彩逸皇宮

營業中

休息中

探完長輩係呢頭附近搵食，印象上次麻麻地，都隔左甘耐再試下。 （貪邊食邊睇奧運賽事）整體不過不失，服務唔錯，落單快～味道算好食，湯都幾足料！兩人食到好飽～ 最後送甜品紅豆糕差左少少，唔駛錢都唔預好食得去邊。可以有下次

一到假期就超多人，而家啲餐廳仲可以限時，帶住老人家好難選擇啲餐廳係限時，迫於無奈入左間好久無食過嘅酒樓，食完之後嘅感覺係後悔都冇用。今次叫左個套餐，再加左半隻片皮鴨。首先套餐包左細盅佛跳牆，夠熱同有鮑魚花膠，需要好細舊都總算係咁，但之後個幾樣菜式就。。。片皮鴨，啲麼麼皮厚過同硬過紙皮，啲鴨求其比幾塊你咁，又柴又韌。啲蝦已經有部份都唔太新鮮。條魚 over cook, 真係嘥晒。豬，牛，雞啲雪味仲未過，太失望。個菜就不過不失啦，菜如果係難食嘅，應該好執啦。

超超超級垃圾嘅酒樓！！！等足成粒鍾上咗一個菜，中間兩碗白飯催咗再催三催四催N催，仲要唔係個別現象，幾張臺都冇菜上有人等咗成粒鍾乜都冇得食悻悻離去……唔使食嘢食飽一肚氣！天水圍絕對最垃圾嘅酒樓冇之一

明明book好咗年三十晚食晚飯 突然booking 前五日 取消咗我個Booking仲要完全冇打電話過嚟交代原因我唔係收到OpenRice email都唔知道原來我個Booking俾人取消咗過時過節先突然取消人哋嘅Booking 其他餐廳都full晒 玩嘢？

今日星期六早市孖寶咁多嘢，加埋齊費總共$119香片茶普普通通～正常酒樓嘅香片味道臘腸滑雞飯，拼紅油抄手臘腸味好有酒香，雞唔係幾滑有啲咬口～飯嘅方面比較硬紅油抄手～微辣～抄手嘅口感彈牙，再加上炸蒜咁上添香～咬落之餘有爽口嘅感覺脆脆地鳳爪排骨飯拼鯪魚茄子鳳爪一咬甩～排骨都多肉飯都係比較硬口，可能有啲人鍾意個人就麻麻哋鯪魚煎茄子^食到有少少骨嘅感覺^都比較油膩腐竹牛肉球～腐竹好多^牛肉球入面加咗馬蹄食落去琳琳地之餘仲有爽口嘅感覺～整體上都OK。好飽一個人食唔晒

經OpenRice訂了一個十二位套餐，寫明付全數先可以訂座，咁我就訂座時付了全數，食完到走時話我未比錢，我就出示過數紀錄比收銀肥女仕睇，但佢一再問我攞証明，我都出示晒，佢都話我拎唔到証明交返上寫字樓🤷🏻‍♀️態度勁差，擺出一副話我食霸王餐嘅樣子！跟住有位男服務員影低我過數紀錄及留電話先比我走。真心食物都唔錯，其他服務員都好好，唯是收銀如此差勁及唔明點解無紀錄已比錢 唔去check

本來同父親食所謂「抵食孖寶」，收我$288。但當中條老虎班竟是條死魚，唔新鮮！而且燒雞又硬又唔好食，得半隻收成$118。侍應服務態度差，同佢投訴又發晦氣又唔太甘願認錯咁。呢間野真係冇下次！

今日要去天水圍辦點事，路過這間酒樓，便去嘆嘆茶🥰開心一下留意到這間酒樓的炒粉麵選擇，出奇地多，不但有牛坑腩撈麵、又有牛肉炒淮山麵，連松子紅米炒飯、酸菜魚片鍋米線都有，算是幾特別。 價錢屬正常我們叫了迷你版金蒜龍𧄌腩蒸飯，雖然說是迷你版，但份量也不太少。驚喜的地方是龍躉腩鋪🈵️半個飯，有咬口又鮮味，加上有大量香蒜和蔥，更提升龍躉的味道。飯加了紅棗，使飯有紅棗味，但又恰到好處🎉潮州蒸粉果好吃，料多皮薄，最重要是夠熱，要比like🥰紅棗糕也不錯，不會過甜，但有淡淡香味，煙靭度適中，食完想再食👍🏻

