彩龍皇宮大酒樓

營業中

休息中

 朋友請食蛇宴,   在 彩龍皇宮大酒樓,  好豐富.   冬天食蛇宴最啱, 因為食蛇可以保暖.全包蛇宴, 包汽水, 啤酒.  重有表演睇. 頭盤:   燒味大拼盤.  餐廳用蛇煮了多款菜式, 都好特別.  炒蛇絲, 分不出是蛇絲或是肉絲.  炒得香口.炸蛇丸, 配炸蝦片.   蛇羹兩煲, 每人兩大碗, 蛇肉似吾多,  調味 OK.羊腩煲,   羊腩煲得好稔, 冇羊騷味, 有花椒, 八角, 果皮, 胡椒等香料.  皮有少少韌, 配枝竹及筍, 不錯.蒸沙巴魚,  蒸得剛好，好新鮮同滑, 但忘記拍照.炸子雞,  份量足, 皮脆肉嫩, 炸得不油膩, 肉多骨少, 有雞味, 點埋老抽醬汁真系好惹味.干燒伊麵, 一般水準.臘味糯米飯, 臘味少, 糯米飯比較腍身.還有歌舞表演, 娛樂成份高.  

這是一家經營了很多年的酒樓，很久以前來過，環境昏暗，食物質素也不怎麼好。聽說酒樓進行了大裝修，環境好了，食物也好吃了，終於在今天來試一試。一進入酒樓，發覺環境真的改善了，起碼比以前光亮得多。這酒樓面積很大，所以即使是下午茶時段，也不難找到座位。環境改善了，食物也真的比以前好吃了一點，有幾款點心不錯，但有的就只屬一般。我們點了四個下午茶孖寶，共有下面八款點心：鹹肉糭：味道一般，而且餡料太少。煎蘿蔔糕：糕內有蘿蔔條，不錯，但臘味太少，而且質感太軟，用筷子夾起糕便立即裂開。叉燒腸粉：味道可以，但腸粉皮太軟，我比較喜歡爽口一點的。雞紮：腐皮內有雞肉、魚肚、火腿和芋頭，味道好，分量大，好吃之選。牛肚：這個味道也很好，而且牛肚煮得夠軟，份量也多，十分好吃。薑汁雞包仔：包皮軟，內饀味道好，而且薑味足，難得。腐乳通菜：味道不錯，可惜有部份通菜太老，很硬。芝麻卷：已經很少酒樓供應這傳統點心了，不太甜，但芝麻味不足，而且太Q彈，和傳統的芝麻卷口感不同。服務則需要改善，侍應人手不足，常找不到侍應，結果熱水是我們自己添加的，送上食物時也醬料欠奉，例如鹹肉糭沒附上豉油，蘿蔔糕沒附上甜醬辣醬。值得一提的是，價錢真

呢間酒樓係我屋企嘅飯堂，佢價錢都算平，而且質素又唔差。平日嘅話百幾蚊有三款小菜十分之抵食，份量大概足夠三個人食。特別推薦燒腩仔，出面食一碟都唔止$50。不過假期食就唔係好抵啦。

接近歲晚,去屋邨附近的酒樓與家人共餐🤤 晚上7點老地方:彩雲彩龍皇宮酒樓,歲晚時候,很多人排隊,還好有一偏廳,因生意太好,未有得到周到的招待,沖茶,點菜等等,人手嚴重不足,準備叫人落單,還好,侍應很熱情,填補了就餐的氛圍。 落單叫了:魚肚粟米羹,燒鵝一例,上湯焗波龍加伊麵,×o醬炒花枝蚌片,因為人多,所以上菜較慢,不過都可以諒解🍻 可惜,今晚嘅餸菜有點失色,平時比較好點,燒鵝太黑，皮燒焦黑了！不敢恭維😂算了，太旺了，末有投訴，然後是魚肚粟米羹，中規中矩，味道可以。上湯焗龍蝦，味道還好，應該加幾粒西蘭花或青綠蔬菜點綴一下，更好。 ×o醬炒花枝蚌片，味道很好，有鍋氣。出品基本上過關，擺盤發揮有空間，食材很新鮮，價格有點貴，歲末時候，正常！ 還會再來……

