很得輝 (金滿閣)

營業中

休息中

今日叫左兩份炸雞脾餐跟飯，另加盒薯條，點知佢就淨係俾左兩隻脾一個飯同一個薯條, 因為落完order要等40分鐘先有得拎，我就拖住小朋友去市中心行，返去拎時佢已經包好一袋, 我就無專登拆出黎對下齊唔齊，同埋確保出餐正確係職員責任唔係我責任，點知返到屋企少左個飯，我就打去同職員講，佢就叫我落去拎，fine我體諒妳小店無人手，我照搭車落去拎，正常你出漏餐係唔係應該送返d小食俾客人以示歉意呀，點知我開到口問佢都唔俾，我唔係貪小便宜，但我搭車返去拎個d車錢唔係錢呀。。。。

成班車友落去宵夜😂😂😂😂有位放低架車‼️‼️‼️‼️注重返車位唔多超正炸髀🍗 勁多肉汁好juicy即叫即炸🤤拎上手熱辣辣勁香脆，炸粉超薄本身雞髀已經有味但仲有6款調味粉按自己口味落有海苔、香草、純辣、麻辣、魔蠍辣、死神辣😈唔同level既辣有冇人要挑戰下🌶🌶🌶🌶其實磨菇飯都好好味‼️‼️‼️‼️不過當日太夜去就賣晒啦☹️ 好可惜雞髀同磨菇飯都係必食架😋😋😋😋好過食連鎖店啦💛💛💛💛

很得輝係一間喺屯門嘅小食店，最出名就係佢哋嘅大大隻炸雞髀🍗🤩 但其實除咗炸雞髀，仲有另外兩款口味：沙薑同滷水～仲有好多其他小食同埋台式飲品，單買雞髀就$32，亦有雞髀配小食/飯麵嘅套餐，但都係$45左右～•🥢 炸雞髀平時好少食炸髀，因為覺得會好油膩同熱氣，但呢隻真係會忍唔住想再食！雞髀好大隻，但唔會太肥，食落唔會覺得有一層好厚嘅油脂係中間，炸粉薄得嚟仲做到好脆！雞肉好嫩好juicy～本身雞髀都有啲調味，唔另加調味粉都好食！調味粉有好多款：海苔椒鹽、香草辣、純辣、麻辣、魔蠍辣椒同死神辣椒，分咗唔同級數嘅辣，鍾意食辣嘅一定要挑戰！•🥢 沙薑雞髀未開盒已經聞到好香嘅沙薑味，食落唔會太鹹，但好入味，肉質好嫩，唔算好肥，覺得炸髀熱氣就可以揀沙薑髀啦~•🥢 滷水雞髀滷水呢款算係3種口味入面最遜色，因為滷水唔係好入味😬 可能我唔好彩，隻雞髀入面肉色有啲生生哋，又有啲紅～同埋呢隻雞髀都幾肥，皮下面層肥膏都幾厚🥺 可能下次要試多次試真啲先得😥•🥢 蘑菇飯雞髀配埋蘑菇飯同一杯綠茶先$48，而且份量都唔少，都幾抵～ 蘑菇醬汁偏甜，有黑椒粒，但食落黑椒味唔太突出，味道亦都唔係好出色，同連鎖炸雞店果款好唔同。

專程行去撐黃店，食炸雞脾。見網上好多推薦呢間，想食好耐。門面貼有文宣，不收微信、支付寶，收現金、payme。餐牌、調味粉就擺在枱面，都係自助既。有套餐，有單點。跟餐，野飲加錢。$32單點左個皇牌炸脾。當時前邊已有5、6個客人等緊，即叫即整，大概等左10分鐘左右，熱辣辣雞脾到手！調味粉有六款，有純辣，麻辣，香草辣粉，海苔椒鹽，貌似「死神地獄辣粉」，「蠍魔辣粉」。不能食辣如我，就選了海苔椒鹽&香草辣。份量、口味都係按自己喜好任落。我兩個口味隨意灑滿了，真係好正！即食，好過癮！一咬有肉汁，雞脾肉滑嫩，外皮酥脆！配上味粉，絕配！比豪大x，大雞x更好味！即叫即整等耐少少都值啊！下次仲會再食！撐小店，炸脾配兩個味粉正~值得一食的黃小店支持！

