彩虹煮意 (已結業)

呢間舖頭由佢一開張一路有幫襯到而家，可惜佢做到5月12號就要暫別，唯有寫一篇食評紀念下通常西餐都係今餐湯或者沙律，而彩虹煮意嘅沙律一啲都唔兒戲，呢個炸魚沙律已經足以見到廚師嘅心機，炸魚新鮮炸起，連埋啲醬汁真係好好食我哋嗌咗鑽石蜆配酸包，鑽石蜆真係好鮮好好味，而且隻隻都啖啖肉，酸包亦都係熱上，直程就咁𢳂啖汁都覺得好好食另外要咗個刺身級比目魚羽衣甘藍燴飯從來未食過咁濃味嘅比目魚，其實我本身唔食羽衣甘藍，但係呢個飯真係煮得好香好香，個飯硬度啱啱好，又咬口出嚟又唔會太硬，又唔會被濃味既比目魚搶味雖然我哋得兩個人，但係真係好食到忍唔住嗌埋第三個餐，黃油雞配雜菌意粉雞係直程唔需要點任何醬汁已經又脆又香，如果雜菌意粉又係聞到將雜菌嘅味道完全帶出呢度嘅廚師真係好有心機，好勁希望之後可以再喺其他地方食到呢位廚師嘅菜式！

黑熊先生話經過幾次，想試呢間好耐，不過成日啲人都會一pair pair咁入去，所以都唔好意思自己一條麻甩佬去食😂今次終於帶埋我入嚟食。不過…店面好似茶餐廳咁，我問黑熊先生有乜唔好意思啫🤨等咗陣，又真係多情侶嚟等位🫢🍛日本鮑魚帶子仔燴飯新鮮鮑魚嫩滑彈牙，我估燴飯用咗紅菜頭汁和忌廉煮，再配迷你帶子仔，一啖食落口鮮甜又creamy！我仲諗只係普通白汁燴飯配海鮮，點知咁有驚喜🫶🏻🍖🍝加拿大保濕豬肉眼配扁意粉就咁睇豬肉眼扒香煎脆邊，充滿肉汁，切落去軟熟，無太生又無過火。放入口係肉質鬆軟、嫩滑。唔錯！另外加$15要一份扁意粉，簡單而美味。食物水準似係去咗啲中高檔次餐廳，但我哋只係百幾蚊就食到，份量仲要唔係細。如果想有多啲款式㨂，要早啲到啦！我哋1點多嚟到有2-3款都賣曬。

一間係屯門置樂好唔起眼嘅西餐廳，入面環境唔大得7-8張枱，但勁多人食。當日情人節入去食冇得預約，要現場拎位，最後都要等到6點左右先入到！🔶新鮮加拿大龍蝦1/2配扁意粉 $248★★★★☆半邊龍蝦好大份，仲要幾肥美多肉，食落好啖啖肉之餘夠爽彈，唔係霉哂個啲，味道剛好，有啲芝士烤焗，但又唔會蓋哂龍蝦本身個海水咸鮮味，有驚喜！另外龍蝦鉗都好貼心已幫手整開左啲，當然有埋工具俾你。扁意粉入面都仲有啲蟹肉絲好足料，個意粉用茄汁黎煮，稍微有啲唔夠濃稠稀身左少少。🔶加拿大保濕豬鞍架 $208★★★★☆豬鞍架好大份，一切開去已有好多肉汁流緊，煮得剛剛好，切開仲係粉色，唔會過熟，食落唔鞋唔韌，又JUICY，真心推薦！肉質幾軟嫩，豬味濃有適量油脂，越近骨越好食，正！🔶大蝦沙律、南瓜湯★★★★☆加錢套餐仲有大蝦沙律/南瓜湯。隻蝦幾大隻，蝦肉結實，蝦頭仲有膏添。沙律用黑醋汁，做前菜好開胃。南瓜湯好CREAMY濃郁，奶味同南瓜味道比例剛好，飲落好絲滑。🌟總括：價錢超級抵食，即使情人節餐廳都好抵食，兩個人都係5百幾左右，性價比超高。味道好，份量足，絕對會再黎幫襯！ 