又到彩龍皇宮大酒樓吃晚餐， 親民價錢小菜三款$168， 所以我點了六款小菜，燒腩仔，咖哩煮牛筋腩， 魚香茄子煲，啫啫肉崧通菜煲， 菠蘿生炒骨，欖角豬扒，炸子雞（ 炸子雞是coupon送的， 只需加多一個茶位錢就有一隻），再點了三碗白飯$36。我已經寫過這間酒樓的食評，不過今次覺得幾好味的就是欖角豬扒， 這一款菜式第一次食， 豬扒面層有甜甜的蜜糖味道， 用來送飯一流呀！ 燒腩仔每次都幾有水準， 皮脆好味， 每次必點的。 炸雞雖然是送的， 但質素非常好， 炸到金黃色的雞皮， 雞肉非常嫩口。下次如果再試到新嘅菜式，會推介畀大家。

約了屋企人吃晚飯， 到彩龍皇宮大酒樓， 點了幾個小菜， 小菜三款$168， 片皮鴨一食$138， 蒜蓉粉絲蒸扇貝$48， 八個人送咗一隻炸雞， 不過我後來發現佢哋收咗十個人的茶錢。 平時來這裏吃飯因為方便又可以就屋企人， 食物質素普通啦，又唔算好， 這裏多數都是做街坊生意吧。 成晚我覺得最好食就是炸雞， 皮脆肉嫩唔錯的。 片皮鴨嗰塊皮非常之厚， 味道一般。蒜蓉粉絲蒸扇貝唔新鮮， 魚香茄子煲和通菜煲味道還可以， 燒腩仔的皮唔夠脆， 例湯太稀了。食物質素一般， 價錢就非常經濟。

彩龍大酒樓喺彩雲邨廿幾年，出名嘅就係燒鵝，及其燒鵝汁，今日咁岩叔叔生日同佢黎到彩龍食飯，叫咗兩個餐，蒸龍躉，燒鵝例牌，上湯白菜，貴妃雞。今次食的燒鵝偏肥，脂肪厚肉反而不是太多，貴妃雞雞肉鮮嫩非常好吃，有驚喜。龍躉說是一斤，肯定沒有一斤，這條魚很細條。食材等等尚算新鮮，服務中規中矩。

今晚隨意去朋友樓下間酒樓食晚飯，今日唔同往日，舊時酒樓晚夜一定坐滿人，今日去到坐滿2/3 既枱，不禁令人擔心香港酒樓既前景。一睇餐單，一至四118蚊3道小菜，都幾抵食。同時又可以叫晚市孖寶個d,計返落每人100蚊左右，幾年前去其他酒樓食晚飯都佢200一個頭。除左去飲,其實好少去酒樓食飯。本身都冇乜期待，但食落去d 野都算唔錯，對得起個價錢有餘。燒雞雞皮夠脆，雞脾位肉夠滑。芝士海蝦伊面芝士味如果再濃d 會更好，海蝦都有蝦味，d 肉唔會梅。龍蝦伊面d 龍蝦冇乜肉，但俾200蚊，都係預期之內。平日咁食法，菜色多樣，好過屋企煮飯，起碼唔使自己洗碗。

          結婚系人生大事，同位經理全部傾好曬（唔開名啦），特別傾好加錢換鮑魚8頭鮑魚，煮出來唔好縮水，咁樣就好睇。結果到擺酒當然，同我傾好的經理話放假，結果d鮑魚細到得：半個煙盒  咁大，超唔好睇，都唔知系咪罐頭鮑魚，同在場經理講，話8頭系依種，讓日結婚費事同佢吵，成個過程好似受騙咁，好無奈。大家要小心！

