彩虹甜品屋 (已搬遷) 新店位置

今日至親好友去完大埔BBQ 經過上水坐車打黎搵小弟食糖水至親好友幾夜都出啦上水糖水店唔到 決定帶佢去舊墟搵食但想去個間爆晒位 咁親黎左rainbow 甜品屋 岩岩好有2個位 perfect ! 去到甜品品算多選擇以糖水居多 本身想食dun 蛋 但冇得食選擇返普通芒果西米露朋友就叫左雪梨糖水 然後大家再叫一個糖不甩大家食 芒果西米露不過不失 唔算太細碗 大又比唔上有一大塊芒果 但有啲酸 可能芒果11月唔係時候有啲普通 如果有多啲配料會更好 雪梨冇試 但朋友話唔會過甜 整體岩岩好 糖不甩有啲細粒 其實都係粉搓出黎 整大啲都唔會有太大損失喇！

今日喺上水食完日本嘢做dinner 🍱🍣🍲🍘🍢🍡，但發現唔夠飽，所以入咗嚟rainbow 食甜品，住喺大埔同北區都知rainbow 甜品係幾出店，同長期多人👬👭👫，平時我喺大埔會食雪花冰🍧🍧🍨🍨，但今次因爲食完日本嘢，想食返d 暖暖甜品balance 返，所以我選咗南北杏木瓜燉雪耳（熱）$29, 都👌唔錯😌，都幾多雪耳同木瓜🥄，但食到一大半，見到個碗底有d 黑色超細粒硬硬地的物體，唔敢再食🤦🏻‍♀️🙈⋯⋯另朋友叫咗個凍椰汁西米露，可以，整體價錢平宜。

係上水食糖水其實冇咩得簡rainbow其實係必然的選擇花多眼亂結果都係叫左楊枝甘露香芒汁配上西米加上袖子中和一次食2隻口味不得不讚員工非常留意客人主動問我係咪有野未到

大熱天時，食完晚飯總係想食甜品消下暑，食過無數次，因為上水可以食糖水既地方真係唔多，得果兩間，有時口癢又會忍唔住。彩虹 $35口感豐富，七彩繽紛，啫喱仲彈牙過涼粉，但入面既奇異果同芒果真係超酸。豆腐雪花 $34內有薏米、白果、豆腐雪糕、豆花。味道搭夠，一齊食，滿足愛吃豆制品既人。可惜豆花唔係真豆腐花，似係魚膠粉溝其他調味料制成，會滑身，但一定無真正豆腐花好食。食左幾啖見到有隻黑色小昆蟲浮面，即刻叫人換過碗😅第二碗明顯無甘多薏米。

同朋友聽完分享會，再去食個糖水傾下計都係粉嶺地頭帶我地去試食，第一下聽個名都幾吸引，彩虹甜品，再加上好鍾意佢地寫ge粉筆紙，原來細問之下，係基督徒開ge跟住我地分別叫左3款糖水，椰皇好得意，每個都有個笑臉食落人都開心d，我就揀左個鮮彩虹，因為見到有蘆薈同埋生果，d配搭幾得意，再加上有椰果、蒟蒻不過唔想太甜，就唔要椰汁啦，食落好好味，幾清新唔太甜，好彩無加椰汁同埋間野都有好多人幫襯，下次好想試食佢個紫晴湯丸，係奶黃餡架

其實已經唔係第一次嚟呢間糖水舖食嘢，對上幾次嚟都係覺得幾好味，但當時未開始打食評而未能給予評價，今次終於可以寫下食後感。今日買左兩碗糖水外賣帶回家，分別係<深涼>以及<鮮芒果芒西撈>。<深涼>嘅口感相當豐富，由西瓜，椰果，大西米，小西米和䈮篛組成。椰果有紅色白色，顏色配搭好看，可惜就偏甜左少少；大西米煮得剛好，好有（趙口），大小西米份量比例亦恰當；西瓜方面就有少少失望，可能未到時令，所以唔甜？<鮮芒果芒西撈>相對就比<深涼>好味多了，雖然口感無咁多層次，但味道加左好多分。芒果汁底夠厚，芒果份量都比得唔少，有足半個，而且好甜雖然今次食到嘅<深涼>無上次咁美味，但基於碗鮮芒果芒西撈都做得相當唔錯，而店內環境，甜品價錢以及店員嘅友善程度，各方面都幾好，所以今次都會比笑臉啦！希望下次可以食得返有甜西瓜嘅<深涼>

今日去上水探朋友，食完晚飯，媽咪就帶左我去食糖水。媽咪話呢間糖水店係區內好出名嘅，就係彩虹甜品屋喇。到左之後，我「嘩」左一聲，使唔使咁多人呀？目測店內應該有30-40人，門口仲有大概10人在等外賣。所以我放棄堂食，叫左兩碗甜品就帶返媽咪屋企一齊食。係舖頭等緊外賣嘅時候，望一望店內裝修，充滿基督教氣氛，感覺好導人向善。等左大概10分鐘就可以帶糖水返屋企食lu。我叫左碗「深涼」，而媽咪就叫左「杏福小甜甜」。深涼，佢有好多西瓜，而且有蒟蒻同埋分別有大細嘅西米粒，由於材料多，整體口感就好豐富，特別想提一下佢地嘅大西米煮得好煙韌，唔錯。至於碗「杏福小甜甜」（即係杏仁糊）我媽咪就話杰左少少，但都算好足料，雪耳都好大塊嘅。