彩虹掃過來，食指大動！彩虹煮意嘅炸水牛雞翼夠晒脆，一啖咬落去嘅瞬間就係脆皮同肉汁嘅絕妙對話😚。話說，藍蟹肉松葉蟹膏燴飯真係驚喜滿分！飯粒咁滑、咁香，每一粒都包裹著蟹膏嘅滋味，食落真係叫人停唔到口！來到檸檬鮟鱇魚配沙律，鮟鱇魚煮到啱啱好，伴隨酸酸甜甜嘅檸檬汁，味道新鮮爽口。至於龍蝦海鮮大雜會配多士，嘩，一句話—超滿足！海鮮新鮮到爆，龍蝦肉彈牙，多士沾上海鮮汁，味道真係強勁。燒安格斯牛肉南芝士沙律，牛肉嘅燒香味與南芝士嘅醇厚搭配得宜，每一啖都滿足爆燈。其他嘅沙律，例如雞胸肉車厘茄沙律同大蝦青蘋果沙律，清新得嚟又唔失層次，美味得過癮。嚟到醬燒美國豬排骨配薯條，豬排骨外酥內嫩，薯條金黃鬆脆，同呢杯海龍王濃湯一齊嚟真係冷冰冰心都暖笠笠🤤。晌這家嘅每一道菜式都好似一幕幕彩虹咁，繽紛又難忘。不得不讚，重點系𠵱家食得咁滿足，心情都好神奇咁跟住開懷！MUST Try啦！🌈🍴

同事介紹山長水遠過來試一試，只有十幾個位的西餐小店，星期六晚上7點15分，排了半個小時隊食到第二輪， 裝修一般但有點舊，招呼合格加上沒有加一，可惜遇到「小強 」但通知店員後，都迅速處理。只需加30元沙律或湯二選一加配熱飲， 我們點了一個沙律一個湯，沙律上的雞髀菇新鮮炸起， 看似一般牛肉雜菜湯味道清香，真係前菜搶曬風頭；主菜龍蝦尾🦞有bbq烤香氣味，🥩扒味道稍淡但又燒汁跟上，亦可問服務員拿海鹽或黑椒，芥末提供的是熱狗用芥末😅有點…，伊比利豬🐷肉質帶粉紅色但有點筋比較難咬，羊架🐑有兩支骨，味道還可五成熟拿捏不錯。小驚喜位就是食物質素性價比高，份量十足味道唔差，加上主菜單配菜都好認真。

【彩虹煮意】大西北同事推介過好多次，今日入開去，順道試試😆溫馨小店，𝟼:𝟹𝟶入座已經見有熟客仔幫襯👍🏻結果有驚喜🫶🏻🍤加拿大刺身牡丹蝦蟹肉燴飯牡丹蝦啖啖肉🤤燴飯軟硬適中，用嚟燴飯嘅汁充滿蝦蟹味😍鮮到不得了!🦑日本刺身帶子紅蝦墨魚麵大大粒帶子，鮮甜嘅蝦配埋墨魚麵，三個字：超級鮮😆除咗蝦同帶子，仲有蜆肉同魷魚，好足料! 唔怪之得個汁咁鮮味😍臨走，老闆仲同我哋閒聊幾句，就係我鍾意幫襯小店嘅原因💛獨有嘅人情味🫶🏻價錢親民，又高質素，一定會再幫襯💕

呀仔前排病左無返學2星期，今日再返竟然肯自己上堂，真係好感動。我坐係出面等佢放學，想搵下其他餐廳（次次食大x活食到厭了），就見到”彩虹煮意”。行到去門口望到坐位吾多要等位，本身想走，呀仔竟然扭計，好似好想食咁，都算好快有位。我實在吾想係街餵飯，所以叫左個意粉跟湯跟飲品。蕃茄紅菜頭湯：望到個湯心知不妙，因為本人吾鐘意飲蕃茄湯，飲落我覺得比較酸。虎蝦仁蜆肉扁意粉（蝦干汁）$88：蝦肉同蜆肉都算多，最出色係佢用左蝦干黎煮汁，好味道。食食下呀仔扭計要行去隔離枱，服務員送左架車仔比佢。

