廣記粥店

營業中

休息中

廣記粥店 🥣📍 粉嶺聯和墟聯安街市政大廈2樓熟食中心13號舖★★★★★★★★★★★★★★★★★★★★★咁岩去開粉嶺，就試下呢間好多年歷史既廣記粥店💁🏻‍♀️，聽講係平靚正呀🤭。 小編試過之後，發現都算唔錯既，雖然未至於係勁好食果種， 但整體都尚可接受，性價比 比較高。🌟 柱侯金錢肚 $18都算係入味既，都ok。🌟 蟹黃蒸燒賣 $18我反而覺得個燒賣都算係唔錯👍🏻。🌟 豉汁蒸鳳爪 $18🌟 蠔油鮮竹卷 $18🌟鮮蝦餃 $18個皮有d厚，我覺得一般般😂。整體推介指數：❤️❤️❤️🤍🤍★★★★★★★★★★★★★★★★★★★★★

<<生在美食天堂，點可以唔識食>> <<I born in Paradise of Food，why not explore deeper?>>多年來在新界開鋪既粥店其實真係一間早餐專門店因為粥款腸粉又多野揀，油炸鬼，蒸飯連糉都成年有供應今日係睇戲前就黎食過豐富早餐菜乾排骨粥真係足料，好似係唯一唔係用白粥粥底既款式有唔少菜乾就擋係可以補充一點纖維排骨數量就有點隨緣，不過每粒質地都幾好蝦米腸好多份量既蝦米腸包得滑滑又經過微煎既蝦米腸炒河其實每次黎都會點因為好味又抵，咁樣一份都係12蚊味道唔錯的總結成日係到諗就算係到搞放題/食到飽應該每人都唔會過150熟成街市環境就無咩得揀大概都是同一個樣

-{黃店💛由細食到大嘅粥店🫖}依間係真係食左好多年嘅愛店😚成日朝早冇野做就會買外賣返屋企食😆仲要係💛今次紀錄我最愛嘅三款美食😋🤤艇仔粥🤤 ($18)勁大碗！有花生 魷魚 碎牛 飯焦加蔥 魷魚係爽脆嗰種 食得出有小小鹹但啲料好香口🙊又係回憶嘅味道😌要撈下先食👖褲評: 8/10🤤炸兩🤤 ($12)發明依樣食物嘅係偉人🤩腸粉配油炸鬼加甜醬同麻醬係💯🥰油炸鬼夠脆！佢嘅脆邊配腸粉豐富左個層次😍再搭平時腸粉醬汁真係好正🥳👖褲評: 9/10🤤炒麵🤤 ($12)正常炒麵 唔太油 但好大份😋啲蘿蔔絲同椰菜都炒得好香 同埋落好多芝麻做襯托🤓👖褲評: 7/10性價比: 9.6/10服務: 8.3/10環境: 6.5/10依間係舊聯和墟街市嗰陣已經係度 咁多年個粥都係一樣味 完全冇變過🥺多啲支持老字號希望佢長做長有喇😢冇咩事我下次都係嗌翻外賣喇😂🚩廣記粥店🚩地址: 粉嶺聯和墟聯安街市政大廈2樓熟食中心13號舖大埔安慈路1號海寶花園地下13號 #fuudjai #fuudjai黃店 #fuudjai小食 #fuudjai港式 #fuudjai粉嶺 #fuudjai大埔

廣記粥店除咗有粥食，重有盅頭飯同點心食， 今次試咗個鳳爪排骨飯 加鴨腳扎，個盅頭飯裏面啲飯太淋，唔係蒸出嚟一粒粒個種，一邊食一邊章住個口，個鴨腳扎唔夠熱，只係暖，食點心就算唔係即叫即蒸都應該俾啲熱辣辣的你食掛!。完

我好鍾意飲茶食點心，不過黃嘅茶樓可謂絕無僅有，除咗逸東軒。早排行山喺粉嶺集合，見到聯和墟呢間粥店居然有茶飲，當然第一時間仆到去幫襯。呢度點心籠籠十六蚊😮，好抵食，我揀咗筍尖鮮蝦餃同鮮竹牛肉球，兩者性價比都非常高：蝦餃嘅皮雖然比較厚，但係入面嘅餡料好飽滿，幾好味；牛肉球雖然有落鬆肉粉，但係都食得出牛味，以呢個價錢嚟講算唔錯。食飽飽，慢慢歎茶（四蚊位，去邊度搵😆），欣賞下街市四周嘅庶民風情，八卦下同枱婆婆嘅閒話家常，實屬最佳娛樂。望下張單，才發現廣記粥店原來已經有七十年歷史，黃嘅老店，更加珍貴。

廣記我已經嚟過好多次，每次都係同埋阿爸阿媽嚟，因為呢度有粥，有炸兩，炒米，炒麵，又有蒸飯，點心等等，仲有樣會啱食。我特別鍾意佢個艇仔粥，料足粥底又正，真心推薦啊！

連假活動泡湯，只可以在walkable distance 活動一早陪媽媽想試好耐的粥店 （因為某節目介紹）正常熟食中心環境，自己買，自己搵位叫了皮旦瘦肉粥，柴魚花生粥，炒面粥。。好咸呀。。食左半碗。。唔得喇 我唔想血壓高好奇媽媽唔食炸兩。好少見，原來佢見到人地order。。。睇落麻麻地。。所以冇叫。但我望住個炒面。。好似連鎖快餐店果又唔係難食。但亦唔係好食唔駛特登黎粉嶺食價錢唔係平。。。好多其他Choiceum....試過就算lu~~

