徐記廚房(點心) (已搬遷) 新店位置

💛真係好耐好耐冇飲茶啦！ 因為良心點心小店真係好難搵！ - 🥖古法蛋散 ($2X) 1️⃣不得不提呢個隱藏餐牌，點心紙冇既蛋散！真係超鬆化到好誇張，外表平平，一咬鬆脆！常見蛋散都係偏硬身，好少有點心店做得咁好，必叫！ 2️⃣不過略嫌蜜糖唔夠，如果更多就正，但剩係口感都贏哂！ 👍🏻8.5/10- 🍞雪山叉燒包($24)聽講係呢到招牌之一，外皮酥香，少少脆，包同餡同比例岩岩好，唔會唔夠餡/太濃，熱辣辣出黎，超正！ 👍🏻8/10 🍮養顏紅棗糕($26)睇相都見到一層層超靚！紅棗清香，薑味比出邊平時食開既濃，口感超軟糯煙韌，正！ 👍🏻7.5/10- 另外其他點心例如煎釀虎皮椒、牛肉腸、鮮蝦菜苗餃都好正！有餡既點心都好足料，但唔推介香芒糯米卷，芒果少而皮比較厚。 但港式點心黎講呢到水準高服務好，又有人情味，必須支持！  

1.樓面員工不足2.外賣等候時間超過90分鐘3.內部溝通不足本身見佢吿急想去支持一下，見佢堂食排曬長龍，打算外賣啦，雖然知道點心外賣會無咁好食，但見佢係良心鋪頭就照殺啦，叫左幾個點心外賣翻屋企食，見佢咁多人，等半個鐘都預左，點解等左九個字都未有就翻去問下係咪漏左單，點知佢話仲有好多單等緊，之後有個姐姐話佢等左一個鐘都仲未有，咁我地唯有同收銀講話取消啦，收銀都話無問題。之後我地去第二度食，本身都諗住佢地多人姐都無諗太多，點解走左大半個鐘頭之後，佢地突然打嚟，話整好左。之後我同佢講話張單半個鐘前取消左啦喎，我地去左第二度食，之後佢仲要求我地去拎，之後我野都未講完，佢就cut左我線！又係你地櫃面話可以取消既，之後又要XXX客，咁樣做生意難怪你地要告急啦，希望你地可以改善一下你地呢三個問題！如果唔係告急都唔會救到你地好耐。。

雪山叉燒包  24元  2.5/5分味道是非常平庸無特別,但有一個超大的問題,就是完全不夠熱,微溫也稱不上,證明是一早做好,點單後就立即上菜。如果雪山叉燒包不夠熱,就不合格了,可惜。山竹牛肉球   20元   3/5分 "炎西"的味道蓋過牛肉本身的肉味,等了15分鐘左右就有算快,馬諦應該沒有,缺乏牛肉應有的咬口,只是合格的牛肉球,不算好食鳳爪排骨飯  29分  2/5分非常失色的鳳爪排骨飯,份量實在太小,豉油亦不足,整體味道較差,2分已經算多,因為平時鳳爪排骨飯20元已經有交易茶水費5元,這點有一個好大的問題,因為不是每張桌客人有茶壺,而是每位客人有1杯茶,當你飲完就要叫加茶,但今天剛好爆場,所以就缺乏人手,唉。受惠黃店效應,大家都紛紛過來懲罰,可是似乎小店的容客量能力不足,引致錯漏百出。固然值得體諒,只是味道沒有想像中好,價錢中等,又不是位於居所附近,所以可一不可再,希望黃店繼續加油~

想幾時食點心都得👍🏻 唔想早上/下午去酒樓飲茶先有得食點心？夜晚黎到呢度都有點心食！🥟上海小籠包小籠包外皮厚薄適中，肉非常入味！係湯汁可以再多啲，新鮮出爐熱辣辣，好滿足！🍞黃金流沙包冇影到一mit開爆流沙嘅相，因為已經食都食唔切喇，流哂啲奶黃出黎！好甜好滋味呀🤤🍚北菇滑雞飯雞質地好嫩滑呀！！熱辣辣超好深！最鐘意成盅蒸飯落好多豉油😋 問店員攞多啲豉油都冇問題😛🦑金牌咖哩土魷微辣，超香咖哩！越食越開胃，不自覺係咁食！魷魚爽口不會韌👍🏻重點：老闆娘超級健談同好人💛 嗰日去無乜客人，佢主動同我地傾計，仲送咗啲野食俾我地添！

