形 (MPM文華商場)

營業中

休息中

咁啱睇開OpenRice發現咗原來旺角開咗一間酒吧啱晒一班同事朋友放工去happy hour，各地方仲要非常就腳喺正朗豪坊對面嗰個文華商場。估唔到呢間酒吧面積原來咁大座位好多望落都乾淨闊落，入面仲有得玩掟飛鏢同埋桌球，同平時一般酒吧唔同。食嘢方面已串燒飲酒為主我哋叫咗兩杯Cocktail，份量都幾大杯都算抵飲。每台都會有小食蝦條，之後我哋叫咗吉列炸蠔、蒜香燒帆立貝，呢個超推介，一上台就聞到陣陣蒜香，帆立貝都大隻肥美。之後點上唔同嘅串燒有燒牛舌、燒雞翼、燒五餐肉、鴨舌。再配上孜然粉同七味粉好惹味，另外在點了燒秋刀魚，如果大家唔夠飽佢都有主城係飯俾你點不過我哋飲酒為主所以冇額外再叫得太飽肚，整體環境不錯。

收工行開朗豪坊果頭，朋友話想飲下野，發現隔離文華商場樓上開左間新酒吧，索性上去碰碰杯啦。裝修都好唔錯，空間夠曬大，配埋超大投影，同朋友一齊傾偈飲野，都十分輕鬆自在。廢話少講，上主角-cocktail。事關有檸檬，個人感覺可能酸咗少少，但系都仲OK，賣相都相當唔錯。酒又豈能少得串燒相伴？事關夜啲仲要翻屋企食老媽子餐飯，肯定唔可以叫太多啦。睇menu價錢都相當親民，同屋企樓下差五多。雞翅燒得真系好有水準，皮脆肉嫩，燒烤粉及孜然味攞曬分。魷魚須竟然都燒得好入味，好難得，咬落唔韌，唔錯。牛舌好辣！但系竟然好有牛味喔。牛肉有少少韌。豬豬Family，五花腩肥而不膩，皮都系脆噶，真心好食。豬頸肉唔會好似牛肉甘韌，依然夠惹味。最後系蒜蓉雜菜，都好大份下，錫紙包住燒，好有自己燒噶fell，蒜蓉味好足。

係香港除左酒吧，我都五知道有咩地方係可以有歌聽，有酒飲又有好野食，仲可以同同事傾下計，hea下既。聽朋友話呢間鋪頭的串燒好食，就自己放工同距一齊來試下。開始我以為只係一間普通既餐廳，點知入到來感覺好似去左K房，場上有個大屏幕，有MV 睇有歌聽，可以舒服甘坐係隔離滴沙發度hea，都几享受下。來到梗係要試下滴野食啦，叫左滴串燒同娃娃菜，又加杯野飲。本人容易醉，第二日仲要翻工，就都係飲翻滴無酒精既飲料啦。叫左杯蘋果冰沙，上來擺杯好靚哦，仲有幾片青蘋果，不過有滴酸，但係蘋果冰沙就五酸，好好飲，甜度適中，仲會飲到蘋果粒粒的感覺，第一次飲甘好味的冰沙。滴串燒一上來就聞到香，最鐘意個燒雞翼，好有自己燒烤的風味，腌得又夠入味。實在想食多几只。其他的串燒都燒得剛剛好，味道不會太鹹，好正宗的自家燒烤。

