廿一前 (已結業)

朋友介紹，所以光顧一試。放題價$198，可添食都只係一般放題的用料，這間加插了炸物及燒物任食，出事就係這個部份，叫了幾款燒物，全部燒得好干加帶燒焦左，失敗。湯底基本只有5款，其他口味就要加錢。炸物尚可以，但都是徧油膩，師傅控制不到，失望。放題任食任飲，但啤酒就要向服務員叫才有，不暢快，其他人非酒精飲品極不給引。一次性的刺身、泰式生蝦，品質非常一般，刺身盆都係一般嘅嘢。這次光顧後最點的敗筆係，火鍋店冷氣不夠凍，越食越熱且汗流浹背，若怕熱的朋友，要認真考慮可否接受到這個挑戰。食到火滾，一張相都冇影，所以請大家見諒。記得帶備現金或者用pay me. 每每都話卡機壞咗。

約左嗰好耐無見既朋友食飯，今次就揀左呢間廿一前，除咗火鍋外，炸串同串燒都係任食，感覺種類幾多元化。座位全部都係卡座，所以坐得好舒服😌。🔎收費：午餐11:30-16:00：$128 +10%晚餐16:00-18:00：$158 +10%晚餐18:00後：$198 +10%全部都係食120分鐘，價錢包括：火鍋配料、肉類同串燒炸串任食。仲有1份刺身船、海鮮拼盤同泰式生蝦。🔎湯底及食物：我同朋友一人揀左一個細鍋，湯底方面，有分免費同收費特色湯底，免費湯底選擇有清湯、蕃茄湯、泡菜湯、豚骨湯同甜醬油湯。我地就揀左泡菜湯同豚骨湯，味道正常，但我覺得豚骨湯偏鹹。火鍋肉類方面質素一般。串燒同炸串反而有驚喜，味道唔錯，但要等好耐先黎，耐到我地以為漏左單，想再落一張🤣🤣🤣刺身船包括：三文魚、墨魚、劍魚、赤貝、北寄貝同螺片。刺身同泰式生蝦份量跟人頭，刺身質素普通，反而泰式生蝦唔錯，非常爽口。海鮮拼盤有蟶子肉、墨魚、盲曹魚片同虎蝦，質素正常，我覺得盲曹魚片最好食，一啲都唔嚡口，魚肉好滑。飲品方面都係任飲，有汽水同茶類等大路野。

本身為咗可以打邊爐之餘，又可以食下串燒、甜品，又見之前又有介紹話幾好，就決定去試依間......湯底諗住加錢揀個椰子雞湯，結果姐姐同我講賣哂，唯有要個花膠雞啦😔😔到點野食，諗住叫下串燒雞腎、牛舌、雞皮.....結果全部都冇哂😒😒😒到見到D肥牛、豚肉、海鮮，全部個樣都唔係新鮮，外觀亦唔討好😫😫本人自問係一個為食、但唔嘴刁嘅人，對食嘅要求亦唔係好高，知道咩價錢食咩質素，但今次嘅體驗真係好差囉

本來約了朋友到荃灣飲茶，但見到大鴻輝中心下面有好多阿姐派傳單，咪拎嚟睇吓，見到間廿一前放題好似幾好，同埋係頂樓，個景應該唔錯，咪諗住試吓，點知.....真心講，如果環境坐係舒服，但野食就真心差，話就話放題，刺身自動嚟一船，入面10片都冇，又再自動嚟牛，猪，雞火鍋料，一盤所謂嘅海鮮，每樣2件，跟住問佢呢啲野食係咪可以再叫，佢好正經咁答「牛，猪，雞同我叫得喇，其他就冇喇」，xxxx張傳單上面話係放題，咁你寫牛猪雞放題算啦，仲有出面自助嘅嘢食真係少到一個點，refill又慢，不過唔怪得佢哋嘅，成個場得3個人做嘢，仲要一個係出面登記嗰個，有x人做嘢咩，最後試埋所謂嘅炸物，我叫6樣有3樣冇，午市就冇咁晚市點呀，啲炸野食左1，2件就唔想食，都係唔講太多，一次中伏嘅經驗啦，我就唔會再試喇，呢個只係我食過嘅意見，唔代表乜嘢，大家自行判斷