其實點心，一直都係被低估既菜式，明明工序好多，但價錢便宜，相對點心師傅既人工都俾其他師傅低，所以亦令到好多點心師傅流失，好多點心手藝消失，但亞洲人又鍾意食點心，慢慢變成機整，90後可能唔覺有問題，但經歷過以前既香港，就會懷念當年既點心最重要係好難得食點心的鋪頭會見到連豬，見到店員有啲係外國人，有啲廣東話口味鬼鬼地，應該都吸開自由空氣雪山叉燒包其實都已經算係新式的叉燒包，外表脆脆地甜甜地，仲有爆饀的叉燒蝦餃皇/棉花雞合格的蝦餃，粉皮唔太粉，蝦饀足料，棉花雞都唔係太多地方有得食，大大舊雞肉，魚雞索哂雞汁的精華素布拉腸粉不得不說，好耐無食過又香米味，軟糯又滑既腸粉，就係咁出色的質感，人手即叫即拉才可以做出來，腸粉就應該係咁簡單好食芝士蝦春捲 / 黃金魚餅蝦卷即炸脆卜卜，加上芝士十分邪惡，而魚餅亦有驚喜，外層加上少少麵粉，炸出的效果真的有少少餅香，脆脆地有薄餅的感覺，然後鯪魚肉汁豐富灼時菜 / 小籠包最後比較普通的點心，小籠包可能已經食慣灌湯版本，所以驚喜不大

喺香港要食到好食嘅點心唔容易，而家大部分酒樓整點心，幾乎用機製作，多數都唔好食。呢間點心選擇唔算好多，但勝在即叫即蒸，人手製作，質素保持一定嘅水準，整體味道中上。菜單有中英對照，之前會有外國遊客幫襯。地方唔算大，環境幾乾淨，令我加分。📍雪山叉燒包 $24(7/10)外酥內軟，叉燒肥瘦均勻，唔會好濟。相比起平常食白色果隻，我比較鍾意雪山叉燒包。📍健康布拉腸（素）$22(8.5/10)我唔鍾意食叉燒腸因為有我討厭嘅芫茜，反而好鍾意食素布拉腸粉，不過唔係每一間都有。佢嘅素布拉腸粉晶瑩剔透，米香軟綿滑溜，再加啲甜豉油入口，唔會好鹹。📍北菇棉花雞 $29(7/10)棉花雞嫩滑，魚肚吸收咗鮮美嘅雞汁。📍芝士蝦春卷 $26(7/10)春卷炸得黃金鬆脆，油膩感唔會太重。📍上海小籠包 $28(6.5/10)肉汁可以多啲。📍徐記蝦餃皇 $30(6.5/10)味道不過不失，冇乜特別。📍蟹子燒賣皇 $29(7/10)餡料好足，豬肉同蟹籽嘅口感豐富。📍黃金魚餅 $25(8/10)煎得香脆，同埋啲點心嘅油份控制得幾好，食完唔會話好濟。