最近天陰陰經常落大雨，想搵啲美食去令自己心情好啲。咁啱同朋友經過katachi, 見到環境唔錯就入咗去串一串🤣一聽到餐廳嘅背景音樂就覺得呢一間餐廳好有品味， 仲有個勁大嘅電視機🤩講返食物，呢度串燒可以揀原味/麻辣/ 香辣，辣度就分左大中小辣我哋叫咗好多串串左起：雞翼尖 五花腩 雞肉 牛肉 羊肉 牛舌我個人非常推介五花腩，因為入口個種肥美軟腍，肉帶焦香🤣真係令人難忘！仲有花椒味同孜然味真係天作之合！羊肉串同魷魚串同孜然味真係好夾🥰 , 火喉剛剛好，香口又juicy ！廚師彷彿是最瞭解雞翼尖的人， 因為佢將雞翼尖嘅雞皮燒烤得非常香脆！ 🥹牛肉串同雞肉串就正常水準食咗咁多串串🤣當然係要叫返啲蔬菜🥬去減低罪惡感😈我哋點咗呢一個娃娃菜，少少孜然味吊起蔬菜本身嘅鮮甜。呢杯係有酒精嘅飲品，但係溝咗可樂飲落好順口🤩當我寫緊呢一個食評嘅時候，我又諗起嗰種四川麻香，嗰種香氣撲鼻，真係好想快啲再返去幫襯🤣仲有，呢間餐廳坐得好舒服，環境好chill, 好啱同朋友傾偈吹水

今日和朋友去了旺角一間好有格調的串燒店Katachi ！串燒整體質素不錯，表面燒烤得很香脆，唔會乾，啖啖都非常Juicy ，食得出廚師功力十足🤩我個人好喜歡魷魚鬚，因為食落好juicy, 食得出有好多孜然粉！最令我難忘仲有牛舌，因為我真的很喜歡和牛💋好香孜然味，花椒味都好重，所以食落嗰種麻辣感覺好正！另外，豬大腸我哋都好推介！因為一舊豬大腸就可以食得出呢一間餐廳處理食物是多麼的細膩😍完全冇羶味，外脆內軟，真係好食到停唔到口！司華力腸足以滿足我嘅肉肉子朋友！味道都不錯 ，補充熱量嘅最佳選擇！我哋仲叫咗個茄子，嗰種蒜香同孜然味，依家諗返起都食指大動🤩呢間餐廳嘅飲品好開胃，越飲越想叫多幾串燒食！另外呢間餐廳入邊有桌球枱， 真係好啱一班朋友食完串燒之後打返鋪🤣🤣 係朋友聚餐嘅最佳選擇！

聽日咁岩係Dayoff，今晚就做啲好耐冇做過嘅嘢—唱K唱K之前都想喺附近搵間餐廳食下晚飯，飲下酒於是就嚟到呢間位於旺角文華三樓嘅「形」入面嘅裝修好大好舒服，仲可以望到開放式餐飲吧位我鍾意一路食嘢一路睇住製作餐飲入邊都有唔同酒類提供，有Cocktail亦有Mocktail啱晒happyhour嘅時光亦有非酒精飲品提供嘢食方面，都係佐酒小食為主，我都想嗌啲串燒，飲酒一流餐廳先來一道餐前零食好啦我哋嘅串燒到啦有炸燒賣、烤香腸、孜然粉雞翼尖、香烤豬肉串燒，同埋椒鹽燒雞全翼樣樣都係我最鍾意㗎！有我最鍾意嘅炸燒賣同埋烤香腸，好耐冇食過真係一飽口福淨係燒賣都炸得好彈牙好好味豬肉村整得好熟，但咬落去醬汁完全散發晒出嚟，亦都好軟熟我好鍾意孜然粉雞翼嘅味道，好有土匪雞翼嘅口感令人回味無窮最後來杯Cocktail Sun of the beach, 好友夏天嘅氣息，餐廳特意製作，好有心思。每一層都有唔同嘅味道，最底層嘅藍色係糖絲嘅甜味，黃色係梳打，混合埋一齊嘅時候就好有清新嘅氣息！無論係外觀定係味道，我都好欣賞佢哋所沖制嘅飲品，簡直係天衣無縫值得一來，因為佢哋真係好俾心機，除咗食物嘅質素好之外，佢哋嘅餐飲都