北區友一定聽過RAINBOW 甜品，由大埔開到上水，上水再開分店。RAINBOW 甜品深入民心，因為用心製作的甜品，吃到的甜，是幸福的甜蜜。因為一家人、男女拖友、踢波打波好兄弟、姊妹團，都會黎呢到聚一聚，大家都有傾有講，是一種上水人的情懷。他們會有季節性食物，冬天會多點滋潤糖水，杏福小甜甜更是女士福音，唔會太重杏味，又滋補養顏，加埋大西米同雪耳，仲有得輸？茫果冰西咩都有D，食得出係新鮮茫果汁造成，有別怪味的糖精之類，所以咁受歡迎。甜品鋪有好多，新鮮的用心的真的買少見少。

馬會道rainbow好似已經無開門，但上水中心平台就開左間，款色相同，相信應該是同一間吧！味道與以前差不多，但坐位舒適了，所有櫈都有倚背，相比以前坐圓櫈，舒適好多！不過多了點商業化味道，與以前感覺截然不同！

彩虹甜品屋大概應該係我的中學回憶吧！住在上水粉嶺的朋友相信一定唔陌生， 綿綿冰， 各種糖水都係飯後甜品， 朋友夜聚嘅好去處。 我最鐘意吃綠茶綿綿冰， 配上紅豆， 綠茶味搭上甜甜的紅豆，炎炎夏夜真的有一番滋味！自從我搬離了上水， 但都對彩虹甜品屋的綿綿冰情有獨鍾，不時回去回味一番：不是它特別好味，口味獨特，而是吃時那一種甜甜的，青春嘅味道。 希望呢d 街坊小店可以保持！

在上水與朋友雞煲後, 上水的「地膽」朋友推薦來這裡吃糖水聊聊天, 星期五的晚上九時多, 幸運還沒有人等位, 坐下就點東西吃渣咋小弟選了渣咋, 內裏豆很多, 口感十分豐富, 不太甜, 但略嫌椰奶味不夠, 如可再加多一點椰奶就更完美!芝麻糊+豆腐花友人的甜品, 芝麻糊足料重芝麻味, 豆腐花亦十分香滑, 不比豆腐店的差益力多綿綿冰口感軟滑像棉花一般, 但略嫌益力多味不夠椰皇燉鮮奶這是全晚最精彩的甜品! 新鮮燉好的椰皇內裏的鮮奶混合椰皇的汁一起燉, 啖啖吃到椰皇的香味! 而椰皇的果肉亦十分厚實鮮甜! 結果大家都來搶著吃椰皇肉!!

彩虹甜品約左朋友係上水食雞煲，因為遲左去⋯去到都見唔到個煲～但難得見面緊係要有好下場啦～提意左食rainbow~黎rainbow緊係點番招牌～彩虹$32 （評分：7/10）配料非常多，有涼粉、西米、黑珍珠、什果、芒果汁，淋上椰汁，香味十足，什果非常新鮮，芒果亦很甜～但口感過份複雜～涼粉同黑珍珠味道唔多夾～下次都係食番什果大西米～😁綿綿冰$37芒果口味加上兩種什果～冰的確很綿，有西米露底在底下，其實冰沒有很多～但食到兩種口感～都幾正～但朋友說rainbow沒有很特別的甜品，像pancake 那種新派甜品，熱食選擇亦不多，所以要明年夏天再幫襯了😂😂

上水的糖水鋪，執下一間，執下又一間。以下所知，這可能是最後一間了。昨晚第一次幫襯，想不到真係有驚喜。推介芒果嘻嘻哈哈，除了芒果還有其他口味。可惜時令不對，否則一定會試下榴槤嘻嘻哈哈。玩味十足。哈哈。其餘的楊枝甘路，蕃薯糖水，應有盡有。值得一去再去。

我係一個無宗教人士，機緣巧名合下被朋友帶到來這間甜品店。不評論店內蘊含基督教既信息，但入面既氣氛都彌漫著正面的信息，加上係甜品店，入到去已經感受個種正面既氣氛，是十分好的。我比較不太好酸酸既甜品，只係叫左個雲石豆腐花，但我叫完之後竟然唔知雲石係乜東東。朋友叫左碗蕃薯糖水，雖然天氣，但入到冷氣地方有d唔舒展，所以叫左個熱既試下。雲石豆腐花原味豆腐花mix黑芝麻豆腐花，我覺得改呢個甜品名的創造人是常聰明。本身是無味的，食落要加凍糖槳，但好食得出豆味，而且黑芝麻個邊十分有口感，黑芝麻既蓉十分之多。好吃又夠凍。蕃薯糖水食蕃薯糖水，要知道佢既功力，"頭啖湯"就可以試到。呢隻蕃薯糖水好似屋企媽咪煲果D，因為薑味十足，驅寒暖胃，即刻消除哂朋友唔舒服既感覺。唔會大熱，"辣口"更加無。埋單$50蚊都唔洗，又抵又好食既慈善糖水點，正評！

今日同個朋友食完野又唔夠飽就決定近近地去rainbow食糖水去到就岩岩full晒等左5分鐘左右就有人埋單有位入到去睇下menu 就簡左個全個都黃色既芒果冰西最上面就係芒果綿綿冰 下面就係芒果西米露 仲有幾舊大大粒既芒果肉整個甜品都好有芒果味 好岩d超鍾意芒果既人可惜間鋪唔夠大有d嘈 唔係既就好岩慢慢坐慢慢傾