咁啱上星期去咗屯門搵食俾我搵到呢間足料製作高質良心小店餐廳會根據當日新鮮食材設計菜單菜單上嘅每一道菜都務求用最好 最新鮮嘅食材製作讓客人享用到最美味嘅菜餚💛💛呢份用心 唔係度度都食到.餐廳座位唔多入到去老闆娘好熱心咁推介餐牌上嘅菜式.本來諗住簡簡單單食個意粉點知一上菜 大大隻蝦同蜆真係嚇親.🍽️ 大蝦鑽石蜆扁意粉.鑽石蜆係當日新鮮食材大大隻非常鮮甜隻大蝦 真係好好好大🙀🙀🙀令到意粉都有蝦嘅鮮甜味.🍽️ 帶子南瓜燴飯超大粒帶子 煎到好香口南瓜燴飯香甜 但係唔會膩口.當晚食飯其實見到好多枱都係熟客同老闆娘有好多互動絕對係值得返兜嘅人情味餐廳價錢親民 用料十足💛💛當你行出街都係一式一樣嘅商場入面有住一模一樣嘅連鎖集團餐廳好似彩虹煮意咁嘅用心製作小店買少見少真係要大力支持.📍屯門青河坊2號麗寶商場地下4-5舖

💛彩虹煮意(屯門)👍🏻加拿大excel牛封門柳扒 $1483成熟封門柳🥩外煎得香脆，鎖緊內部肉汁🤤薯蓉綿滑，夾埋牛柳食簡直冇得彈✨.🤜🏽野菌松露闊條麵 $98味道偏淡，松露唔出🥲闊條麵彈性恰到好處✨可惜份量偏少🤏🏻🥹.👍🏻熱咖啡(跟餐)👍🏻熱檸水(跟餐)📸15.04.2023.💁🏻‍♀️ 兩個人食唔夠飽🥹闊條麵份量可以再多返啲🙌🏻.menu不斷更新，有驚喜✨見到隔離枱叫雞肉串牛肉粒飯好吸引🤤下次試下先😋

老闆同老闆娘充滿人情味，眼見好多客同佢2公婆好好傾。食物味道水準個人認為同酒店扒房同grade(本人食開Henry / Baysfare Social)，只係小店小本經營菜色種類有限制，塊扒細塊小小甘解(平均約4-5oz)，但質素味道口感一絕(反而酒店/扒房成日5成變7成，7成變十成，仲要味道一般)每日餐牌差乎冇一款菜色係唔好食，只要食得落款款都好食，特別推薦和牛漢保，所有每日精選扒類，水牛城雞翼(但老闆好耐冇整了)同老闆混熟仲私下介紹時日特別菜色整比你食

真係要講句咁啱去開#屯門 又要搵嘢食🤩對上一次去屯門真係起碼超過十年前今次咁啱去黃金海岸#staycation 夜晚去附近搵嘢食彩虹煮意(Rainbow Cuisine)係一間非常之咁值得推薦嘅良心小店每一樣嘢食都能夠感受到佢哋非常用心製作嘅誠意用料係幾咁真材實料/份量十足/即叫即煮/價錢簡直唔單止公道/直頭係大件夾抵食仲要唔收加一/性價比極高✨#帶子南瓜燴飯大大粒帶子/飯煮得啱啱好/入口口感非常香甜/十分好味✨#大蝦鑽石蜆扁意粉老闆娘話唔係好夠蜆所以用咗青口嚟補償/但係圖二都睇到其實已經有三隻鑽石蜆大大隻非常鮮甜/意粉煮得啱啱好睇相都睇到大份到呢/差啲食唔晒提提你現時只收現金㗎咋💰