迄立在彩雲邨已經數十載，主打街坊生意，價錢大眾化。點心種類繁多，上菜效率也不错，還提供雀局和舞池，啱哂在西貢行完山後在這裏打翻四圈，並在醉人的懷舊金曲音樂下，輕歌妙舞。

Have after funeral lunch the place is layman the taste is good a young couple only eat vegetables 🥒 they are happy I have a great lot of chicken fresh fish The family just 'know 'the choi lung restaurant They live here the garoupa is swimming And green Good quality for the family father .

呢間可算是良心酒家，晚餐有＄148任選三個小菜，平均都係＄50一個，真係好抵。估唔到屋村商場嘅酒樓會有扁皮鴨食，不過都只係＄60，味道唔錯，份量夠多。兩個人叫咗三個小菜同半隻扁皮鴨，食到好飽，但都只係二百幾蚊埋單。

星期四晚，屋企只有2個人食飯，又係假期前夕，所以決定出街食飯。本來我哋打算食快餐，但經過酒樓門口，見到特價推廣餐好似好抵，所以就試試。當然落單嘅時候，我才發現假日前夕要加30。其實一早開始就對食物質素無咩期望。因為以前成日食依間茶樓，都知道味道好一般。食物個外表都麻麻，燒腩仔嘅皮都脆，但係唔係鬆脆果種。啲肉大部份都係瘦肉，比較鞋，不過都好過食肥肉。千島石斑塊即係沙律石斑塊。佢個沙律醬係分開上嘅，但係啲石斑塊都唔脆，而且啲魚肉好鞋，我都唔明點解魚肉都會鞋。最後豬軟骨，豬軟骨係我一向都好鍾意嘅食物，一個嘅調味都好好，配菜例如紅蘿蔔嗰啲都幾多，但係佢嘅豬軟骨質感唔好。佢唔似日式豬軟骨，好似食啫喱咁。又唔似平時食開嘅中式脆骨。豬軟骨食落去嗰個感覺好多纖維，好難咬開，就算咬開咗都食唔到脆骨嗰種「落落」聲，我唔鍾意...

今日去咗 酒樓食飯 叫咗一個餸 個名叫千島醬石斑塊 其實有啲失望 明明係千島醬點知嚟到變成沙律醬 諗住間酒樓係屋邨酒樓 食番啲懷舊味道 點知最後食到嘅 同想像嘅有啲出入 不過 好好彩 石斑塊炸得啱啱好 外表鬆脆 內裏有汁 完全唔會乾爭爭 再配合白飯一碗 個白飯食落好好味 冇諗過咁出色 白飯一粒粒層次分明 我覺得仲好食過金鳳米

近期跟老師學習跳社交 舞， 一定要找個地方練習下， 今晚約了舞友去吃晚飯和練舞， 選了到 彩龍皇宮大酒樓,  這地方真不錯.    大型舞臺有 Life Brand.  晚上七点開始.舞池四正闊大，彩色燈光，有歌手唱中西流行歌曲， 客人也可参與歌唱， 好熱鬧 !每位最低消費 $128-, 好經濟 !侍應招呼很好， 水滾茶靚， 座位舒適。 我們点了三個小菜：燒味双拼, 脆皮燒腩拼油雞.  一般品質，肉質好 !冬菇燘鵝掌:  用鐵鍋上枱保持熱度， 冬菇，鵝掌也很大隻，份量足， 燘得很稔甜， 醬汁惹味，配菜還有爽口生菜.鼓油王煎封多宝魚， 多宝魚少骨，煎得很香口， 肉質不錯， 調味適中.最後有生果， 送來鮮橙一碟， 在此酒樓吃吃喝喝，聽歌， 跳舞， 至晚上 11点，渡過了一個愉快的晚上， 真開心 !