今天放工去買運動用品，順便在旺角食晚餐。由於不是太肚餓，所以我們決定去一些小食餐廳，飲返兩杯就夠了。這間餐廳的串燒有很多選擇，最好的竟然有蔬菜一欄，睇落健康啲。在等緊嘢食的時候，會給我們蝦條小食，它們的蝦條零舍不同，比較上原味，沒有額外調味粉，食落不會太油膩。美女侍應問我們喜歡飲什麼，我由於年紀大了，不想飲太甜的酒，所以美女侍應十分有禮貌又有耐性去推介不同的酒，甚至說會告訴調酒師減少糖漿，十分貼心。想不到調酒師真的講得出做得到，這杯酒飲落去雖然有乳酸有沙冰有荔枝的感覺，但一點也不覺得甜，反而十分清新， 十分配合濃味的串燒。我叫了原味的雞翼尖，尖端位置燒得脆卜卜，入面有保留到本來的肉汁，幾重感覺。腸仔煙肉適合喜歡肉類的人，因為入口啖啖肉。我最喜愛的還是成隻雞翼，因為用串燒製作而成的雞翼是十分有風味的，上面輕輕的調味粉在雞皮上形成了脆口的感覺，但是咬開裏面肉質依然沒有很乾。最後如果覺得全晚淨係食肉類食串燒太多的話，可以學我叫這個蒜蓉雜菜，這樣的烹調方法令到所有菜都十分入味，就算一個不喜歡吃蔬菜的人也會清晒一碟。

‼️隱世打卡酒吧‼️原來MPM里邊有間咁靚又有feel嘅酒吧!超高嘅樓底令空間感十足，仲要有個勁大嘅酒櫃俾人打卡!好正呀!!!最正係佢未係好多宣傳，所以暫時都未係好多人去，所以我去個晚得5組人去relax🤣有安全距離又唔怕嘈到人！仲要有啲high table gum坐得勁舒服😚野食，佢地主打串燒嘅！價錢大概$10-$50就有喇！！可以話係平嘅！！我地試咗•金菇肥牛卷•豬大腸•茄子•芝麻雞翼•雞肉•免治雞肉串•羊肉•牛肉•豬五花腩•魷魚鬚其中金菇肥牛，豬大腸，免治雞肉串最得我心！勁多孜然粉將串燒味帶出黎😍以為金菇肥牛好乾，點知又好juicy wor入面！豬大腸外脆內chewy!!好特別口感😆茄子勁大條🤣若果多啲蒜蓉會更加好食🙈不過有孜然粉同埋辣粉都撘救到！好食😋飲品方面叫咗個lychee paradise 同 summer ocean!!2個都超啱打卡‼️🤣🤣🤣尤其是summer ocean個色超吸晴☀️貼心位係，等食嘅時侯有蝦條係度俾你食😆😆新鮮！脆嘅！放工同朋友同事去飲番2杯真係正㗎👍🏼

係旺角行完街, 想搵個地方攤抖下, 就黎左呢間樓上串燒酒吧, 餐廳非常闊落, 絕對係同朋友飲酒吹水既好地方! 可以接個人喜好選擇辣既程度, 而且亦都有原味/香辣/麻辣! 另外, 客人仲可以不斷refill蝦條, 味道偏濃, 但愈食愈過癮司華力腸 $18: 非常巨型, 燒得好脆皮, 師傅落左香辣粉, 食落去真係好香口, 呢個係串燒必點之一!豬大腸 $25: 完全唔覺得好有騷味有臭味, 師傅亦燒得好香口, 有少少焦香既感覺, 再落左麻辣粉, 令味道更加突出雞肉 $16: 食落去好嫩滑, 俾左雞脾肉我地, 再落埋香辣粉一齊食, 令雞肉既鮮味更高一個層次~So far, 呢間串燒酒店真係夠晒chill, 入面除左食野飲酒之外, 可以打埋桌球+扔鏢添架! 所以去酒吧既話, 唔一定要出尖沙咀, 過黎旺角又何嘗唔係一個good choice?

