張煥記

營業中

休息中

大埔墟新街市早餐,盛惠32元加1蚊杯熱飲可轉大杯裝，茶走👍菠蘿包火腿煎蛋，咸甜夾雜，入口夠熱有比較下，環境及餐具都相對較衞生（玻璃杯上，比起隔離舖的千年膠杯，完勝👏👏）做熟客生意，茶客之間也熟絡店員記得客人名及有連續性話題，一個人嚟也不孤獨，難怪大家也不介意搭枱麵餐:出前一丁/拉麵/烏冬等都不需要額外收費，下次必試。二揀一餸，可以揀雜菜👍#張煥記#茶走加大，夠濃厚及香滑#菠蘿包唔一定跟牛油嘅

今日試咗呢一間大埔熟食中心上面嘅茶餐廳，坐低問個夥計有乜嘢好食，佢竟然推介我食豬扒烏冬，心中一寒，我梗係冇聽佢話自己叫咗奶醬多同埋熱奶茶啦，因為我覺得呢兩樣嘢係最能夠代表茶餐廳嘅質素。佢杯奶茶係好飲嘅，奶味同埋茶味嘅份量都OK，唔會只有奶味冇茶味又或者相反，杯奶茶入口都夠細滑。奶醬多就有啲強差人意，一句講晒就係求求其其，多使用嘅麵包係普通方包我唔介意，但係烘得唔夠乾身唔夠脆就係多士嘅大忌，另外唔好睇小煉奶同埋花生醬，煉奶嘅份量唔可以太多，否則會整林晒件多士，另外煉奶都係偏甜，如果太多嘅話真係頂唔順，相反花生醬就要多啲，如果唔係咬落去嘅時候真係冇乜feel，尤其是係邊緣位置。呢一間嘅包唔得而且花生醬太少，所以係令人失望嘅。

為食既我又黎啦。今次又係係街市搵食，同上次一樣，都係試下煉奶西多士上次試左其中一間，上網找尋一下，原來還有這間西多士都是煉奶的。今天下午兩點多到，都幾多人。好彩職員姨姨都好熱心咁搵位俾我。其實都唔需要睇餐牌，一心唸住食西多士加熱奶茶。西多士落單時問了有無煉奶，姨姨答只有煉奶，咁就放心了，其實還有花生醬，我走了花生醬，變了只是牛油煉奶西多士呢。坐了一陣好快就到了。已經切開曬，都不需用刀，不過賣相麻麻地，只有幾枝叉仔，好難搽牛油。不過因為熱的關係，牛油好快溶入了面包當中。味道其實不錯的，足夠的蛋香，只是下次應該要用刀把牛油搽得均勻比較好呢。另外，熱奶茶都幾大杯。身為奶茶控，必試的。不過真的失望，因為這杯奶茶太澀了，唔滑，糖又要落得比較多。飲了一兩啖其實已經唔想飲，但好似好浪費，所以都飲了半杯。

因有選擇困難症，每次去到大埔熟食中心因有太多選擇，都唔知揀邊間好，但次次靠睇門面或食評入到去，最後都失望而回。今次終於無揀錯，所以要寫食評，跟別人分享我的成功經歷。兩碗出前一丁公仔麵充滿麻油香，連菜也有麻油香味，跟其他地方食的確有分別。奶茶香滑，芝蛋治純粹是個人的喜好，沒有驚喜，也沒有失望。煉奶西多士應該是這店的招牌食品，有特色亦好味原本無打算叫的餃子，但看到餐牌推介，便試一試，怎知一試難忘！外面炸得脆而不硬，入面是韮菜饀，夠入味，必食之選一家四口的午餐，便宜！

