強記小食

營業中

休息中

強記小食最近再食葵芳A出口附近一間掃街美食，「強記小食」住喺葵芳應該無人唔識，永遠都排哂長龍，星期日仲會休息唔開門，大家要記住啦！1.牛肉$13一串(9.5/10)今次叫咗兩串牛肉，每串都有三粒牛肉，牛肉無咩點變，一樣入面有馬蹄粒，反而辣醬變咗少少，辣醬無咁辣，亦都甜咗少少，今次食完無辣到流鼻水！🤣🤣🤣2人總共價錢$26個人口味總評分：9.5/10 地址：葵芳港鐵葵芳站A出口轉右Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#強記小食 #葵芳 #葵芳好去處 #葵芳美食 #掃街美食 #燒賣 #牛肉 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogg

記得係A出口；去到見到一條短既龍，就知搵啱地方了！燒賣唔算大粒，正常size, 但燒賣唔夠熱，所以入面覺得有d 硬既，燒賣皮都硬；咁買串魚蛋，嘩正，有驚喜，個辣味啱啱好，個汁好香，絕對可以encore!

個人比較鐘意豬皮，魚蛋就細粒咗啲，牛肉球就一般貨色，八爪魚都正常，其實都係食個汁，如果鐘意食辛辣可以加辣，喺會食到滴汗，口痕可以一試。食物正常，價錢合理，見評語有讚有彈，服務態度我唔覺得特別差，可能啱啱開檔未見佢哋太忙。

真係又平又好食😌以前朋友推介我食呢度嘅魷魚，一定要加辣我本人就唔係特別好魷魚，但係食完個辣汁之後真係返唔到轉頭😍於是就變咗常客😂😂😂個辣汁真係配咩都好食，辣得來又唔會好過火，非常過癮同埋惹味放工嘅時候有時都幾多人排隊，不過梗係好快就排到啦🤣🥰 燒賣$8，5粒正常質素，超抵食，大大粒，又唔會好多份嘅感覺，都幾彈牙👍🥰 牛筋丸$12，3粒第一次試嗰陣簡直超乎我想像，有水份，扎實得黎又爽口，未試過咁好食嘅牛丸🥹

雖然佢隱身於葵芳站後巷 但經常都大排長龍😚 今次見條隊短D,決定試試去(⁎⁍̴̛ᴗ⁍̴̛⁎)陳皮魚蛋$8魚蛋好彈牙 不過就細粒咗少少如果可以大粒啲 咁就更好啦佢哋既辣醬相當馳名 可惜最近戎緊口 只可以叫少少辣🥹唔夠過癮～少少辣都輕微感受到火辣滋味 希望下次可以叫正常辣 挑戰味蕾❤️‍🔥燒賣$8 魚肉口感都幾分明，蒸完出嚟熱辣辣😚屬正常水平，無話好特別～甜豉油沾少少好了，因為沾太多太甜會完全掩蓋魚肉味道👅，

經過葵芳地鐵站10個有9個人，都喺褲袋度撳緊銀仔就係去後巷食呢間強記小食 😂咁多人幫襯，排長龍就梗好彩哥哥同姐姐動作手腳都好快態度麻麻就預咗 不過代入吓如果自己一直咁快速工作 俾我都會黑面反面對於我自己嚟講只要食物好食同埋有速度就夠了牛肉球$13 一定要加辣汁 會好食好多一串三粒大大粒口感係實滴滴嘅，唔似普通茶樓食到嘅好少喺香港食到呢隻牛肉球必試！陳皮魚蛋$8陳皮魚蛋味道好出細細粒 口感煙靭彈牙 再沾啲辣汁更加惹味今次無食燒賣，燒賣都好好食🤤未食過嘅，經過可以去試吓最傳統最原始香港嘅味道完勝葵廣其他食物😂

朋友話呢間小食店去葵芳必食講到咁緊係要試試佢啦一出地鐵站就見到條人龍相信冇去錯地方✨牛肉球 $13三大粒牛肉球 份量好足料咬落去質感較厚實偏彈牙同平時係酒樓食開既牛肉球好大分別加埋靈魂辣醬個味道更加昇華辣得黎又會想繼續食星星推薦度：⭐️⭐️⭐️⭐️⭐️/5✨燒賣 $8一串有5粒 都幾大粒質地煙韌，有魚肉味冇粉感同靈魂辣醬一齊食真係辣得好過癮食完辣味係口腔維持左至少有5分鐘星星推薦度：⭐️⭐️⭐️⭐️/5🍀如果對衛生要求比較高既朋友, 可能呢間小食店就未必咁岩你地下比較濕滑同埋附近有個大垃圾桶環境唔算太好

地獄級嘅對客態度。問多句，邊隻係小辣咁都要俾你鬧都應該係家族生意嚟㗎啦，如果唔係冇可能請咁嘅伙記，一副食就食，唔食就過主嘅態度，直頭好似對住仇人咁環境惡劣，每次放工經過，地下又濕立立收完錢直接同一隻手拎啲食物去蒸爐以前試過咁啱開檔時間，啲嘢未熟都照賣啲魚蛋得個硬字水魷冇味，牛肉&燒賣難食，牛柏葉普通好難得係每一樣嘢都難食係個豉油汁嘅味道叫做唔錯，曾經見過啲評論話辣汁係唔錯，不過我就覺得太辣環境差，唔緊要，預咗食物差，都冇所謂，最多唔食態度差，真係差到要奉勸啲人唔好再試佢👎🏼👎🏼👎🏼👎🏼