突然好想飲茶🥟，但係比較「良心」嘅選擇唔多，今次試下九龍嘅點心。1️⃣蟹子燒賣皇$29燒賣係我嘅飲茶必食！徐記嘅燒賣，表面有少少乾，仲好似有啲粉咁。入面係豬肉同蝦，味道ok2️⃣雪山叉燒包$24友人鍾意食哩款包，係佢嘅必食！如果你有食過「添xx」嘅同款包，會有啲失望🙈，因為佢無一種啱啱岀爐嘅感覺。雪山係有少少似墨西哥包嘅皮，徐記嘅非脆皮；而新鮮岀爐時應該係有種鬆脆感，可惜徐記嘅無，唔知係咪上層雪山唔夠厚🤔3️⃣健康布拉腸$22屬於我鍾意嘅軟糯質地，咬落去Q彈，份量多，但米味輕、豉油淡左啲4️⃣金牌咖喱土魷$38魷魚爽口🦑，雖然咖喱汁只喺表面，而非氾濫型，但魷魚係有味嘅；咖喱汁唔辣，碟底仲有有幾粒薯仔墊底，可惜薯仔吸唔到味5️⃣鮮蝦豆苗餃$29🥬哩款餃係一個清淡嘅選擇，餃入面嘅豆苗係近乎原條上，幾有咬感6️⃣鮮蝦腐皮卷$26小心‼️個卷入面係有芹菜㗎‼️由於我唔食芹菜嘅關係，我只係食左一件。腐皮卷表面比較油，皮薄而少鬆脆，有一層蝦肉喺入面7️⃣醬皇蒸鳳爪$26哩碟係比較香濃，亦係最熱辣辣🔥嘅一碟，上枱時仲有煙；鳳爪不至於「淋」曬，可以咬下，我覺得幾好【後記】🥢平日兩點幾黎，非繁忙時間，只有幾枱客，感覺好安心。因為好想喺

徐記廚房點心絕對係良心小店，老闆超好人，又親切，仲會請細路食嘢。所以平心而論，佢嘅質素雖然未必及得上對面嘅一點心，但係肯定更加值得大家去支持。上次幫襯已經係兩個月前，兩個人食，叫咗翠綠叉燒腸，鮮蝦腐皮卷，山竹牛肉，蟹子燒賣皇，鳳爪排骨飯，雪山叉燒包同潮州粉粿，當中最出色嘅係腐皮卷同叉燒包，前者脆卜卜好香口，後者大大個餡料飽滿🤤；另外，牛肉同腸粉都唔錯，前者有牛味冇落太多鬆肉粉，後者夾有一片片翠玉瓜好 fresh 👍；其餘幾樣嘢就正常味道。所有點心即叫即蒸，上枱時全部熱辣辣，呢度又有分加。食到尾聲，老闆娘忽然送上兩碗新研發嘅糖水，佢話仲未正式發售，想先聽取下意見。糖水主要材料係寒天或愛玉（我食唔出😂），蘋果粒，提子乾同白芝麻，有少少似重慶冰粉，唔太甜，味道好清香，我好鍾意。問老闆娘呢碗叫咩名堂，佢諗一諗就話：徐記甘露呀😆。

太子運動場道有好多專門食點心嘅小店咁岩見到呢間徐記門口咁大無畏唔使諗即刻入去啦講真呢排心情都相當鬱結好想做一啲野但係又唔知可以做乜嘢不過飯始終都要食點都要揀一間啱feel嘅地方講番間餐廳先地方唔算大但相當乾淨企理乾淨企理好似好基本但其實好多中式食肆都做唔到講番食物兩個人叫左七樣野包括棉花雞芝士蝦春卷釀尖椒鳳爪排骨飯馬拉糕蝦餃雪山叉燒包總括黎講大部份既點心都色香味全唯一要挑剔既係雪山包唔夠雪山🤣後記：掛住食，冇影哂所有食物😅

開係警局對面既黃店💛會唔會成日比狗搞😆我果日都問咗老闆娘，佢話宜家都久唔久過嚟量有冇1.5米，不過佢話同班狗都好（熟）所以應該都冇乜野😂餐廳主賣點心，佢話即叫即蒸🤔夜晚都可以繼續有點心食😂點心都係其中一種comfort food 🤟🏻夠晒chill😂-🐣 #醬皇蒸鳯爪 🐣（$21）鳯爪煮得夠淋身，食落充滿骨膠原🤟🏻比出面酒樓既好食🤔.🥟 #上海小籠包 🥟 （$28）唔係太夠汁🤔咬開咗之後吸唔到任何野😂少咗d樂趣🤔仲有唔係都夠熱😂.🦐 #翡翠鮮蝦腸 🦐 （$29）呢個有少少伏，腸皮太厚身😂蝦又好細隻，食落冇乜口感成個都幾失敗，要繼續努力🤔.🥠 #鮮蝦腐皮卷 🥠 （$26)新鮮炸出嚟，食落夠香口🥰幾中意個口感🤟🏻.🐥 #北菇棉花雞 🐥（$29）雞煮得好嫩身🤟🏻，冇牙婆都可以食入口🤔成份點心都好comfort food 既感覺🤟🏻總結來說 價錢平民 食物可以再改進多少少🤔-🎈 太子運動場道15號京華大廈地下1-2號舖平均傷害：$150好味值：6.5/10...