第一次有間野令我有衝動寫食評，等大家唔好中伏一入門口已經見到自助bar，選擇少得可憐自己同朋友都可以話係晚市第一轉入去，可以拎嘅食物種類絕對唔多，丸類得兩三款野飲一個窄身雪櫃裝哂，仲要唔凍叫咗個龍蝦湯，個湯就唔錯，諗住出去拎個烏冬個陣先發現，原來係無烏冬！！🤯🤯🤯個刺身「艇」啲刺身見到都唔開胃，出哂水咁，仲要好細份，泰國生蝦直頭係霉嘅，同朋友咬咗啖都唔敢吞！😬😬😬啲肥牛就完全無味，少少牛味都食唔出啲串燒炸串就一般般，仲要叫咗好耐先有，有啲直頭甩咗單甜品真係完全唔推薦，啲cake仔全部都無味，你合埋眼試嘅話肯定分唔到邊舊打邊舊最得人驚係部雪糕機，見到個display竟然寫住二十幾度😱😱😱落樓都差唔多都要成250蚊，真係請我都唔食

Twenty First Hot Pot♨️ Worth Dining🥢..荃灣一間樓高21/F 既火鍋店，可以我俯瞰區內街景🏙，店內亦寬敞整潔，而且食材選料多樣，湯底亦十分足料啊啊啊😍。主打火鍋，但同時亦提供刺身🍣、串燒🍢、炸物🥟，仲有日式套餐，真係夠多元化，一定食得飽飽。今日趁假日來吃個鍋♨️，晚餐時段 $198 (120 mins)。時間很充裕呢，質素亦不差喔。ll：✨新鮮刺身拼盤一客 (Sashimi Platter)✨泰式生蝦配秘製醬汁 (Thai Prawn Sashimi)三文魚、墨魚、劍魚、赤貝、北寄貝、蠑螺片一客刺身船很吸引❤️，當然不能跟日料店相比，但過過口癮都不錯，而且刺身種類都算不少呢。l[火鍋 Hot Pot]l：✨海鮮拼盤一客 (Seafood Platter)蟶子肉、墨魚、盲曹魚片、虎蝦先來一客海鮮盤🦐🦀🐟🐙，質素有驚喜，肉質新鮮，不錯喔。.✨任選5款基本火鍋湯底 (可選鴛鴦鍋)清湯、蕃茄湯、泡菜湯、豚骨湯、甜豉油湯✨or 特式湯底系列：ll (+$98 小鍋 / $118 大鍋）除左一般湯底🥘，餐廳既特式鍋亦很值得一試💕。櫻花龍蝦湯🦞：滿滿櫻花蝦，咸香鮮味十足

❀ 廿一前 #荃灣 ❀❗️可能係我食過最平嘅火鍋放題 湯底超級好味❗️——————————————————位於荃灣大鴻輝，成幢大廈都係火鍋放題，競爭性好大，大家都各施其式去吸引客人。而呢一間最大嘅賣點相信就係超！抵！食！🔥🔥🔥午餐時段只需$128，四點至六點只係$158，而六點後就$198！除咗任食豬牛雞之外，佢哋仲會額外送刺身拼盤、泰式生蝦、火鍋海鮮拼盤，另外亦可以任食串燒、甜品等等，另外不得不讚佢哋嘅湯底真係非常高質！而且環境都幾大，坐得舒適，窗邊位仲可以望住成個荃灣嘅景色✨。.✷𝑀𝑒𝓃𝓊✷☞ 120分鐘午市任食火鍋 $128 (4.1/5)♥ 湯底有五款唔同嘅基本火鍋湯底選擇，包括清湯、番茄湯、泡菜湯、豚骨湯、甜豉油湯，鴛鴦鍋都唔使加錢。不過見佢本身火鍋都唔算貴，所以我哋額外加錢嘗試佢哋嘅特色湯底，加咗$98試櫻花龍蝦湯🦞同埋另外$98是養生花膠雞湯🐔兩款湯底超級高質，櫻花龍蝦湯係我試過最鮮甜嘅湯底，雖然冇龍蝦，但有大量櫻花蝦，所有肉類丸類浸完之後真係會有種鮮甜嘅味道🤩而養生花膠雞湯就有超級多湯渣，有大量新鮮切雞件、花膠、蔬菜等，雞味濃郁，又唔會太油膩🥰兩款湯底用嚟煮麵簡直係世界級！