搬左去大埔差唔多一年，老公話大埔美食多，起初覺得佢吹水兼浮誇～住落就真心認同🤗就講下大埔街市，2間豬扒麵出哂名！但偶然會覺得成日食炸野太熱氣，而且得豬扒好食但麵底唔太合脾胃～老公係大埔友，細細個開始食張煥記，一經佢介紹～我簡直食到停唔到😛😋我嘅例餐：雜菜豬扒出前一丁，熱奶茶～承惠35元Only！(補充：凍飲同出前一丁都唔洗加錢！個餐仲要全日供應！)實在係假期訓到自然醒、過左11點早餐之選！講多無謂～大家睇下d雜菜🙊中意食菜嘅人一定啱食👍🏻除左菜，仲有冬茹絲、蘿蔔絲、炸菜等～～先飲啖湯底～老闆唔係用出前一丁包粉，係自己用豬骨煲嘅湯底！真係好好味！好值得讚😍除左出前一丁，大家仲可選擇拉麵、米粉、烏冬等等⋯⋯通通唔洗加錢！講埋塊豬扒～絕對唔比鄰鋪遜色！外層無厚厚嘅炸粉，肉又夠哂味，唔會太硬～只係偶然會係凍🤔不過佢唔算油，浸落d湯度食都唔錯😁奶茶方面茶味比較濃～但都夠滑，係唔錯嘅選擇🤭順帶一提，佢杯凍飲好大杯，唔洗加錢真係超值🙊中意食西多士嘅朋友可以一試～件西多士暫時係我食過最好味嘅😊但每次都心急食所以無影相🤣

大埔墟街市的熟食中心，向來都是區內的美食集中地。這一個熟食中心的初型，是由廣福道橋頭的熟食檔群體開始；清折後，就搬到去那臨左幾十年的臨時街市內；新街市落成，大部份的老字號都繼續為區內外的大家，提供大埔的老味道。是日的週末早餐行，又來到我們熟識的熟食中心了。本來，我們有食慣食熟的一、兩檔。可是太太喜歡的，有素食粥品提供的店沒有營業，我們只好轉移陣地。咁，我們又好奇，心想不如去一末去過，或超過 N 年沒有去過的食店，而《張煥記》就是我們選中的茶檔。 街市的茶檔，其實同一般的茶餐廳無異。有好多街市茶檔的食品已經非常之多元化。不過，也有一些依舊很傳統，最多煮個麵你食下的茶檔。而《張煥記》，也就是其中一間，最多煮個麵你食下的茶檔。早上的一餐，我要的是豬扒餐肉公仔麵。說味道，這是出前一丁的味道。因為此店全用出前一丁麵，湯底多了種熟識的味道，雖然是家中煮麵的那一種味道，但係人地煮俾我食架喎，哈哈。總之，有丁麵湯底而且不需要另加錢，是一個小小的 wow。再者，有完整的一片圓形餐肉，有許多的菜，感覺很豐富。此外，另上的豬扒入味，入口感覺很爽脆，肉感非常之實在，而且邊位也有剛剛好夠味道的肥肉。這扒，煎得香

來到大埔墟街市熟食中心搵食，本來想幫襯三小姐，突然想起午市不開。所以最後找了這一間試試。第一次午市來熟食中心，原來都很多人，每一間食店都近坐滿。這間食店午餐很便宜，35元一份，有面食有嘢飲，我再叫了一份多士但是除了便宜外，嘢食不見得特別，但是有餃子有墨魚丸，真的很抵食，絕對可以填飽肚子。奶茶很大杯，店員也很好人。雖然位處於街市內，但是沒有異味，街坊都很喜歡來幫襯，如果下次再來大埔，也可以試試其他食店。

第一次食呢間，因為見佢招牌寫左「咖啡」，「奶茶」，所以我估佢呢兩樣應該幾出色。叫左雜菜豬扒米（轉丁），凍奶茶走甜。👌🏻雜菜有紅蘿蔔絲，冬菇片，榨菜絲，椰菜，唐生菜，有心思，不過好硬😂👍🏻另一有心思點係佢既辣醬，佢自己用新鮮指天椒同其他配料調出黎，比一般茶記辣醬辣，但好味👍🏻👍🏻👍🏻凍奶茶好大杯，我諗有一般茶記既2倍，茶膽5會撈到好苦澀（可能無撈茶葉），飲落個味ok，不過如果鍾意茶味重d，可能未必岩您👎🏽豬扒雖然份量ok，但凍左💀炸粉「淋」左，味道亦5突出，好一般轉埋丁先35蚊落樓，性價比中上水平，不過我下次可能淨係要杯凍奶茶算了😂

其實係想食隔離嘅炸豬扒,不過嗰邊full咗,咁就坐呢邊食少少嘢先.果占多士餐,果醬搽晌烘底麵包上再夾起,無乜技巧嘅食物就最穩陣.奶油豬仔包餐,豬仔包烘得外脆內軟,煉奶同牛油嘅份量對我嚟講足夠.我哋份餐仲包飲品,熱奶茶同凍奶茶冷熱同價,比外邊嘅茶餐廳抵飲,可惜茶味同奶味皆稍淡.