放工就係心思思成日想食d小食先返屋企晚餐，話晒都搭成個鐘車，有時間消化😂葵芳呢到好多小食店，燒賣都有好幾間，但講到最正燒賣一定係強記，見到條人龍就知佢咩料，配埋豉油，完全唔需要加辣油都好味！今次試埋豬皮，勁爽口，但有一塊比較硬😅總括燒賣真係正👍🏻

我買兩串燒賣一串辣一串唔辣 左手拖住小朋友加拎住錢 我話可唔可以幫我將兩串放埋一齊 因為我冇手我要拖小朋友又拎住銀包點仲要分兩隻手拎兩串燒賣 ？個呀姐態度幾好話我唔敢掂你野已經唔係一次差態度 上次比少左串牛肉我 我好心提過男人個男人即時黑面話我唔係唔比你遲比姐 擺明唔記得左啦仲要串嘴呢下先火起唔知佢幾時執呢 差成甘 環境又污jo 個d食物由地下個桶拎上個架到蒸 有時人多蒸唔切燒賣都唔熱 除左個汁係夠辣有少少加分 我真係唔見佢有咩好

我知食串幾蚊燒賣都冇咩要求，無啦啦幫我串燒賣放咗落沙嗲度，我咪話要普通鼓油就得。跟住個呀姐就話下次唔使講咩鬼要辣汁嗰啲，大佬呀，我冇講喎，跟住入面個哥仔就拋左串燒賣去碟萬年豉油度啦我成身，係呀，成身衫褲鞋都係有講左兩句唔好意思嘅..話唔小心甩手嗰刻我都覺得嬲㗎，但人地唔小心姐但之後唸返，呢份工係真係咁困難？應該都幾難唔小心拋去個碟度最後客觀講，燒賣質數6/10啦，正常嘢哥哥仔，希望您呢一世都keep住咁嘅工作態度👍🏻

強記小食，魚蛋ok，燒賣真心唔好食，職員態度就同現今香港的士業有得媲美咁親切，可能係學左五条悟老師嘅「無下限術式」，態度一樣「無下限」話說今日2024年5月28日放工經過買左一串魚蛋一串燒賣醫肚，串燒賣阿姐拎俾我時求求其其浸佢桶豉油，攪到最後一粒浸唔到仲係白晒晒，我望左佢枱面又無額外豉油樽比我補飛，唯有打算好似阿姐咁成串快快手再浸浸個豉油桶加啲色，依個時候入面睇場個金髮中年一個隔手用力推開我隻手，再用一把叫你過住聲線講左句「你當自己屋企牙？要就開聲啦！」，拿，行過路過仲要後巷舖污污糟糟嘅地方食串魚蛋燒賣，本來就都預左俾啲下等服務架喇，甚至乎粗聲氣啲對我講句「唔好自己浸豉油」我都好OK，始終每檔街邊檔都運作唔到，不過當你選擇同啲客激情交流，鬧啲客話我當左佢檔污糟邋遢嘅巷仔魚蛋檔係自己屋企就真係「江華JPEG」對自己太有自信喇，，阿老哥你仲要著住件寫住大大隻中文字「多多指教」嘅Tee開工，我都覺得你好有喜感🙃係呀我係話你呀，金髮中年，開工鬧客呢就真係無問題架，做香港飲食業有邊個唔係一路用一幅「食定唔食唔食就咪食快啲過住咪阻住晒我吉住間舖無生意咁玩手機」嘅面口對客，一路又鬧啲香港人唔消費啲客

一直以來都好鍾意食強記，啲燒賣入味而且沙嗲醬好食，但係前幾日去的服務體驗奇差，無端端俾人鬧咗一餐，因為對方冇問我要咩汁就比唔辣嘅，但咁啱我想要沙嗲醬，諗住補錢買多串但無故俾對方串，話教我點樣講嘢：(，but⋯⋯我係消費者，又黑面。雖很好吃，但因服務態度緣故也不會再光顧了。（利申一肚子氣所以唔記得影相）

呢間喺後巷嘅小店每日都見到好多人排隊聽聞佢嘅辣醬好好食✨⇢🍢 山竹牛肉 $13呢款牛肉球質感好厚實好彈牙唔會好似酒樓嗰種牛肉球咁淋每粒都好大粒 食一串都幾夠飽記得要落辣醬 惹味好多🌶️⇢ 見到好多人都會叫燒賣魚蛋有機會可以再試埋呢2款🤎❀ 食物：8/10❀ 性價比：8/10❀ 環境：-/10

平時經過勁多人排隊，今日見人不太多就排下隊， 買咗咖哩燒賣同魚蛋各一串共$16，如果鍾意食辣,佢個辣真係可以食到嘴唇麻痺呀😆， 個人認為燒賣幾好食嘅，幾彈牙😋，但魚蛋就唔得啦太細粒，無咩質感🥲。 下次試下其他嘢先