▫️炸脾 $32新鮮咁炸 拎上手既時候係熱辣辣😍枱面有好多調味粉可以落 但我地就咁食 已經好夠味！炸脾最重要係咩？係脆！！！真係超級酥脆🤤 咬落去真係卜卜聲～炸衣恰到好處 個人覺得佢唔算超油膩 雞髀肉又夠嫩🤤 and超大隻 超碼大過我隻手先😳佢係會有魔力令人一啖接一啖咁咬🤤本身以為會食唔晒點知完美ko😋 超好吃!!.由細到大都好鐘意食炸脾可惜附近都已經賣少見少🥲好耐無食過咁正既炸脾 超滿足的🍗雞脾除佐炸 仲可以簡滷水或者沙薑另外小店仲有其他小食可以加set🙆🏼‍♀️

屯門何福堂名物很德輝 雞脾由於太邪惡應該唔多機會再食生炸雞脾鬆軟 爆汁勁 juicy 沙薑脾好滑兩隻都唔會好咸咁大隻要三十幾蚊即製，即使唔多人我前面得兩個客都要等二十分鐘

店小小但做到出色食物就得！事先聲明本人唔算係炸髀愛好者，但另一半好鍾意，我就負責食兩啖。聽人講呢間小店區內好出名就去一試，間舖12點開門，今日做佢第一個客仔。因為晏d仲要食lunch , 就只單點左一隻炸髀。因為係即炸，當然要等，等左都有15-20 分鐘，但好野就係要等，一到手隻雞髀熱到食唔到，要抖五分鐘到先食得。皮超級脆！雞又唔會乾，仲好juicy! 好難得！加上個味調得幾好，又唔會太咸。佢放門口有好多唔同辣粉比客人自行落，我就落左香草辣，已經係最bb辣，相信又鍾意辣又鍾意炸髀既人一定鍾意！

難得做一次屯門牛，當然要是屯門好出名嘅生炸雞脾！當日去到附近嘅時候兜咗幾個圈都未搵到，但只要搵到垃圾站對面就係很得輝，但門面偏細。有套餐選擇，亦都有單點同其他野飲。🍗生炸雞髀+細薯條-Hkd42等咗差唔多15分鐘望住佢生炸，一拎到上手熱辣辣，枱面都有好多款唔同嘅辣椒粉，多手加咗最辣嗰隻（真心唔好亂加，辣到買野飲都唔掂🥵🥵🥵）講埋隻脾，個皮係麵包糠炸嘅嗰種脆，勁多肉汁（多到流到成手都係，企係條街食到勁狼狽），但好值得，因為唔似出面咁口講生炸，但實質翻炸😰2021年1月，很得輝開門做緊生意比人衝入鋪林左啲不明液體。你話唔係政治因素係咩？？？

呢間野在屯門區都頗有名氣，好多人排隊，佢招牌就係炸雞髀，終於有時間入屯門，今次同朋友一齊揸車去試。1️⃣炸雞髀即叫即炸，冇油膩感，外層脆卜卜，內層鮮嫩多汁，一咬即爆肉汁。最重要炸粉好薄2️⃣秘製蘑菇飯冇味，d飯未熟（生骨），唔知自己食緊咩總括嚟講，都係食佢地炸雞髀，夠穩陣😂，其他炒粉麵冇試到，下次有機會先再試。👉由於冇堂食關係，所以揸車去左空曠又冇乜人地方食。所以影相有啲樣衰，而且條街街燈唔夠光。

之前同事成日講話呢間嘅炸髀好出色，而媒體又有介紹過呢間，於是就試試佢嘅招牌炸髀同磨菇飯！炸髀+磨菇飯連飲品 $58炸髀睇落賣相已經好吸引，打開袋已到聞到好香，如果有得落調味粉就仲正！ 咬落去果然冇失望有驚喜，炸粉漿一啲都唔厚，仲有麵包糠，好嫩口，而且炸嘢嚟講唔算油！ 絕對唔會食到成個下巴都係油。磨菇飯方面，我就覺得食落冇網上嘅咁誇張，普通啲，同某連鎖快餐店嘅磨菇飯唔同味道，各有千秋。個人感覺呢款冇咁膩，主要味道係菇味+微偏咸，唔算話好濃郁，但都好食嘅。飲品方面就普通茶記質素。