同朋友諗住就腳搵附近打邊爐，見個評分都正正常常，所以大家把心一橫就試下呢間店，4個人選擇左個黑松露湯底，其實叫果下都feel到伏味濃 但朋友堅持要試 嘩...個湯底其實真係得個油同無味（真係好油），間野有刺身...來到個樣都正常 所以試下，點知腥到要即刻吐反出黎...我都真係未試過入口即吐...其他野食自助 唔算特別新鮮，價錢唔係特別平，地方都已經成個工廠大廈，食物質素都可以咁差...真係賺到佢笑，大家去前自己諗清楚

朋友住喺荃灣區，佢作為地膽，今晚帶我食好嘢。「廿一前」係一間任食火鍋店，位於大鴻輝中心21樓。晚餐時段🕕下午六時後 成人 （$198/位）小童/長者 （$128/位）前菜🐟新鮮刺身拼盤一客包括：三文魚、墨魚、劍魚、赤背、北寄貝、蠑螺片，都很新鮮，沒有雪藏味。🦐泰式生蝦配秘製醬汁一客呢度竟然有泰式生蝦食，一般火鍋店比較少見。自助餐區🍰可盡情享用自助餐區食物、飲品、甜品火鍋🐚海鮮拼盤一客包括：蟶子肉、墨魚、盲曹魚片、虎蝦，新鮮甜美，好食。特色湯底系列🦞櫻花龍蝦湯、🐔養生花膠雞湯兩款湯底都非常濃郁，前者比較Creamy，要注意火爐唔好開咁大，否則容易「癡底」；後者比較清甜，仲有好多花膠同雞件，好豐富。可盡情享用🥩美國特選牛肉🐽特選豬肉🐓雞肉其餘食物仲有炸物、串燒，任君選擇。整體來講，價錢唔貴，食物選擇多，座位舒適寬敞，好評！

近期覺得任食火鍋都唔夠滿足，搵咗一間喺荃灣嘅任食火鍋之餘，同時又有海鮮拼盤加刺身，生蝦拼盤，除此之外仲有得叫串燒同炸物，簡直係卡路里嘅溫床🤩我哋叫咗晚市放題美國頂級牛肩胛套餐($198),湯底揀咗養生花膠雞湯 (+$118)，湯底入面有成隻雞，冇流失雞味之餘，仲有少少花膠味，而湯底入面都有勁多花膠，多到食唔晒😋。火鍋配料款式眾多，任君選擇。食完一輪火鍋之後，叫咗啲串燒食，叫咗燒雞翼，牛舌，燒雞軟骨等等有三種味可以揀，醬燒，鹽燒，孜然燒，我都係揀咗鹽燒，原汁原味最好食😍總括而言，呢間任食火鍋選料多樣，湯底足料，同時亦有串燒刺身炸物提供，啱晒一大班朋友去食🤩ps 依家店舖嘅員工都非常有禮貌同好nice🥰