今次第二次嚟。我有時會突然好想食點心但只有我一人，加上唔想等位，就會諗起呢類點心專門店。呢間係我屋企人介紹，試過第一次，食物水準好，所以今日再幫襯。環境：小店，係地方細細，但樓面整齊衛生，佢哋盡量每枱唔放多餘野服務：如果你去過，相信你會被老闆娘親切笑容吸引，加上我一條友去，老闆娘好主動同我搭訕。其他員工都是靜靜工作，沒有像其他食店般高談闊論，讚食物：我點了菜苗餃、素鵝、棉花雞。材料新鮮，味道調味剛剛好，不太咸，至於油份控制正常，所以食得舒服，不會食完好滯那一種點心。當然，地方細，又full house, 會令人不敢在那裏hea;不過我屋企人同朋友試過hea ，老闆娘好Nice 話唔介意👍🏻總結，食點心我會再去😋

早餐如果唔想去茶餐廳的話一盅兩件絕對係不錯的選擇太子花園道附近的美食林立要係呢度生存絕對有不錯的質素朝早九點三十分度去到門口唔洗排隊 唔算多人 點心的種類繁多 店鋪細細但比起大酒樓的選擇有過之而無不及由於我地得兩個人所以可以點的數量唔算多我們就點了 流心奶黃包鮮蝦腐竹卷翠綠叉燒腸蟹籽燒賣標榜著即叫即蒸首先到的是奶黃包入面完全流質咁湧出來同埋真係熱到淥熟左隻手之後鮮竹卷皮脆蝦彈牙叉燒腸入面係翠玉瓜同叉燒雖然皮滑 但一夾就散晒燒賣就好足料同彈牙可能唔算多人食物都黎得快姐姐都nice 同係咁加水

太子剪完頭髮去食飯，無意見到間黃店點心，入去試吓！姐姐會俾點心紙你揀嘢食點心叫咗燒賣、叉腸、叉燒包、菜苗餃、尖椒、南瓜豬骨粥！腸粉超好食，皮薄餡靚，十分推介💛尖椒新鮮熱辣，好味，南瓜粥都唔錯！門口有文宣，但仲有一件好窩心嘅事！食飽去埋單...收錢姐姐：你有冇做嘢（返工）？我講笑咁問：無返工會平啲？姐姐：知道你哋辛苦，如果無返工嚟食就得（我諗佢想請小朋友食飯）我：我有返工，可以收錢㗎😊姐姐：咁可以平時帶啲小朋友嚟食吓㗎，食就得！知道佢哋好辛苦！我：好呀！姐姐多謝你！大家加油💛（聽到之後，個心好感動，無言感激，所以只好叫大家懲罰吓佢！抗爭中，大家都飽受折磨，每個人都好似姐姐咁各自爬山，各自為抗爭出力，相信光明始終有一日會重現）大家要支持吓💛💛

徐記廚房點心位於太子，門口有文宣結帳時老闆娘會送貼紙。⁣⁣🔸雪山叉燒包 $24/2個⁣熱辣辣香甜鬆化的外皮，蜜汁叉燒內餡肥瘦均勻。⁣———————————————————⁣⛳️ 徐記廚房(點心) (太子)⁣太子運動場道15號京華大廈地下1-2號舖⁣⏰星期一至日 09:00-00:00⁣

嗰日先諗住喺附近出名嘅點心店對面嘅點心店非常多人所以就到訪這間點心店呢間黃店點心值得推介新鮮熱辣又唔會好似出邊嗰啲整定先咁老闆娘係我哋準備買單嘅時候送糖水俾我哋環境又舒服地方又近地鐵站巴士站This dim sum restaurant have nice atmosphere to enjoy the dim sum with good quality the restaurant staff ate friendly in hospitality and hosting