有啲時候，一個人係唔會有心情去research 某區有乜嘢好食，可能係唔想俾錢食好嘢，又或者唔想嘥時間去抵食嘅名店排長龍。今日路過粉嶺，點都要有嘢落肚，就走上聯和墟街市樓上求其搵間ok 多人食嘅坐低。阿姐話過咗午市，只係得燒味飯或盅頭飯，以粥鋪嚟講都算多元化。就要個叉燒燒鴨飯，跟凍豆漿，盛惠$32。雖然係燒味飯，呢碟嘢都幾多菜。街坊食堂嘅份量當然非常充足。叉燒比較瘦，亦無乜蜜汁香，燒鴨不過不失。反而豆漿唔錯，夠凍唔太甜。呢個價錢嚟講，交足功課。

諗住除水上人外 想試下另一些粉嶺店 呢間店似乎係粉嶺好耐 但粉嶺熟食中心真係衛生好麻麻 完全唔想坐低食 店員又無咩禮貌 招呼都唔打過 本身想買幾樣野食 試下都完全無晒心情 去落單果陣店員咩都無講過 只講幾錢 跟住遞野俾你 或者做開街坊生意 但都唔洗咁既態度 咁點同你變街坊 真心唔滿意 。粥選擇都麻麻但因為都真係好愛食懷舊點心 激氣咁番屋企整粥食 但就買左個包送粥。 個飽係夠份量 但真係包皮一點都唔鬆軟 咬落得粉味 內餡就勁咸 我諗想保回包皮無味 但真係好難食。唉 真係好彩只買左一樣。 咁就$15 🤮🤮

由聯和墟舊街巿幫襯到熟食街市: 今天年初七 ; 人日想食碗 " 及第粥 " 應節。 碗粥葱又無……薑又無……碗粥又唔熱……🐷豬潤又唔熟、D豬潤出曬血！同佢講聲D豬潤唔熟可唔可以幫我煲多一鎮 ; 佢話係咁加啦……浸吓就熟 ; 佢死都唔肯，仲鬧返我哋轉頭 ; 比返D錢我哋仲話唔做我哋生意，當時真係好😠攞返錢就走人……冷靜後睇吓隻手 ; 錢又比唔足！以後都唔會再去。你估你真係好好食咩……

20170204--熟食中心就在街市樓上，廣記粥店就在扶手電梯上來的第一間食店，位罝當在當眼處，有賣粥品的、也有賣點心的。我們是吃點心，茶錢$2/位，相比酒樓當然算是便宜，相對地熟食中心也沒有甚麼環境和服務可言。我們三人點了:鴨腳扎--上桌乾爭爭，縮晒水咁，温度微暖，好明顯放了很久，賣相已令人不想吃，味道一般。雞扎--現在還有用豬皮充當魚肚的雞扎??其他配料是豬肚、火腿和雞肉，味道不合格。魚翅餃--有豬肉做餡料，皮也是乾乾的。鳳爪排骨飯--米飯粒爛爛的，排骨不多，也不好吃。糯米飯--份量多，材料有臘腸、臘肉、蝦米等，油膩。埋單:忘了價錢，只記得茶錢$2/位，有部份點心是$15，價錢算是便宜，但食物質素不合格，就算味道不好，也要新鮮熱騰騰吧，每款點心也熱度不足，我會認為是同區點心名次排最後的一間店。除了方便順道到市場買菜和不用等位，沒有可取之處。

說起來，都有一段日子沒去廣記吃早餐了，反正放假，順道去街市買菜。茶位是兩蚊一位，多數顧客是老街坊，所以習慣了自行沖水。雞紮配白飯吃厭了排骨飯之類，轉而要點心再另加白飯。白飯有原盅蒸或是用碗上，個人始終喜歡原盅，包保熱辣辣。而雞紮除了豬皮、火腿及雞肉外，沒有個人不喜歡的芋頭條，豬皮蘸滿汁後夠可口，用來伴飯是一個不錯的選擇。蝦餃不算得上是高水準，餃皮有少許粉質的口感，是搓揉的時間不足，蝦肉有少量筍絲，吃起來有點爽口。畢竟是幾十年老店，有固定的客人，雖然不愁生意，食物依然能保持水準，已經很難得。

廣成由聯和墟搬上新街市後，由於佔據了極佳位置，加上食物多完化，顧客亦是多年街坊，所以生意都比附近的暢旺。近日胃口有點不好，只簡單的要了艇仔粥及蚱両。粥底是廣東粥，米給煲至開花，既香又綿，配料不外乎是魷魚丶豬皮及免治牛肉之類，雖然不至於有驚喜，但亦不會令人失望。炸両是自家出品，但今次油條有點韌，大概是擺放了好一段時間片，下次還是轉炒麵好了。

呢間野不嬲都服務態度差 　　　　　　　　　　前年我係果度叫粥，然後我到隔鄰買蝦餃，所以我便叫佢拿個隔鄰，誰知那個不知所謂的職員好串的說：「只可以係我那兒吃飯」跟著，我便說：「我Ｄ野係那兒，如果被人偷了係咪你賠？」跟著，佢用粗口罵我：「那我不做你生意！」火到來，我以後都不會來這兒吃！

今日見咁耐無食廣記，所以泥食下。本身打算叫粉果。但係見到啲皮爛既 最後無叫。食左雞扎 好咸！入面塊豬皮好鞋口 bad! 好多味精。雞球大包，皮厚！上抬時係凍的。之後叫佢地幫我翻蒸！下次我都係吾系到食！！