睇人介紹就睇得多，但每次行過見到排晒長龍，就算有幾想食都會放棄啦！今晚9點幾經過竟然無人龍，食食食啦！佢原來有套餐可選擇，炸肶+飯、炸肶+薯條.......因為今晚已食過晚餐，所以最後就叫左炸肶+薯條外賣🥡回家慢慢嘆20分鐘嘅路程，返到去隻炸肶仍然好熱、好脆，佢用嘅炸漿同一般嘅炸肶唔同，好鬆脆，唔會食到油淋淋薯條係用左粗薯，一樣炸得好脆，（佢門口仲有好多調味粉比你選擇）個人始終覺得粗薯總比幼身薯條🍟好味嘅

做了屯門人咁多年都唔知這間店的存在，近日因疫情關係周圍發掘外賣店而發現這間。選擇了炸雞批及鹵水雞批，作為名物的炸批的確比鹵水出色，而且炸粉唔算厚，厚薄適中。鹵水汁比較淡，都是舊式鹵水店的比較好味，所以不建議大家選鹵水雞批。另外，今日也叫了即炒烏冬，比較普通，沒有驚喜，為填飽肚之選。總括來說，大家叫名物炸雞批就足夠。

本人係雞髀愛好者，。雖然等得有啲耐 但係值得食叫左個撈面加雞髀 都食到好滿足 轉登放假揸車去屯門食 附近又有得泊車 不過略厭雞髀無咩汁 加上嘢飲差少少 整體質素都唔錯 good

好耐冇試過出街食雞脾，因為搵唔到好食既鋪頭。朋友三番四次叫我去很得輝咬雞脾，盛情難卻地應約。店鋪位置離屯門市中心有一段距離，唔就腳的。但一去到發現有好多人排隊，而且周圍開滿枱，好多人正開餐。於是落街叫個雞脾套餐，配咖哩角，加埋好似約$50。咖哩角：我覺得一般，僅僅是童年回憶系列。炸雞脾：雞脾大細同市面上差不多，重點係附近有好多味粉俾客人調味，淮鹽同炸雞脾好夾，仲加埋辣粉，雙重享受。個人覺得呢個價位同配套唔抵食（貧窮限制了思想），當然自行試完再決定食唔食啦。

屯門何福堂附近呢間小店真係不得了！佢哋主打雞髀，以前淨係開夜晚，而家改咗中午12:30開，屯門牛買lunch又多個選擇！😋 A1餐：雞髀+燒汁炒烏冬 $62😋 雞髀+脆薯角+是日飲品 $42😋 雞髀（單叫） $32😋 香芋蕃薯波 4粒 $12以上係喺很得輝落單嘅幾款叫法，一次過示範畀大家睇🤪 雞髀可以喺滷水、沙薑同炸髀三款之中任揀，全部都係即叫即整，小店人手有限，所以可能要等耐啲。呢度嘅雞髀好大隻！未食落口淨係睇都好滿足😬 啲雞髀肉嫩滑得嚟又唔算好嫩滑，但好厚肉又唔乾身，啖啖肉汁！三隻雞髀之中，喺大眾心目中最出名應該係炸髀，炸髀嘅皮加咗幾多麵包糠，炸粉反而少，所以拎到返去先食甚至凍咗都仲好脆身😗 如果想無咁熱氣就可以試滷水或者沙薑，呢兩款因為無炸過，所以肉汁會更加豐富。個人覺得沙薑係三款之中最正，沙薑味好入味但唔太鹹，更加突顯出隻雞髀本身嘅鮮味😝 而滷水呢，一聞就覺得好大陣八角味，第一啖食落有啲鹹，但只要慢慢代入個角色去食，陣鹹中帶甜嘅滷水味又同隻雞髀幾夾！最正係拎到返去先食但都無浸到隻雞髀腍晒～燒汁炒烏冬無乜特別，好入味又唔太鹹，如果lunch嚟食叫份烏冬都飽肚啲🤓 脆薯角雖然話就話