原來響文華中心入面開咗間咁靚嘅酒吧🤭啱晒放工嘅時候成班朋友一齊去飲relax!!佢樓底勁高，好有空間感亦好modern❤️❤️舒服！坐位亦比普通酒吧舒服好多，有卡位sofa!!超啱一班朋友傾偈玩！！坐低叫咗野食店員就會送咗碗蝦條黎！係脆㗎🥹🥹好感動！！叫咗一個mocktail 同cocktail 🤣Lychee paradise相對甜小小！！不過賣相好靚😍朋友叫咗杯Summer ocean超打卡able!!佢杯底有好多果肉，係用菠蘿汁再加syrupy 嘅！！所以會甜小小嘅！不過真係好靚😍😍😍😍mix咗一齊仲夢幻添😍😍佢主打食串燒嘅！！我地一共叫咗9個🤭其中雞肉，金菇肥牛卷同豬大腸最深刻😍😍一大串！！有gin燃粉！好勁！啲金菇以為佢好乾，但入面超juicy!!!!!一個人食哂4舊都得！ $18咋！超底食！！！免治雞串都超好食‼️同樣$18外脆內軟！入面仲有雞軟骨添，增加口感！必叫！如果你都係chewy控就必叫！！外脆內chewy!!!脆卜卜，入面好似芋圓一樣好好咬口！！！仲要份量超多！！😍😍😍仲有超大嘅茄子！！好香！！好正！❤️❤️🥳

Happy Friday, 自己一個去左旺角行街shopping，行到攰攰地，搵左個地方坐下chill下小食＄20等緊d串燒 有碗蝦條食下幾爽橙汁＄38食串燒必點 飲完感覺冇咁heavy魷魚＄18好爽好鮮好入味雞翼＄18 （2隻）好juicy 裡面d肉好滑雞肉＄16好滑唔會燒得太乾牛肉＄18好多肉汁 正呀豬頸肉＄22燒得好香 爽爽ge 唔太肥 五花腩＄18好香口 唔會太肥膩豬大腸＄25我最鍾意食豬大腸 燒得超好 外脆內軟 100分正雞軟骨＄25 （2串）好爽脆 好好味環境方面 呢度真係岩約埋d朋友黎玩 入到去有個大大ge screen播MV 好有feel, 另一邊好吸睛 竟然有個可以玩飛標Overall 串燒真係好味 下次一定要約埋班friend再黎

係朗豪坊行完街, 想食下串燒飲杯野放鬆下, 黎左呢間位於MPM新開既串燒酒吧, 呢到主要食串燒+飲野為主, 亦都要幾款主食, 同朋友吹水最適合不過, 而且價錢亦都好平民, 質素非常高! 可以選擇原味/麻辣/香辣, 亦有辣度可以揀~而我自己全部嗌左小辣豬頸肉$22: 師傅落左D麻辣粉上去, 食落去個口的確好麻, 而豬頸肉亦都好有趙口, 亦都好香口~黑椒豬手$25: 嗌左香辣, 少少既肥豬肉, 食落去豬肉既脂肪bill晒出黎, 成個口腔都充滿住豬手既味道, 如果食得辣既朋友, 可以揀中辣牛舌$16: 價錢非常平民! 因為出面食絕對唔係呢個價位, 食落去好重牛肉既香味, 落左麻辣粉令牛舌既味道更加突出!魷魚鬚$18: 好彈牙! 呢個揀左香辣, 因為怕麻辣會cover到魷魚既味道, 細細粒幾特別, 呢個必選!雞翼 $18/2隻: 價錢亦都好平民！大大隻雞翼燒得好香脆～落埋麻辣粉，味道更加香濃！呢個又係必嗌！雞肉炒飯$48: 本人比較大食，想嗌啲主食食下，炒飯粒粒分明，用左珍珠米黎炒，夠乾身，食落去好飽滿！

今日去咗旺角行街睇戲食飯,喺朗豪坊睇完戲,順便去行一陣街,行完街開始搵嘢食,🤤附近發現一間串燒酒吧,即刻上去試下,可以食少少嘢,飲少少酒精飲品😄扶手電梯上到去望到餐廳非常之大,裝修得好吸引,😄去到門口店員好有禮貌招呼我哋坐低,💯拎咗D蝦條畀我哋食 ,🤩感覺又有禮貌又親切。值得一讚☺️點了一係例串燒🔥，有燒雞全奕，所有燒嘢都係即叫即燒，雞奕剛剛燒起，食一口雞皮熱辣辣而帶脆口，雞肉嫩滑帶肉汁，真不錯這個燒牛舌，吃一口感覺肉質淋身而帶嚼徑，有口感，味道比較突出，我很喜歡。這個芝麻雞奕，也不錯，吃一口多了一個層次，表面的芝麻入口經過慢慢的咀嚼，芝麻香味慢慢滲透出來。這個蒜蓉焗雜菜，蔬菜加上高湯經過高溫焗製，蔬菜吸收了精華，加上蒜蓉一齊食很好味還有這個燒魷魚鬚，剛剛燒好，入口仲有嚼徑，煙煙韌韌，分量剛剛好。串燒要燒得剛剛好，要有相當的經驗，食物不錯，環境空間寛倘，識合三五知己聚一聚