張煥記凍熱奶茶夠味香濃好好飲，食物制作快，節省客人時間，炸豬扒丁，鹵水雞翼好味道，老闆招待好親切，有講有笑，還親自介紹自家制辣椒橄欖油給顧客享用，辣油果然與別不同，環境打理清潔乾淨。相比起李X的難飲奶茶及惡男劣級招呼，張煥記真係值得一去再去！

踩單車前搵食蛋牛治烘底+熱啡包烘得唔夠脆，不過個蛋牛好足料好香唔咸，最細心係分四份，容易食咖啡好香滑，夠熱，唔會酸兩餸面，係真正出前一丁煮得岩岩好，好爽餸就揀左腸仔，漢堡扒，普通冇特别生菜非常新鮮最特别係可以揀鮮奶，係唔加錢嫁最正你呢個西多切開九份，每份都可以充滿醬汁佢係用鍊奶，花生醬，牛油真係好好味😋

真的是我第一㳄來大埔街市，因今天要往大埔一行，早點來到就上街市吃過早歺，原來位置相當易找，亦是大埔的地標。我隨處望已有位嬸嬸叫我坐過來，食物好快到，一望就見到是專賣奶茶多士，正合我心意，因不想吃得太飽。其實比一般茶餐廳等得耐，多士烤得時間得宜，我叫了蛋牛治，蛋香而碎牛鬆化，沒有太多根，多士香脆新鮮出爐！而奶茶的確濃郁香滑，不宜加太多糖，飲出茶味出來，口感不錯！這裡是街坊人情味濃，包括價格平宜，下次會再來

來大埔街市買野，買野前先到熟食中心醫肚。一行六七人捃位其實不太易，所以都要等一陣先可以有張大檯當中有數個都係ＯＲＤＥＲ茄牛粉，但我果碗茄牛通無乜料....碎拾拾得好少牛肉同蕃茄但我望下隔離果兩三碗，蕃茄同牛肉的份量都差不多ＤＯＵＢＬＥ我果碗 之於味道，蕃茄味不足.... 熱檸蜜奶醬多同鮮油多 不過不失

這一天的早上，我們來到大埔食早餐。時間充足的一天，我們決定上來大埔墟的街市熟食中心，享用美妙的早餐。永遠地，我們都會坐在《發記粥品》的地頭，習慣了也幫襯慣了。然而，為食的我會到處尋找一下有什麼其他的好味道，不過，來來去去都只會考慮幾家自己熟識的，細細個已經食的老字號。這一次來，想找找一些屹立了在街市多年而我又未食過的茶檔小食，就近發記，我先試一下這一家《張煥記》。細心數一下，大埔墟街市的茶檔絕對不只是一至兩間，但我從來只慬光顧兩至三間，總覺得，我一定要 explore 一下，看看有沒有兒時已經 miss 左的美味。這一天來《張煥記》，早餐就簡簡單單的來一個公仔麵，沒有豬扒、雞扒，也不想單是吃五香肉丁，我就雙併地來一客漢堡扒肉丁公仔麵。這一種公仔麵，可以說是最最最簡單的麵之一，肉丁同扒都是製成品，不需要什麼功夫，湯底不用美，因為有五香肉丁的味道搭救，好的只可以說，漢堡扒的油份不高。再說奶茶，濃度是夠的，不過感覺上未夠香口。簡單一吃，未見真味，但與同場的其他老字號相比之下.....也許，我食慣了其他。

五月中旬•炎熱是日全天在新界北工作，當中一站，來這邊吃點東西。但無論在這裡吃什麼東西都好，只要在這檔口附近，也要在這裡買杯熱咖啡。濃，不滑。苦，不酸。熱度夠，不會給大家在肯雅草原奔跑的感覺，但提神。至於吃什麼，另文再談。