10.03.2023 星期五 晚彩虹煮意一直都很喜歡幫襯「彩虹煮意」，原因很簡單，就是用心煮食，食物美味，價錢相宜，永無叫人失望，雖然屯門置樂附近已經有很多食肆，但總是不自覺又走回彩虹。😂小店地方只是小小，幾張雙人和四人枱，所以一到繁忙或週末日就會很快滿座，所以等候時間會較長；若想不用等過久，建議選擇一開門就到，好像今晩星期五，我們六時多就到，所以不用等位。 燒鴨胸菠蘿莎莎加$30可轉套餐，可選頭盤或餐湯今晚是鴨胸他他沙律，份量不少，嫩滑鴨胸生熟程度剛剛好，想不到沙律也如此高質韓國1+韓牛肉眼扒韓國1+韓牛肉眼扒，五成熟剛剛好，真的「好食到返唔到轉頭」，推介彩虹煮意海鮮濃湯配酸包這個海鮮之前吃過，以前份量比較多；今次再吃，大蝦大大隻、還有蜆、魷魚之類，配上酸包脆卜卜，點湯汁好好味，連湯汁都飲埋。小店雖然地方比較小，但食物高質，所以很多熟客一再光顧，好像一家人般親切，吃出感情來，期待下次再去。

這間位於屯門置樂的小店，雖然沒有「打卡位」，也沒有太多的宣傳，但卻是用「作品」說話的實力小店，難怪到訪時客人總是絡繹不絕。由於這間小店只有十幾個位子，所以要有心理準備可能需要排隊。經典燒牛肉沙律 （$88）沙律菜很新鮮，配搭蕃茄、芝士、脆片。牛肉亦燒得鮮嫩，不會過熟令肉質變靭，而最畫龍點晴的是餐廳自己調配的沙律醬，吃來非常清新。安格斯牛扒配煎蛋 （$128）牛扒很重肉味，燒得亦恰到好處，配半熟蛋的蛋汁一起吃亦不錯。彩虹漢堡飽 （$128）這個漢堡的性格比極高！除了一般的牛肉漢堡，更配有雞扒和煙肉。而伴碟的粗薯條亦非常厚切，絕不馬虎。蟹肉珍珠帶子薄餅 （$108）薄餅的主要餡料有蟹肉和珍珠帶子，配料組合很新鮮，加上芝士和千島醬，吃起來有多個口味。

今天很開心可以跟一位默默無聲，堅忍多年，積極人生的老朋友一起交往，我們來到這間小店午膳，不單可享受有心的美食，更可暢敘一番😃位置:屯門置樂麗寶商場地下4至5號舖(對着安定邨往置樂橋底)環境:舖上橙色的地磚，牆身用藍色及米色簡條襯托，另有三張木系的四人枱及一張二人枱。午餐:1 慢煮🐷手絲燴飯+餐湯(椰菜🥦薯仔🥔湯)$82一啖放入口中，先感受有香濃煙薰豬手味，豬手絲肉質🐷軟腍。此外口感煙韌的意大利飯伴有蕃茄🍅，翠肉瓜粒。因為有黑醋香草🫒烹調，酸酸味味，非常開胃。椰菜薯仔湯上放了少許橄欖油🫒，很健康😃2 虎蝦扁意粉(有四隻大虎蝦，每隻虎蝦有一隻手指公那麽大🤣，肉質清爽)，扁意粉用辣蕃茄汁烹調，不太辣，只有辣香味。3 餐飲: 熱檸檬水，熱朱古力☕+$5杯熱朱古力很值得加5元，超香濃，上面有朱古力泡沫🥰最後又到分享食物小知識: 扁意粉比意大利粉闊身， 橫切面呈楕圓形，約四毫米闊，與意大利粉外形相似，適合煮海鲜。

只係影咗IGstory一個月前 但呢間嘢嘅味道真係需要分享吓 星期五晚去等位等咗一個鐘到 因為間店都幾細 但係講真嘅佢嘅嘢食好有水準。平時都成日食嗰啲咩九米芝蓮 但真心呢間嘢用了靚烹調調味好好似叫咗一個咩牛肩扒 同埋一個意粉 好味囉 其實認真講佢一啲都唔貴 好似兩舊幾水啦 但你唔會想像到喺呢個地方呢間咁細嘅鋪佢煮嘅西餐有咁高嘅水準 唔好講咁多你去完一次就明😂 奈何佢喺屯門亦都唔近鐵路站佢嘅過程太辛苦所以短期內都唔會再去