 但每次叫凍檸茶少甜都好甜 所以宜家索性叫走甜 堂食都夠大份 話說今日無乜胃口就食下餐蛋治 番到公司一打開成pat垃圾咁 蛋係夠多 但好碎 都算 拎起食到成手都係 食左半舊已經無乜心機食擺左响度 轉頭諗住唔好浪費食埋佢 點知發現個包有黑色深綠色點 我有理由相信係發霉跟住打電話去睇下佢點處理，佢話拎番去換過比我 我話我番緊工過唔到黎 但佢堅持要我過去換 你啲食物有問題仲要我親自拎番黎？最後佢話下次換過比我 我諗：下次？到時你仲記得？好明顯員工完全唔識處理。令人失望！

去過一次之後唔會再去！！Book位既時候話最低消費$2000就可以入房坐到埋單先知酒水唔計，茶位唔計，花生唔計，切餅費又唔計，加一唔計好唔老實！！迫人叫送叫到$2000同老屈無分別，間房又迫又細又焗！！諗住叫反沙竽食，話要2日前訂但根本無寫明過要提早預訂而且真心想問反咩要反2日？！叫其他甜品又話無甜品.....野食又唔好味！食條魚好似每啖都食緊一堆鹽落口！到上蛋糕先最嬲！溶既！無幫我雪過！！其實雪唔到或者無雪櫃可以講唔好握人雪最後無雪呢間野d人好唔老實又煩！真心差！食m記都唔會再幫襯！！！！！！😡😡😡😡😡😡😡😡😡😡

今晚我們行過旺角廣華街見到以前賣公仔同糖果嘅店舖轉咗係一間餐廳叫「廣發餐廳」，見到店內都有幾多人客，應該出品都幾好，所以我們就決定入去食晚飯！我們叫咗茄子燜黃立䱽嘅醬汁相當惹味，茄子好軟滑，黃立䱽嘅外層煎得香脆，肉質好結質彈牙！西蘭花海中寶嘅材料雖然都幾足料豐富，但味道就非常淡，好似唔記得咗落鹹咁，呢樣令我們覺得有啲失望！滑蛋蝦仁炒得好夠鑊氣，但唔會炒到過咗火而令到鷄蛋變老，鷄蛋炒得好香好滑，蝦仁亦好爽口彈牙！豉汁蒸黃立䱽就不過不失，而且都幾大條肥美！老火例湯嘅味道比較淡，好似煲得唔係好夠火候！

係登打士街的H&M 行得攰攰地，又唔想只係掃下街，兜兜轉轉去左旁邊的一條小街，兜兜轉站在門前，裝潢已經吸引我，一大篇麥田，寬廣感覺，又有幾個卡位不像坊間茶餐廳那種壓逼感😍入到去，員工招呼客人態度好好，好有禮貌。人哋通常都係揸花生醬西多士，但呢間好特別，裹面就揸咗榛子醬西多士，本身以爲會好甜，點知食落剛剛好，有意外驚喜！見佢好似新開，想試下D特飲，靚姐介紹鹹檸檬柚子蜜好飲，我聽到都唔係好信，係出面又真係好似冇見過有柚子蜜撈鹹檸檬，鹹檸7就飲得多，鹹檸檬柚子蜜真係第一次，飲落去好潤口，中和左炸野的熱氣。好正！＄26+8= $34 埋單 都幾抵食！