御八築地 (已結業)

之前黎過呢間，覺得幾多人食，食物又夠新鮮，今日有小小時間，就黎個自私食，黎到同上次一樣，人氣都係甘勁，又係差唔多坐滿，人流甘高，食材一定新鮮，食日本野，新鮮的食材係最好重要，因為晏啲仲約左人食飯，所以就只係叫左個魚生拼盤同埋炸蠔壽司，簡簡單單放鬆一下，雖然餐廳接近坐滿，但係上菜速度都好快，可能我本身叫得唔多野食，唔洗15分鐘，叫的野食就已經上齊晒，野食上齊左，就梗係相機食先啦，大家睇下啲魚生幾新鮮肥美，認真不錯😋

今晚係上水收工，諗唔到食咩，上水附近都好多小店，經過呢間日本餐，門口企住好多人，心諗甘多人幫襯，應該都唔會差得去邊，另外又見佢有長長的三文魚壽司，好似好大件甘，就決定入去試下先。入到去間餐廳，坐滿甘滯，一坐低就叫左個三文魚壽司，呢款長長的三文魚壽司只係34蚊，有2件，啲三文魚超肥美好好食，除左呢個三文魚壽司，另外再加多左個火龍卷，呢個火龍卷即係炸蝦卷，炸蝦卷有小小干，可能加啲沙律醬會冇甘干，整體黎講都可以，下次再黎試下其他野食先

🦀 三文魚軟殼蟹卷今日落大雨，想叫個好食小小嘅外賣。三文魚🍣冇咩味道，感覺不太新鮮。入面嘅軟殼蟹炸到皮好硬..卷物入面就淋，一啲都不脆…唔知自己食咗啲咩。好耐都冇食過呢啲質素嘅食物🥹。

這道菜相當美味，令人垂涎欲滴。從圖片中可以看到湯品的湯底清澈透明，配上蔬菜和麵條，看起來充滿營養。而壽司盤上的各種壽司卷和生魚片也非常豐富多樣，顏色鮮艷，讓人看了就有食指大動的感覺。整個用餐環境看起來非常舒適，餐桌上擺滿了美食，讓人感到親切和放鬆。這樣的場景讓人感受到一種隨意用餐的氛圍，讓人心情愉快。這道菜的呈現非常吸引人，湯品的清澈底色和色彩繽紛的壽司卷相互輝映，讓人一口咬下去就能感受到豐富的口感和層次。湯品的清爽和壽司的鮮美組合在一起，能夠讓人享受到不同的風味和口感，絕對是一道讓人食指大動的美食。整體而言，呢個餐一場美味而愉快的用餐體驗。這道菜的呈現方式非常吸引人，不僅讓人垂涎欲滴，還讓人能夠在視覺上獲得滿足感。如果你是喜歡湯品和壽司的人，這絕對是一道讓你滿足的餐點。無論是在味道還是在外觀上，這道菜都能夠給你帶來美好的用餐體驗。

今日唔知點解好想食三文魚，但係附近又冇咩堂食平平地嘅日本野，搵搵下先發現左呢度。刺身餐配是日小食 ($90) 跟餐檸檬茶 (+$5)刺身種類好多，有魚有蝦有帶子同八爪魚，都算係幾新鮮。唯一我嫌佢個飯乾得濟。但係因為刺身好味，成個飯都食晒，仲有螺肉做前菜。辛辣牛腩鍋燒烏冬配炸餃子 ($68) 跟餐檸檬茶 (+$5)牛腩好淋身，雖然有1-2舊有少少韌，但overall 都okay，而且份量幾多，又好夠辣。兩杯檸檬茶仲都幾大杯添呀。兩個人加埋都係$168，以有刺身來講，我覺得都幾抵食。下次再試！

原本今日諗住去食拉麵 之後叫左碗肥牛拉麵原本都冇乜嘢 食食吓覺得有啲怪 啲牛有啲怪味 我諗住冇乜嘢就繼續食 結果返到屋企肚屙 去咗L6次廁所 唔想肚痾嘅話 千祈唔好嗌肥牛💩

行入上水唔知有咩好食，聽人講呢間係上水CP值高嘅日式餐廳，所以就來朝聖一下，不過假日夜晚真係好多人，係即場拎飛排隊嘅情況之下，我哋都等咗差唔多兩個鐘先至可以安排到入座，餐桌比較細，我哋叫咗一枱嘢食之後，發覺完全唔夠位擺我哋有叫呢度嘅名物火龍卷，上面鋪滿咗蟹子仲叫咗雜錦刺身：挪威三文魚、吞拿魚、赤貝、章紅魚、帶子、甘蝦、北寄貝、海膽、八爪魚、墨魚片，其實我有啲怕食海膽，因為我覺得佢會好腥，但係呢啲好新鮮，食落去有鹹鹹嘅海水味，包埋啲紫菜一齊食，正