樓上火鍋真係越開越多🤗經過見到荃灣大鴻輝呢間未食過既廿一前🙌作為邊爐控點會錯過😂今晚選了$ 198任飲任食120分鐘套餐🙌呢個集刺身、串燒、炸物、甜品及火鍋的一頓晚餐😍1️⃣刺身前菜一盤賣相新鮮刺身船😋及泰式生蝦🦐刺身船有厚切三文魚、劍魚、鮮甜榮螺、墨魚、赤貝及北寄貝😜2️⃣湯底我地加錢點的是鴛鴦鍋 $136 🍲海鮮控當然會選櫻花龍蝦湯🦞及麻辣鍋🌶龍蝦🦞湯滿布櫻花蝦😍 湯底十分濃郁❤️未打邊爐已經飲左一碗🤪麻辣湯底鍋帶點重麻香微辣😍香辣順口😋用來涮肉真係一流🙆‍♀️3️⃣火鍋材料肉類有三款☺️美國頂級牛肩胛🐂牛肉油脂十足 牛味好香濃👍日本鹿兒島頂級黑豚🐖薄切肉片油脂組織細緻，口感軟嫩🤗還有特選雞肉好嫩滑🙌4️⃣海鮮拼盤都很新鮮☺️ 蟶子、墨魚🦑、海蝦🦐及盲曹魚片配落個龍蝦湯底完全把鮮度再提升一點😍5️⃣ 串燒大多有三種口味👇🏻醬燒、鹽燒及孜然燒🤗「雞軟骨🦴」不油好爽脆「去骨雞腿排」調味好不油膩唔會燒到太乾「豬肉🐖」半肥瘦好有豬味👍「雞腎」我至愛配孜然粉食左5串😆6️⃣菜蔬粉麵係自助形式🙆‍♀️種類都好多😉個人比較鍾意粗身的芽菜及秋葵❤️7️⃣甜品有八款選擇🥰不過我最鍾意都係食雪糕🍦雲呢拿抹茶唔會太甜😛抹茶味香濃🤩8️⃣飲品有汽水

天氣突然轉冷🥶即刻去咗「廿一前 」食翻餐火鍋暖下身😬.廿一前新鮮刺身拼盤(1客)🐟有三文魚、左口魚火裙邊、希靈魚🐠赤貝、北寄貝、蠑螺片🐚質素不過不失☺️.泰式生蝦配秘製醬汁(1客)🦐生蝦彈牙，配上惹味秘製醬汁，好味👍🏻.鴛鴦鍋🍲櫻花龍蝦湯🦞養生花膠雞湯🐔用料十足🧑🏻‍🍳而且外表亦好好😍2款湯底都好濃郁，不妨一試😙.海鮮拼盤(1客)🥢有蟶子肉、魚片、虎蝦、墨魚🦑用料新鮮😉.肉類🥩美國精選牛肉🐄特選豬肉🐖雞肉🐓幾款肉質煮肉質都鮮嫩，肉味頗重😋.炸物🥢炸墨魚丸🍢炸冬菇等🍄附上黑松露醬同沾醬😌.炸串，有炸芝士🧀牛肉串等🐂口感、味道都係第一次試😆都ok㗎.串燒🔥有醬燒、鹽燒、孜然燒🤔一次過滿足不同口味🤤.火鍋配料區🍥丸類、麵食🍜蔬菜等🥬.沙律、冷盤及芝士區🥗款式上同自助餐差唔多，不過相對少啲😗.飲品區🥤主要係茶飲同汽水🍵.甜品區🍮有各款唔同嘅小蛋糕🍰另有雪糕同水果🍦🍊🍍🍈都幾好味