星期六嘅銀座真係好多人，原本想試其他餐廳，但係其他餐廳都要等位，我哋就因為人多就揀咗酒樓我哋8個大人，叫咗1個四人餐同1條魚及3個小菜，四人餐包括湯、燒味、海鮮、同埋兩個小菜湯我哋叫咗海皇豆腐羹，侍應好好，例牌都幫我哋分咗八碗，每人都有得飲下燒味叫左半隻雞，都算滑海鮮叫左白灼蝦，d蝦都新鮮㗎，隻隻都彈牙小菜就叫左胡椒魚肚娃娃菜，同埋京蔥牛柳粒條魚係晚市優惠，$198 2斤左右，都抵食我哋自己就加咗個金銀蛋菠菜，茄子肉碎煲同欖角骨

原本一家人趁節日外出晚飯慶祝一下，不幸的是去了這間服務可算全港數一數二差勁既酒樓，簡直是災難!打消了全家人的雅興！公道講，食質素算可接受，但待客之道是無法忍受，黑口黑面、鬧客、甚至完全neglect枱客，嘩！今時今日還可生存？

彩逸皇宮以前每個週末都必定同屋企人嚟飲杯茶食個包。但今次嘅質素每況愈下。-------------------------脆皮鮮奶卷/擂沙煎堆仔脆皮鮮奶卷完全凍曬，脆皮唔脆，食落幾油膩。餡都有少少凝固咗。銀魚仔肉餅飯銀魚仔舖滿咗喺肉餅上面，銀魚肉餅嘅鹹香味道滲透到米飯，都幾香。哩個都ok紅油抄手辣度適中，醬油都多，幾惹味花生排骨粥排骨有啲鞋，味道唔夠，有啲似排骨配白粥。粥底正常。灌湯餃哩個大減分，外表望落正常，食落好大陣酸餿味 🤢🤢蝦餃王蝦仁味道正常。餃皮偏冧，唔夠煙韌，一嚟到已經穿曬-------------------------以前都成日嚟食，質素比以前差咗，真喺麻麻哋彩逸皇宮地址天水圍天恩路12-18號+WOO嘉湖二期2樓219號舖

食稻香食到厭 試下呢間貴價又難食 CP值低 叫左6個點心加一碟XO醬炒腸粉，但食飽晒都未到另外，點心質素好參次！流沙包不流沙，完全係奶皇包鮮竹卷勁多汁 見到都不開胃仲要餡料得啲蔬菜咋！鳳爪吾香 好一般 點解冇豆豉蒸鳳爪？另外果三碟就正常味，咖哩蒸魷魚特別好食！

坐低叫嘢食，估唔到效率好快味道唔錯又唔 頸渴， 黑椒雞柳炒烏冬 好有黑椒味 古法金曲卷， 煙煙靭靭，原來係黃金糕做成， 超好味 健康燕麥糕稍為 唔夠軟熟， 可以再軟熟一些更好 菜心苗 好嫩，啱晒婆婆食， 乳鴿再炸脆少少仲好味， 有待改善

天水圍彩逸酒樓，個人知客服務員態度極度惡劣，黑口黑面又冇禮貌，唔知去食嘢點解要受佢氣。拎飛同佢講3位，再做埋手勢3隻手指，佢都話係8，仲係咁話唔係3位，係8位咁樣手勢，再叫另外一個員工一齊取笑我先至頂佢唔順，一啲禮貌同尊重人都唔識。3隻手指唔係指3位係8位，咁我就問佢8隻手指係幾多位，佢3隻手指唔係3位，唔代表係全世界一樣。同佢講道理仲要（寸寸槓），以後唔會再光顧。

臨近中秋節一家人食飯，去左彩逸皇宮，雙龍全包宴$888，好抵食。加拿大龍蝦伊麵計返足足有1.5隻，大大隻，肉質爽口，伊麵唔會太油膩，感覺唔錯。🤗松子龍躉斑塊真係龍躉肉，唔係普通魚柳，口感唔錯。可惜啲醬汁實在太多太甜啦，好快令到香脆嘅魚柳林晒，好在同家人夾手夾腳即刻拎起佢哋先。金銀蒜蒸龍躉頭腩另外一樣我覺得推介嘅食物，蒜蓉汁足料，龍躉頭腩爽口有咬口，感覺新鮮，個底有啲粉絲吸收晒啲汁，好好味。是日燉湯椰子雞湯，好好飲，足料。胡麻沙律菜半吉列蝦感覺呢道菜比較hea🥺係平時小食店吉列蝦，加埋少許沙律菜就係一碟餸。其他食物中規中矩，冇太大特別。