平時放假出街都係出九龍港島食野，而今日係行完山好肚餓地去上水食晚飯。由於係星期六夜晚石湖墟附近都好多人等位，而呢間餐廳亦都好多人等位，都接近等了45分鐘先有位。因為太肚餓啦，所以都叫左好多野食。椒鹽雞軟骨 送酒一流燒雞泡魚乾 都係佐酒小食燒牛舌 我好鐘意食牛舌 好腍味道岩岩好雞翼餃子 好特別既餃子 入面加左菜肉係雞翼芝士芒果pizza 賣相好似一般 但其實pizza底幾特別 用手爪餅做餅底 再加芝士芒果焗成 食落有脆又軟既口感食日本菜唔小得緊係要食魚生拼盤啦 每款魚生都有3件 全部都好新鮮好厚肉 特別係海膽 好怕食到唔新鮮怕腥怕苦大大塊三文魚 係有6塊咁多呀

食完嘅時候老闆娘行埋嚟寒暄幾句，問吓好唔好食，佢話呢間舖頭已經係度屹立左17、8年，相信一定有啲料先可以做到咁耐😎👣值得科勞指數：🏃🏻‍♂️🏃🏻🏃🏻‍♀️🏃🏻‍♂️🍽秘製豬軟骨炒飯：好正，值得推介，調味啱啱好，又香又好味🍽鹽燒手羽：正常水準🍽香辣燒羊架：值得推介，燒得好嫩，十分惹味😋🍽吉列豬扒拉麵（食左一陣先記得影相🙈）：豬扒新鮮炸出，不過略嫌炸得太乾，拉麵一般水準🍽芒果三文魚卷：個樣虧左啲，不過味道不錯，正常水準

呢間日本餐廳已經食過幾次，性價比幾高嫁😆！今次又去呢度同屋企人食晚餐😊～🌟豬軟骨拉麵(地獄湯底)豬軟骨份量都幾多，煮得夠耐，d肉好入味，咸度適中，軟骨唔會好硬☺️～拉麵彈牙，冇煮到過淋，幾掛湯👍～雖然湯底叫地獄湯底，但都唔算超辣，仲 feel到香濃豬骨味😋！🌟日式魚生飯魚生款式幾多😚，有成6款，包括三文魚、八爪魚等等，d刺身夠厚切非常鮮甜😆！🌟火龍卷火龍卷係呢度嘅必點菜式🤩～有8件咁多！舖喺上面嘅蟹子非常多，口感爽脆😁！入面嘅炸蝦都好香脆，正👍！

今日同屋企人想去食壽司，咁我地都不約而由揀左御八。築地！係我地由細食到大既餐廳！🤩😍我地食日叫左三文魚刺身，壽司，天婦羅拼盤同埋火龍卷！！三文魚刺身好新鮮好大條好長好厚身！👍🏻一個字：好正🤩🤩❤️❤️壽司都好新鮮，同埋好足料👍🏻🤩都好食天婦羅拼盤👍🏻正，岩岩新鮮炸起，仲要唔會好厚粉，好似淨係食緊炸粉咁！好好食😍😍😍😍火龍卷都好好食👍🏻大碟夠抵食！！🤩一個字：推薦🤩🤩🤩🤩

去到上水，選擇日本野的餐廳唔太多，當然比較出名既其中都係哩間，晚晚都多人排隊，當然味道一定不及高級壽司店的好味。當晚用左約10分鐘時間排隊，唔算太耐，座位較逼，填紙仔點餐，份量都多，特別係三文魚刺身特別厚同大件，而三文魚壽司特別長，咁多款刺身壽司，三文魚最好味。佢的吞拿魚Turo 刺身，其實就係白玉豚魚，說明上有點差異吧，不過刺身整體都新鮮同大件。牛肉壽喜燒份量都多，菜底份量多而好入味，肥牛份量都多。價錢定位上唔算經濟，因為佢另外有加一收費。

以前喺大埔都有一間御八築地，當時食物非常高質。見到上水有所以就懷住興奮嘅心情嚟食，點知食物嘅質素令我哋有所失望。首先講吓個環境，入到嚟有種感覺唔太乾淨，光線又非常暗，連座位都坐得非常唔舒服。我哋想叫嘅灸燒壽司系列全部都冇，然之後我哋叫咗三文魚壽司，海膽墨魚等等。魚生唔多新鮮，但好彩我哋都冇叫太多。我哋再叫咗牛油果軟殼蟹卷同火龍卷。呢兩樣卷就都係普普通通，但對比起魚生壽司係叫正常發揮。其實我哋仲叫咗其他嘢食，包括蟹籽沙律、雞泡魚乾同牛油帶子。稍為出色嘅只係雞泡魚乾同牛油帶子。呢兩樣都要趁熱食，如果唔係又要失望而回啦！

日本菜 食過幾次 定食 拉麵 🍜烏冬 壽司🍣⋯⋯環境都開始唔掂 甘多年 其實好舊架啦Sofa都爛爛地之前食個石頭鍋海鮮烏冬真心 石頭鍋係將特別 好夠熱但份面既料少 又唔好食烏冬縮埋一嚿 隻青口….自己加以想像蝦🦐得一隻 其餘配料又唔吸引…

喺上水住左咁多年，第一次去食。今日去食午餐，叫咗個角切魚生飯，食完非常後悔。首先魚生份量係好薄好細， 擺面大塊少少，但都好薄，入面果d全部係肉碎。 最唔鍾意係飯面加左一大堆天婦羅炸粉，炸粉好大浸油益味，非常難頂。點解要咁做？睇落去靚d? 開胃d？又唔係丫，唔明囉。食完呢個午餐，成個下晝都有返陣油益味urgh返上來。