限聚令有所放緩我就係時候放肆一下食餐好打邊爐一向係我至愛 今次就嚟到荃灣區食火鍋放題座落於21樓嘅《Twenty First》廿一前 兩旁設有寬躺落地玻璃 餐廳設計時尚簡約明亮 環境舒適感覺乾淨衞生 座位寬闊保持適當距離 店員服務態度親切有禮 啱曬一家大細、三五知己同行今次我就upgrade個鴛鴦鍋底揀咗 1️清甜椰子雞湯 ➕ 2️麻辣湯 椰子雞湯夠晒足料，而且味道清甜 （你懂的：屬個人私心推介） 點好湯底，店員隨即有效率地為我哋送上日式刺身拼盤➕泰式生蝦作頭盤小食 刺身夠曬新鮮爽甜 對於一心剩係嚟食火鍋嘅我嚟講 簡直係一大驚喜《Twenty First》廿一前 主打火鍋放題 保證你食到飽 但原來仲有其他日式料理熟食以供選擇 包括串物、炸串、炸物，全部都係即叫即燒/炸，保證熱辣辣♨ 款式應有盡有 最重要係食物質素亦都有保證火鍋配料除咗有食肉獸朋友最喜歡嘅雞肉、牛肉、豚肉任點任食之外，餐廳仲特別為每位惠顧嘅朋友送上「海鮮拼盤一客」 虎蝦新鮮爽口、魚片嫩滑鮮甜、墨魚夠曬彈牙 真係叫人喜出望外 去到半自助區： ▶ 冷盤除咗有日式沙律 仲有你估都估唔到嘅芝士拼盤、莎樂美腸，選擇多到你唔信，唔知仲以

一講大鴻輝就會諗起日本放題或打邊爐，見到「廿一前」好似幾抵食，湯底特別所以決定去呢間試下。員工服務態度幾好，個個都好肯serve 人，因為係第一次去食，好詳細介紹嗰menu，成人晚市火鍋一個唔駛$200，不過只得牛豬雞、串燒及自助bar食物揀，唔知係咪疫情關係，自助bar配料選擇真係好少，而且每款份量都好少，但係食肆內都坐滿9成人，所以都唔敢攞，唯有俾多每人$128升級嗰餐啦，點知特別湯底係另外收費，成件事就變得好唔掂喇，不過最後都叫咗椰子雞湯底。我哋兩個抱住俾咁多錢梗係食返夠本既原則，升級咗既牛豬真係唔錯，雖然好薄但係味牛味豬味好夠，不過每次都只得6塊，刺身有6款，味道新鮮度中規中矩，只是每次落單出菜上枱時間越來越長。海鮮拼盤，魚係幾好味，唔鯹，但係蝦就唔掂，4隻蝦居然2隻係壞，魷魚仔好韌，青口味道怪但食得嘅，所以叫咗第一盤就無咗要喇。當然都有試串燒及炸物啦，揀咗幾款，炸蝦，串燒炸蓮藕，炸冬菇，炸墨魚丸。串燒炸蓮藕&炸冬菇都有啲辣，不過幾好味，唯獨少蝦攪到我質疑自己似食梗炸麵粉，超厚炸粉都食唔裡面隻蝦，所以唔太好食。至於其他配料全靠嗰湯底，只係鵝腸有啲苦味。我未必會再去食，食物味道質

“晚餐時段120分鐘放題”($198)又去咗荃灣大鴻輝搵食😆今次嚟咗呢間喺21樓嘅廿一前食火鍋120分鐘放題🍲呢個餐十分之豐富🤤除咗任食嘅豬🐷牛🐮雞🐔自助區配料,甜品同飲品仲有1份海鮮拼盤🤩當中包括蟶子肉,墨魚,盲曹魚片🐟虎蝦🦐另外入座即會上前菜刺身拼盤,泰式生蝦😍刺身拼盤有三文魚,墨魚,劍魚,赤貝,北寄貝,蠑螺片😋仲未完!因為仲可以畫紙仔點串燒,炸串同炸物😳從來都未試過有一間火鍋放題食物種類多到咁🤑火鍋湯底選擇都好多我就要咗加錢嘅櫻花龍蝦湯🦞同養生花膠雞湯🐔花膠雞湯超足料😆有大約4件花膠,超多雞件,蟲草花,豆腐,小棠菜,蕃茄🍅另外個櫻花龍蝦湯幾creamy幾香龍蝦湯味我就鍾意呢個多啲😝各款食物質素都唔差,絕對冇hea你特別係啲串燒同串炸😋仲要可以食足2個鐘真係飽到上心口🤣