最鍾意去旺角中心行街啲嘢又平又靚，買咗一袋衫又係時候搵個地方坐低Hea下，😁行完街攰攰地又好想搵啲嘢食下😁最重要係坐得舒服😆環境清靜💯又可以同朋友仔傾吓計，諗住行去朗豪坊嗰邊飲杯嘢😆點知喺文華商場下面見到有間新開嘅酒吧又有串燒食，所以就上去試吓🤤呢類型嘅酒吧唔單只係有得飲酒精飲品仲有嘢玩有枱波同飛鏢真係啱晒啲又鍾意玩又鍾意飲嘢又鍾意食嘢嘅人一口芝士 38 元 有六粒 芝士外面炸到脆卜卜,而且仲要係金黃色,好香好吸引, 入口香濃嘅芝士味慢慢流出嚟,配上旁邊嘅沙律醬一齊食,真係非常惹味, 好味。芝麻雞翼 28 元 2隻 雞翼燒到啱啱好,上枱嘅時候仲熱辣辣,入口雞肉非常嫩滑,多汁 , 燒春咗嘅雞皮加上芝麻,令到香味更加突出。煙肉腸仔卷 16 元 有三件 ,煙肉包住腸仔燒,呢個我選擇咗食麻辣,煙肉燒香,加上少少麻辣香味,味道都唔錯,最適合叫杯碑酒配埋一齊食,非常惹味 。魷魚鬚 18 元一串 ,性價比好高,魷魚鬚燒到啱啱好,入口爽口彈牙,有少少辣味加上少少焦香,正燒牛舌 16 元 牛舌都好低食,而且仲好厚,入口味道香濃,而且好爽口,一食落口就知道好新鮮,太好味,一下就食曬。羊肉串18 元 羊

近期喺旺角發現一間串燒酒吧餐廳，就喺朗豪坊附近，我同朋友都非常鍾意，因為大家都鍾意飲酒，篤波，掟飛鏢，加上可以食串燒餸酒，簡直係一流。一定要喺度推介一下。形 文華商場3樓。環境真係好舒適，對比起去酒吧街呢度舒服好多，最重要價錢吸引，性價比高。燒韭菜，食串燒一定要試吓呢樣嘢，韭菜燒到好香，而且上面嘅香料味道非常吸引，餐廳都好細心可以選擇唔辣，香辣，同埋麻辣。今次就選擇咗香辣。燒豆腐卜，每一粒都燒到脆卜卜，入口索索聲真係好好味，重點就係上面嘅辣味調校到啱啱好。燒午餐肉，午餐肉仲係好多肉汁，入口非常惹味，而且仲係厚切，好值得推介。燒秋刀魚，魚皮燒到焦香金黃色，賣相非常吸引，魚肉非常結實，食落去有新鮮嘅味道。燒生蠔就係我嘅最愛，蠔嘅size都算大隻，加上蒜香，燒出嚟特別惹味，入口味道非常新鮮，口感同味道都做得好好。燒豬大腸，呢個簡直係驚喜，燒香嘅豬大腸一啲都唔油膩，入口爽爽地又有咬口，最啱就係送啤酒。一流。依間洒吧餐廳真係冇得頂，最啱喺附近返工嘅我，Happy hour過嚟飲嘢特別平，收工又可以放鬆吓，而且仲有飛鏢掟，環境又舒服。所以要去到推介一下，最啱就係鍾意飲酒嘅朋友，過嚟坐吓真係一個好選